مبروك لأهل الشارقه والفال لنا

[barbarian]

الشارقة: زيادة رواتب موظفي الحكومة 30%
عدد القراء: 2


15/05/2007 الشارقة - أصدر حاكم الشارقة الشيخ الدكتور سلطان بن محمد القاسمي عضو المجلس الاعلى، امرا بزيادة رواتب واجور العاملين في حكومة الشارقة بنسبة 30% للمواطنين والمقيمين اعتبارا من الاول من مايو الحالي.
وذكر ديوان حاكم الشارقة ان هذه المكرمة تأتي في اطار الحرص البالغ على دعم العاملين في الحكومة والبالغ عددهم 15 الف موظف وموظفة.
وقال ان المكرمة جاءت لتخفيف اعباء المعيشة وتيسير الحياة على موظفي حكومة الشارقة وستشكل زيادة سنوية اجمالية قدرها 230 مليون درهم (62.6 مليون دولار).
واضاف ان نظام الرواتب الجديد للمواطنين العاملين في حكومة الشارقة يحقق الشفافية والموضوعية في استحقاق الراتب العادل للموظف وان العلاوة التكميلية الشاملة، التي تم استحداثها في هذا النظام تحل محل جميع العلاوات والبدلات والمزايا العينية والنقدية السابقة.


http://www.alqabas.com.kw/Final/NewspaperWebsite/NewspaperPublic/ArticlePage.aspx?ArticleID=275290

 

[بوعلي11]

الله يزيدهم ويباركلهم على هالنعمه

 

[بو سعود2003]

كل العالم زادو معاشتهم والكويت اللي تعبر من اغنى دول العالم تقول عندها عجز بالميزانيه وتتبرع حق البره وحق عيال ديرتها تقول ما يصير والاجيال القادمه


تدرون عاد لو يزيدون المعاشات السوق يوصل 15000 تدرون ليش لانه كل واحد راح يصير عنه فائض بالدخل لانه متعود على دخل معين والباجي وين بحطه بحطه بالاستثمار والسوق اسهل واخطر استثمار حق الموظف

معه تحيات بو سعود

 

[barbarian]

معاشات القطاع النفطي عند مقاومه جداً قويه ويصعب كسرها (السيده...)

ان شاء الله يخترقها وكفايه تعسف

 

[البواردي]

يستاهلون اهل الشارقه والله
عز الله انهم طيبين ويستاهلون كل خير


والفاااااااااااااااااااااااااال لناااااااااااااااااااااااااااااااااااااااااااااااا
ان شاء الله

 

[kuwaitey]

الله يبارك لهم ان شاء الله والله يستاهلون كل خير

بس الفال لنا احسها صعبه شوووى احنا خل نسلم على رواتبنااا

الحين طايحين تهويش حق المتقاعدييين عجز ااكتوارى

وعساك ماقلت لهم زيدووو قالو لك هااااااااا ترا فيه عجز فيه عجززز تراكمى

والديره خيرها بره وعيال الديره يشوفون فلوسهم تروح بره وهم مقهورين

حبيب قلبى خلنا نسلم على رواتبناااا بس خلهم يمسكون التجار لايزيدون

عليناااا اااااااااه يا قلبى >>>قلبه متروووووووسه من الوااهى اللى فيه

 

[مرسى]

ماكو فايده
اشرايكم في اضراب عام عن العمل لمده يوم
اضرا ب سلمي
لأنه مجلس مامنه رجا

 

[BMW2007]

الصراااحه ما اتمنه بزياادة المعاااشااات
لانهااا ان زااادت زاد كل شي عندك بالعربي والله ماتستفيدون شي
شوفو يو زادوا بدل الايجااار شنو سو اهل العقاار
الشقه اللي قبل ايجاارها 250 صارت 400
والاسعار زاادت بعد ال200 المنحه
فما بااالكم بزياادة المعاااش
احسبووها ..........؟
راااح تقتنعووون بكلااامي

 

[BMW2007]

هذا رااي ولاحد يزعل منه يااااخوااان
مثل سالفة طيحة القروض
العالم تدبست يوم اخذت القروض لعل وعسااا
وشوفو شنو صاار فيهم

 

[BO-MUBARAK]

لو يحطون قوانين حق الايجار
وبيع البيوت كان ماصار اللي صار
حتى 70 الف ما تشتري لك ارض مو بيت بعد
بس ناس معينة مستفيدة وبعض الشركات

بس والله لو يحطون قانون تحديد سعر المتر على حسب الموقع
وجزاءات للي يخلف
واللي يشتري ماله حق في البيع الا بعد مرور 4 سنوات اهنيه شوف العقار وين بيوصل .