سبب ارتفاع Mtc هو

[Q8-111]

الهواتف (mtc ) متقدمه بطلب الى احد الدول الاوربيه لتداول اسهمها

في بورصة تلك الدوله بس طلبت منها هذه الدوله رفع السهم الى 20

دولار امريكي حتى يمكنها الدخول في بورصة هذه الدوله لهذا السبب

سهم Mtc قاعد يرتفع


ملاحظه- الخبر غير موكد الرجاء عدم الاعتماد عليه 00 والله المستعان

 

[النجدي2007]

هذا الموضوع يذكرني بسالفة المخازن بالضبط لما وصل السهم 5,000 دنانير طلعت او اقصد طلعوا اشاعه ان السهم سوف يدرج بالسوق الامريكي بحدود 50 دولار اي مايقارب 12 دينار كويتي وصرفوااا علينا حسبي الله ونعم الوكيل

 

[مضارب شجاع]

والمشكلة ان توزيعاتهم اخر السنه يعطونك 120 فلس على السهم !!!!
والسهم قيمته 4.500 يعنى لو تحطهم وديعه افضل لك
ومثل ما قلت يا النجدى عندى احساس انه سوف يصيبه ما أصاب المخازن قبل فتره سوف يخسف فيهم الارض والله اعلم وجرد رأى والعلم عند الله .

 

[bu3teeg72]

الهواتف (mtc ) متقدمه بطلب الى احد الدول الاوربيه لتداول اسهمها

في بورصة تلك الدوله بس طلبت منها هذه الدوله رفع السهم الى 20

دولار امريكي حتى يمكنها الدخول في بورصة هذه الدوله لهذا السبب

سهم Mtc قاعد يرتفع


ملاحظه- الخبر غير موكد الرجاء عدم الاعتماد عليه 00 والله المستعان

هذي بورصة بنغلادش الظاهر!!!


يا ناس..!!!! أكو بورصة بالعالم تحدد سعر أي شركة قبل ادراجها؟؟ لا و الدولة اللي قاعدة تحدد بعد مو البورصة!

 

[خبير النفط]

احدى تقارير شركه الآمان كان قد ذكر ان ما يحدث فى سهم الهواتف هو كلاكيت ثانى مره لما حدث فى سهم المخازن من قبل وقد يكون التقرير مخطىء لاكن المثل يقول من طمع طبع والله اعلم

 

[Sniper Stock]

ياشبااااااب لااا تفهموني غلط او تظنوون اني اقصد احد بس طرأ شئ في بالي وحبيت اقوووله



ترى نجاح المنتدى بنقل المعلووومات الصحيحه..ومو كل شئ ينقال او تستاهل للنقل..ترى فيه ناس من اياام سعر شركة الاتصلاات 1 دينار واهمه مخلينه استثمار وياخذوون ارباحه وتوزيعات المنح من هالسهم ..وسعره الحين مغري للبيع فرجاء كلمة من واحد فيكم ينخسف ومادري شنو تقطعوون الرزق من الشخص مالك السهم كأستثمار...


نجحاح المضاربات بثقة اعضاء المنتدى بالمحللين فلا تكن سبب لزعزعة الثقه

 

[فراموش]

هذا الموضوع يذكرني بسالفة المخازن بالضبط لما وصل السهم 5,000 دنانير طلعت او اقصد طلعوا اشاعه ان السهم سوف يدرج بالسوق الامريكي بحدود 50 دولار اي مايقارب 12 دينار كويتي وصرفوااا علينا حسبي الله ونعم الوكيل

سبحان الله سبقتني بالرد

 

[رومنسيات]

احدى تقارير شركه الآمان كان قد ذكر ان ما يحدث فى سهم الهواتف هو كلاكيت ثانى مره لما حدث فى سهم المخازن من قبل وقد يكون التقرير مخطىء لاكن المثل يقول من طمع طبع والله اعلم

