للمتابعه ..... سهم سلطان

[صقرالبحر]

قرات قبل قليل في منتدي النوادي
في موضوع الوطنيه العقاريه ان هناك بيعه
للوطنيه ع لمستثمر اماراتي بسعر 2750 للسهم
ومركز سلطان يملك بالوطنيه 28%

الكلام هذا باعتقادي لايزال اشاعه

بس فيه تجميع علي اسهم المجموعه علي مااظن

الرجاء من الاخوان تحري الدقه والتاكد

تحياتي

 

[faisal25]

يعطيك العافيه على خبر الوطنيه العقاريه
بس محد يعرف متى اجتماع الجمعيه العموميه
وتوزيع الارباح

 

[ابوفيصل77]

ياجماعه ترى مركز سلطان يعتبر بقاله كبيره عمرك سمعت واحد عنده بقاله وصار تاجر كبير.....الله يخلي توريدات الاكل حق الامريكان اهي اللي شايله السهم والا غيره شنو عندها ..وبعدين وين الافرع الجديده ماكو شي اتوقع يغيرون نشاطهم

 

[صقرالبحر]

للمتابعه

السهم لايزال علي الدعم



تحياتي

 

[ALMFJR]

متابعينة طال عمرك مان تو مان

 

[Dary]

السلام عليكم

السهم حده دايخ! ماله خلق يتحرك, تتوقعون يقطون على 610 ؟

 

[صقرالبحر]

ليش لا

 

[Mariner9k]

سلام عالكم صقر البحر توقعة مركز سلطان يتحرك ويصير علية طلب قوى بس شفية ماله خلق يتحرك

 

[صقرالبحر]

سلام عالكم صقر البحر توقعة مركز سلطان يتحرك ويصير علية طلب قوى بس شفية ماله خلق يتحرك

والله يالطيب هالسهم تابع مجموعه المخازن
فما يتحرك بدونهم

تحياتي

 

[ALMFJR]

انا اتوقع انة ما ارفعة بالايام اللى طافت لانة يبى يلم من الناس الاسهم بأرخص ما يمكن لانة يدرى لو علقها باجر بتنكت علية ملايين فهو يحاول يمتص منها قدر المستطاع حاليا بالاسعار الحالية بتقولى ليش يالمفجر يلمهم بقولك لانة راح يستلم ارباحهم اللى هى مغرية 25كاش و15 منحة مو شوية ياشباب وترى قبل شهرين بس تقريبا كان 740 فلس وماكان فى سالفة الارباح فما بالكم الحين سهم محمل بالارباح و ربحيتة بالربع الاول 2007 طيبة على ما اظن 16 فلس تقريبا اتمنى احد يصحح لى مانى متأكد وشكرا للكل وبالتوفيق عموما ما منة خوف وطبعا هالراى من قناعتى الشخصية ومن تحليل الاخوان مثل صاحب الموضوع وناس ثقة بمنتديات اخرى كلهم اجمعوا علية ولكن صيدة بالسعر المناسب

 

[Mariner9k]

كيف حالك المفجر ..... بس ماتتوقع ان ينزل اكثر من ال 600 خلال الايام المقبله وهذا الكلام مو احباطا لك ليش يمكن انت صايدة على 610 بس ممكن نزله خفيفة عشان يخرع فيها وبعدين يصعدة بس قولى متى التوزيعة ليش ودى اصيدة على 600 او انزل

 

[ALMFJR]

كيف حالك المفجر ..... بس ماتتوقع ان ينزل اكثر من ال 600 خلال الايام المقبله وهذا الكلام مو احباطا لك ليش يمكن انت صايدة على 610 بس ممكن نزله خفيفة عشان يخرع فيها وبعدين يصعدة بس قولى متى التوزيعة ليش ودى اصيدة على 600 او انزل

حياك الله اخوى بالنسبة للنزول لا والله ما اظن لانة محافظ على هالاسعار من فترة نقدر نقول طويلة بس مرة وحدة نزل 580 وقت النزول الكبير وسكر بنفس اليوم 610 عموما هو زين بهالسعر ان قدرت لة وجمعيتة اللى من بعدها راح يتفصخ السهم وانتبة لكلامى راح يتفصخ السهم يعنى ثانى يوم راح تلقاة طايح يمكن 100 فلس اكثر او اقل اخوانى عاد يفيدونك اهل الحسبات ولكن وركز معاى قبل اى جمعية لسهم لازم يرفع السهم حتى يقدر يعوض سعر التفصيخة وبعضهم يرفعة بعد التفصيخة وانا اتوقع يعلقة بالايام الجاية ان كان مو بهالاسبوع لان ما بقالة شى
المهم انت عاد تبى المربح والا تنطر بعد التفصيخة هنية السؤال

 

[Mariner9k]

اذا بعد الارباح بطيح 100 فلس ماسوينا شى .... هذا الا اذا تبيه استثمار متوسط الاجل (كلام جرايد) بس ماقلت لى متى الجمعية وكلام ربع شنو هدفك فيه ارباحة وله التبريد على بعد الارباح ؟

 

[ALMFJR]

انا قلت لك اخوى اسأل الناس اهل التحاليل اهم ادرى منى بسعر التفصيخة واللى راح ينحكم بآخر يوم قبل الجمعية وتاريخها 30/5 وبالنسبة لى هدفى بال 700 حلو وان شفت الجمعية قربت مثلا باجر اشلعها بيومها واقبل بالربح القليل بس صدقنى ولاحظ مجموعتة كلها متماسكة على اسعارها لها مدة لابد تعلق وهى علقت بالاسبوع اللى قبل اللى طاف وسلامتك اخوى

 

[Mariner9k]

......... عزيزي مفجر وسعر هروبك هم حلو ........ الحديث جميل معاك وشاكر لك

 

[ALMFJR]

حياك حبيبى بعدين انا ما اهرب راح انطرة عاللفة متى ما طلعت لة اخبار جديدة وسلامتك وتعيش

 

[ALMFJR]

للمتابعه

 

[Dary]

واخيرا بدا يتحرك
لحق لا تلحق

 

[ALMFJR]

مبروك سلطان سكر 640 بإرتفاع +30 فلس واللى شرى من بعد توصية صاحب الموضوع ربح فنقولة مشكور اخونا
ولكل من سألنى عن السهم قلت لكم راى فية حتى من قبل الموضوع برابط سلطان بأنة طيب ورايح لل700 وزود بعد وباجر عالتداول مال اليوم ممكن يعلق وهالاحتمال كبير
مبروك لملاكة
خبر جديد يفيد سلطان لانة مرتبط بالمخازن او اجيليتى حاليا سواء بالصعود او بالهبوط وهو كالتالى:

اجيلتي تستحوذ علي ليدر جروب المصريه المتخصصه في الشحن


المصدر كويتانا

 

[Mariner9k]

المفجر تصدق حاولت اصيدة على 610 حطيت الطلب من الصبح ولمن شفتة كان صاعد ...... بس نشوف باجر اذا احصلة على 630 هم زين .... بس لاترفعا وايد وطير فية انطرنى اركب معاك وبعدين فى مجال تويل فية ومبروك فرحة لك والله وعساك دوووووووووم ربحان