للبيـــع كاميرا ديجيتـال كوداك جديده بنقاوه 7.1 ميجابيكسل

[Abdulazeez]

للبيـــع كاميرا ديجيتـال كوداك جديده موديل C703​

تصوير بنقاوه تصل إلى 7.1 ميجابيكسل ... شـاشه حجم 2.5 بوصـه ... ذاكره داخليه سعه 32MB ... زووم رقمي 5x ... زوم بصري ( optical ) بقوه 3x ... أماكنيه إضافة ذاكره نوع Sd أو MMC ... الملحقات كامله ... بطاريه ... AV Cable ... كابل الـ USB ... البرامج والتعريفات على CD .. فلاش ... تصوير مقاطع فيديو بالصوت والصوره وتقريبا شبه متأكد أن تصوير الفيديو مستمر ومو محدد حسب حجم الذاكره ... وزنها 145 جرام فقط ... حسـاس الصوره نوع 1/2.5-inch CCD sensor type ... فتحه العدسه Aperture: f/2.7 and f/4.8 at wide .. الإيزو والحساسيه الضوئيه فهمت من الي قراته أنها مابين ISO 80 تصل إلى ISO 800 على أصغر وضعيه حجم للتصوير ... وغيرهـا من المميزات .

سبب البيــع لأي واحد يبي يسـأول هو أني ببيعهــا عشــان أشــتري كاميرا بقوه أكبر ونقاوه 10 مجيا وفوق حق البوسترات وسلامتكم
Digital 7 Megapixel Camera with 3x Optical zoom and 5x Digital Zoom ​

لأي معلومـات إضافيه عن الكاميرا ... أضغط تحت​

أضغط هنا​

 

[ابن قرناس]

كم طالب بيها؟

 

[Abdulazeez]

كم طالب بيها؟

على السوم لمن يسوم أكثر ... ماراح أطلب وايد ... سوم وإن شاء الله خير

الكاميرا بكرتونها ... بس كفر الكرتون الخارجي اي عليها الصوره مو موجوده .. بس وللعلم حطيت البطاربه فيها للتجربه شغلتها وطفيتها حتى ما صورت ولا صوره للأمانه بس ومشكورين ​

 

[fesalll]

البطاره اشكثر اتطول

 

[Abdulazeez]

البطاره اشكثر اتطول

بصراحه وبصدق ما أعرف جم تطول .. وما حصلت أي معلومه تساعدني لسؤالك على سايت الشركه . بس أعرف أنه في أنواع بطاريات من الليثيوم للكاميرا تطول اكثر ... والبطاريات الي عليها عاديه AA

والله أعلم

 

[fesalll]

بصراحه وبصدق ما أعرف جم تطول .. وما حصلت أي معلومه تساعدني لسؤالك على سايت الشركه . بس أعرف أنه في أنواع بطاريات من الليثيوم للكاميرا تطول اكثر ... والبطاريات الي عليها عاديه AA

والله أعلم

عندي كاميرا من اوصل الى 10 صور تخلص البطاريه مع انها شحن وماركه hp

 

[Abdulazeez]

عندي كاميرا من اوصل الى 10 صور تخلص البطاريه مع انها شحن وماركه hp

لا تخاف ما راح توصل لهل الدرجه .. أكيد في لمت معين ... وإذا تبي معلومه دام الكاميرا تستخدم بطاريات عاديه نوع AAA أو AA فأكيد عمرها أقل .. ولهل السبب في إختيار أنك تحط بطاريات ليثيوم قابله للشحن على أكثر الكاميرات​

 

[Abdulazeez]

عندي كاميرا من اوصل الى 10 صور تخلص البطاريه مع انها شحن وماركه hp

للرد على ســؤالك وحق الي دزوا لي على الخاص يسألون عن عمر البطاريه​

الجواب : صاحبي عنده مثلها وجربتها لكم ... ركبت بطاريه ماركه Durcell حجم AA عدد 2 طبعــا مستعمله من كاميرا ثانيه
مستخدمها بتصوير كم صوره بس وحطيتها على أعلى نقاوه 7.1MB وتصوير مع نظام فلاش شــغال على طول ...
صورت لين 217 صوره بالكامل قبل ما تضعف البطاريه بالكامل ... هذا جواب كافي حق منو يسـأل عن عمر البطاريه ..
والأفضل إستخدام بطاريات شحن ​

 

[salem.srsr]

ياخوي واللة ما أعرف اسعارهم ولا عندي خلفية عن هالكامرات
لكن اناخاطري بوحدة نفسها
فياليت تقول سعرك .. واكون شاكر لك
اخوك بو عبداللة

 

[Abdulazeez]

ياخوي واللة ما أعرف اسعارهم ولا عندي خلفية عن هالكامرات
لكن اناخاطري بوحدة نفسها
فياليت تقول سعرك .. واكون شاكر لك
اخوك بو عبداللة

الســلام عليكم أخوي بوعبدالله

حط سومتك وإن شاء الله ما نختلف .. أو دزلي على الخاص وقولي الي بخاطرك .. بصراحه إذا محد زاد فوق سومتك ... و سعرك عجبني أنا بياع ... وشكرا


هاذي صوره مصورها بنفس الموديل من الكاميرا بغرفه المكتب وهي ظلمه 100% عشـان أجرب تصوير وعمل الفلاش بالتصوير الليلي ​

 

[bofattom]

افتح الباب ب 20 دينار

 

[salem.srsr]

30 دينار ...

 

[fesalll]

40 دينار

 

[salem.srsr]

45 دينار

 

[Abdulazeez]

شوف الخاص أخوي سالم​

 

[Abdulazeez]

تم البيـع والله يبارك للشــاري​