توصيه: الســـيـــاحيـــــــــــــه

barbarian

عضو نشط
التسجيل
19 أبريل 2005
المشاركات
5,089
السلام عليكم

هذه رساله الى جميع الأفراد الذين تسببت لهم بأي خسارة سواء كانت توصيه فاشله أو بيع بسبب تصحيح وتذكروا الشراء والبيع مسؤوليه شخصيه لا يتخذها الا أنت...

أيضاً هذه دعوه للنقاش من قبل المحللين مع ذكر الأسباب المتوقعه للصعود أو النزول...ما نبي احاسيس ومشاعر عشان لا يزعلون اللي في بالي ;)

السعر الحالي: 134 فلس
الدعم = 130 فلس
المقاومه الاولى = 140 فلس
الهدف المتوقع من التوصيه = 160 فلس...اذا صار أكثر خير وبركه

السهم يتداول عند أسعار متدنيه والـ Rsi أعطى اشارة للدخول على السهم

تم التداول عليه اليوم ووصل الى الحد الاعلى 142 فلس وأغلق عند 134 فلس...اغلاق وهمي والسبب ان ما يبونه يصعد الحين وما يبونه يكسر المثلث المرسوم على التشارت حيث أي اغلاق فوق سعر 134 فلس يقودنا الى 140 فلس

أسباب صعود السهم...

كانت خسارة السهم لسنة 2006 3 ملايين تقريباً أي ما يعادل -8 فلوس تقريباً وفي الربع الأول أرباحه فوق الـ 5 ملايين ونص أي ما يعادل 7 فلوس تقريباً وهو ربح جداً ممتاز مقارنة مع سعره الحالي
 

الملفات المرفقه:

  • السياحيه.JPG
    السياحيه.JPG
    الحجم: 80.7 KB   المشاهدات: 727
  • السياحيه 2.JPG
    السياحيه 2.JPG
    الحجم: 30.7 KB   المشاهدات: 638

مستثمر اسلامي

عضو مميز
التسجيل
6 أكتوبر 2004
المشاركات
1,394
الإقامة
الكويت
شنو سالفتك مره تذم ومره تمدح مره تقول خروج من السوق ومره توصيه
ماعرفنا شنو قصدك مايصير الرجاء من المشرفين متابعه هؤلا الشخاص
:(( :((
 

الشاطر

عضو نشط
التسجيل
20 يونيو 2004
المشاركات
1,489
مشكور والله يعطيك العافيه على التوصيه :)

تبقى اخو عزيز وغالى
 

barbarian

عضو نشط
التسجيل
19 أبريل 2005
المشاركات
5,089
شنو سالفتك مره تذم ومره تمدح مره تقول خروج من السوق ومره توصيه
ماعرفنا شنو قصدك مايصير الرجاء من المشرفين متابعه هؤلا الشخاص
:(( :((

حبيبي التصحيح وارد وفي اي لحظه...لكن التصحيح مو على كل سهم

هناك اسهم لم تاخذ حاصلها من الصعود لذلك من الصعب يصير عليها تصحيح ومن الاسهم اللي ما خذت حاصلها من الصعود الكل يعرفها...مجموعة البدر...المجموعه الدوليه - جراند - السياحيه - اصول

تبي دليل وبرهان قاطع...حلوه قاطع :rolleyes:

وقت انهيار البورصه السنة اللي طافت...شفت اسهم البدر ؟

كانت مجموعته تعاكس المؤشر وكان في ذلك الوقت يسمون مجموعته بملك الاسهم سنة 2006 وتدري شنو سوّه بالناس ؟

خلاهم يقطون الاسهم اللي عندهم بخساره ويدخلون على مجموعته ويعوضون النزول اللى قاعد يصير بالبورصه وناس وايد استربحت من وراه
 

قاروه

بوعبدالعزيز
التسجيل
22 نوفمبر 2005
المشاركات
7,976
شنو سالفتك مره تذم ومره تمدح مره تقول خروج من السوق ومره توصيه
ماعرفنا شنو قصدك مايصير الرجاء من المشرفين متابعه هؤلا الشخاص
:(( :((

احنا الي ما عرفنا سالفة اصول يا بوانور :rolleyes:
 

mohtt

عضو نشط
التسجيل
12 ديسمبر 2004
المشاركات
568
الإقامة
سلوى
اي اي انا شريتها اليوم اب 138 وسكرت اب 134 يعني خساره 80 دينار يارب ترتفع ونسوني ايييييه انطر عليها ها؟؟؟
 

