عقار 170فلسا السفن 520فلسا قبل نهاية الشهر

[الشاطر]

بيض الله وجه ياالمستثمر الدولى على التوضيح المشكله انى متابع توصيات

اقتصادى قديم

من يذكر سهم يصير القط بالملايين ويسكر مرتفع نقطه او نقطتين وممكن يعلق اذا كثرت الكميات اللى عندهم عشان يكمل التصريف ومن بعد يوم الله يعين اللى شرى

ياجماعه الله عرفناه بالعقل
فى شخص يقول السهم بيرتفع بكره على اى اساس بيرتفع بكره الا ان اللى بيرفعه هو اللى يقول وليش يقول مدامه بيرفعه خل يجمع اول لو قلنا انه جمع ليش بيرفعه الا انه بيصرف

والله اتعجب لما يستخفون بعقول الناس

واحد يقول المنتجعات رايحه 800
واحد يقول الدخول على الاسماك وبعدها الله لايوريك
وغيرهم كثير

تصدقون من يتكلمون عن سهم املكه لو ينزل عشره افلوس اقطه على طول لانه عندى انتهى دوره

والله فيه كلام لازم ينقال بدون زعل

المحلل اللى يحط شارت سهم يصيب مره ويخطى مره هذا مصداقيته تزيد لانه مجتهد ولكل مجتهد نصيب

 

[NaaaaR]

ياجماعه لاتظلمون الريال الصراحه توصياته استفدنا منها ماشالله عليه موشرط يتحقق الهدف لاكن تشوف السهم من ثاني يوم مرتفع عن نفسى يوم وصى على عارف دشيت وشريت 485 وبعته 520 موشرط ابيع على كلامه لاكنه نبهني على السهم بعدين انت صاحب القرار موشرط تشتري تابع بعدين احكم وسهم امتيازات شرينا 220 وبعت 228 الواحد اذا يتله رزقه ياجماعه لايردها يقول بنطر الهدف 250 حتى الاهداف بالشارتات موشرط تحقق خلك على تكتين ثلاث احسنلك من الانتظار حتى وصول الهدف شي طبيعي بكون جني ارباح وانت خلك وياهم طالع نازل والله يوفقكم انشالله

 

[jeme_E]

السلام عليكم
عندي تعليق بخصوص التوصيات
واتمنى محد يزعل مني

انا اعتبرها تنبيه على اسهم لا اكثر ولا اقل
وعلى الشخص ان ينتبه للسهم ويعمل دراسه صغيره عليه

مثال
المؤشرات للسهم والكلام عنه
اخبار الشركه ربحانه خسرانه وتوزيعاتها
سعرها خلال العام هل هو قمة الان او قوعه
كلام الاخوان بالمنتدى عنه

كل هذا تقدر تسويه بأقل من نص ساعه
وبعدها انت حر تدخل او ماتدخل
واذا ربحت ماراح تشارك احد بالربح
واذا خسرت وقعتة الخساره عليك وحده

فلا تأخذ بأي توصيه وانت مغمض سو بحث وبعدين قرر

وكل واحد براحته ومشكور اقوي اقتصادي على الموضوع
وعساك على القوه
وعقار من زمان عليه كلام واجد



والسفن عقدها طيب اول يوم حد اعلى وبعدين فوق تحت
وباجر يبين وين توجهه فوق او تحت

 

[ابوعبدالله لابتوب]

بصراحه وبدون زعل

كل واحد يحب يفيد الناس المجال مفتوح له سواء كان موفق بالاخبار اللي يجيبها او لا وبصراحه احنا استفدنا كثير من الاخ الحبيب اقتصادي قديم والحقيقه تبقى والتصنف جهاله لو اقتصادي قديم يعلم الغيب كان نتشره عليه لكن ما قصر اجتهد وله منا كل الشكر والاحترام اما انت يا مدعي انك مستثمر دولي ما فيه أحد مستفيد منك غير انك تطعن بهذا وبذاك وحاط كلام الرجال اقرى شوف شكاتب تحت بالتوصيه والله اعلم اقراها عدل يا المستثمر الدولي احنا مستغنين عن خدماتك وخل يفيدك الشارت مالك الرزاق ربك مو شارتك
وهذا افضل شي قريناه بكلامك اللي كاتبه دعاء دخول السوق..." (( لااله الا الله وحده لاشريك له له الملك وله الحمد يحيي ويميت وهو حي لايموت بيده الخير وهو على كل شي قدير )) =====

 

[khalid2002]

انا شخصيا وللامانة اعتز جدا بتوصيات اقتصادى قديم والاخ وسيط محترف ومشكورين للكل 00

 

[الرسته جوكى]

جزاك الله الف خير على ردك الجميل...؟
والحمد اني مانزلت لمستوى متدني عشان ارد عليك

يااخي ليش عصبت لهدرجه سؤالي محرج
انا ماقلت شي غلط كل اللي طلبته ليش توقعت الاسعار هذي

ولا تببينا نصفق لك على شان حطيت توصيات ترى التوصيات مافي اسهل منها والواحد يحطله كذا شركه ويخلي العالم تصفقله بس الحمد لله تدري ليش لاني مطبق حديث الرسول صلى الله عليه وسلم..

