منو الاحسن شقق التمليك بالكويت او بمصر ؟!؟!

[كـــيـــــوت_25]

السلام عليكم و رحمه الله و بركاته

لاحظتوا بالايام الاخيره وايد اعلانات عن شقق تمليك بمصر اسعارها بحدود 4800 الى 10.000 دك


وايد مدحوها لي و يقولون اسعار الشقق بمصر بجم شهر تطييييييير فتصلح للاستثمار


و بعضهم خوفوني منها لإن على قولتهم ان اكثر الشركات العقاريه هناك نصابين و هذا السعر بدون


تشطيب و بعضهم بمناطق تكون شوي بعيده او شقق صغيره وما تتأجر بسهوله ووووالخ




فحبيت استفيد منكم



لإن اذا باخذ بالكويت فالشقق ما تقل عن 15.000دك يعني ضعف مصر 3 مرات



و المثل يقول مـد ريولك على قد لحافك .. لوووووووووول




فإشراااايكم ؟؟



و لا تحرموني من افكاركم و مشاركتكم



اختكم : كيوت ​

 

[Master-Leo]

وعليكم السلام كيوت

شرايج بالأحسن من الكويت ومصر ....

ليش ماتاخذين في رأس الخيمه أو عجمان

شفتي شلون دبي والشارقه عقب ماكانت أسعارهم على

10 آلاف الحين صاروا 30 و 50 ألف وأغلى بعد

رأس الخيمه مبلشين فيها مشاريع ضخمه وجميلة وأتوقع

خلال 3 سنوات بتصير مثل دبي ان شاءالله فاللي يحب

يستثمر حاليا البيوت هناك بحدود 10 - 20 ألف حسب الموقع

تخيلوا بعض المواقع صوب البحر 900 أو 1000 متر مساحتهم

ينباعون اب 18 ألف دينار كويتي يعني بلااااااااااااااش

فكري في الامارات أفضل بكثير من الكويت ومصر بالتوفيق

 

[Solid_investor]

التأجير بمصر مو شي المؤجر مايطلع الا بهدم العمارة ...و القوانين غير مرنة

مثل ماقال الاخ كنغ انصح بالتوجه الى الامارات الشارجة أو عجمان والأفضل راس الخيمة ...الاسباب:

-> حكام الامارة جادين في تطوير الامارة و اللحاق بدبي
-> المشاريع فيها قوية و ضخمة حاليا بس في 6 الى 7 مشاريع ضخمة في قيد الانشاء هذا عدا اللي يايين بالطريج . الجماعة عندهم مشاريع وخطط لغاية سنة 2025 !! في مشروع أكبر حديقة مائية في العالم مع ثيم بارك سيبدأ قريبا
-> طبيعة الامارة تشجع فيها جبال و مناطق زراعية و شواطيء حلوة
-> قوانينهم مرنة جدا وتشجع المستثمر وهناك تملك حر في مناطق المشاريع
-> أسعار الأراضي و البيوت مازالت في متناول اليد

الله الموفق

 

[سناعيس]

شلج فى مصر وبلاويها
الكويت والخليج مليون بالميه اضمن

 

[مستثمر صغيرون]

اتوقع الكويت افضل

 

[سهم مرتاح]

شقه بمصر تشتريلج بيت بالسعوديه وتاجرينه
لا وقريب من يم الكويت
حفر الباطن او الخفجي ..المثلثات الدوليه

 

[نيويورك]

