طنشوا اشاعة0000حل المجلس

[وسيط محترف]

الرجاء من جميع المتداولين عدم الاهتمام بخبر حل مجلس الأمةحتى لا يتأثر السوق !!

كعادة بيحلونه وبيجى مجلس غيره وبيرجعون يتهاوشون ويحلونه مرة ثانية 00صارت السالفة عادية 00000شنو اللى يبى يتغير

 

[salem.srsr]

مافي دخان من غير نار . ​

 

[مضـــارب]

مافي دخان من غير نار . ​

صدقت ما فيه دخان من غير نار والظاهر الحل غير دستوري يعني حل مختلف عن غيره

 

[bo-sahm]

الرجاء من جميع المتداولين عدم الاهتمام بخبر حل مجلس الأمةحتى لا يتأثر السوق !!

كعادة بيحلونه وبيجى مجلس غيره وبيرجعون يتهاوشون ويحلونه مرة ثانية 00صارت السالفة عادية 00000شنو اللى يبى يتغير

وتتوقع ما راح يتأثر السوق بالإيجاب عند حل المجلس

شوف التاريخ عند كل حل للمجلس السوق يشعلل

بالعكس إشاعة الحل ترفع السوق ما لم يصير شي غير معتاد وهذا كذلك متوقع بس ....

 

[وسيط محترف]

وتتوقع ما راح يتأثر السوق بالإيجاب عند حل المجلس

شوف التاريخ عند كل حل للمجلس السوق يشعلل

بالعكس إشاعة الحل ترفع السوق ما لم يصير شي غير معتاد وهذا كذلك متوقع بس ....

ياريت الله يسمع منك 00000صار المجلس نقمة

 

[بو سعود2003]

سوقنا الحمدالله قوي ما يحتاج ا اشاعه ..

 

[بانوراما]

صدقت ما فيه دخان من غير نار والظاهر الحل غير دستوري يعني حل مختلف عن غيره

ان شاء الله يكون حل غير دستوري ونفتك من شي اسمه مجلس امه للابد


مجلس الامه كله خراب بخرام

محد اخرنا الا هو


خل يحلونا ونفتك من شرة​

 

[q8_chamber]

الرجاء من جميع المتداولين عدم الاهتمام بخبر حل مجلس الأمةحتى لا يتأثر السوق !!

كعادة بيحلونه وبيجى مجلس غيره وبيرجعون يتهاوشون ويحلونه مرة ثانية 00صارت السالفة عادية 00000شنو اللى يبى يتغير

جزاك الله ألف خير على توعية الاعضاء

هذي اشاعة اكيدة

و معروف من مصدره ((من يخلق الأزمات))

اتمنى عدم تصديق هذا الخبر

مع جزيل الشكر ​

 

[بورصة جمبزه]

عند حل مجلس الامه بالعكس سوقنا راح يطوف 12100 نقطه عند التاسيس وسيتجه الي 13000 الف نقطه وهذا كلامي عروقه بالماي لا تخافون لان المجلس الان كلمن يبي يمشي وري مصلحته وتركو عنكم الي يقولونه لكم بعض النواب عن الاصلاح كله جمبزه بجمبزه واكبر دليل وليد العصيمي واحمد السعدون وغيره كلمن قاعد يطلع خياس الثاني وبينت فليكا بوق في بوق وهذا دليل علي اساس الحكومه توريك ان اغلبيه الاعضاء مصالح شخصية وتاركين مناقصات وامور البلد وره ظهرهم خلوهم يحلون المجلس والحكومه اتمشي الي براسه وتشوفون سوقنا ان ما طاف ال 12100 نقطه انا ما افتهم شيء والوعد جدام موفقين
(( بيض الخعفق مو نفس فرخ الخعنفق ))

 

[الفال الطيب]

حل مجلس الامه راح يشعلل السوق فوق فوق.
لانه ماراح يكون فيه استجوابات ولا أزمات ومشاحنات بين السلطتين.
وما راح يكون عند تجارنا بالبورصه اعذار يختلقونها كل يوم بسبب المجلس.