لايؤمن احدكم حتى يجب لااخيه مايحب لنفسه
عرفت ليش الحين مانحط توصيات يازعيم


وبعدين في نقطه مهمه لاحضتها على توصياتك انك لما لما توصي يكون في جني ارباح للسهم ثاني يوم غرررريبه
وتفضل هذي توصياتك وورني مدى مصداقيتها عشان نفيد ونستفيد مو بس الشغله شغلة توصيات
واترك الامر لاخواني الاعضاء

الله يعطيك العافيه مستثمر دولي والله كنت نفسك بسال نفس الاساله وجزاك الله خير وفيت وكفيت للاسف الاسهم اللى ذكرها اقتصادري قديم كانت تصريف الله المستعان من كثرت الاسهم اللى يوصيى عليها وانا قلت فيها انا

 

[khalid2002]

الرستة جوكى انت شلون تعرف التصريف من التجميع ممكن تفيدنا ترانا غشم جزاك اللة خير 00 وثانيا عقار والسفن متى جمعو علشان يصرفون علينا ممكن تفيدنا 00

 

[المؤشراتي2]

شوي شوي شباب كل المنتديات فيها متعهدين تصريف مع المحافظ والسر وين لازم تميز .هذي فلوس وتنميتها تحتاج فراسه

 

[جمبازي]

الساكت عن الحق شيطان اخرس ...


اولا ..يسمح لى اخوانى بالمداخله ...



للعلم ...اقتصادى قديم ..الذهبى 1...شافى (منتدى النوادى )



اما شخص واحد (او يعملون لدى نفس المحفظه ...للتصريف على الناس )


فيرجى الحذر منهم ....


.....اعلم ان كتابتى هذه راح تخلى بعض الناس تكرهنى ..


لكن كرهى منهم ...لايهمنى ..بل يهمنى حفظ مال الناس


....اقتصادى ...تدرى ليش اسمى جمبازى ...

 

[Abdullah Alhajeri]

لاتعليق

 

[khalid2002]

لاتنسى التصريف يربحنا يامؤشراتى2 ( خلهم يصرفون ويرفعون السهم وانا مالى ابى اناسبهم والا اشاركهم انا داش اخذ رزقى واطلع )00 وكان زين اقتصادى يعرف محفظة علشان يفيدنا كل يوم على اى سهم يصرفونة ( علشان نصرف وياهم عيل شحقة داش السوق مو استفيد

 

[groupse]

شباب شغلة وحده مركز مالي جال لنا رايح لين 360 او راح فوق يعني الي شرا ربحان كافي توصيتا, مستثمر دولي ليش ما تدكر توصياته الزينا

 

[جمبازي]

سأقول لكم بالضبط ماهى طريقة الاقتصادى قديم ..



مثال :::

سهم تم تجميعه من 120 الى 140 ...


يتم نشر موضوع عنه ..علشان تنتبه له الناس ...الخطوه الاولى


ثانى يوم يرتفع السهم بنسبه قليله ...المحفظه تعرض وتشترى من نفسها

ويشترى معهم الناس ..ويصرفون ..ثم عمليه جنى ارباح سريعه


مع خروج من السهم ....الخطوه الثانيه


وعقبها تسأله يقول لك السهم صعد ..ههههههههه


اكيد صعود خفيف للتصريف ...حاله اولى


اما الحاله الثانيه ..فهى سهم ارتفع وبقوه ....

وبعدها ينشر اخبار..بانه سيصعد .فيتم التصريف من بدايةالتداول ..


والناس تشترى ...ظنا ..منهم ان السعر سيرجع للاعلى ...حاله ثانيه


وللعلم انا مراقب الثلاثه ..من اول ماكتبوا ...بالتوصيات ..وبلغت عنهم ..


المراقبين ...وتم عمل مقارنه بين كتاباتهم فى كذا منتدى ..


نفس الكلام ونفس التوصيه ..ونكات اخرى معهم للتطبيل ...

 

[المؤشراتي2]

انا ما اتهم الاخ / اقتصادي في شى . بس انا اقول هذا اسلوب معروف ومتداول وشرعي يزدهر اثناء الانتعاش ل تصريف الاسهم التعبانه مع صعود السوق

 

[جمبازي]

شباب شغلة وحده مركز مالي جال لنا رايح لين 360 او راح فوق يعني الي شرا ربحان كافي توصيتا, مستثمر دولي ليش ما تدكر توصياته الزينا

كلامك سليم


اخوى ...


