عاجل: كادر القطاع النفطى بأثر رجعى

[المستثمر الراكد]

مبروك لموظفى القطاع النفطى

أمر وزير النفط بتشكيل لجنة برئاسة سعد الشويب لمتابعة تنفيذ كادر الخدمة المدنية لموظفى القطاع النفطى و ذلك بأثر رجعى

هذه المسج وصلتنى بدون تفاصيل .

 

[بانوراما]

عاد الله والكادر حده مو شي


الزياده بسيطة حسب ما وصلنا​

 

[kandaaa]

توني كنت بمهرجان جمعية المهندسين (كفايه تعسف) والذي كان ناجح من كل النواحي من الجمهور والتمثيل النيابي وتم التطرق الي موضوع اللجنه المشكله لتطبيق الكادر واكد النواب بان التطبيق واجب علي الوزير ويجب احترام قوانين ديوان الخدمه وراي الفتوي والتشريع وان اي محاوله للمماطله سوف تواجه من قبل النواب بشده وكلنا نعرف اسلوب اللجان في الكويت (لجنه ببطن لجنه وماكو قرار).

 

[nawaf52]

نبي الزيادة مو الكادر الكادر حق فئة معينة بس الزيادة للكل .

 

[خبير النفط]

السلام عليكم فى كل الدراسات الى تمت الكويتيين فى القطاع النفطى يتقاضون اقل من اقرانهم فى دول التعاون والدراسه السابقه تقول ان الهندى فى قطاع النفط فى البحرين يتقاضى اكثر من الكويتى فى الكويت والكل يدرى ان انتاج النفط فى البحرين لاشىء يذكر

 

[hassankoc]

الله يبشركم بالخير
والله مثل ماذكرو الأخوان ادني الرواتب بالقطاع النفطي لدول مجلس التعاون الكويت ولا بالأخص الكويتي
اذا كانت يحتجون بالكلفه ليش مايخصونها للكويتي فقط والله يطلع مبلغ مايذكر

المهم عطونا الأخبار الأكيده والمقربه من الوزير

 

[xnet226]

1.دوام 8 ساعات من 7 الصبح لين 3 الظهر و لازم قبل و بعد الدوام بنص ساعه طريج.

2.مطلوب من الموظفين قرارات و اذا كانت غلط اتصير كارثه و محاسبين عليها. للاسف يطالبون بارخص العقود والمناقصات. ينعكس طبعا هالشى على جوده العمل و شروط السلامه. مايصير اتقلص سعر المناقصه و تطلب افضل مواد و شروط سلامه 100%!!!

3. اكثر الموظفين حياتهم العائليه تعبانه. انشغال الموظف طول اليوم و يتأخر الى الساعه 7 المغرب يضعف العلاقات العائليه. طبعا المسؤولين ما احساس.

4.جمود وظيفى بقطاع حساس. و تكدس شديد.

5. اتمنى من الوزير ازاله جميع الموظفين اللى طافو 20سنه مو 30 لاحلال دماء جديده. اللى قاعد يصير مجازر بحق طاقات شابه بسبب طاقات انتهت صلاحيتها القانونيه والحياتيه.

 

[ahmad2]

على ما اعتقد ان القرار حق المهندسين اللى بالقطاع النفطى ، لأن قانون

الخدمه المدنيه لما اقر كادر حق المهندسين بالدوله ما شمل المهندسين

بالقطاع النفطى والحين يطالبون بالكادر بأثر رجعى .

 

[MIAMI]

الزيادة

مسألة الزيادة سواء للكوادر او القطاع ككل هي مرتبطه ببند موجود بالاتفاقيه الموقعه بين اتحاد البترول ومؤسسة البترول عام 2003 ,لما أقروا مسألة توحيد الدرجات بين شركات القطاع النفطي وزيادة الرواتب والبند يقول انه يجب مراجعة الرواتب كل ثلاث سنين والعمل على مناقشتها وزيادتها, ولذلك اتوقع وبشكل كبير ان الزياده راح تكون للقطاع ككل بغض النظر عن كادر المهندسين والمحامين والمحاسبين لانهم مافرقوا بالزياده الاولى وعاملوا الموظفين بنوع من المساواه وكانت الزياده للراتب الاساسي فقط. والزيادة اللي اقروها مؤخرا للراتب الاساسي والعلاوه الاجتماعيه هدفها تخفيض التكلفة الكلية للزيادة لان الاجانب مايستحقون العلاوة الاجتماعية.

 

[Abdullah Alhajeri]

الله يبشرك بالخير

 

[ضرغام]

طايحه بجبودهم القطاع النفطي
توهم معطينهم مكافات
محظوظين

 

[ابو غانم]

ياخي موظفين النفط مظلومين معاشاتهم ضعيفه لازم زيدة .