((بن حسين))

عضو نشط
التسجيل
30 أبريل 2007
المشاركات
1,399

khalid2002

عضو نشط
التسجيل
8 أبريل 2007
المشاركات
251
barbarian توصياتك مو ثقة انت تألف من احساسك 00 الرجاء عدم التوصية باى سهم 000 وعلى فكرة كل الاعضاء عارفينك مو ثقة 00
 

TAKE-OVER

موقوف
التسجيل
19 سبتمبر 2006
المشاركات
2,870
الإقامة
وطن النهار
تحليل فني

اخواني الاعزاء
أولا : يجب على الجميع عندما تأتيه توصيه على أي سهم أن يقوم بتحليل هذا السهم ( تحليل فني ) ومن ثم يقرر الدخول على السهم او عدم الدخول .
< ولا يحق لأي شخص كان و بأي حال من الأحوال أن يقوم بتجريح شخص آخر سواء كان عضو جديد أو عضو نشط >
ثانيا : إليكم التحليل الفني لسهم السياحيه ولكم الاختيار .
 

الملفات المرفقه:

  • السياحيه.png
    السياحيه.png
    الحجم: 181.6 KB   المشاهدات: 522

barbarian

عضو نشط
التسجيل
19 أبريل 2005
المشاركات
5,089
barbarian توصياتك مو ثقة انت تألف من احساسك 00 الرجاء عدم التوصية باى سهم 000 وعلى فكرة كل الاعضاء عارفينك مو ثقة 00

اعتقد اني مو حاط احساس

في اسباب شرحتها لصعود السهم وفي تشارت اذا تعرف أصلاً بقراءة التشارت

توك صارلك شهرين بالمنتدى وذبحتنا بفلسفتك الزايده..

خلاص اذا أنا مو ثقه لا تشتري السهم...لكن المحللين اللي يعرفون بالتشارتات راح يشترونه وهم مغمضين...

رجاءً أنا في انتظار تعليق المحللين وأبي رايهم واذا التوصيه في نظرهم فاشله راح أحذف المشاركه نهائياً قبل يتدبسون الناس :mad:
 

*بو عبدالله*

عضو محترف
التسجيل
2 يونيو 2005
المشاركات
2,785
يستحق المتابعه
 

boalons

عضو محترف
التسجيل
17 سبتمبر 2003
المشاركات
4,057
الإقامة
KUWAIT
ما انصح بالدخول على هالقروب التعبان

لكن السهم كتحليل فني يحتاج يقفل فوق الترند بتداول عالي لنؤكد الكسر والهدف الاول 150
 

الملفات المرفقه:

  • 55555552222.jpg
    55555552222.jpg
    الحجم: 92.7 KB   المشاهدات: 447

almared

عضو مميز
التسجيل
17 أبريل 2005
المشاركات
4,154
السهم من نزل عن 142 وهو في خطر ...

حسب التحليل الفني لا ينصح به ...


السهم حسب الشارت الاسبوعي : تربل تووووووب


مسئولية البيع والشراء شخصية ...


والله أعلم


لكن أنا بسأل كاتب الموضوع توصيتك بناء علي شنو ؟؟
 

الملفات المرفقه:

  • untitled9.JPG
    untitled9.JPG
    الحجم: 11.9 KB   المشاهدات: 369

Bo_Ahmad

عضو نشط
التسجيل
5 فبراير 2007
المشاركات
281
يا أخوان غريب أمركم,,, اذا واحد حط توصية على أساس خبر سمعه شقيتوه ,, واذا حطها على أساس تحليلات فنية وشارتات شخلتوه.

