شركة المدينة للتمويل والاستثمار ش.م.ك.م ( المدينة ) ... 2

[zoro2000]

مبروكين

السلام عليكم
معاكم اخوكم جديد على المنتدى
والصراحة انا جربت جم تحليل من تحليلات هالمنتدى وماشاء الله (عيني عليكم باردة) ماتخرش المية

الحين طال عمركم متى تتوقعون احسن وقت للبيع (الزبدة متى يوصل اعلى سعر وجم هذا السعر؟؟)

انا شريت بموجب تحليلاتكم وببعين ان شاء الله بموجب تحليلاتكم ايضا

 

[K.U]

يأخوان هذ النصيحه للي شاري كميه كبيره ومتوهق ما يعرف متى يبيع افضل بيع اذا وصل لمت اعلى اعرض نص كميتك وبعد ما تبيعهم احتفظ بالنص الثاني وبعد ما ينزل اشتر من تحت واذا كمل صعوده انتا بكلا الحالتين ربحان بصراحه هذه طريقتي معا المدينه ولكم حريه التصرف

واذا انا غلطان ياليت احد يصحح لي اكون شاكر له

 

[بوخمسين]

بعد كسر الحاجز الاول بجدارة

يا اهل المدينه ابشرو بالخير
سهم طيب والوعد جدام 385 و390 وبنطركم على 405 عن قريب
هذا تفائل فقط
فستذكرون ما اقول لكم

بأذن الله السهم رايح 450 فلس

قولوا آمييييييييييييييييييييييين :d :d :d :d

 

[BO-MUBARAK]

شباب ممكن استفسار ليش السهم نزل اليوم الى 375 فلس ؟؟؟؟!!!!!!!

وبعدين علق في السما ؟

وباجر ان يشاء الله بينزل شوي وبيرد يرتفع تتوقعون ؟؟؟

ارجو الافادة علشان اللي ما اشترو يشتروون

ولكم تحياتي

 

[بوجاسم2]

السهم صاعد ان شاء الله تعالى

مبروك عليكم ارتفاع المدينه

قلنا لكم السهم طيب وان شاء الله له اهداف جيده

بوجاسم وينك ؟؟

حمود لك رساله بالخاص :d

السلام عليكم

يا هلا اخوي A L O N E

مبروك علينا جميعا ارتفاع السهم

حسب الشارت، فالسهم اليوم اخترق حاجز المقاومة 390 ولله الحمد، وراح يكمل لين فوق ان شاء الله تعالى لين المقاومة الثانية عند: 425
(أنظر الصورة المرفقة رقم 1)

وحسب ملاحظة الصفقات اللي تمت اليوم على المدينة، فباين ان محاولة ارفاع السعر من شغل المحافظ، بحسب الكميات الشرائية الكبيرة اللي تمت اليوم (أنظر الصورة المرفقة رقم 2) ، (وانظر الصورة المرفقة رقم 3)

فالسهم ان شاء الله تعالى صاعد إلا اذا استجدت امور ، مثل ابتداء تصحيح السوق، فاحتمال ان السهم يرجع للدعم الأول وهو: 390، واحتمال انه ينزل لين الدعم الثاني: 375.

بشكل عام ... القراءات والصفقات اللي تمت اليوم كلها توحي بصعود السهم ان شاء الله تعالى باجر، واكرر طبعا: هذا في حال ان يكون السوق وضعه جيد باجر.

والله يوفق الجميع

تحياتي

 

[almared]

أخوي بو جاسم ..

الله يعطيك العافية ..


بس الشارت يحتاج تعديل ... فيه فجوه كبيرة سببها موقع الشارت اللي خذيته منه ... أختر تعديل البيانات لأن الشارت الموجودة مو متفسخ عليه السهم ..




بالتوفيق للجميع .