وجهة نظري :
الشقق الرخيصه اللي ذكرتيها مليون بالاميه مواقعها سيئه .. لأن بمصر الشقق الزينه اسعارها غاليه .. و الاستثمار فيها جيد .. انا تابعت احد الاعلانات اللي يبيع الشقه بمصر ب 4000 دينار و اكثر .. و سافرت و شفت مواقعها لقيتها في موقع تعيس جدا .. و اغلبها نصب و احتيال بالاعلان و الاغراء .. و الواقع شي ثاني ..
و في حال شراء شقه في مصر ..و متوسط اسعار الشقق الزينه تقريبا حسب ما انا شفت بنفسي مو أقل من 25 الف دينار كويتي بمدينه نصر 280 متر مثلا الى 70 الف دينار كويتي في المنيل شقه 400 متر على النيل .. فهناك بصراحه مضايقه للخليجيين .. يعني القصد ..فيه مبلغ يندفع حق اتحاد الملاك لخدمات الاصانصير و الصيانه و النظافه و الحراسه .. و مبلغ سنوي اسمه عوايد او ضرائب .. التلفون .. الكهرباء و الماء .. الغاز الطبيعي .. و المضايقه تكون بأن عامل التلفون مثلا يستهبل بمراجعه الساكن اكثر من مره علشان البقشيش .. العوايد تندفع بمقابل بقشيش .. و غيره و غير .من توكيل محامي للتسجيل .. و لازم يكون محامي ثقه ..و لازم المحامي يتأكد من الارض للبناء و ليست زراعيه و ترخيصها وهمي .. و يتأكد من ملكية الارض و الشقه للبائع .. و توثيق جزء من الارض مشاع لصاحب الشقه و طبعا تمليك الشقه و ان لا يوجد نزاع قائم على الشقه من ورثه او شركاء .. و عدم مخالفه البناء .. و يرفع دعوى صحه توقيع .. .. و غيره ..و طبعا هناك السماسره سفاحين .. و احيانا استهبال اتحاد الملاك بطلب تعديل مثلا مدخل العماره او الحراسه أو أوو .. و الكويتي عندهم كنز يعتقدون انه فرصه لشفط الفلوس .. ( قد تكون المبالغ بسيطه مقابل فرق العمله و لكنها تظل مصاريف اجباريه ) ..و احيا تسلم الشقه على الطابوق الاحمر .. يعني بدون تشطيب .. بحجة اختيار المالك لنوعية التشطيب .. و يبتدي التعامل مع العمال و المشتريات بشكل غير بسيط ..
القصد .. بمصر صعب متابعة الشقه بالنسبه للخليجي و مصاريفها .. و تكاليف السفر .. الا اللي متعود على مصر و يعرف يتعامل معاهم .. او اللي بيدرس هناك مده طويله .. او يتردد وايد .. و مع هذه السلبيات فان الاستثمار عندهم ناجح في حال توافر ما ذكرت .. مع العلم بأن الجنيه ضعيف و في حالة نزول .. و هني نقول ماكو فايده .. مثلا شريت شقه ب 400 ألف جنيه و كان الدينار يقابل 15 جنيه .. و ارتفعت قيمه الشقه و صارت مثلا 500 ألف جنيه .. لكن الدينار يقابل تقريا 19 جنيه .. ما سوينا شي !!

في الكويت .. الاستثمار ناجح نوعا ما .. كافي ان الاجراءات و التوثيق واضح عند كاتب العدل .. و اسعار الايجارات واضحه .. و العقار تحت نظري ..و لكن احيانا يكون بنفس القيمه مثلا 24 الف تكون الشقه صغيره جدا .. و احيانا تكون في مناطق غير منظمه او مزدحمه مثل المهبوله او الفنطاس .. و لكن بشكل عام الاستثمار جيد

اما في دبي او الشارقه .. او مثل ما تفضلوا الاخوان براس الخيمه الاستثمار ناجح جدا و لكن يحتاج صبر .. و ممكن يتضاعف المبلغ المدفوع .. و يفضل السفر و المعاينه المباشره او تكون شركه ثقه ..و ان كنت افضل الشارقه لاسعارها المعقوله و مستقبلها القريب .. و قربها من دبي ( فرق شارع ) مقابل دبي اللي اسعارها عاليه مقابل مساحات صغيره ..
من ثلاث سنوات قيمة الشقه 29 ألف دينار مثلا في دبي .. اليوم سعرها في حدود المليون درهم .. لأن مدن جديده خياليه ستظهر مثل دبي لاند و غيرها ..

النتيجه : الاستثمار بالكويت جيد .. في الامارات ممتاز .. في مصر جيد للي يعرف لها


كل ما ذكر يعبر عن وجهة نظري الشخصيه حسب خبرتي القليله بخصوص الشقق فقط .. و قد يتفق او يختلف مع الواقع حسب وجهة نظر اخرين .. و الله أعلم

 

[كـــيـــــوت_25]

وعليكم السلام كيوت

شرايج بالأحسن من الكويت ومصر ....

ليش ماتاخذين في رأس الخيمه أو عجمان

فكري في الامارات أفضل بكثير من الكويت ومصر بالتوفيق

هلا بكنج المنتدى

و الله صاج انا اش لي بمصر ؟!؟!؟

شكلي راح افكر بالامارات

شورتك و هداية الله ​

 

[كـــيـــــوت_25]

التأجير بمصر مو شي المؤجر مايطلع الا بهدم العمارة ...و القوانين غير مرنة

مثل ماقال الاخ كنغ انصح بالتوجه الى الامارات الشارجة أو عجمان والأفضل راس الخيمة ...الاسباب:

-> حكام الامارة جادين في تطوير الامارة و اللحاق بدبي
-> المشاريع فيها قوية و ضخمة حاليا بس في 6 الى 7 مشاريع ضخمة في قيد الانشاء هذا عدا اللي يايين بالطريج . الجماعة عندهم مشاريع وخطط لغاية سنة 2025 !! في مشروع أكبر حديقة مائية في العالم مع ثيم بارك سيبدأ قريبا
-> طبيعة الامارة تشجع فيها جبال و مناطق زراعية و شواطيء حلوة
-> قوانينهم مرنة جدا وتشجع المستثمر وهناك تملك حر في مناطق المشاريع
-> أسعار الأراضي و البيوت مازالت في متناول اليد

الله الموفق

شكرا على المشاركه

و فعلا شكلي راح افكر جد بالامارات ​

 

[كـــيـــــوت_25]

شلج فى مصر وبلاويها
الكويت والخليج مليون بالميه اضمن

اي و الله تصدق ما ادري اشفيني ؟!؟!

