عقد جامبو للمخازن من كويت نيوز مبروووك

[خسران ولكن]

مصدر مسئول في اجيليتي: البنتاغون يوافق على تجديد عقد جامبو لأجيليتي

مبرووووووووووووووووووووكين
المصدر كويت نيوز
www.kuwaitnews.mobi


للاشتراك بالخدمة الاقتصادية ارسلf للرقم92269

 

[العوضى]

يعطيك العافيه على هالخبر , وجزاك الله خير

 

[خبير النفط]

ياعمى ما صارت عقود شنوا فايده بلايين العقود اذا صافى الربح لاشىء

 

[العوضى]

ياعمى ما صارت عقود شنوا فايده بلايين العقود اذا صافى الربح لاشىء

تدرى ليش ماكو فايده , لأنك مو متفائل :d تفائلوا بالخير تجدوه وان شاء الله تشوف اللى يسرك و يسر الجميع , بس خل نتأكد من الخبر

 

[MUSAED77]

عقد والله مصيبه لا تقول عقد الناس تفرح وانا احبط

السبب : مثل ما قالوا الاخوان عقد وراه عقد شنو الفايده احنا متفائلين لانه احنا مسلمين بس الصبر الى متى تاخذ فلوسى وتحكرها خمس سنين وقولى تفائل ؟؟؟؟؟؟؟؟
ما نتفائل اله اذا علق السهم الى الحد اللى نكون فيه طالعين براس مالنا وهذا يبيله معجزه

 

[خبير النفط]

مو قضيه عدم تفاؤل المسئله ببساطه ان العقود هذه ليست مؤكده استهلاك المبلغ كله هذى وعد بلشراء او التشغيل المعنى ان مده العقد يمكن تنتهى وما يكون الشغل بذاك الضخامه لعدم الحاجه للعديد من الخدمات المسجله فى العقد

 

[اخو دنيا]

السلاام ومبروك لهل المخازن والله يرزق من فيهااااااااااااا
وفيه اشااااااعه طالعه علي مجموعه البحر ان الوليد بن طلااال يبيي يدخل علي المنتجعااات ويبي حصه فيهاااا والله اعلم

 

[العوضى]

مو قضيه عدم تفاؤل المسئله ببساطه ان العقود هذه ليست مؤكده استهلاك المبلغ كله هذى وعد بلشراء او التشغيل المعنى ان مده العقد يمكن تنتهى وما يكون الشغل بذاك الضخامه لعدم الحاجه للعديد من الخدمات المسجله فى العقد

كلام جميل , بس المشكله ان سوقنا صار سوق مضاربات , الغالبيه بما فيهم المحافظ , اتجهوا للمضاربات اكثر من الإستثمار , والكميات الكبيره الى جمعوها بالفتره السابقه باقل من دينارين للسهم الواحد , اكيد راح يصرفونه علينا بربح خيالى لهم , ومثل هالعقود فرصه حلوه للتصريف , بس الشاطر واللى الله كاتبله اهو اللى يقدر يقتنص الفرصه و يبيع قبل لا الفاس يطيح بالراس وما يلقى احد يشترى , اتمنى انك فاهم اللى انا اقصده

 

[NaaaaR]

اعتقد انه اليومين اللى طافو كان فيه شراي قوي على 1900 و 1920 ممكن يصير تصريف يوم السبت على الخبر هذا لانه المثل يقول اشتر بالاشاعه وبيع بالخبر

 

[العوضى]

اعتقد انه اليومين اللى طافو كان فيه شراي قوي على 1900 و 1920 ممكن يصير تصريف يوم السبت على الخبر هذا لانه المثل يقول اشتر بالاشاعه وبيع بالخبر

لا تستبعد , كل شى جايز , بس اهم شى ان الخبر يطلع صحيح قبل يوم السبت , وكل ما كان العقد كبير , زادت تعليقات السهم , وان شاء الله , الخبر يطلع صحيح و العقد يكون كبير والخير يعم على الجميع

 

[MAFLO3]

انشاءالله يتفاعل السهم مع الخبر

 

[ALMFJR]

طبعا مبروكين شباب وخاصة حق اخوى العوضى لانة صبر وان شاء الله سوف ينول

 

[النجدي2007]

جم قيمة العقد ؟؟؟؟؟

 

[العوضى]

