متابعة تداول يوم الأربعاء 16 - 5 - 2007

[Master-Leo]

السلام عليكم

صباحكم ورد الجوري وتغريد الطيوري

الله يرزق الجميع بهاليوم بالصحه والعافيه والخير أولا وبالبورصه ثانيا

أمري لله شسوي بناء على مطالبات الجماهير العريضه ولأغراض

امبرياليه وتوسعيه للي عندهم كاش

بفتح الموضوع وعسى السوق يبيضها اليوم ويخضر

 

[بوجاسم2]

تداول يوم الأربعاء 16-5-2007، على بركة الله

بسم الله الرحمن الرحيم

السلام عليكم

صبحكم الله بالخير جميعا

عسى الله يجعل يومكم خضر اليوم

وان شاء الله تعالى اليوم بيسكر فوق 11 ألف نقطة بعد ... قولوا ان شاء الله

موفقين

 

[بوجاسم2]

صبحك الله بالنور حبيبي ليو

سبقتني والله ههههه

مو انا توني كتبت الموضوع وقلت بجرب حظي :d

خلص .... بو علي احذف موضوعي ما عليك أمر حبيبي


وبعدين ليو .... اليوم السوق احسن من أمس ان شاء الله، هذا اللي اشوفه

بس قول آمين

 

[ALMFJR]

اخوى انت وكويت 2 فاتحين نفس الموضوع بس انت قبلة اتمنى تحلونها قبل لا يبطل السوق نركض بين صفحاتكم ويصير مداعم بالمنتدى هههههههههه

 

[Master-Leo]

يلا ماعليه بوجاسم اطلب السموحه منك ومن كويت 2

انا قلت أفتحه اليوم عل وعسى السوق

يرتفع وبالأخص أسهم الشباب ترتفع ويقضون

نهاية سعيده للا سبوع وقبل شوي نازل مطر

عساه يكون خير علينا يارب

اسهم المراقبه اليوم

- المدينه لاعلان ارباحهم

- الصفوه

- أجيليتي وربعها

انا بس مضيق خلقي سالفة الهوشه بمجلس الأمه

اليهال اللي فيه يتهاوشون وبورصتنا تنزل صج بلشه !!!

 

[Q8 Stock]

متابعــة تداول السوق الكويتي ليوم الأربعــاء 16/05/2007 - على بركة لله

السلام عليكم


صبحكم الله بالخير


المؤشر السعري
دعم = 10.960 نقطه تقريبا


اغلب الصحف تتفق انه سبب نزول البورصه
السجال اللي صار في مجلس الأمه..!!

هل الفترات السابقه نزول السوق كان بنفس السبب ..!!


بالتوفيق

 

[بوجاسم2]

اخوى انت وكويت 2 فاتحين نفس الموضوع بس انت قبلة اتمنى تحلونها قبل لا يبطل السوق نركض بين صفحاتكم ويصير مداعم بالمنتدى هههههههههه

هههههههههه
مشكلة اللي يحب الفلوس ههههههههه

عيل ليو اكثر حبا للبيزات ههههههه

 

[casablanca]

السلام عليكم

صباحكم ورد الجوري وتغريد الطيوري

الله يرزق الجميع بهاليوم بالصحه والعافيه والخير أولا وبالبورصه ثانيا

أمري لله شسوي بناء على مطالبات الجماهير العريضه ولأغراض

امبرياليه وتوسعيه للي عندهم كاش

بفتح الموضوع وعسى السوق يبيضها اليوم ويخضر

امين يا خوي الله يسمع منك
انا خسرت امس خوش خساره

و اذا السوق اليوم ما ارتفع وبيضها شكلي انا اللي ببيض (

 

[Master-Leo]

صباحك الخير بوعلي

اقولك شلة سوء في مجلس الأمه يتهاوشون والبورصه تبتلش

ترى قلبي حاس ان اجيليتي أرباحها للربع الأول مو مثل السنه

اللي فاتت شوفوا أرباح مركز سلطان

 

