'المعدات' تتلقى عرضا لبيع أرض ب100 مليون دينار

[wwwQ8]

'المعدات' تتلقى عرضا لبيع أرض ب100 مليون دينار
عدد القراء: 11


19/06/2007 كتب تامر حماد:
اكدت مصادر مطلعة ل'القبس' ان شركة المعدات القابضة تلقت عرضا لشراء ارض تمتلكها في منطقة الشويخ تتجاوز مساحتها ال3 آلاف متر مربع بقيمة اجمالية تتجاوز ال100 مليون دينار، مؤكدة ان المفاوضات مازالت اولية ولم ترتق الى الاتفاق النهائي حتى الان، هذا وقد شهد السهم تداولات مكثفة خلال اليومين السابقين مما انعكس ايجابا على اداء السهم واغلاقه بالحد الاعلى لمدة يومين متتالين مع توقعات باستمرار صعوده.

 

[NaaaaR]

خوش خبر بس لازم اداره السوق توقف الشركه عشان توضح للمساهمين صحه الخبر وخوفك بعد مايصرفون يقولون بطلنا مانبي نبيع العرض موعاجبنا مثل ماصار بالاهليه سمعت انه المعدات ممكن تحقق ربحيه تتجاوز 170 فلس اذا تمت البيعه

 

[خبير النفط]

مو جنه 100 مليون دينار وايد على قسيمه فى الشويخ هذا الحجى مو اول مرة اذكر العام او الى قبله ثار نفس الكلام وما تم شىء عموما الى فى الجدر يطلعه الملاس

 

[kuwaitey]

يعطيك العافيه اخوى وتسلم على النقل يا الغالى

بس اسمح لى 100 مليون ترا جايده ومافى ارض فى الشويخ تسوى المبلغ

هذاااا اذ قسايم الشويخ اللى على الدائرى الرابع ينسامون على 4 مليوون

هذى وييييييييييين موقعهااا ام 100 مليووووووووون يعنى مثلااا مثلاااا

تحت جسر الخالدييييييه ترا كل شى يصيررر بديرتناا

 

[worth$wish]

من 2005 والشركه ماعندها الا سالفه الارض واعتقد لتحريك السهم فقط
ولا شركه اسمها المعدات ما تطلع الا اخبار الاراضي

ليش ما يقولون عن عقودهم ومناقصاتهم اللي مع الجيش الامريكي؟؟


نفس الارض ونفس الخبر وصلت السهم الي 450 وبعدين خفسوا بالسهم

الحذر واجب

 

[عندك سلف]

أنا متأكد أن الخبر عبارة عن كذبة مدفوعة الاجر لنشرها بالجريدة

المفروض ان هناك قانون يحاسب كتاب الاخبار الكاذبة من هذا النوع

أما اذا السالفة سايبة و كل واحد يشتري شوية اسهم و ينشر عليهم خبر بالصحافة من النوع بو 100 مليون.... ويصرف على الناس... وبعدين لا رقيب ولا حسيب...

بس الصراحة مو عليهم على الي يصدق مثل هذي الاخبار...

 

[adany2005]

أنا متأكد أن الخبر عبارة عن كذبة مدفوعة الاجر لنشرها بالجريدة

المفروض ان هناك قانون يحاسب كتاب الاخبار الكاذبة من هذا النوع

أما اذا السالفة سايبة و كل واحد يشتري شوية اسهم و ينشر عليهم خبر بالصحافة من النوع بو 100 مليون.... ويصرف على الناس... وبعدين لا رقيب ولا حسيب...

بس الصراحة مو عليهم على الي يصدق مثل هذي الاخبار...

عاد تامر حماد من ايام المؤشر معرووووووف​

 

[q8_chamber]

الرقم مبالغ فيه

و اتمنى من السوق توقيف الشركة لمعرفة الخبر الصحيح

 

[قاروه]

الرقم مبالغ فيه

و اتمنى من السوق توقيف الشركة لمعرفة الخبر الصحيح

ابشر باجر ان شاء الله اوقفلك الشركه لحين اصدار كتاب توضيح

 

[almared]

الشركة صار لها كم يوم صعودها قوي والحين يطلع الخبر ...


علي العموم اذا صح الخبر فالمشوار راح يواصل الصعود ..

 

[q8_chamber]

ابشر باجر ان شاء الله اوقفلك الشركه لحين اصدار كتاب توضيح

تكفه لو تشيل المعروض بسهم الدار - يكون احسن بوايد


الله يكتب إللي فيه الخير ​

 

[المؤشراتي2]

الرقم مبالغ فيه

و اتمنى من السوق توقيف الشركة لمعرفة الخبر الصحيح

ما ادري ليش تذكرت سالفة 50 مليون مالة المنتجعات ؟يالله الجمهور عاوز كده سلم لي على المانجا

 

[q8_chamber]

ما ادري ليش تذكرت سالفة 50 مليون مالة المنتجعات ؟يالله الجمهور عاوز كده سلم لي على المانجا

والله انا تذكرت الشوتايم مع المشاريع ​

 

[أبو فلسين]

100 مليون
100 مليون تجيب فندقين مقابل الحرم المكى
وفندقيين مقابل الحرم المدنى

 

[المؤشراتي2]

100 مليون
100 مليون تجيب فندقين مقابل الحرم المكى
وفندقيين مقابل الحرم المدنى

لووول روعه .بس هذي اساليب المحافظ للتصريف قبل الاقفالات عشان يطلعون الربح على ظهور خلق الله تذكر الانابيب 1100 كل يوم خبر في الجرائد

 

[Analyst]

التاااااااا

ما ادري ليش تذكرت سالفة 50 مليون مالة المنتجعات ؟يالله الجمهور عاوز كده سلم لي على المانجا

شنو الغلطة ؟؟؟

 

[المؤشراتي2]

شنو الغلطة ؟؟؟

منتدى قواعد اللغه العربيه عند المشرف /ابو الاسود الدؤلي .

 

[عندك سلف]

يعلن سوق الكويت للاوراق المالية بان شركة المعدات القابضة تود ان
توضح بخصوص ما نشر فى احدى الصحف المحلية حول عرض بيع قطعة
ارض افادت الشركة بان الخبر غير صحيح وليس لدى الشركة ارض بمساحة ‏
ِ 3 الاف متر مربع ولم تتلقى الشركة اى عرض للبيع.‏
وعليه سوف تعاد الشركة الى التداول بعد عشر دقائق من نزول الاعلان

 

[حفار قبور]

بو هاني 00 قوية 00 قوية

 

[كبير]

يعني معقوله الموضوع كله فقاعه.....

بس لمى ردت من التداول ونفت الخبر ارتفع السهم بما معناه ان في خبر فعلا بس الشركة ماتبي تصرح الا متأكدة.