اذا ما استلمت ارباحي ؟؟

[البواردي]

السلام عليكم
اخواني اليوم قاعد اقولب بملفاتي وشفت شهادات الاسهم ملوتي ومن بينهم ورقه لاكتتاب شركة السور للوقود وما لقيت الشهاده وقمت اتذكر وذكرت اني ما استلمتهم ... شسوي ؟؟؟

والحاله الثانيه
ارباح المخازن والوطنيه العقاريه وسلطان ملوت السنه اللي طافت ما استلمتهم شسوي ؟؟ ووين استلمهم ؟؟

افيدوني افادكم الله

شكراً

 

[ضحية المخازن]

اخي العزيز

بالنسبه للحالة الاولي فيجب عليك الذهاب لنفس البنك الذي اكتتبت فيه وستجد الشهادة بالحفظ والصون ، وبالنسبه لارباح المخازن والوطنيه تلقاهم موجودين بالمنطقة الحرة وراح تلقي ارباح جميع السنوات حتى لو من عشر سنوات​

 

[البواردي]

تسلم يا ضحية اجيليتي بارك الله فيك

 

[ضحية المخازن]

حياك الله اخوي وبالنسبه لاسم المخازن ودي اغيره واخليه اجيلتي مثل ماقلت بس ماعرف اغيره ودي اخليه ضحية اجيلتي ( المخازن سابقا)

 

[الخبر]

للتوضيح الان استلام ارباح جميع الشركات من برج احمد ( الشرق) .... حتى ارباح السنوات اللي طافت.........

 

[ضحية المخازن]

للتوضيح الان استلام ارباح جميع الشركات من برج احمد ( الشرق) .... حتى ارباح السنوات اللي طافت.........

شكرا لك اخوي علي التوضيح ولكن ليست جميع الشركات تستلم ارباحها من برج احمد ولكن فقط الشركات التي يكون فيها سجل المساهمين هي الشركة الكويتيه للمقاصة ولكن يمكنك استلام ارباح بعض الشركات من البزيع والياسين ومن انور القطامي وغيرها من مدققي الحسابات​

 

[الخبر]

الحين كل الشركات(المدرجه )سجل مساهمينها بالمقاصه برج احمد........ تأكد.......وشكرا

 

[متداول_1]

كلام اخونا الخبر هو الصحيح

 

[الابجر]

ممكن اضيف للاخ السائل بخصوص الارباح ... ارباح السنة اللي طافت 2006 تحصلها عن المقاصة في برج احمد ... اما بخصوص ارباح السنين الماضية فتحصلها عن عند اماكن توزيعها السابقة ... وعلي فكرة لحد الان مجموعة سلطان ما وزعت شي 2006 ...

 

[قاروه]

حياك الله اخوي وبالنسبه لاسم المخازن ودي اغيره واخليه اجيلتي مثل ماقلت بس ماعرف اغيره ودي اخليه ضحية اجيلتي ( المخازن سابقا)

راسل المشرفين وفيهم كل الخير والبركه