مطقوقه على راسي أهــد الخليج و اروح مصر ؟!؟! ​

 

[كـــيـــــوت_25]

اتوقع الكويت افضل

اي والله المفروض خيرنا بديرتنا

بس بصراحه انا راح افكر يا الامارات او بديرتي

و شكرا على اقتراحك

 

[كـــيـــــوت_25]

شقه بمصر تشتريلج بيت بالسعوديه وتاجرينه
لا وقريب من يم الكويت
حفر الباطن او الخفجي ..المثلثات الدوليه

بيت بالسعوديه ؟!!؟!

هذا يصير بـحـدود جم تقريبا ؟!؟



و انزين لا تضحك علي ... بس شنو المثلثات الدوليه ؟!؟!

 

[كـــيـــــوت_25]

وجهة نظري :
الشقق الرخيصه اللي ذكرتيها مليون بالاميه مواقعها سيئه .. لأن بمصر الشقق الزينه اسعارها غاليه .. و الاستثمار فيها جيد .. انا تابعت احد الاعلانات اللي يبيع الشقه بمصر ب 4000 دينار و اكثر .. و سافرت و شفت مواقعها لقيتها في موقع تعيس جدا .. و اغلبها نصب و احتيال بالاعلان و الاغراء .. و الواقع شي ثاني ..
و في حال شراء شقه في مصر ..و متوسط اسعار الشقق الزينه تقريبا حسب ما انا شفت بنفسي مو أقل من 25 الف دينار كويتي بمدينه نصر 280 متر مثلا الى 70 الف دينار كويتي في المنيل شقه 400 متر على النيل .. فهناك بصراحه مضايقه للخليجيين .. يعني القصد ..فيه مبلغ يندفع حق اتحاد الملاك لخدمات الاصانصير و الصيانه و النظافه و الحراسه .. و مبلغ سنوي اسمه عوايد او ضرائب .. التلفون .. الكهرباء و الماء .. الغاز الطبيعي .. و المضايقه تكون بأن عامل التلفون مثلا يستهبل بمراجعه الساكن اكثر من مره علشان البقشيش .. العوايد تندفع بمقابل بقشيش .. و غيره و غير .من توكيل محامي للتسجيل .. و لازم يكون محامي ثقه ..و لازم المحامي يتأكد من الارض للبناء و ليست زراعيه و ترخيصها وهمي .. و يتأكد من ملكية الارض و الشقه للبائع .. و توثيق جزء من الارض مشاع لصاحب الشقه و طبعا تمليك الشقه و ان لا يوجد نزاع قائم على الشقه من ورثه او شركاء .. و عدم مخالفه البناء .. و يرفع دعوى صحه توقيع .. .. و غيره ..و طبعا هناك السماسره سفاحين .. و احيانا استهبال اتحاد الملاك بطلب تعديل مثلا مدخل العماره او الحراسه أو أوو .. و الكويتي عندهم كنز يعتقدون انه فرصه لشفط الفلوس .. ( قد تكون المبالغ بسيطه مقابل فرق العمله و لكنها تظل مصاريف اجباريه ) ..و احيا تسلم الشقه على الطابوق الاحمر .. يعني بدون تشطيب .. بحجة اختيار المالك لنوعية التشطيب .. و يبتدي التعامل مع العمال و المشتريات بشكل غير بسيط ..
القصد .. بمصر صعب متابعة الشقه بالنسبه للخليجي و مصاريفها .. و تكاليف السفر .. الا اللي متعود على مصر و يعرف يتعامل معاهم .. او اللي بيدرس هناك مده طويله .. او يتردد وايد .. و مع هذه السلبيات فان الاستثمار عندهم ناجح في حال توافر ما ذكرت .. مع العلم بأن الجنيه ضعيف و في حالة نزول .. و هني نقول ماكو فايده .. مثلا شريت شقه ب 400 ألف جنيه و كان الدينار يقابل 15 جنيه .. و ارتفعت قيمه الشقه و صارت مثلا 500 ألف جنيه .. لكن الدينار يقابل تقريا 19 جنيه .. ما سوينا شي !!

