رحمة الله سبحانه وتعالى ورأفته على عبادة

الموضوع في 'إستراحة المنتدى' بواسطة sa3od29, بتاريخ ‏30 مايو 2007.

  1. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج
    هذه سالفه صارت في الزمن القديم يعني على ايام الشقى تقريبا,,,,,يقول ان كان في رجل من قبيلة تزوج امرأه من قبيلة ثانيه وبعد الزواج صارت بينهم امور واختلاف وقرر ان الرجل يطلق المرأه وكان البدو في السابق يترحلون على ابل او خيول وكاان الرجل هذا ميسور حال ولا يملك شي من الرحول ويروحون ويردون مشي على الاقدام المسافة الي بين القبيلتين تبعد يومين مشي على الاقدام فلما وصل الرجل هو ويا زوجته عند اهلها خلاها ومشى وبعد اشهر وصله خبر ان زوجته حامل...فقرر انه يردها لها وان زوجته بالحاله هذه تعتبر في ذمته ما تطلقت..لما رد الرجل الي زوجته قام وخذاها بيردون لديرة الرجل في نص الطريق .......المرأه طاحت وبحالة الطلق يعني بتولد فولدت المرأه ولد وانصدم الرجل ان زوجته توفت بعد ماولدت الولد,,,,فكر الرجل شنو يسوي بالمولود هذا مافي اي شي حوله ويبجي بين ايده ولاعارف شنو يسوي والمسافه لقبيلة تبعد يوم ولقبيلة امه تبعد يوم ,,,يعني لو بياخذه راح يموت من الجوع....فكر فكر فكر فكر....قال مافي اله ادفن المرأه واخلي الولد عندها لين يموت وياها,,,لمن جى بيدفن المرأه كانت الارض قاسيه يابسه مافي تراب كله صخور,,,فقام وسوى لها قبر من الصخور يعني غطى المرأه بالصخور مثل البيت الصغير وحط الولد فوق امه ومشى,,,,,,راحت الايام وقال انا بروح اشوف قبر زوجتي وبدفنها بتراب واكفنها دام الحين انا برخى ولما وصل الزوج عند قبر زوجته انصدم.............المفاجأه له ان شاف ولد يحبيي ويسمع صوته يراغيي ولما راح بياخذه شاف الولد يروح حق القبر.......اندهش الرجل من المنظر هذا......لقى ان الولد هذا اهوا ولده ولمن يجوع الولد يروح ويرضع من صدر امه......ولقى ان زوجته ميته ونصها ميت ونصها حي ماعدا صدرها يدر حليب للولد والنص الحي علشان يتدفى الولد لما ينام عليه,,,,قعد يبجي الرجل هذا وادرك ان رحمة الله سبحانه وتعالى ما منها يأس وان الله سبحانه حنون غفور رحيم على عبادة ....احن من الام على ولدها
    وادعوه الله سبحانه ولا راح يخيب ظنكم انشالله وشكرااااا
     
  2. jemee

    jemee عضو جديد

    التسجيل:
    ‏21 أغسطس 2006
    المشاركات:
    1,470
    عدد الإعجابات:
    0
    1

    بارك الله فيك
     
  3. ***بومحمد***

    ***بومحمد*** عضو جديد

    التسجيل:
    ‏6 فبراير 2007
    المشاركات:
    2,811
    عدد الإعجابات:
    1
    سبحان الله أرحم الراحمين

    اللهم إرحمنا فوق الارض وتحت الارض ويوم العرض

    وجزاك الله خير

     
  4. beginner25

    beginner25 عضو جديد

    التسجيل:
    ‏10 ابريل 2007
    المشاركات:
    150
    عدد الإعجابات:
    0
    مكان الإقامة:
    الكويت
    سبحانك ربي ... بس صج لقالو .. الرياييل مالهم امان ... الحين الغبي مافكر ياخذ الولد معاه !!!! كان خذاه وكان وقتها ماكان ربك راح يخليه لابد كان بيلتقي باحد بالطريج او اي شئ ... بعد اشحقة قام يبكي بالنهاية !!!
    اقول لايكون بعد هالمنظر خله الولد مرة ثانية ويالة بعد فترة لقاه صاير ريال :)
     
  5. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج
    ايييه خله مره ثانيه ورد ولقاه ريال وقام يبجي وخلاه ورد ولاقه شايب عااااد :)
     
  6. beginner25

    beginner25 عضو جديد

    التسجيل:
    ‏10 ابريل 2007
    المشاركات:
    150
    عدد الإعجابات:
    0
    مكان الإقامة:
    الكويت
    وناسة :D
    بلا خدم بلا حضانه :)
     
  7. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج
    قبل مافي خدم حتى المراه قبل كانت بمواصفات رجل
     
  8. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    جزاك الله خير
     
  9. الشاطر

    الشاطر عضو نشط

    التسجيل:
    ‏20 يونيو 2004
    المشاركات:
    1,357
    عدد الإعجابات:
    4
    رحمه الله كبيره ومافيها شك بس القصه هى اللى فيها شك :confused:
     
  10. $$قصب سكر $$

    $$قصب سكر $$ عضو جديد

    التسجيل:
    ‏8 نوفمبر 2006
    المشاركات:
    92
    عدد الإعجابات:
    0
    سبحان الله

    الله قادر على كل شيئ أخي الكريم.

    ولكن القصة يتهيألي إنها فيلم هندي بنكهة عربيه:p
     
  11. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج
    طيب هذه القصة فلم هندي مع العلم ان انا اسمعها من زمااان من يوم ماكنت صغير يعني ....لكن شرايكم ان في لبوه ترضع لها قرد توه مولود ...وكلت امه وطاح الولد من بطن امه وقامت اللبوه تربيه :)
    هم قولو بعد فلم هندي او مو صحيح

    وتاكدو ان الله قادر على كل شي حتى اليهوديه الي شربت الجلب عزكم الله ماي دخلها الجنه علشان جلب........هم هذه ماتصدقونها بعد .....مصيييبه