مطلوووب : Ipod 80 غيغا .

[CrystaL]

السلام عليكم ..

يا شباب مطلوب iPod 80 GB شرط ان يكون نظيف ..

للي عنده اتمنى يكتب رقم تلفونه و سعره المطلوب .

 

[دربيل]

احمد شلونك

عندي واحد اخوي احمد لونه ابيض
استعملته كم يوم وخشيته بالكبت
جديد مع كامل اغراضه
ومعاه سماعات فيها راديو ومنبه شاريها ب48 دينار من clicknbuy.com.kw
اذا لك خاطر دق علي ونتفاهم
اخوك بوهشام

 

[meshal1974]

السلام عليكم
ابو هشام انت لو احد يدش بيتكم ويبوق هالكبت اللي حاط كل شي فيه يربح عدل هاهاهاها ما شاء الله كل شي حاطه بالكبت؟

 

[دربيل]

السلام عليكم
ابو هشام انت لو احد يدش بيتكم ويبوق هالكبت اللي حاط كل شي فيه يربح عدل هاهاهاها ما شاء الله كل شي حاطه بالكبت؟

والله ضحكتني

تصدق ساعات افنح الكبت القى اشياء شاريها من زمان وناسيها واقول حق نفسي متى شريت هالشي؟

مشكلتي اني اشتري واستعمل كم يوم وانسى

تقدر تسميها حالة مرضية

حالة نفسية
عندك علاج؟

والله يعين

 

[meshal1974]

والله ضحكتني

تصدق ساعات افنح الكبت القى اشياء شاريها من زمان وناسيها واقول حق نفسي متى شريت هالشي؟

مشكلتي اني اشتري واستعمل كم يوم وانسى

تقدر تسميها حالة مرضية

حالة نفسية
عندك علاج؟

والله يعين

هلا بالحبيب

عندك حلين:

1- تبيعهم بالمنتدى.
2- د/ مروان المطوع.


بالنسبه حق الايبود شكثر كفالته ابو هشام؟ وجم طالب فيه؟

 

[دربيل]

هلا بالحبيب

عندك حلين:

1- تبيعهم بالمنتدى.
2- د/ مروان المطوع.


بالنسبه حق الايبود شكثر كفالته ابو هشام؟ وجم طالب فيه؟

انا اقول انبيع بالمنتدى احسن ...دكاترة الطب النفسي يسوونك مينون رسمي
مو وقته عقب هالعمر

بالنسبة للايبود ما فيه كفالة اخوي مشعل شاريه من واحد يايبه من الامارات
وانا فاتح النايلون بأيدي

وانا ببيعه مع الجهاز الي فيه سماعات ورادو اسمه Ihome Ih5R
وهذي صورته

الايبود شاريه ب 105 دنانير
والجهاز ب 48 دينار

والبيع لاعلى سعر
سوم اخوي مشعل وان شاء الله يصير من نصيبك

 

[meshal1974]

والله ماعرف في أسعار المستعمل أبوهشام
80 دينار زين؟

يشغل فيديو؟

 

[دربيل]

يشغل فيديو

و 80 دينار شوية

زيد والله كريم

وين احمد؟

مو شنه اهو الي يبي يشتري؟:d

 

[meshal1974]

نخليهم 85 دينار أبوهشام
الغايب عذره معاه وشكله لقى له شي ثاني يشتريه
انا مالي حاجه وايد في الايبود بس قلت اذا سعره حلو باخذه ينفع حق بر ولا شالية حق السيارة هم جيد يعني و شكلي انا بدت تحوشني نفس حالتك الظاهر هاهاهاهها

 

[CrystaL]

هاهاهاها والله ضحكت ضحك هاهاها ... ما شاءالله عليكم عيني عليكم بارده

بس عندي فكره ثانيه بو هشام ....
اتبيع الكبت باللي فيه ؟ هاهاها

اعتقد مخزن الغانم عندك بالكبت هاها .. ماشاءالله ماشاءالله ( عين الحسود فيها عود )

هممم والله يا بو هشام في شغله فرت راسي .. الصوره و السماعات اللي حاطهم للايبود الصغير النانو اعتقد ..

فمادري هل اهو يركب على كل الانواع يعني !!
عموما المشكله اني عندي سماعات يا بو هشام وخوش سماعات بعد فاشلون تقدر اتبيعه من غير السماعات ..

اذا ما تقدر من غير السماعات اعتقد meshal1974 يستاهله اكثر مني

 

[meshal1974]

تستاهل الطيب كرستال

السماعات يركبون على جميع أنواع الأيبود وعموما انا ماعندي خبره بالايبود شريت مره من منتدى واحد جربته ماياز لي كان نانو 2 قيقا جنه حتى صوته مو زين صاير و عسى يكون هذا الكبير احسن من هذاك والسماعات على شان فيها منبه وجذي فقلت فرصه بعد وإن شاء الله ابوهشام قاعد يراجع نفسه على السعر

 

[almoress]

ما عليه بدش وياكم عالخط

تسمح لي مشعل؟؟

بعد إذنك إذا سمحت لي


السوم عندي بـــ 90 دك


وشكراً

 

[meshal1974]

لا أخذ راحتك أخوي هذا مزاد بدون ما تستأذن

 

[almoress]

شكراً شكراً

ماتقصر

 

[bojro7]

انا ابي الجهاز الى فيه رادو بجم انا شراي دزلى رقمك على الخاص

 

[meshal1974]

أبو هشام شكله زهق منا وراح ينام

 

[دربيل]

مشكورين على اهتمامكم وردودكم الطيبة

مخلص الكلام
بعد التفكير الجاد و العميق والاتكال على الله(حشا بندش حرب)
الايبود ب90 نهائي بروحه (وعلى فكرة يركب على السماعات الي عندي)
السماعات 38 دينار بروحها
مع بعض 125 دينار كويتي
ومشكورين

 

[meshal1974]

بالتوفيق أبوهشام

 

[almoress]

بالتوفيق


إذا هونت رد لنا خبر

 

[CrystaL]

يا عيني عليك يا بو هشام .. دايما عليك جمل فتتاكه

يا بو هشام انزين عندي فكره اشرايك اتبادل راس براس مع جهاز اسمه ( creative Zen ) ..

هذا العنوان فيه مواصفاته و صورته ..

http://www.creative.com/products/product.asp?category=213&subcategory=214&product=14331

الفرق بينهم اللي عندك 80 غيغا انا اللي عندي 60 غيغا ..
بس انا عندي اف ام داخلي و تسجيل صوت انتا ما عندك ..

على قولتهم شي يعوض عن شي ... اشقلت يا بو هشام فكر و رد علي