في الكويت .. الاستثمار ناجح نوعا ما .. كافي ان الاجراءات و التوثيق واضح عند كاتب العدل .. و اسعار الايجارات واضحه .. و العقار تحت نظري ..و لكن احيانا يكون بنفس القيمه مثلا 24 الف تكون الشقه صغيره جدا .. و احيانا تكون في مناطق غير منظمه او مزدحمه مثل المهبوله او الفنطاس .. و لكن بشكل عام الاستثمار جيد

اما في دبي او الشارقه .. او مثل ما تفضلوا الاخوان براس الخيمه الاستثمار ناجح جدا و لكن يحتاج صبر .. و ممكن يتضاعف المبلغ المدفوع .. و يفضل السفر و المعاينه المباشره او تكون شركه ثقه ..و ان كنت افضل الشارقه لاسعارها المعقوله و مستقبلها القريب .. و قربها من دبي ( فرق شارع ) مقابل دبي اللي اسعارها عاليه مقابل مساحات صغيره ..
من ثلاث سنوات قيمة الشقه 29 ألف دينار مثلا في دبي .. اليوم سعرها في حدود المليون درهم .. لأن مدن جديده خياليه ستظهر مثل دبي لاند و غيرها ..

النتيجه : الاستثمار بالكويت جيد .. في الامارات ممتاز .. في مصر جيد للي يعرف لها


كل ما ذكر يعبر عن وجهة نظري الشخصيه حسب خبرتي القليله بخصوص الشقق فقط .. و قد يتفق او يختلف مع الواقع حسب وجهة نظر اخرين .. و الله أعلم

بــــصـــــرااااااااحـــــه


أحرجتني بردك وشرحك المفصل

يزاااااااااااك الله ألــف ألــف ألــف خـــيـــــر


و صـاج مصر يبيلها احد يفهم لسوالفهم و بلاويهم و طرق نصبهم

و انا ويـــــن و لويـــه مصر ويـــن !!

و الشارجه اقتراح اكثر من رااائــــع راح اخــذه في الحســبــان

مشكور ما تقصر


و شكرا لكل اخواني الي شاركوني اقتراحاتهم بهالموضوع ​

و

 

[سليمان]

مصر الاستثمار فيها زين بس احس ان الطيور طارت بارزاقها في القاهرة والاسكندرية .... عندج الحين منطقة زينة للاستثمار وتشترين فيها شقة وهي مرسى علم ... راح اتكون احسن من شرم الشيخ ... عموما الشقق فيها الحين على 270-300 الف جنيه

على فكرة الاستثمار في مصر يكون عند بيع العقار مرة ثانية وليس الايجار لانه اذية

وبالتوفيق

 

[((بن حسين))]

بصراحة مصر حلاتها بس اتقدين بالفنادق

أنا فكرت فكرتج وخذيت شقة على الاسود وقمت مسكتها حق مهندس صديق وماطل بتشطيبها سنة ونص.. وآخرتها تهاوشت وياه والسبب طلع حرامي ويشطب بعد على كيفة وقمت بعدها كسرت كل اللي سواه ورديت شطبت من جديد
وسويتها تشطيب 5 نجوم علشان احس كأني قاعد بشقة فندقية انا وعائلتي وبعد 3 سنوات من شراءها جابت لي 3 اضعاف ثمنها وما افكر ابيعها لاني تعبت وايد فيها

لكن مع ذلك اذا نزلت فترات قصيرة انزل بالفنادق لكسر الروتين

وبالنسبة لج ما انصح تشترين لان المصرين لهم حركات يبوجون الكحل من العين على بو انه شطارة

 

[كـــيـــــوت_25]

شكرا سليمان

شكرا KSE Ambulance

انا خلاص صرفت نظر عن مصر

شكلي يا الامارات

يا احط خيري بديـرتـي​

 

[سليمان]

بالوفيق اختي

على فكرة شرينا ارض في عمان يم صلاصة من سنة واشوي والحين يايبه 50% فوق سعرها ... بس لا تشترين الاراضي الرخيصة جدا ترا يبيلها صبر طويل

 

[كـــيـــــوت_25]

ما عليك امر اخوي سليمان بجم الارض الي شريتها و مساحتها ؟؟

 

[فراموش]

انا لو يعطيوني شقه بلاش بمصر ما اخذها

عموما مثل ما قالوا الاخوان

عندج الامارات الاستثمار فيها وايد حلو

وعندج انا شريت شقه بالامارت تقريبا 18 الف كويتي

من قبل جم سنه والحين بعتها 32,5 الف

الحمد لله والشكر على كل حال

والحين مفكر اخذ ارض براس الخيمه

أو اخذ شقه بالكويت

وشكرا

 

[al_kuwait]

الاخت الفاضله كويت

النصيحه اليوم بفلوس كره بلاش وانا عندي كله بلاش .

انا اقول الكويت افضل في المتاجرة صج انها سعرها غالي بس افضل بوايد
لانه مصر غير اشتثماريه لانها بعيدة عن شقق السياحية .
وهذا راي انا وانتي حرة .