 

[Strategy Stock]

السلام عليكم ،،،
بوجاسم تفضل الشارت هذا لغاية اليوم .. الشارت ويكلي

لازال الكلام نفسه عن المدينة ان شاء الله السهم طيب مالم يحدث اي طاري

كان يهمني جدا كسر حاجز380 لانها هدف 261.8% وفعلا استطاع السهم كسرها
اعتقد حاليا المقاومة هي 410 وهي هدف الترند الصاعد (باللون الاحمر المنقط ) ومن ثم الوصول لـ ... ماني قايل ... الشارت يشرح نفسه

رايك عدل ونص KU عملية بيع نص الكمية والاحتفاظ بالباقي ... هذا شغل محافظ ... لايكون منهم ههههه

تقبلو تحياتي

 

[بوجاسم2]

نعم

يعطيكم العافية

تحياتي لك أخوي المارد وأخوي الون

 

[K.U]

السلام عليكم ،،،
بوجاسم تفضل الشارت هذا لغاية اليوم .. الشارت ويكلي

لازال الكلام نفسه عن المدينة ان شاء الله السهم طيب مالم يحدث اي طاري

كان يهمني جدا كسر حاجز380 لانها هدف 261.8% وفعلا استطاع السهم كسرها
اعتقد حاليا المقاومة هي 410 وهي هدف الترند الصاعد (باللون الاحمر المنقط ) ومن ثم الوصول لـ ... ماني قايل ... الشارت يشرح نفسه

رايك عدل ونص KU عملية بيع نص الكمية والاحتفاظ بالباقي ... هذا شغل محافظ ... لايكون منهم ههههه

تقبلو تحياتي

هلا ياخوي هذي نصيحه من اخ عزيز وقلنا ننبه الاخوان بالمنتدى

وموفقين الجميع

 

[شحبار]

يا اهل المدينه ابشرو بالخير
سهم طيب والوعد جدام 385 و390 وبنطركم على 405 عن قريب
هذا تفائل فقط
فستذكرون ما اقول لكم

مبروكين لملاك السهم والحمد لله المحمل وصل 410 ونبي نشوفكم عن قريب 425

 

[حمود_1]

السلام عليكم ،،،
بوجاسم تفضل الشارت هذا لغاية اليوم .. الشارت ويكلي

لازال الكلام نفسه عن المدينة ان شاء الله السهم طيب مالم يحدث اي طاري

كان يهمني جدا كسر حاجز380 لانها هدف 261.8% وفعلا استطاع السهم كسرها
اعتقد حاليا المقاومة هي 410 وهي هدف الترند الصاعد (باللون الاحمر المنقط ) ومن ثم الوصول لـ ... ماني قايل ... الشارت يشرح نفسه

رايك عدل ونص KU عملية بيع نص الكمية والاحتفاظ بالباقي ... هذا شغل محافظ ... لايكون منهم ههههه

تقبلو تحياتي

ياسلام عليك استاذ ما شاء الله تبارك الرحمن

وصل الهدف ان شاء الله ال405 يكون دعم قوي

موفقين اخواني دام الكل ربحان لاني طلعت من السهم

 

[حمود_1]

مبروكين لملاك السهم والحمد لله المحمل وصل 410 ونبي نشوفكم عن قريب 425

اخوي 425 مو هدف

شارت اخوي ألون صحيح 100%

قول يارب يكسر 410 باجر ويقفل فوقها والاخ ألون مو مقصر

فمان الله موفقين

 

[K.U]

اخوي 425 مو هدف

شارت اخوي ألون صحيح 100%

قول يارب يكسر 410 باجر ويقفل فوقها والاخ ألون مو مقصر

فمان الله موفقين

اللهم امين يالله يارب انه يسكر 410 والوعد جدام ان شاء الله

 

[aloood]

مابي اخرعكم بس ماتعتقدون ان لازم يريح شوي مثل قبل جم يوم عشان يصعد على اصول ؟

 

[شحبار]

