حساب تداول

[dark-77]

انا ودي افتح حساب تداول اي شركه اوبنك تنصحوني افتح فيها حساب

 

[((بن حسين))]

انا ودي افتح حساب تداول اي شركه اوبنك تنصحوني افتح فيها حساب

بنك الكويت والشرق الاوسط​

انا كتبت للاخ سمبتيكا قبل اشوي بمزايا البنك الاوسط:
أنا أنصحك اتروح بنك الكويت والشرق الاوسط واتقول لهم ابي افتح حساب تداول بهذا المبلغ..راح يطلبون منك ايميل .. تعطيهم الايميل وراح يرسلون لك التفعيل عن طريق الايميل خلال يومين ورقم المحفظة الخاصة بك.

وبعدها انت اتكون وسيط نفسك بالانترنت اتبيع وتشتري وتقدر تعطي اوامر بيع وشراء حتى 90 يوم اذا وصل للسعر اللي انت تبيه

واذا كانت خارج النت بالسيارة او غيره تقدر تتصل على الوسيط وتعطيه اوامرك وراح ينفذها على الفور

وفي حال لك ارباح نقدي او منحة تنزل بحسابك بدون ما تروح البورصة وتوقف بالدور..الخ.

وميزتها بعد ما تروح البورصة كل يوم اتدور مواقف وغير الاختناقات المرورة... انت قاعد بالبيت او بالدوام اتخلص نفس بنفسك بالبيع والشراء هذا غير ان البرنامج الخاص فيهم Pro يخليك كأنك قاعد بالبورصة اتشوف بث حي ومباشر على الصفقات والاوامر للشركات

ملاحظة: وراح يعطونك دورة مدتها يومين على كيفية البيع والشراء بالسوق الكويتي والامركي​

 

[dark-77]

واشلون الاوامر ما في مشاكل بالنسبه للسرعه اخوي الاسعاف

 

[((بن حسين))]

واشلون الاوامر ما في مشاكل بالنسبه للسرعه اخوي الاسعاف

بالنسبة للسرعة فهو حي ومباشر واحسن من غيره حتى لو كانت سرعت النت بطيئة
لاني جربت تداول البنك الوطني ..حده فاشل لانه يستخدم الجافا بالبث المباشر وانت اتعرف الجافا ومشاكله واذا خطك بطئ راح يضيع عليك وايد فرص​

 

[dark-77]

مشكور ويعطيك الف عافيه

 

[Q8-111]

بنك الكويت والشرق الاوسط​

انا كتبت للاخ سمبتيكا قبل اشوي بمزايا البنك الاوسط:
أنا أنصحك اتروح بنك الكويت والشرق الاوسط واتقول لهم ابي افتح حساب تداول بهذا المبلغ..راح يطلبون منك ايميل .. تعطيهم الايميل وراح يرسلون لك التفعيل عن طريق الايميل خلال يومين ورقم المحفظة الخاصة بك.

وبعدها انت اتكون وسيط نفسك بالانترنت اتبيع وتشتري وتقدر تعطي اوامر بيع وشراء حتى 90 يوم اذا وصل للسعر اللي انت تبيه

واذا كانت خارج النت بالسيارة او غيره تقدر تتصل على الوسيط وتعطيه اوامرك وراح ينفذها على الفور

وفي حال لك ارباح نقدي او منحة تنزل بحسابك بدون ما تروح البورصة وتوقف بالدور..الخ.

وميزتها بعد ما تروح البورصة كل يوم اتدور مواقف وغير الاختناقات المرورة... انت قاعد بالبيت او بالدوام اتخلص نفس بنفسك بالبيع والشراء هذا غير ان البرنامج الخاص فيهم Pro يخليك كأنك قاعد بالبورصة اتشوف بث حي ومباشر على الصفقات والاوامر للشركات

ملاحظة: وراح يعطونك دورة مدتها يومين على كيفية البيع والشراء بالسوق الكويتي والامركي​

اسعد الله اوقاتك
بخصوص الاوامر التنفيذيه سوا بيع او شراء في قسم التداول في بنك الكويت والشرق الاوسط والمده الزمنيه القصوى المسموح بها هل هي 90 يوما اوسبوع الرجاء الايضاح وشكرا

 

[starter]

اسعد الله اوقاتك
بخصوص الاوامر التنفيذيه سوا بيع او شراء في قسم التداول في بنك الكويت والشرق الاوسط والمده الزمنيه القصوى المسموح بها هل هي 90 يوما اوسبوع الرجاء الايضاح وشكرا

