ابي اخذ اجل يا جماعه ممكن احد يفيدني..!

[Zero]

انا باخذ اجل و للعلم اول مره بسويها...

لكن بعرف الطريقه شلون من بداية دخول بوابة البورصه وين اروح و من عنده عشان اخذ اجل ؟؟

ياليت احد يفيدني و يشرحلي بالتفصيل الممل وين اروح و شنو اسوى وبكون ممنون.

 

[مضارب_عنيف]

انا أنصحك انك لاتاخذ إلا اذا عندك معلومة 100%

 

[Zero]

الله يرزقك و يطول بعمرك...

لكن انا ابي شلون اخذ اجل اروح وين مكتب الوساطه والا وين ؟

 

[c200]

روح لدلاال الي تتعامل معاة وقوله ابي اجل اهووو يشوف صانع السوق ويعطيك اذا فلوسك موجودة

 

[Zero]

مشكور سي 200 وجزاك الله اللف خير ,,

زين ما احد عنده علم شلون طريقة الاجل ؟ يعني الى سمعت انه على كل طقه 300 دينار تقريباً يعني كل 5 فلوس ب300 دينار هل هذا صحيح ؟

 

[أبو فلسين]

اخوى الاجل فى 100 ألف وبيكون للاسهم اللى اسعارها تحت 250 فلس وفى 50 الف للى فوق 250 وفى 25 الف للى فوق 500 فلس الباقى ماوصلت مواصيله المهم نضرب لك مثال على الهواء اطلق
بنقول طلبت الاهليه طبعا الاهليه سكرت على 265 اهنى انت اتروح لدلال وتقوله ابى أجل بالاهليه اسمها البيوع المستقبيله بس صبها وحقنها بتطلع مثل الاجل بيقولك جم الكميه قوله 50 الف اجل بيقولك جم السعر بتقوله خذى بالمعروض المعروض 265 خذلك بالمعروض السهم راح يطلع عليك 270 الخمسه الزايده فايده لهم
اجمالى المبلغ بيطلع 13500 على ثلاث شهور
انت راح تدفع الكاش 5400 والباقى يا تبيع يا تكيش
المهم انقول انتهت الثلاث شهور وسهمك نازل هنى يا جدد يا تكيش بنقول انك راح اتجدد بالاول لازم ادعم السهم بمبلغ 810 دنانير لك هذى يسمونها تدعيم مستقبلى واهو فرض وراح ياخذون عليك 250 وبيكون اسهم بالحاله هذى طالع عليك 275 والى اخره عسى وصلت المعلومه
اوف تعبت

 

[Zero]

مشكور و كثر الله من امثال...

بس سؤال اخوي العزيز و حبيبي بوفلسين اذا سهم اقل من 200 لازم الحد الادني انك تاخذ 100 سهم ؟ ,, يعني فهمني لازم جم عندي كاش عشان اخذ سهم قيمة 140 فلس ؟

 

[أبو فلسين]

140 اخذه اجل على سنه بيطلع عليك 148 اذا بعت قبل انتهاء الثلاث الشهور الاولى بيطلع السهم عليك 142 واذا بعته خلال 6 شهور بيطلع عليك 144 واذا بعته ب9شهور بيطلع عليك 146 واذا بعته بتمام السنه بيطلع عليك 148 المهم
أجمالى المبلغ بيطلع 14800
لازم تدفع مقدم 5920 ويكون السهم عندك سنه اما اتكيشه بعد انتهاء السنه ولا انك اتبيعه بلى اهو
وبتوفيق اخوى

 

[Zero]

جزاك الله خير ابوفلسين...

 

[مضارب_عنيف]

دق على دلالك قول حولني على سوق البيوع وهم يشرحولك الوضع اثناء التداول وبعد التداول دق على مكتبك واخذ بس بعد التداول الشركات محدوده واثناء التداول راح تلقاء أغلب الشركات

 

[ميكانيكي]

نصيحة لاتاخذ ... انا خذيت وناطر سهمي يصعد من شهر 11 للحين ماصعد

شنو حالتك اذا فلوسك شوي ؟؟؟ راح تنطر وتحط ايدك على خدك لين يصعد

وصراحه ماكو احلا من الكاش ... طال عمرك لارديت البيت والسوق طايح اتحط راسك عالمخده تنام مرتاح لأنه شغلك كاااااااااااااش ويحلات الكاش

 

[Zero]

ميكانيكي شنو سهمك ؟

 

[بورصاوي]

حبيبي الاجل نفس السوق الرسمي
بس اغلى بوحده ونص عن المعروض
الكميات وضحوها لك فوق
ميزة الاجل انك ما تدفع كل قيمة السهم بل تدفع 40% من القيمه + العموله واللي هي الزياده اللي تصير على سعر السهم وحده ونص تقريبآ
نصيحتي لك
مد ريولك على قد لحافك .. اخذ اجل بس خلك مستعد انك تكيش السهم
وتدفع المتبقي من القيمه في اي وقت يعني مثال تاخذ السهم ويكون
مقدمه مثلآ 6 الاف والباقي 9 الاف لازم تكون في متناول يدك المتبقي من القيمه .... مو تدش بكل الفلوس اللي عندك اجل ..وتطق اصبع بعدين
اذا بغيت تجدد او اذا نزل السهم لسعر التفسيخ تدفع 10% من المبلغ المتبقي...فلازم تاخذ احتياطاتك

