اعلان السوق @@ وملاحظة الجمان @@

[eTjahat]

كتبت في احد المنتديات موضوع عن مدير السوق وقلت عندي
ادله ومستندات تثبت انه غير قادر على تحمل المسؤوليه
وسبحان الله
بعد كلامي بجم يوم
انهالت الجرايد على السوق وادارته
صحيح ايام صعفق ماكانت ايام افلاطونيه
ولاراح تكون
لكن كانت افضل بكثير
على الاقل كانت كلمته مسمار بلوح
واذكر اجتماعه مع مدراء مكاتب الوساطه يوم قالهم بالحرف الواحد
مافي خصومات ومن عنده اعتراض يقوله اهني بالاجتماع
ولا احد بطل لسانه وقال اي انا عندي اعتراض
كلهم ابتسموا وطلعوا من دون اي انزعاج
بم فيهم صالح السلمي الي كان يمثل مكتبين بالسوق
تابعين لمجموعة البحر

قبل شوي دخلت منتدى الجمان وقريت لهم موضوع في
غاية الخطورة وملاحظه في غاية الاهميه
شوفوا هالصوره الي تعبر عن كلام الجمان
وانا من مؤيدي كلامهم وملاحظتهم

eTjahat​

 

[البواردي]

والله كلام سليم 100% وفعلاً خطير بعد
هذا مثل لمن اسأل واحد اقوله جم اللي في مخباتي ويقولي اكثر من دينارين
بجذي خلاها عايمه وما حدد وبنفس الوقت قال الصحيح

 

[boalons]

خلها على الله

لا من البورصه ولا من الشركات

في موضوع امس كتبته عن تصريح لفاطمه البدر الرئيس التنفيذي بالمباني تقول فيه ان ارباح الربع الاول اكثر من العام السابق ؟

وشفنا الاعلان اليوم شلون يفشل , لكن اهي عومتها قالت الارباح اكثر بس ماقالت راح نعلن اكثر !! الي بيحاسبها بتقوله صحيح ربحنا اكثر لكن رحلناهم

 

[eTjahat]

سؤال واحد بس من يحاسب السوق ؟
كلنا شفنا التمييز على توقيف الشركات في وقت من الاوقات
وكلنا قاعدين نشوف هالسستم التعيس وصفحة السوق على
الانترنت الي كلها تاخير وبطء ومشاكل

بس قولوا لنا من يحاسب السوق ؟

eTjahat ​

 

[خبير النفط]

نفس الحجى عن عقود المخازن ومبالغها احد سأل عن العقود الى انتهت او تجددت كم كانت مقارنه مع ما تم نشره
اما بالنسبه للرابطه احتمال الترجمه غلط لان الرابطه عربيتهم ركيكه اشوى او الى مترجم الى عربى باكستانى من السواقين البلوش او الباتان يمكن يقصدون مينيمم 100 مليون