يارب يكسر 410 باجر ويقفل فوقها

 

[Strategy Stock]

نعم

يعطيكم العافية

تحياتي لك أخوي المارد وأخوي الون

الله يعافيك بوجاسم وتسلم يالغالي

ياسلام عليك استاذ ما شاء الله تبارك الرحمن

وصل الهدف ان شاء الله ال405 يكون دعم قوي

موفقين اخواني دام الكل ربحان لاني طلعت من السهم

حنا طلبة في بحر التحليل الفني والبركة في الاخوان المحللين في هالمنتدى الفني العريق ..
تصدق عاد حمود انا مثلك الحين مااملك بالسهم .. كنت املك فيه وباعو اسهمي شركة الخليج للوساطة المالية لاني تأخرت في السداد يومين بسبب ظروف مرضية وماشريت بعدها السهم.. لظروف ...
بس صج مايستحون يعني وين بنحاش ؟؟مواطن كويتي وموظف ورب اسرة !! ( لكن مقيولة القانون مايطبق الا على الفقير

مابي اخرعكم بس ماتعتقدون ان لازم يريح شوي مثل قبل جم يوم عشان يصعد على اصول ؟

اخوي هذا سوق وكل شي فيه وارد .. الي يعتقد انه مكتفي بالربح يطلع وطبعا جني الارباح من حق كل صانع سوق وبالعكس شي صحي للسهم..

على العموم هذا شارت الديلي وفق نسب فيبوناتشي .. وجهة نظر فقط وليست دعوه لاي قرار للبيع او الشراء
الله يوفقكم وتقبلو تحياتي

 

[بوجاسم2]

السلام عليكم

تحياتي لك أول شي أخوي ألون

وبالنسبة لوضع السهم اليوم، فمن خلال متابعة الصفقات اللي تمت خلال الثلاثة أيام الماضية، يتبين لي أن المحافظ جنت نسبة جيدة من أرباحها، وأسست سعر جديد ليتم فيه الشراء.

فكمية الشراء اللي تمت، خاصة على 390 و395 (بغض النظر عن الكمية اللي تمت على السعر الأقل من ذلك) كانت كبيرة، وأذكر وحدة من تلك الصفقات (الشرائية) كانت بـ 2 مليون و260 الف سهم ، غير اللي اصغر منها على نص مليون و400 الف .

وبعدها تم جني ارباحها على 405 ، ووحدة من هالصفقات لجني الارباح اللي صارت كانت بـمليون ونص سهم، وصار غير بعد من (القط على الطلبات) بكميات كبيرة.

وبعدها تمت تأسيس السعر الجديد على 405 بعد الكثير من ارباح الصفقات الماضية.

أتصور ان السعر صاعد ان شاء الله تعالى في ظل صعود السوق ان شاء الله تعالى.

هذا تحليلي، ويحتمل الصواب والخطأ، فأرجوا ان لا ألام عليه

تحياتي للكل

 

[K.U]

السلام عليكم

تحياتي لك أول شي أخوي ألون

وبالنسبة لوضع السهم اليوم، فمن خلال متابعة الصفقات اللي تمت خلال الثلاثة أيام الماضية، يتبين لي أن المحافظ جنت نسبة جيدة من أرباحها، وأسست سعر جديد ليتم فيه الشراء.

فكمية الشراء اللي تمت، خاصة على 390 و395 (بغض النظر عن الكمية اللي تمت على السعر الأقل من ذلك) كانت كبيرة، وأذكر وحدة من تلك الصفقات (الشرائية) كانت بـ 2 مليون و260 الف سهم ، غير اللي اصغر منها على نص مليون و400 الف .

وبعدها تم جني ارباحها على 405 ، ووحدة من هالصفقات لجني الارباح اللي صارت كانت بـمليون ونص سهم، وصار غير بعد من (القط على الطلبات) بكميات كبيرة.