السلام عليكم اخواني
انا عن نفسي امجرب السوق الامريكي 90 يوم واتوقع السوق الكويتي نفسه لأني ما جربت اقصى مدة على السوق الكويتي بس جربته في الامريكي وهي 90 يوم
والله يوفق الجميع

 

[ابو رتاج]

السلام عليكم :بخصوص الاوامر في بنك الشرق الاوسط هي 90 يوم في سوق الكويت

 

[dark-77]

وماذا عن السرعة

 

[ابو رتاج]

اخويdark-77: بالنسبه للسرعه في اشتراك اسمه برو 25دينار بالشهر مباشر مع البورصه: وسرعة تحط الامر يدخل علي طول :

 

[dark-77]

يعطيكم العافيه

 

[ابو رتاج]

الله يعافيك وحاظرين

 

[ابو رتاج]

اسف بخصوص السعر هو20 دك مو 25

 

[Sniper Stock]

بعد أذنك اخوي بو رتاج


احسن شركة اللي اهيه متعامله مع بيت التمويل الكويتي وأسمه

KFH

وبصراحه سلس واحسن شركة تعاملت معاهم..ترووح لبيت التمويل وتطلب فتح حساب تداول وتعطيهم ايميلك وبعد يومين يطرشوون لك الاسم المستعار..والباسوورد ورقم حسابك للتداول

ومن ناحية البيع والشراء عندهم ثلاث طرق اولا تقدر تبيع عن طريق الاتصال وماكوو ضغط عن طريق وسيط لدى الشركة..ثانيا عندهم الدوانيه وخاااص للعملاء وحاطين جميع الترفيه بالدوانيه من قهوة وعصاير وماي ومكيفات وشغل عدل..وثالثا عن طريق الانترنت عندهم برنامج اسمه مباشر وتقدر تحط اوامر البيع او الشراء بالسعر اللي انت تبيه يوم او يومين او اسبووع واكثر وتبيه فوري او اول دقيقه من افتتاح السووووق او بآخر دقيقه قبل الاغلاق..وسهل جداااا ومن ناحية الارباح اهمه يضبطوون لك كل شئ بس اشترك وتمتع بخدماتهم..وانا مجربهم..وطبعا مباشر الحين عندهم مجانا لفترة محدوده وبعدهااا راح يكون اشتراك 20 دينااااااار..وازيدك من الشعر بيت لما تشتري بشركة ..وتحطها بمحفظتك تشووفه اذا سهمها مرتفع يطلع اللون اخضر واذا نازل من القيمه اللي انت شاريه يصير احمرر ..واهيه بمحفظتك يعني مثل اللي يقووولك ترىى انت ربحان ومبااااشر وفووووووووق هذا يتعاملوون فقط بشركات شرعيه بدال ماتسأل وتحاتي وتقووووول هذه شرعيه او لااا اهمه مريحيني من هالناحيه..وأي استفسار انا حاضر

 

[dark-77]

اشرايكم بشركة كفيك (متداول)

 

[Sniper Stock]

اشرايكم بشركة كفيك (متداول)

اي اخووي هذه اللي قلتلك عنهاااا بردي عليك الاخير واي استفسار عندك الماسنجر مالي ضيفني واشرحلك بالتفصيل الملل

 

[dark-77]

حبيبي مشكور يا سوالف كفيت و وفيت و ما قصرت

 

[كشكول]

التمويل ممتاز وسريع بس فيه كذا عذروب منها الشركات حديثة الادراج مو موجود ضمن الشركات المسموح التداول حتى لو كانت شرعية مثل الافق والاوامر ماتقدر تحطى في اي وقت ، اما المتداول كفيك اهم ميزه فيها انه مايحتاج برنامج خاص للتداول والاوامر تحطها في اي وقت

 

[Sniper Stock]

التمويل ممتاز وسريع بس فيه كذا عذروب منها الشركات حديثة الادراج مو موجود ضمن الشركات المسموح التداول حتى لو كانت شرعية مثل الافق والاوامر ماتقدر تحطى في اي وقت ، اما المتداول كفيك اهم ميزه فيها انه مايحتاج برنامج خاص للتداول والاوامر تحطها في اي وقت

عدل كلامك اخوي كشكوول..بس انا سألت احد الاخوان بالشركة..وقلتله اذا بغيت اضيف اسهم لشركة ..بمحفظتي عندكم قالي يبيلها شهر على ماتنزل بالمحفظه..بس فيه طريقه تقدر تبيع وتشتري عن طريق حسابك اللي بسووق المقاصه حساب عادي..ودمتم