[casablanca]

يلا ماعليه بوجاسم اطلب السموحه منك ومن كويت 2

انا قلت أفتحه اليوم عل وعسى السوق

يرتفع وبالأخص أسهم الشباب ترتفع ويقضون

نهاية سعيده للا سبوع وقبل شوي نازل مطر

عساه يكون خير علينا يارب

اسهم المراقبه اليوم

- المدينه لاعلان ارباحهم

- الصفوه

- أجيليتي وربعها

انا بس مضيق خلقي سالفة الهوشه بمجلس الأمه

اليهال اللي فيه يتهاوشون وبورصتنا تنزل صج بلشه !!!

يا ريت يردون على مجلس الشورى احسن
ما استفدنا من هالمجلس ولا شي
حتى الزياده اللي عطونا اياها
زدات معاها اسعار السلع والاجارات اكثر من 35%

 

[بورصة نت]

الاسمنت الابيض

لوسمحت اخوي فبل التداول اذا ممكن تشوفلي الاسمنت الابيض شنو مؤشراته

 

[Master-Leo]

8:42:30 ِ. شركة مملوكة ل(اجيليتى) تفوز بمناقصة تزويد خدمات غذائية للقوات الامريكية
يعلن سوق الكويت للاوراق المالية بان شركة المخازن العمومية قد افادت بان
احدى شركاتها التابعة(بنسبة 100%) قد فازت بمناقصة لتزويد القوات ‏
ِ الامريكية بالكويت بخدمات غذائية متكاملة .‏
ومن الجدير بالذكر ان مدة العقد المتوقعة هى فى حدود 9 اشهر اساسية مع
خيار تجديد العقد لفترتين متتاليتين وكل فترة تعادل سنة. علما بان الحد ‏
الاقصى للقيمة الاجمالية المتوقعة خلال هذه الفترة الاجمالية تبلغ ‏
ِ127 مليون دولار امريكى .‏

 

[casablanca]

8:42:30 ِ. شركة مملوكة ل(اجيليتى) تفوز بمناقصة تزويد خدمات غذائية للقوات الامريكية
يعلن سوق الكويت للاوراق المالية بان شركة المخازن العمومية قد افادت بان
احدى شركاتها التابعة(بنسبة 100%) قد فازت بمناقصة لتزويد القوات ‏
ِ الامريكية بالكويت بخدمات غذائية متكاملة .‏
ومن الجدير بالذكر ان مدة العقد المتوقعة هى فى حدود 9 اشهر اساسية مع
خيار تجديد العقد لفترتين متتاليتين وكل فترة تعادل سنة. علما بان الحد ‏
الاقصى للقيمة الاجمالية المتوقعة خلال هذه الفترة الاجمالية تبلغ ‏
ِ127 مليون دولار امريكى .‏

اباااااااااا
بلّش الشغل

 

[قاروه]

صبحكم الله بالخير

 

[Master-Leo]

هلا بالحبيب قاروه

قاروه هالاعلان من البورصه اهداء مني لك ولمشرفنا

8:47:46 ِ.وقف التداول باسهم (فيلا مودا) لحين ورود بيانات 31-03-2007‏
يعلن سوق الكويت للاوراق المالية انه قد تم وقف التداول باسهم شركة
فيلا مودا لايف ستايل لحين ورود بيانات 31-03-2007 .‏

 

[Q8 Stock]

لووووووووووول

 

[بومشاري]

صبحكم الله بالخير جميعاااااااااا
عسى السوق أخضر اليووووم ​

 

[قاروه]

هههههههههههههه

 

[casablanca]

انتحار شركه الرابطه

 

[Master-Leo]

انتحار شركه الرابطه

اي والله

الأخ بورصه نت دعم اسمنت الأبيض 154 ومن بعده 150 - 148

والمقاومه 160 ومؤشرات السهم الفنيه ايجابيه لكن شوي مطفحه

اذا في شي غلط صححلي مشرفنا بوعلي