وبعدها تمت تأسيس السعر الجديد على 405 بعد الكثير من ارباح الصفقات الماضية.

أتصور ان السعر صاعد ان شاء الله تعالى في ظل صعود السوق ان شاء الله تعالى.

هذا تحليلي، ويحتمل الصواب والخطأ، فأرجوا ان لا ألام عليه

تحياتي للكل

عفوا اخوي بو جاسم نقدر نقول انه النزول طبيعي خصوصا في ظل الكميات الي انباعت على مدى الاسبوع الحالي؟؟

 

[بوجاسم2]

عفوا اخوي بو جاسم نقدر نقول انه النزول طبيعي خصوصا في ظل الكميات الي انباعت على مدى الاسبوع الحالي؟؟

حياك الله تعالى أخوي K.U

طبعا مثلما ذكرت في مشاركتي الأخيرة، أن السهم قاعد يصعد في ظل ارتفاع السوق.

ولو لاحظت اليوم الصبح، في أول ساعة ونص (الى الساعة 10:20 تقريبا) كان السهم صاعد بالشكل اللي كنا متوقعينه، ووصل لين 415، بس نزول السوق الحاد اليوم 90 نقطة تقريبا (يعني من +50 الى -40 تقريبا) أثر بشكل سلبيي على سهم المدينة وبقية أسهم الشركات المدرجة بالسوق، فهذا أمر طبيعي.

ولكن من الواضح إنهم يبون يرفعون السهم، أولا لأنه صارت محاولات لإنزال السعر الى 390، حتى تكثر العروض على 390 و395، ويصير تجميع، وهالشي تكرر عدة مرات اليوم.

وثانيا، لو تلاحظ انه قبل اغلاق السوق بدقيقة او دقيقتين على الأكثر، تم تجميع كل الاسهم المعروضة على 390 و395، حتى صار ما فيه سهم معروض على 395 (والصورة موجودة مخزنة في اللاب توب لآخر ثانية من دوام السوق)، فصار العرض الموجود فقط على 400 فلس.

وهذا دليل على انهم قاعدين يجمعون من تحت (يعني استغلال فرصة نزول السوق لتجميع الاسهم بأقل سعر ممكن).

ولا كانوا على الأقل خلوا السوق يسكر على اعلى سعر وهمي، يعني في آخر ثانية ياخذون 10000 سهم على 400.

فهذا يعني انهم يبون الناس تعرض اسهمها على 395، لأن السوق سكر يوم الاربعاء على 395 وهي آخر صفقة تمت.

ولو انهم كانوا سكروا السوق على السعر الوهمي وهو 400، فراح تلقى الناس راح تطلب على 395 ويصير العرض على 400.

إذن فاللي يبون هم، ان الناس يوم السبت تعرض اسهمها على 395 مو 400، حتى يصير تجميع أكبر قدر ممكن من الأسهم.

إذن، فالسهم قوي، وعليه طلب، وانا اشوف اللي عنده سهم حرام انه يعرضه يوم السبت بخسارة، او على الأقل يعرضه على 395، لازم اقل عرض اللي يبي يعرض اسهمه من اول السوق المفروض انه يعرضه على 400 مو 395.

وانا شايف ان السهم بيصعد ان شاء الله تعالى الى المقاومة الجاية، فاللي عنده السهم خله يحتفظ فيه ويبيعه باعلى سعر، مو مثل اللي يبونه هم.

هذا تحليلي للي حصل اليوم، ومثلما اقول كل مرة ان تحليلي يحتمل الصواب والخطأ، والله المسدد ان شاء الله تعالى


الله يوفقكم ويوفقنا جميعا

يا رب

تحياتي

 

[بوجاسم2]

نسيت اني اذكر في مشاركتي الأخيرة ايضا ...

إن صعود السهم يعتمد على وضع السوق

واللي نتمناه ان السوق يوم السبت يكون افضل حالا من اليوم

تحياتي