اللي معاشاتهم قويه اللي في وزارة المواصلات والصحة والتربية

 

[Ali Baba]

لاقينه مقصه .... الكادر حق موظفي وزارة النفط مو الشركات

موظفيين الشركات زياده 10% على الاساسي و 10% على العلاوه الاجتماعيه

الي مشدق دينصووور اهو المستفيد اما الشباب ... ذبح رووحه 25 دينار

ويييني واحد مثل اخونا لضرغام يقولي محظوظين ...

يالحبيب دوام شفتات 2 صبح 2 عصر و 2 ليل تطلع اليوم آخر ليل تنام بالبيت تقووم العصر .. لازم تنام امبجر علشان تقووم الصبح ثاني يوم عشان عقب باجر تداوم (( الزبده عيشتك كلها تضبط حالك على الدوام )) وغير العيشه بين البايبات والريحه المعفنه ولا بعض الاماكن توصل درجة الحراره فيها 300 وفووق ... والشباب عايشيين داخل قنبله ... وهذا يقووول توهم معطينهم زياده ... هديه اساسي ونص ما طلعت الا لمن وصل سعر البرميل 50 دولار وفوق

خلها على الله

ولاا ازيدكم من الشعر بيت تذاكرنا على مصر مو لندن

 

[kandaaa]

اليكم قرار ديوان الخدمه و رد الديوان علي المؤسسه

 

[((بن حسين))]

الله يرزق الجميع ويبارك بالرزق​

​

 

[شرياص العديلية]

عاد الله والكادر حده مو شي


الزياده بسيطة حسب ما وصلنا​

اي صح بسيطة

من 250 الى 900

لا بسيطة ..

طبعا الزنكلوني مو مصدق هالكلام ,,

عادي بسيطه

 

[lateeye]

الله يكفي الكويت واهلها من الحسد

 

[ضرغام]

عاد الله والكادر حده مو شي


الزياده بسيطة حسب ما وصلنا​

اي وانت الي صاج بسيطة جدا بالنسبة لهم
لان راتب الواحد فيهم فوق 1700 دينار 250 موعاجبتهم
يبون فوق ال700
المشكلة موظفين الدولة متحسرين عليهم ب50 دينار
ويقولون حسد المشكلة ياريت احسدهم او ينفع فيهم
محظوظين

 

[ضرغام]

1.دوام 8 ساعات من 7 الصبح لين 3 الظهر و لازم قبل و بعد الدوام بنص ساعه طريج.

2.مطلوب من الموظفين قرارات و اذا كانت غلط اتصير كارثه و محاسبين عليها. للاسف يطالبون بارخص العقود والمناقصات. ينعكس طبعا هالشى على جوده العمل و شروط السلامه. مايصير اتقلص سعر المناقصه و تطلب افضل مواد و شروط سلامه 100%!!!

3. اكثر الموظفين حياتهم العائليه تعبانه. انشغال الموظف طول اليوم و يتأخر الى الساعه 7 المغرب يضعف العلاقات العائليه. طبعا المسؤولين ما احساس.

4.جمود وظيفى بقطاع حساس. و تكدس شديد.

5. اتمنى من الوزير ازاله جميع الموظفين اللى طافو 20سنه مو 30 لاحلال دماء جديده. اللى قاعد يصير مجازر بحق طاقات شابه بسبب طاقات انتهت صلاحيتها القانونيه والحياتيه.

اي واحد مو عاجبه الدوام يستقيل
او يدق علي علشان انتبادل بالوظائف

 

[ضرغام]

لاقينه مقصه .... الكادر حق موظفي وزارة النفط مو الشركات

موظفيين الشركات زياده 10% على الاساسي و 10% على العلاوه الاجتماعيه

الي مشدق دينصووور اهو المستفيد اما الشباب ... ذبح رووحه 25 دينار

ويييني واحد مثل اخونا لضرغام يقولي محظوظين ...

يالحبيب دوام شفتات 2 صبح 2 عصر و 2 ليل تطلع اليوم آخر ليل تنام بالبيت تقووم العصر .. لازم تنام امبجر علشان تقووم الصبح ثاني يوم عشان عقب باجر تداوم (( الزبده عيشتك كلها تضبط حالك على الدوام )) وغير العيشه بين البايبات والريحه المعفنه ولا بعض الاماكن توصل درجة الحراره فيها 300 وفووق ... والشباب عايشيين داخل قنبله ... وهذا يقووول توهم معطينهم زياده ... هديه اساسي ونص ما طلعت الا لمن وصل سعر البرميل 50 دولار وفوق خلها على الله

ولاا ازيدكم من الشعر بيت تذاكرنا على مصر مو لندن

والله النوم مبجر زين الصحه
واذا وصل البرميل 50 او60 شنو بسالي يشتغلون بالنفط كويتين ويحق لهم الزيادة بالراتب على اساس زيادة اسعار البرميل