صايره موضه هاليومين ...............

[صقرالبحر]

صايره موضه هاليومين يعلنون عن بيع حصه من الشركه او البنك باسعار عاليه ويرفعون السهم 50%
ويلمون فلوس الناس وبعدين يقولون هونا

منها البنك التجاري والاهليه للاستثمار مع غلف انفست

صج وناسه وملايين سهله جدا جدا
وماياكلها الا ...... مع احترامي


تحياتي

 

[c200]

صايره موضه هاليومين يعلنون عن بيع حصه من الشركه او البنك باسعار عاليه ويرفعون السهم 50%
ويلمون فلوس الناس وبعدين يقولون هونا

منها البنك التجاري والاهليه للاستثمار مع غلف انفست

صج وناسه وملايين سهله جدا جدا
وماياكلها الا ...... مع احترامي


تحياتي

هووبقاا فيه احتراام
والله مسكين حمار الجت يشيله ولاايذوقه ماادري ليش الضااهر اذا عطوة ماايشتغل ابضمير

 

[stillhamad]

بما أنك حاط موضوع مستقل فأنقل مداخلتي السابقه اليه

لم نسمع أو نقرأ تصريحا صحيحا وصريحا عن بيع أو شراء .. سواء أكان ذلك بخصوص البنك التجاري أو الأهليه أو غيره .

.

وبالتالي لا يحق لنا أن نلقي باللائمه علي البنك التجاري بل اللوم علي الملاقيف اللي داشين دعوم علي ابو أشتر علي الأشاعه وبيع عالخبر ..

وهذا هم كلوها وخلهم يطقون اصبع الحين

 

[صقرالبحر]

اكيد هم يعرفون قاعدة التداول في سوق الكويت وهي

(( أشتر علي الأشاعه وبيع عالخبر ))

عشان جذيه استغلوها والله اعلم بهذه الطريقه

خلوهم يشتروون علي الاشاعه لكن للاسف سحبو الخبر منهم وماباعو


تحياتي

 

[sprite]

أوافق الأخ حمد الراي .. صحيح لا يوجد أي شئ رسمي بهذا الخصوص , إدارة البنك كانت واضحه في إعلانها من أنها تلقت عروض و تعكف على دراستها و الجدوى منها , و بما أنها كانت تحت الدراسه إذن إحتمالات رفض هذه العروض أمر وارد ..

فهل المطلوب من إدارة البنك إخفاء موضوع العروض المقدمه لها ؟!

 

[((بن حسين))]

التجارة تبي أهلها​

 

[DAISKY]

زيد عليهم وطنيه عقاريه

 

[sprite]

زيد عليهم وطنيه عقاريه

حتى الوطنيه العقاريه نفت خبر بيع حصتها في المخازن بإعلان رسمي بالبورصه
و مع ذلك رأينا بعض الإخوان في المنتدى من يجزم أنها ستبيع ملكيتها .

شنو غصب ؟ :d

 

[alshammery]

المشكلة ان ادارة البورصة سكتة يعنى مجلس ادارة الاهلية قالو عن صفقة الجلف انفست والبيعة نسبة 40% كلها وبسعر 450 فلس وهو فى السوق 200 فلس اشيبون بعد دبل ونص وموعاجبهم كا المفروض احالتهم للنيابة بتهمة النصب بالاول وافقوا علشان السهم يرتفع ويصرفون على هالمساكين وبعدين يعلنون النفى فينزل السعر طبعا اللى ربح اعتقد ربعهم واخر شى البنك التجارى طبعا ما طلع شى من مجلس الادارة ولكن الصحف ماشاء اللة طبلت للبيعة وانها باسعار عالية والنتيجة ارتفع السهم من 1200 الى 1700 اعلى سعر وبكميات كبيرة واخر شى البنك نفى نفيا قاطعا البيعة يعنى السعر سيعود ل1300 تقريبا سعرة السابق .

 

[Trend Hunter]

لاتنسون ان بيعة الوطنيه نفتها الشركة كذا مره وبيعت اسماك هم نفتها ولكن بالنهايه تمت البيعه قد يظهر لنا ان المجموعه الاستثماريه التي قدمت عرض شفوي قد زادت قيمة عرضها وتتم البيعه لا تستبعدون اى شي في كل شركة هناك دائره قانونيه هي من تقوم بالرد وتقديم الايضاحات لادارة البورصه وانا اخليكم مع جزء من الرد مال البنك التجاري والذي ان تمت البيعه لا يتم مسائلتها قانونيا به وهو اخر سطرين ردو له وبتعرفون ان تمت البيعه بيقولولكم انه تم تقديم عرض اخر جدي وتم تغير العرض وحنا وافقنا

 

[بو سعود2003]

اشتر بالاشاعه وبيع بالخبر

بس بالنسبه حق البنك التجاري

قال احنا بنبيع وندرس العروض بالنسبه حق كلمه دراسة العروض النتيجه راح اتييه سؤال بالرفض او القبول
وسعر دينارين اشويه على البنك البنك سنه 2006 محقق ارباح فوق 100 مليون دينار
والبنك التجاري يقول احنا سوف نتلقى العروض والباب مفتوح يعني اللي دش على البنك التجاري المفروض يكون عنده معلومات ويسأل ولا يعتمد على كلام الجرايد

اما بالنسبه للاهليه للاستثمار هل شركه معروفه كل يوم بتبيع شركه والكلام هذا شبعنا منه واخر مره باعت الاهليه على نفسها بس 460 فلس
وشرتها شعاع ويقولون مستثمرين من الاماراة
وعضو مجلس الاداره في شعاع كابتيل العوضي والاهليه تملك في شعاع كابتل .

معه تحيات بوسعود

 

[صقرالبحر]

تهقون البنك التجاري محصل عرض اكبر
وقالو خل نعيد القصه من جديد ؟

ننزل السهم بالخبر القديم ونرفعه مره ثانيه بالجديد (( احلوت ))

تحياتي

 

[وسيط محترف]

بالاشتراك مع............

(( انتهت اللعبة يا شباب ياحلوين و اليايات اكثر )) !!!

 

[صقرالبحر]

فيه بيعات بالطريق الله يستر وبصيرون
ومايطلعون فشنك

اعيان تبيع اعيان ع

البيت يبيع التخيل عالمدينه

المدينه تبيع شركة الافق الخليجي

الحذر ياجماعه لما يصيرون صج مثل المشاريع

تحياتي