-------------------------------------------------------------
انا بقول كلمة راى وبس
لشركة قوية
استثمارات يش تستغربون اذا ارتفع سهم الهواتف وين المشكلة
يعنى فعلا سعر السهم الحين غالى على بعض الناس اللى ادش البورصة
لكن السهم سعره اكثر من جذى المفروض
قوية
ارباح قوية
ادراية قوية
خطط مدروسة للتوسع
الهواتف اذا صعد صعد السوق معاه واذا نزل نزل السوق معاه
وانتو بس راح يصير مثل سالفة المخازن ومادرى شنو
انا مانى خبير ولا بسوى فاهم لكن سؤال واحد
عطونى سبب واحد علشان يصير حالة الهواتف من حالة المخازن
سبحان الله على بعض الناس
سهم الهواتف فووووووووق ومبروك حق كل شخص يملكه
كافى السهم هذا الوحيد اللى محد دش فيه وطلع مرتفع ظغطه
ولاخسران.... واتحدى اى واحد دش بالسهم وخسر

 

[خبير النفط]

يعنى فعلا سعر السهم الحين غالى على بعض الناس اللى ادش البورصة

مو اهنيه المشكله الى مالك السهم من اول مامن مشكله لاكن الى قاعد يدش الحين على هذى الاسعار ومتوقع يرتفع فوق و فوق الاحتمال وارد ان يخسر والخساره راح تكون جايده نفس الى صار فى المخازن وهذى ليست دعوه للشراء او البيع بس الحذر واجب والانتباه من الجرى وراء الاحلام
بعدين تعال قولى شنوا احتمال حدوث مشاكل فى بعض الدول الافريقيه الى مستثمره فيها الهواتف الاحتمالات كبيره جدا كذالك العراق حكومه جديده او عصابه اخرى تستولى على الحكم وكل الاتفاقات راحت بوش من يفكك من افربقيا سفيرتنا المتجوله ولا العراق من يردلك فلوسك
عموما الحذرؤ واجب خاصه على هذى الاسعار !!!!!

 

[سناعيس]

بيعه نسبه من الشركه

صدقونى ان هناك بيعة حصه مؤثره من نسب احد الملاك (غير الخراقيه) بسعر عالى يتراوج ال8 دنانير لاحد الاماراتيين(منو؟ ماعرف)
هذا الكلام للمعلوميه
ويشهد الله أنى لا املك سهم واحد لى ولا لأحد من اقاربى

 

[المؤشراتي2]

احدى تقارير شركه الآمان كان قد ذكر ان ما يحدث فى سهم الهواتف هو كلاكيت ثانى مره لما حدث فى سهم المخازن من قبل وقد يكون التقرير مخطىء لاكن المثل يقول من طمع طبع والله اعلم

طبعآ فيه اخوان لنا راح يستذبحون للدفاع عن السهم لانهم يملكونه .يا جماعه العاقل من اتعض بغيره . راس مال الشركه مليار و800 مليون سهم والربحيه 29 فلس ,لا تسوون مثلنا ضحايا القناعات

 

[ray]

[ارتفاع الهواتف في الفتره الاخيره ماله علاقه بربحيه السهم وغيره..ولايمكن مقارنته باي حال من الاحوال بالمخازن....شوفو الكميات الضخمه جدا الي تم شرائها خلال الشهر او الشهرين الماضيين....شوفو طقات 500 الف مره وحده الي تصير بشكل شبه يومي...هذا ياجماعه شراء من اجل تملك حصص وزياده ملكيات وذلك من اجل ماهو قادم...[/

 

[Q8-111]

الله كريم

 

[hhh_hhh]

والمشكلة ان توزيعاتهم اخر السنه يعطونك 120 فلس على السهم !!!!
والسهم قيمته 4.500 يعنى لو تحطهم وديعه افضل لك
ومثل ما قلت يا النجدى عندى احساس انه سوف يصيبه ما أصاب المخازن قبل فتره سوف يخسف فيهم الارض والله اعلم وجرد رأى والعلم عند الله .