النصيحه الثانيه
لا تاخذ سهم اجل ... وعليه صجه ولجه واخبار بالجرايد ودعايات او مثل ما يقولون سهم شعبي .... وخر عن النوعيه من هالاسهم بالاجل
دور لك سهم خامر ومنخش وماعليه كلام وتداوله بسيط وتعرف اسعاره
عدل ووين كان ووين صار عليه وارباحه معقوله ... وماعليه كميات اجل كبيره

بالنهايه اقترح لك ..... سهم التعليميه اذا تاخذه بال 300 حلو او 295 احلى
سهم منسي حاليآ ... وماكو ضجه عليه ... وله وقت

وتقبل تحياتي.... واذا في اي استفسار حازر

 

[jeme_E]

الاجل يغري ولكن انصحك بما انصح فيه نفسي
لاتشتري اجل الا اذا تقدر تكيشه لو نشبت

مو تصير خايف وتحاتي وتنعفس فوق تحت
واحد اعرفه خسر فوق 160 الف بسبب الاجل

وانت حر

 

[Zero]

اخوي بورصاوي...

شلون نفس السوق الرسمي يعني انا عندي كاش اشتري سهم قيمته تحت 200 بكمية 20 هل اقدر اخذ اجل ؟ او ازود الكميه لي 40 ؟؟؟

 

[Zero]

جيمي الله يرزقك و يعوض الى تعرفه

وانت صراحه من الناس الطيبه والى ارتاحلهم عسى ربي يوفقك وين ماتروح

 

[Mariner9k]

سلام شباب ..... اضيف خبرتى ...... انا انسان جربة الاجل واضيف كلامى حق كلام اخوانى ..... جربة حلو ومر بنفس الوقة ...... عشان تاخذ الحلو منه بس لازم مثل ما تفضلوا اخوانى يكون عندك كاش فى حالة نزول السهم ..... اما فى صعودة فهذا الحلو ماله ..... وبصراحة انا ربحة مرة والمرة الثانية خسرة بسبب عدم توفر الكاش للتجديد او للتكيش ..... والحمدلله على كل حل وربى يعوض على الجميع

 

[بورصاوي]

اخوي بورصاوي...

شلون نفس السوق الرسمي يعني انا عندي كاش اشتري سهم قيمته تحت 200 بكمية 20 هل اقدر اخذ اجل ؟ او ازود الكميه لي 40 ؟؟؟

انا اقول لك نفس السوق الرسمي اذا اتبعت الخطوات اللي قلتها لك
يعني بدون مغامره ويكون كاشك معاك اذا بتكيش ... يعني ماكو خطوره
بالاجل اذا تعاملت معاه بشكل صحيح ...الفرق اهو العموله اللي ياخذونها
بالنسبه للكميات اللي تاخذها محدده بالاجل كالتالي
اسعار الاسهم
250 فلس وتحت ... اقل شي تاخذه 100000 الف سهم
255 الى 500 فلس اقل شي تاخذه 50000 الف سهم
510 الى 1000 اقل شي تاخذه 25000 الف سهم
1020 وفوق اعتقد لل 2500
اقل شي تاخذه 12500 الف سهم

صار معلوم ... الريوق وصل

 

[قاروه]

انا باخذ اجل و للعلم اول مره بسويها...

لكن بعرف الطريقه شلون من بداية دخول بوابة البورصه وين اروح و من عنده عشان اخذ اجل ؟؟

ياليت احد يفيدني و يشرحلي بالتفصيل الممل وين اروح و شنو اسوى وبكون ممنون.

السلام عليكم ...

اخوي بالنسبه للاجل الموضوع طويل لاكن باختصار

لازم اقل شي 5 وحدات للسهم مع مراعاة اختلاف كمية الوحدات

في اجل شهر , 3 شهور , 6 شهور , 9 شهور وسنه

تدفع دفعه اولى 40 % من قيمة الصفقه + العموله (تحدد العموله على حسب مدة الاجل)

مثال

بتاخد اجل 6 شهور التجاريه العقاريه

5 وحدات = 50 الف * 285 =14250 دينار

دفعه اولى 42 % = 14250 * 0.42 = 5985


سعر الفصخ =
(قيمة الصفقه)-(الدفعه الاولى) = الباقي على عدد الوحدات

سعر الفصخ يكون = 14250-5985 =8265 / 50000= 165 فلس

وادا بيتفصخ السهم عليك لا سمح الله لازم تدفع 10 % من باقي القيمه

الباقي =8265 * 10 % = 826

اتمنى تكون وضحت الصوره

وشلون تطلبه كلم الدلال وهو يطلبلك

 

[wwwQ8]

اهرب اهرب اهرب اهرب

هرب