هههههه اشتبون بعد أكثر من كذا؟؟؟؟
 

khalid2002

عضو نشط
التسجيل
8 أبريل 2007
المشاركات
251
ونسيت اقول ان الاخ رد مرة وثانية قال ان السوق لازم يصحح على بعض الاسهم ( تكفة قولنا الحقيقة ) فلمك شنو 000
 

الشارخي

عضو نشط
التسجيل
20 يوليو 2006
المشاركات
193
الإقامة
جبلة
الحقيقة ان السهم هذا بينفجر انفجار مو طبيعي ،،، وآنا أخذت في كميات عوده في أسعار مختلفة ولا خايف أبدا لو ينزل السوق ويرد 9 آلاف مو خايف من السهم ،،،، لكن متى بيصعد هذا عند الله ،،، المهم ان السهم الي بيدش عليه ماراح يتحسف اطلاقا ،، حتى لو نزل عليه يصبر ،،،، وبيجني خير ،،، حتى الإخوان اللي اشتروا السهم 180 بيجنون ربح بس خل ينطرون اشوي ،،،، بالتوفيق للجميع وأرجو ان نحترم آراء بعضنا البعض .........
 

abu.omar

عضو نشط
التسجيل
18 يوليو 2006
المشاركات
1,246
الإقامة
بالـــ/ خطــ الأحمــْـرُ ...
ابو عمررر برافووو عليك كلام طيب ونصيحة حلوة 00 وفعلا السوق الكويتى يعكس الشارت احيانا وانا تكلمت بموضوع الشارت بحكم خبرتى وسنى بالسوق بس للاسف الاخ صاحب الموضوع ماخذ الامور انى جديد على المنتدى قياسة للامور بهذة الطريقة (اللى مايعرفك مايثمنك ) وثانيا الاخ صاحب الموضوع كان لة وجهة نظر سابقة وخطيرة لم تحدث باى منتدى على مستوى الخليج كان يقول ( انحاشو من السوق ترى بكرة السوق احمر ) اللى يشوفة يقول صاحب صندوق استثمارى ويدرى بالسوق ولكن ربك عكس توقعة والسوق على مايرام 0 والحين يوصى على السياحية 0 شرايك ابو عمر بالكلام00 وابى اقول لصاحب الموضوع انت لحقت على ايام اسهم المزينى واسمنت راس الخيمة وبنك البحرين 00


الاخ خالد ...

انا قلت ماعندى ووجهت النصيحه له
واعلم والله بان نيئته ان شاء الله طيبه
ويريد المنفعه للجميع

ولكن حتى اكون معاك ومعاه ومع الجميع صريح اكثر...
سوق الكويت غدار لايعرف له كبير ولا له صغير
اذا وضعنا مثال
ناصر الخرافى هو اكبر المستثمرين بالسوق الان .
اسألوا المقربين له كم خسارته كانت بالمخازن العموميه
وكم الكميه التى تم تصريفها عليه باسعار عاليه
من قبل الجناعات ايام العقود الملياريه
ولماذا اقسم بانه سيجعل اسهم مجموعه المخازن
اسهم للمضاربه ..
هنا اردت ان اوضح السوق ليس له كبير

لذلك انا قلت ماعندى..
نجتهد ويجتهدوا الاخوه هنا للمنفعه العامه
بالشارت او معلومه
قد تصيب وقد تخطئ ...

وليس هو او انا مخطئين عندما نوجه هنا نصيحه
ان السهم الفلانى عليه اخبار او معلومه

لكن يجب ان يكون تحليل فنى بحت
ويتم مناقشته على ضوء ذلك ..
من قبل الاخوه هنا ذوا الخبره
لا ان يتم احراجه والاسأئه اليه
لكن فى النهايه
الكل هنا يستطيع ان يعبر عن رائيه
قد يكون له او عليه..
يعنى !!
قد يكون ثقه او غير موثوق

تحياتى الجميع




 

abu.omar

عضو نشط
التسجيل
18 يوليو 2006
المشاركات
1,246
الإقامة
بالـــ/ خطــ الأحمــْـرُ ...


اتمنى من كل قلبى
احترام وجهات نظر الاعضاء
بالدليل وليس بالاستهزاء
فلمي...مصاص الدماء
معقوله يصدر منك هذا الرد


 

barbarian

عضو نشط
التسجيل
19 أبريل 2005
المشاركات
5,089


اتمنى من كل قلبى
احترام وجهات نظر الاعضاء
بالدليل وليس بالاستهزاء

معقوله يصدر منك هذا الرد



حبيبي أحاول تلطيف الجو فقط لا غير

أنا من حطيت التوصيه والاعصاب مشدوده...ما ادري ليش...

والأخ خالد 2002 ما ادري شفيه كارهني وحاط دوبه ودوبي مع اني احترمه وما بيني وبينه شي...بس الظاهر موضوعي الاخير مال التصحيح خلق عندي عداوات وايد :(
 
أعلى