هذى توصيه ..وضعت ..كدس السم بالعسل ...


وممكن يعطيك كذا سهم يصعد ...على حسب كيف المعازيب


بس بشرط مايكون لهم علاقه بالسهم


علشان تصدق توصياتهم ...


ولا اشلون تبى الناس يصدقونه .....


لازم يعطيك شى تربح فيه ولا بعدين الناس تكش منه ..


ويكون له عذر لما تواجهه بتوصيته ..يقول لك عطيتك سهم صعد

 

[groupse]

الشركات الي ايب اخبار عنها كلها تصدق اخبارا وكلها اخبار ايجابيه

 

[جمبازي]

لاتنسى التصريف يربحنا يامؤشراتى2 ( خلهم يصرفون ويرفعون السهم وانا مالى ابى اناسبهم والا اشاركهم انا داش اخذ رزقى واطلع )00 وكان زين اقتصادى يعرف محفظة علشان يفيدنا كل يوم على اى سهم يصرفونة ( علشان نصرف وياهم عيل شحقة داش السوق مو استفيد

اخوى خالد ..

ممكن تربح معاهم بعشر اسهم ..


لكن بسهم واحد يسحب كل ارباحك ....ويسحب من راس مالك بعد

 

[جمبازي]

الشركات الي ايب اخبار عنها كلها تصدق اخبارا وكلها اخبار ايجابيه

نعم كلها اخبار ايجابيه ...


طبعا للغشيم ....والطماع ...



لاتزعل من كلامى ..هذى الحقيقه ..


يدورون الشباب الى احلامهم ورديه .ويدورون الثراء السريع ...

 

[NaaaaR]

سأقول لكم بالضبط ماهى طريقة الاقتصادى قديم ..



مثال :::

سهم تم تجميعه من 120 الى 140 ...


يتم نشر موضوع عنه ..علشان تنتبه له الناس ...الخطوه الاولى


ثانى يوم يرتفع السهم بنسبه قليله ...المحفظه تعرض وتشترى من نفسها

ويشترى معهم الناس ..ويصرفون ..ثم عمليه جنى ارباح سريعه


مع خروج من السهم ....الخطوه الثانيه


وعقبها تسأله يقول لك السهم صعد ..ههههههههه


اكيد صعود خفيف للتصريف ...حاله اولى


اما الحاله الثانيه ..فهى سهم ارتفع وبقوه ....

وبعدها ينشر اخبار..بانه سيصعد .فيتم التصريف من بدايةالتداول ..


والناس تشترى ...ظنا ..منهم ان السعر سيرجع للاعلى ...حاله ثانيه


وللعلم انا مراقب الثلاثه ..من اول ماكتبوا ...بالتوصيات ..وبلغت عنهم ..


المراقبين ...وتم عمل مقارنه بين كتاباتهم فى كذا منتدى ..


نفس الكلام ونفس التوصيه ..ونكات اخرى معهم للتطبيل ...

بسم الله الرحمن الرحيم
ان بعد الظن اثم
ياخي العزيز لاتحكم على الناس من مجرد تحليل ومقارنه اغلب التوصيات واللى يحطون الشارتات كلامهم يتشابه موشرط يكونون متفقين بعدين الاخ اقتصادي حط معلومه وصلته وكتبها احنا لنا القرار انا قلتها قبل اشوي الريال استفدت منه ومابي اخسره لانه انسان مجتهد وفعال وانا اشوف توصياته ماشيه حتى لو كان فيه توصيه وصار عليها تصريف هم ما الومه لاني مومجبر اشترى ليش اذا ربحت بعطيه من ربحي كل اللى اقوله الله يوفقه الريال اجتهد ماقصر بصراحه

 

[الرسته جوكى]

الرستة جوكى انت شلون تعرف التصريف من التجميع ممكن تفيدنا ترانا غشم جزاك اللة خير 00 وثانيا عقار والسفن متى جمعو علشان يصرفون علينا ممكن تفيدنا 00

حبيب قلبي اعلمك شلون التصريف التصريف لما يقولك السهم راح يصعد السعر الفلاني وانت دايخ تاخذه من باجر من فوق وتبي تقطه مثل السعر اللى يقوله شف البنك الاوسط قال عنه وهو على 720 والناس خمط مخامط لين نقعك 10 ايام على 690 ولا فيه تداول يبر الجبد يعني جمدوك عدل وشوف عارف ومجموع الاوراق والابراج كانت 660 دخل الناس فيها والحين 630 ومتي جمعو على السفن ياالحبيب السفن صاعده من 315 مو كافي 100 فلس لهم صعود وعقار 112 الضاهر انت كنت نايم لما اصعدو وعبالك الاسعار هذى كانت من 6 اشهر