 

[Night-Arrows]

والله لو يسكرون المجلس او نفتك منه انا اشوف ابرك او احسن لنا لان ما شفنا من المجلس هذا اي شي يفيد

 

[وسيط محترف]

شوفوا يااعضاء مجلس الامة اشكثر الناس تحبكم وخصوصا المتداولين!!!!!!!!!!!!

 

[_عبدالعزيز_]

بالعكس المجلس ماقصر بشي والمجلس اهو اللى اقر لكم الااتصالات الثالثه والمجلس لولا الله ثم اهو كان الله اعلم بحالنا والمجلس اهو اللى اقر اغلب الشركات العأده لكم بالفايده واذا فيه عظو او عضوين موزينين هذول مايأثرون عليه والختام المجلس أنتم اللى طلعتوهم وجبتوهم اما الحكومه مدري من وين جايين تجاار اكبار وعوايل معروفه فقط وماتطلع الحكومه منهم الضريبه جايه جايه نسيت اقولكم المجلس اقر 150 دينار بدل اجار والحكومه بتعيد القانون لانه يرهق ميزانية الدوله والحميضي يقول عندنا عجز كبير ههههههههه والماى والكهربا ماعلينا قاصر بالعكس مستعدين نعطي دول المنطقه ماى وكهربا لانه ماعمره انقطع عندنا ماى وكهربا

 

[خبير النفط]

لو ما رحمه الله والمجلس جان الكويت مثل ايام زمان طبقه تجار ماكله الخضر واليابس وطبقه كادحه ياله تلقى لقمه عيشها وسبب خراب المجلس اهو الحكومه الى علمت الاعضاء على الحرمنه حتى الشريف يخربونه علشان يمشونه على كيفهم
تحمدوا ربكم عندكم مجلس وعندكم حريه تقولون الى تبون ولا تخافون غيركم ماهو قادر يتنفس من غير ما يتلفت يمين ويسار ويحسب الف حساب للكلمه قبل ما يقولها

 

[rahaly]

التجارب علمتنا ان الحل معناته صعود صاروخي للسوق ..

الله يصلح الحال

 

[خبير النفط]

صحيح الحل معناه ارتفاع السوق لان الحكومه تضخ الملايين من الدنانير علشان تطير السوق وتقول ان الناس مستانسه من الحل او ان المجلس سبب نزول السوق وفى النهايه المحافظ تشفط الملايين ويرجع السوق مثل ما كان

 

[المؤشراتي2]

سوقنا الحمدالله قوي ما يحتاج ا اشاعه ..

صح ؟لكن لا تنسى العام خنقوا السوق بسبب احداث لبنان

 

[خبير النفط]

لا تنسوا ان سوق الكويت عايش على الاشاعات وعلى هوى المحاقظ يرفعونه لاى سبب وهم ينزلونه لاى سبب اذا مثال اشصار على اخبار ايران من مده كانت اهى المحرك ايران قالت وسوت وامريكا قالت وبتسوى والحين ماكوا ايران مالها طارى هل انتهت المشكله او انحلت القضيه طبعا لا لاكن الخبر استهلك وعاد تعال شوف لك خبر ثانى روسيا امس جربت صاروخ باليستى يمكن هذا ينزل السوق بكره ليش لا

 

[أبو فلسين]

بالعكس حل مجلس الامه راح تجاوب معاه السوق بالارتفاع لانه مجلس الامه ما وراه الا السرقات ومثل مقال استاذى البحر اقرب طريق لثراء ان اكون عضؤ مجلس الامه
المهم خل يحلونه ابرك من سرقاتهم وكلهم يمشون على مصلحتهم حراميه اغلبهم

 

[خوش خبر]

لمجلس

شنو حلو المجلس .....؟ بس اذا السالفه صج دربكم خضر السوق فى صعود