متابعة التداول ليوم الثلاثاء 29-5-2007

[Master-Leo]

السلام عليكم

صبحكم الله بالخير والسعاده والسرور وأبعد عنكم كل خساره وكل شر وشرور

خل أوزع عليكم الصفحات الاقتصاديه لجرايد اليوم

بس مره ثانيه اللي يبيها يحط لي بالحساب كل يوم 100 فلس

http://www.alwatan.com.kw/Default.aspx?pageId=30

http://www.alqabas.com.kw/Final/New...ryArticlesPage.aspx?CategoryID=353&ParentID=0

http://www.alraialaam.com/29-05-2007/ie5/economics.htm

 

[jeme_E]

السلام عليكم ورحمة الله وبركاته
صباح الورد للورد

ليو شلونك طال عمرك صباح عسل

ما شاء الله عليك الظاهر قاعد مبجر عشان تبطل الموضوع

بس دامك بطلته يومنا اخضر بذن الله والمجموعه الدوليه حد اعلى
والدوليه م ا حد اعلى
والله يرزقنا واياكم بالرزق الطيب

ويشرب حليب ويقرى جرايد ويتأمل

 

[ضرار.]

صباحكم ورد جورى
والمؤشر يعدل مساره اليوم
ماعليكم أمر الصفوه شنو أتوقعون عليها اليوم

 

[Master-Leo]

أبرز مافي صحافه اليوم ان شركة دار الاستثمار تنفي اتصالها

مع جهات أو شركات لخلق تحالف بغرض الحصول على مجلس

ادارة بنك بوبيان .

ومجموعة استثماريه تسعى لتملك حصص في الأهليه القابضه

على اسعار 285-290 بغرض تجمعيها للاستثمار لما هو متوقع

من اعلان صفقه ايجابيه للأهليه وللارباح المتوقع الاعلان عنها

في الربع الثاني .

 

[Master-Leo]

jeme_E هلا اخوي صباحك القشطه بالعسل بعد وأنا

قاعد بالغلط 5:30 شكو مادري

اخوي مستثمر الامان الصفوه حاليا مؤشراتها الفنيه

سلبيه مافتكر بنشوف صعود قوي على المدى القريب

الدعم 110 ومن بعده 108 ومؤشر القوة النسبيه يظهر

تماسك على الأسعار الحاليه 110- 112 ومؤشر الماكد سلبي

تجاوز خط الصفر نزولا لكن مؤشر الستوكاستك يظهر ان في

تشبع بالبيع فوارد جدا الارتداد بأي لحظة . بالتوفيق

 

[خبير النفط]

أبرز مافي صحافه اليوم ان شركة دار الاستثمار تنفي اتصالها

مع جهات أو شركات لخلق تحالف بغرض الحصول على مجلس

ادارة بنك بوبيان .

على طارى دار الاستثمار فولفو معروضه للبيع مو احسن من اوستن مارتن

 

[q8_chamber]

صباح الخير يا حلوين

صباح الخير ليووووووووووووووووووو

انا متفائل بوجهك يا حلووو

الله يهديه Q8 Stock امس ودرنا بـــ 50 أحمر

ان شاء الله اليوووم خضر

و الامان يكمل مشواره , بإذن الله ​

 

[بيتك للتداول]

بعد الاعلان عن استقالة وزير النفط والاتفاق الامريكي الايراني اعتقد السوق سوف يتفاعل بالايجاب

 

[بوفايز]

صبحكم الله بالخير جميعاً
عزيزي الكنج
شرايك في تمدين أ
تعتقد خذت كفايتها بالارتفاع والا فيها بعد ​

 

[Master-Leo]

يا هلا اخوي شيمبر عساك تكون بخير دوم ووجهك الحلو طال عمرك

بوعلي يحب مرات يشتري بالنازل فيقوم يفتح الموضوع هههه

انا صراحه شمعة التداول أمس مخوفـتني شوي فالله يستر اليوم

 

[ميكانيكي]

صباح الفلووووووووووووس الي يليتها ماتغير النفوس

 

[Master-Leo]

صبحكم الله بالخير جميعاً
عزيزي الكنج
شرايك في تمدين أ
تعتقد خذت كفايتها بالارتفاع والا فيها بعد ​

هلا بالعزيز بوفايز

تمدين أ مرتفعه ومؤشراتها طافحه أكثر من بواليع الكويت بوقت المطر

صعودها كان مصحوب بتكوين عدة فجوات بالشارت فخوفك ان نزلت

ماتلقى لها شراي تصير مثل المال للاستثمار . ابعد عن المخاطرات

 

[q8_chamber]

يا شباب

الريوق جاهز

اكووو ثلاث بيضات حق بو علي

لا تنسون تغسلون ايدكم

​

 

[jeme_E]

بعد الاعلان عن استقالة وزير النفط والاتفاق الامريكي الايراني اعتقد السوق سوف يتفاعل بالايجاب

سقونا دايم يمشي عكس والله يستر


ليو هم انا مادري شفيني قاعد من الساعه 5 الفجر

q8_chamber امس داقينها مشويات بالدوانيه لما الحين على جبدي

شنو توقعاتكم لليوم وشنو الاسهم اللى راح تصعد

 

[بوفايز]

هلا بالعزيز بوفايز

تمدين أ مرتفعه ومؤشراتها طافحه أكثر من بواليع الكويت بوقت المطر

صعودها كان مصحوب بتكوين عدة فجوات بالشارت فخوفك ان نزلت

ماتلقى لها شراي تصير مثل المال للاستثمار . ابعد عن المخاطرات

حلوة سالفة بواليع الكويت
والله يا الكنج أنا أخذت رزقتي منها وطلعت الحمد لله بس حبيت أسأل لأني أشوف ناس تكتب بالمنتديات بأنها رايحة للدينار
الله يعطيك العافية ويرزقك دوم مو بس اليوم ​

 

[Q8 Stock]

السلام عليكم


صباح الورد على الجميع



حق الشماته يا سعد ...!!!

 

[ميكانيكي]

صراحه تمدين أ اشارته امس خطره وتوحي على نهاية الصعود بس برايي تراقبها اليوم

 

[متداول مبتدئ]

صباح الخير

انا اتوقع ان السوق يكمل النزول
سواء في بداية التداول او نهاية التداول

انشاء الله خير

 

[q8_chamber]

السلام عليكم


صباح الورد على الجميع



حق الشماته يا سعد ...!!!

والله العظيم انك حبيب يا بوعلي

يبا نبي نكسبك حسنات

ما عليه , مره ثانية قوووم من النووووم مبجر ​

 

[ميكانيكي]

شباب شرايكم بالاهليه عقب الخبر الحلو الي نزل بالجريده اليوم .. ودي اقب لأنه مو تكانه