بارك الله فيك أخوي
علشان يكون الكلام فيه واقعيه اكثر لازم تذكر الموضوع كامل
صحيح الهواتف وزعت 120 فلس وهذا كان نقدي ... بس إنت نسيت 50% المنحه ...هذي وين راحت؟!! .. مو هذي ارباح بعد ؟!!.. وشوف من وزعت وتفصخ السهم وشوف سعره ألحين .. وعليك الحسبه

وربي يوفقك .. تحياتي

 

[ابن دبيان]

والمشكلة ان توزيعاتهم اخر السنه يعطونك 120 فلس على السهم !!!!
والسهم قيمته 4.500 يعنى لو تحطهم وديعه افضل لك
ومثل ما قلت يا النجدى عندى احساس انه سوف يصيبه ما أصاب المخازن قبل فتره سوف يخسف فيهم الارض والله اعلم وجرد رأى والعلم عند الله .

السهم مقبل على مشاريع ويبي تمويل وقاعد يطلعهم من حلاتنا وحنا رازين وجيهنا نبي عشرين دولار تاكد ياخوك لا يكون رايح عشرون ريال ودمتم

 

[حكم]

السلام عليكم
الله هو العالم ان اللي قاعد يحصل مرتبط بشغلة مهمه هي الاستحواذ على 51% من الاسهم حتى اذا صدر قرار اللجنة الفنية بالنسبة لحق صغار المستثمرين في البيع قبل الكبار .
من سيتقدم للبورصة لطلب الاستحواذ بسعر عالي جدا لسيطرة فلن يتمكن من ذلك لان 51 % بيد الملاك الحاليين وهذا يندرج على باقي الاسهم خصوصا القيادية ومنهم بالاخص الاسهم التي ملكياتها موزعة على كثير من المساهمين الصغار والتي تكون مغرية للاستحواذ عليها والتمكن من السيطرة.
ومع ذلك اعتقد ان البورصة لن تقر القانون حتى ينتهي الكبار من لم الحصة المسيطرة للشركة .
واذا لم يستطع الملاك من السيطرة سوف يوضع القانون بالادراج الى ان تتم السيطرة.
وللعلم هذا اجتهاد مني ليس اكثر وليست دعوة للبيع او الشراء

 

[بو سليمان]

الهواتف (mtc ) متقدمه بطلب الى احد الدول الاوربيه لتداول اسهمها

في بورصة تلك الدوله بس طلبت منها هذه الدوله رفع السهم الى 20

دولار امريكي حتى يمكنها الدخول في بورصة هذه الدوله لهذا السبب

سهم Mtc قاعد يرتفع


ملاحظه- الخبر غير موكد الرجاء عدم الاعتماد عليه 00 والله المستعان

دش السوق الامريكي و اشتر شركة بفلس مو 20 دولار 20 تلعب بالمؤشر

 

[كشكول]

صباح الخير اخوي مسالة السعر انا متأكد انه موصحيح لكن اللي اعرفه ان شركة mtc تمتلك شركة mtci الدولية واللي تمتلك جميع الرخص الخارجية التابعه ل mtc و رأسمالها راح يكون 500 مليون دولار راح يتم تسويقه جزء منه على مجموعة من المستثمرين وبعدين راح يتم ادراجه في بورصة لندن هذا اللي سمعته والعلم عند الله للعلم بس ان سعر شركة اوراسكوم المصرية في بورصة لندن هو 65 دولار و هذي الروابط للفائده والاستفادة
http://www.londonstockexchange.com/en-gb/pricesnews/prices/international+companies/africamiddleeast.htm?bsg=true&ir=3&az=O
http://www.argaam.com/frontend/companyNewsDetail.aspx?id=30129

 

[أحمـــــــد]

لووووووووووووووووووووووول

 

[Q8-111]

الهواتف (mtc ) متقدمه بطلب الى احد الدول الاوربيه لتداول اسهمها

في بورصة تلك الدوله بس طلبت منها هذه الدوله رفع السهم الى 20

دولار امريكي حتى يمكنها الدخول في بورصة هذه الدوله لهذا السبب

سهم Mtc قاعد يرتفع


ملاحظه- الخبر غير موكد الرجاء عدم الاعتماد عليه 00 والله المستعان

شكل الخبر صحيح