عزيزي العطار تراني على قدي بالتحليل الاساسي .. وهذي مشكلتنا نمشي على التشارت والتحليل الفني واذا شفناه لوحه فنيه اخذنا قرارنا عليه ونسينا وضع الشركه واخبارها .
ابي اقولك اللي اعرفه عن LTRX بالاول :
الشركه بتاريخ 5 / 8 جا خبر عليها انها شالت المميزات من موظفينها او المدراء وكبار الموظفين .. وهذا خبر ذو حدين اما انها خسرانه وقاعده تقتصد بالمصاريف ومن الناحيه الثانيه تزيد السيوله عندها وهذا جيد .
وبسبب الخبر هذا لو تلاحظ نزل السعر شوي وتلاحقته الشركه ونزلت خبر ثاني
بتاريخ 6/8 نزل خبر زيادة مبيعات بقيمه نص مليون دولار وبالفعل انتعش السهم ورجع يستعد للصعود
ارتفع السهم بطريقه للاختراق وفعلا طار على اساس ان يوم الاربعاء يطلع التقرير الربع سنوي اللي كانوا منزلين خبر عنه ليوم 19/8 والظاهر كانوا متوقعينه جيد ولكن لما تاجل الاعلان بدا الخوف وتراجع السهم ولم يخترق فعليا
اسمحلي مادري وين قريت خبر الاعلان بالضبط ترا من كثر الاسهم الواحد داخ بينها
هذا رابط فيه اخر اخبارها شوفه :
http://www.knobias.com/individual/public/quote.htm
فايدته يالعطار يوضحلك وضع الشركه المالي ارباحها وخسايرها وتقارنها بنفس الربع للسنين السابقه وتشوف اذا هي متحسنه والا لا وهذا كفيل انه يحدد سعرها الحالي يا ترتفع والا تنهار حسب التقرير
وبنفس الوقت يعطيك نظره مستقبليه للشركه واستراتيجياتها هل هي مطمئنه والا لا
يعني مهم جدا ولازم الانتباه له
انا اقول الدخول فيه الحين قرار غير حكيم نهائيا
اما انتظار الاختراق والا صدور الاعلان
بالنسبه لبيوميرا BIOM :
قطاع البيوتك كله معطينه بوليش .. ولكن القطاع هذا خطير متذبذب وما يمشي الا على الاخبار .
شوف الرابط هذا العطار تلقا اخبارها لانني بصراحه ماني متابعها من زمان عنها :
http://www.knobias.com/individual/public/quote.htm
عموما اخبارها الاخيره جيده باستثناء 2nd quarter results - ما تشيكت عليه شوفه وتاكد
وباعتقادي انشالله رايحه لل 2 $ ويمكن تطوفها بسهوله وتكمل لل 2.50
واكثر وسوتها قبل هالمره
سهم جيد يالعطار بس ناقصه تحط التشارت وتتحفنا بلمساتك عليه
تحياتي لك