طبعا مبروكين شباب وخاصة حق اخوى العوضى لانة صبر وان شاء الله سوف ينول

تسلم يا الغالى , والكل صبر , وان الله مع الصابرين , حتى لو الشركه ما اكدت الخبر , كافى عندنا الأمل , وتفائلوا بالخير تجدوه

 

[وسيط محترف]

اللعبة محفوظة والعميلة واضحة

ياجماعة انتوا للحين ماحفظتوا اللعبة 000000

الحبيب كل ما يبى السهم ينزل000 حط الملايين وضغط على السهم + جم تصريح للصحافة عن ارباح الشركة + اشاعات دخل السوق عن المنطقة الحرة قبل!!

وما تذكرون قبل جم شهر يوم يقول ان ارباح المخازن مو شى وبعدها بجم يوم ينفى ليش ما نفى بنفس الوقت؟؟؟؟؟؟

واليوم اللى يجمعون الكميات اللى يبونهاويكتفون 00اول شى يطلعون اشاعة + خبر عن عقد كان بالاول ملايين وصارت مليارات وبعدين بيصير ترليون +ويطلع الحبيب بالجرايد ويعلن عن ارباح وتوزيعات بالهبل

علشان جذى ماتشفون السهم محصور بين 1700 الى 2200 ومايصعد اكثر لأن عارف اذا صعده الناس ناطرينه فوق لو تحسبونها صح تلقون طول السنة يضارب على حسابكم ويطلع السهم عليه 1.700 وبايعه 12دينار ف ليش يصعده 300فلس طالع وبايع فلس300نازل وشارى فى لعبة احلى من جذى؟!!!!

 

[MUSAED77]

انا موافق

الكلام معقول انا سويت جذى وخففت خسارتى لانى مقتنع انه ما راح يصعد علشان الناس كلهم ناطرينه لانهم كلهم خسرانين فيه ووالدى قاعد يقولى لا تغامر والحين اهو خسران 100% وانا والحين الحين والحمد لله خسران بس 30% والايام الجايه انا متاكد ومافى شى صعب على الله بعوض الباقى واتمنى انكم بعد تربحون لانكم داخلين السوق تربحون في اللى مثلى متسلف والله واللى ماخذ قرض وهذوله بهذلونا والله الله بس ستر على وبردت عليه فى اسهم بعد ثانيه

 

[ALMFJR]

جم قيمة العقد ؟؟؟؟؟

السلام عليكم
توضيح بسيط
عقد الجامبو كله 3 مليار
على 5 سنوات من 2005
كل سنه لازم يتم تمديد العقد
يعني لو نقسم 3 مليار على
5 سنوات يطلع كل سنه
حوالي 700 مليون
وهذا تمديد للعقد
لكن التمديد يعطي دفعه
لسوق والمخازن في الفتره القادمه
والله اعلم

 

[وسيط محترف]

لعبوا معاهم

ضاربوا معاهم لا تستثمرون 100فلس طالع و100فلس نازل

 

[الفال الطيب]

والله يا الوسيط المحترف كلامك فيه نوع من الصحه.... الناس وعت وفقدت الثقه والمصداقيه بالمخازن... مطلوب التريث لين نشوف هل الخبر صحيح ام ألعوبه جديده... لا يلدغ المؤمن من الجحر مرتين..
لكن المشكله الناس مو راضيه تفهم.. بسرعه ينسون , وتبحلق اعيونهم علي الاشاعات ويفرحون ثم ينصادون.

 

[وسيط محترف]

والله يا الوسيط المحترف كلامك فيه نوع من الصحه.... الناس وعت وفقدت الثقه والمصداقيه بالمخازن... مطلوب التريث لين نشوف هل الخبر صحيح ام ألعوبه جديده... لا يلدغ المؤمن من الجحر مرتين..
لكن المشكله الناس مو راضيه تفهم.. بسرعه ينسون , وتبحلق اعيونهم علي الاشاعات ويفرحون ثم ينصادون.

ياخوى لا تلومهم يبون يعوضون 00000بس انشالله يرتفع السهم ولا يطلعون طلعة مثل كل مرة والناس تربح هالمرة 000تصدق مرة اخذت المخازن اجل على 1720 بس من الخوف قطيتها بعد يومين 1820 مع انى كنت عارف انها بتوصل اكثر بس مالهم امان يضاربون حتى على 20 فلس