من يساعدنى يا جماعه

[الرعد]

احب ان ادخل لعالم الاسهم فماهى الخطوات بالتفصيل للدخول الى عالم الاسهم والبورصه الكويتيه


وماهو المقصود بفتح حساب هل هو الحساب البنكي العادي ام هو حساب من نوع آخر .

وكيف اشترى اسهم بيت التمويل الكويتى ؟


ادري طولتها عليكم ولكن تحملونى وبارك الله فيكم

 

[saeed]

السلام عليكم

المطلوب منك
1- حساب جاري على اى بنك
2- دفتر شيكات
3- البورصه الدور السادس فتح رقم تداول برسوم لاتزيد عن 6 دنانير
4 تحفظ الرقم مثل مو حافظ اسمك
5- اهنيه انت زاهب ما عليك الا الدور الارضي او الاول تدوور مكتب وساطه
6- تعطيه السهم المطلوب وسعر الشراء راح ينفذ والبيع نفس الشي
7 اذا شاري لازم تسدد المبلغ بحد اقصى اليوم الثانى قبل الساعه 11


والعموله مالت المكتب دينار وربع على 1000 دينار


والله الموفق

 

[الرعد]

اخوى saeed بارك الله فيك

خطوات مفهومه ومبسطه

انا عندى الفين دينار تكفى لدخول عالم البورصه

بالنسبه لاسهم بيت التمويل هل شراء الاسهم عن طريق بيت التمويل نفسه ام عن طريق الوسيط .

 

[saeed]

السلام عليكم

صراحه اخوى الرعد المبلغ اللى بحوزتك قليل
يبدو انك تجهل الوحدات والكسر

مثال
سعر السهم من (1) فلس الى (50)فلس اقل عدد ممكن للوحده 80الف سهم يكون صعود السهم والنزول نص فلس
2-من سعر(51)فلس الى (100 )فلس اقل عدد ممكن للوحده 40 الف سهم ويكون صعود السهم واحد فلس
3-من سعر (101)فلس الى (250 ) فلس اقل عدد ممكن للوحده 20 الف سهم ويكون صعود السهم 2 فلس
4- من سعر (251)فلس الى (500) فلس اقل عدد ممكن للوحده 10 الاف سهم والصعود يكون 5 فلوس
5-من سعر (501) فلس الى (دينار) اقل عدد ممكن للوحده 5 الاف سهم والصعود يكون 10 فلس
6-من سعر (دينار وفلس ) الى (دينارين ونص ) اقل عدد ممكن للوحده 2500 سهم والصعود يكون 20 فلس
7-من سعر (دينارين وواحد فلس ) الى (5 دنانير ) اقل عدد ممكن للوحده الف سهم والصعود يكون 20 فلس

اما ما دون ذلك يسمى كسر ومثال التمويل الوحده يجب ان تكون 2500سهم

اما شراء الاسهم عن طريق الوسيط


والله الموفق

 

[الرعد]

شكرا لك اخوى saeed على هالمعلومات القيمه

بما ان المبلغ لا يكفى للدخول للبورصه اذن كم اقل مبلغ ليكون الانسان على استعداد لدخول البورصه

سؤال خارج البورصه لو تكرمت

اذا على المبلغ الذى عندى هذا فإي مجال استثمارى تنصحنى ادخل فيه ولك جزيل الشكر .

 

[ملك التحدي]

اخي الرعد

البورصه في الكويت لها سوقين
يعني سوق رسمي وسوق الكسور

بالنسبه للسوق الرسمي فكماذكر اخي سعيد يجب ان تشتري بحدود كيمه معينه

اما سوق الكسور تستطيع ان تشتري فيه بدون تحديد للكميه يعني

تقدر تشتري فيه بالف او الف و500 حسب الموجود والمعروض من اسهم

واستطيع ان افسر لك اكثر بس انت اسال اللي تبي ؟
بس سؤالي لك ليش تبي التمويل بالذات ؟

 

[الرعد]

مرحبا يا اخوان
اشكركم على سرعة الرد

اخوى ملك التحدى شكرا لك على الرد وياليت تقولى اى السوقين افضل

بالنسبه لبيت التمويل فهو مثال لاحتوائه هيئه شرعيه عن الحلال والحرام فقط وليس بالضروره بيت التمويل وبصراحه ذكرتنى بنقطه مهمة احب اسأل عنها

ماهى الشركات التى تتعامل بطريقه شرعيه وليست ربويه او تتعامل بأشياء فيها شبهه .

وآسف على ازعاجكم ومره ثانيه تحملونى .

 

[ملك التحدي]

اخوي الرعد حياك بين اخوانك

السوق الرسمي وسوق الكسور واحد الاختلاف هو فقط في الكميه

حيث يجب ان تلتزم بشراء كميه معينه حسب سعر السهم مثلا سهم سعرة 60 فلس يجب ان تشتري كميه 40 الف سهم وتسمى هذه الكميه بالوحده وهذا هو السوق الرسمي
الاسعار كما ذكرها اخ سعيد

اما للكسور فممكن ان تشتري اي كميه معروضه مو شرط تلقى كل يوم يعني حسب ممكن تلقى كميه 10 الاف من سهم سعره 60 فلس


اغلب الشركات المدرجه في البورصه الكويتيه شرعيه ولكن حدد الشركه التي تبيها ونشوف لك مدى شرعيتها


وبالنسبه لفتح حساب خاص في البورصه عشان تحول لهم الفلوس

 

[الرعد]

الشركات التى اسأل عنها هى

1- عارف
2- الانماء العقاريه
2-الكيبل التلفزيونى
3- اسمنت الكويت

بارك الله فيك اخى العزيز

 

[ملك التحدي]

بالنسبه للشركات اللي ذكرتها جميعها شرعيه
ما عدا كيبل تلفيزيوني ما اعرف عنه شي

واي شي كلنا بالخدمه

 

[الرعد]

تسلم اخوى ملك التحدى على هالمعلومات وما قصرت

بس ما قلتلى على المبلغ اللى معاي شنو اختار من الثلاثه هذول
والا اشكل منهم
شنو رأيك

 

[ملك التحدي]

سامحنا على التاخير

اول خطوة في هالعالم انك ما تسمع نصيحه احد ولا وكاله يقولون
يعني لا تاخذ توصيات لانك راح تتوهق
المنتدى الحين جدامك وفيه مختلف العملومات عن اغلب الشركات
انت اختار اللي انت مقتنع فيها
وكنصيحه مني لا تحاول تدش وانت غشيم

روح البورصه واقعد هناك كم يوم شوف الناس وشلون يتدولون
يعني شوف الاجواء العامه واسال

وبعدها تابع الاخبار الاقتصاديه

وشوف اراء المحللين

بعدها توكل على الله واذا اقتنعت بشركه اشتر

والله يوفقك

 

[الرعد]

ملك التحدى بارك الله فيك على هالنصيحه
وراح اروح للسوق واقعد بدل اليوم شهر
واشوف وبعدين اقرر

جزاك الله كل خير اخوى وما قصرت

 

[ملك التحدي]

حياك الله يا خوي
وللعلم انه السوق يفتح الساعه 9.15 وينتهي الساعه 12.15

وهذا موقع السوق الرسمي

www.kuwaitse.com