السوق الكويتي يضرب به المثل في منتديات سعوديه

[كويت1]

الحمدلله فهذا فضل من الله بان سوق الكويت يضرب به المثل في المنتديات الخليجيه وانشالله يكون محط روؤس الاموال الخليجيه في الايام الجايه قولوا امين .. والكاتب يقول ..

(هو أن المستثمرين الكويتيين عندهم إرتباط ببلدهم في الرخاء وفي الشدة لايهربون بأموالهم الى الخارج لإقل سبب أقليمي أو تصريح لإحد ليسوا من الجبناء أصحاب المال الجبان مثل الثلة التي عندنا الذين يهربون بأموالهم الى خارج البلاد لإتفه الأسباب
وبعدين ياليتها أموالهم !!!! هي أموال هذا الشعب المسكين ولكن حسبنا الله ونعم الوكيل)

http://www.hawamer.com/vb/showthread.php?t=331400

 

[مضارب عقاري]

انا ما ادري الاسواق الخليجيه اكثرها ورقيه ما عدا البنوك

والا تنزل شركه السوق واهي ما اشتغلت على شنو السهم يرتفع وينزل

بعض الشركات حتى مجلس ما فيها بس مدير وعدد قليل من الموظفين

انت شفت طاش ما طاش حلقة الاسهم ترى هذا الواقع عندهم ولا فيه

قانون يردعهم اخرتها يقطونها براس واحد من الوافدين ويهربونه برا البلد

خسائر المساهمين العام من الاكتتابات اكثر من 3 مليار دولار فيه اسهم

اكتتاب تخسر على الاقل ربح 25% ولكن شنقول خلها على الله

 

[yoyo1983]

الحمد الله

 

[ياسر الروقي]

السوق الكويتي سوق ناضج وسوق استثمارى من الطراز الاول وسوق مؤسساتي يعني المؤسسات هي الصانع لسوق وليس الافراد وينفرد عن باقي دول الخليج بقوانيين تحمي المستثمر ومنها عدم ادراج الشركات الجديده الا بعد سنتين وقانون شراء الشركات لاسهمها ورغم كل هذه الايجابيات لا ننسى ان السوق فيه نوع من التلاعب خاصتآ بعض الهوامير وبعض اسهم الشركات لا نحب ان نذكر بعض الاسماء ولكن لن ننسى تعليقة المخازن ومركز سلطان وشركة بيان والوطنيه العقاريه ومسخرة شركة جيزان ولعل للحديث بقيه دمتم بود

 

[dark-77]

الحين قمتوا تمدحون السوق الكويتي ونسيتوا كلامكم في 2006

 

[Champion]

الحين قمتوا تمدحون السوق الكويتي ونسيتوا كلامكم في 2006

والله من قبل لا اشوف مشاركتك قاعد اقول نفس الكلام اللي قلته ,, الحين قمتوا تمدحون سوقنا ؟ خل ينزل 200 نقطه و شوف اللي يذمون

 

[dark-77]

انطر عليهم اشوي و شوف السب والحذف و يقطون اللوم على الحكومه ولا المجلس ولا ادارة السوق

 

[خبير النفط]

اقول مو كفايه حسد ربعنا علشان حسد الى بره

 

[wzer]

اذا كثر التشاؤم من نزول السوق معناه انه قرب يصعد
واذا كثر مدح السوق معناه ان السوق قرب ينزل
اربطوا الاحزمه :d

 

[كويت1]

اذا كثر التشاؤم من نزول السوق معناه انه قرب يصعد
واذا كثر مدح السوق معناه ان السوق قرب ينزل
اربطوا الاحزمه :d

لوووووووول

شدعوى مومربطينها

الله يهداك بس فيه احد يدش السوق ومايربط الحزام

 

[كويتي من ذهب]

الحين قمتوا تمدحون السوق الكويتي ونسيتوا كلامكم في 2006

لا اخوي مو قصة الحين صرنا نمدح سوقنا .. احنا بالنسبة للاسواق الخليجية والحمد لله احسن سوق ونفتخر بسوقنا جدام الاسواق الخليجية لكن هذا مو معناته انه اللي بالسوق عندنا ملائكة وماعندهم سوالف .. سوقنا فيه اخطاء ويحتاج للكثير من التعديلات لكن بالنسبة لاسواق الخليج وحتى السواق الامريكي .. احنه افضلهم خصوصا من ناحية الارتفاع والانخفاض بالاسهم .. تطلع خسران ولا تطلع مفلس وشكرا ..

 

[كويت1]

لا اخوي مو قصة الحين صرنا نمدح سوقنا .. احنا بالنسبة للاسواق الخليجية والحمد لله احسن سوق ونفتخر بسوقنا جدام الاسواق الخليجية لكن هذا مو معناته انه اللي بالسوق عندنا ملائكة وماعندهم سوالف .. سوقنا فيه اخطاء ويحتاج للكثير من التعديلات لكن بالنسبة لاسواق الخليج وحتى السواق الامريكي .. احنه افضلهم خصوصا من ناحية الارتفاع والانخفاض بالاسهم .. تطلع خسران ولا تطلع مفلس وشكرا ..

 

[بوحسن]

السلام عليكم

ليم يرتفع السوق نمدحه وان نزل ذميناه


يا اخوان المدح والذم خل يكون على اصول

يا ما قبل مدحنا السوق السعودي وذمينا الكويتي

بل والبعض حتى مدح الملك هناك وذم احم احم في بدايه 2006

سوقنا عيوبه وايده .... ويا خوفي تشوفون نزول لاحق ... تنسون المدايح هني

والله يسهل على سوقنا من عيون بعض الجيران والله الحافظ والرازق

 

[الكونكورد]

اللهم لك الحمد
السوق الكويتي من افضل ان لم يكن الافضل بين جميع اسواق المنطقه
فهو متزن بالصعود والهبوط .. واكبر دليل على ذلك انه من اقل الاسواق الخليجية
خسائر في عام 2006 اذا ما استثنينا سوقي البحرين و عمان الهادئين

اللهم ادم علينا هذه النعمة