من حبنا لها نوفر لها ( ترشيد ) الكل يدخل لينظر الى 4 منازل مقابل منطقة بيان ماذا ت

[متداول مبتدئ]

يوميا ومن دون مبالغة وهذه الحال مر عليها اكثر من 4 اشهر

ولم الاحظ ذلك الى بعد عمل حملات ترشيد

كنت امر هناك وارى ولاكن دون وعي

انا اسكن في منطقة بيان

مقابلة قطعة 13 في بيان هناك منطقة تسمى ضاحية سعد العبد الله

تكون بيان - قطعة 13 الجديدة على يدك اليمين وعلى يدك اليسار هذه المنطقة

التي بها 4 بيوت جدد لام تسكن ،يوميا ومن دون مبالغة ليتات ( الاضاءة ) كلها تعمل

جميع الغرف وجميع الصالات لجميع البيوت الاربعة تعمل علما بانها خالية تماما من دون اي شخص يسكن

والاضاءة تعمل صباحا - هدر للكهرباء - اتوقع اللي سوى الازمة البيوت ال4

وها هي صور التقطها على ايام متفرقة تبين ذلك



الصور كبيرة ساحاول ان اضعها

 

[متداول مبتدئ]

بقية الصور

 

[المضاربه فن]

هذا امر طبيعي لما البيت يخلص يخلي الليتات شابه علشان يبين اذا كان في خلل بالكهرباء حتي التكييف يكون شغال حتي لا قدر الله يمكن يصير التماس او شيئ اخر وبنفس الوقت حتي يعرفون الجيران ان البيت خلص وصار عندهم جار جديد
والله أعلم
وبعدين ذبحونا بالترشيد ما يشوفون الوزارات شلون ليتاتهم شابه 24 ساعه والشركات الخاصه وهي فاضيه كل شيئ شغال​

 

[lary]

تبي الصج زين يسوون وانا بسوي مثلهم
انا اصلا اتمنى تنقطع الكهربا طول السنه ونحترق ونتظاهر علشان العالم كله يدري انه اغنى دوله بالخليج عندها عجز بالكهربا والماي
لا واعلانات ترشيد قاهرتني ومفشلينا بين خلق الله
يعني تتوقع الاماراتي لمن يشوف هالاعلانات ما يضحك ؟ تمسخرنا والله

اقولك شي ؟
اتوقع اتوقع انه راح نسمع السنه اليايه ( بناء محطة كهرباء على نفقة ابناء الشيخ زايد )
مثل مستشفياتنا الي كل دور على نفقت شخص غير
ومستوصفاتنا الي الصحه ما بنت شي منها يمكن من سنيييييييين لي الحين والمستوصفات اليديده كلها على نفقت التجار
فلوس الديره وين تروح ؟ فلوسي وفلوس اخوي وامي وابوي وعيال عمي وعيالي خوالي وينهاااااااااااااااااااااااااااااااااااااا ؟؟؟؟؟؟؟؟؟؟؟؟؟؟
ملينا ترا من البوق
انا مع سياسة البوق المقنن يعني تبوق عالخفيف وتعطي غيرك
احنا بالكويت سياستنا غير
هم انبوقك هم انشقك ونقطع عنك الماي والكهربا بعز الصيف وهم لازم تسكت وتصكر حلجك لأنه اذا تكلمت وايد راح تتعب وراح تشرب ماي و تزيد حرارتك فا تشغل المكيف

 

[متداول مبتدئ]

لا تعليق

 

[المضاربه فن]

تبي الصج زين يسوون وانا بسوي مثلهم
انا اصلا اتمنى تنقطع الكهربا طول السنه ونحترق ونتظاهر علشان العالم كله يدري انه اغنى دوله بالخليج عندها عجز بالكهربا والماي
لا واعلانات ترشيد قاهرتني ومفشلينا بين خلق الله
يعني تتوقع الاماراتي لمن يشوف هالاعلانات ما يضحك ؟ تمسخرنا والله

اقولك شي ؟
اتوقع اتوقع انه راح نسمع السنه اليايه ( بناء محطة كهرباء على نفقة ابناء الشيخ زايد )
مثل مستشفياتنا الي كل دور على نفقت شخص غير
ومستوصفاتنا الي الصحه ما بنت شي منها يمكن من سنيييييييين لي الحين والمستوصفات اليديده كلها على نفقت التجار
فلوس الديره وين تروح ؟ فلوسي وفلوس اخوي وامي وابوي وعيال عمي وعيالي خوالي وينهاااااااااااااااااااااااااااااااااااااا ؟؟؟؟؟؟؟؟؟؟؟؟؟؟
ملينا ترا من البوق
انا مع سياسة البوق المقنن يعني تبوق عالخفيف وتعطي غيرك
احنا بالكويت سياستنا غير
هم انبوقك هم انشقك ونقطع عنك الماي والكهربا بعز الصيف وهم لازم تسكت وتصكر حلجك لأنه اذا تكلمت وايد راح تتعب وراح تشرب ماي و تزيد حرارتك فا تشغل المكيف

تدري شنو يسمونا بدول الخليج مع الأسف
بلد الحراميه
يأسفني اني اقول هالشيئ لان ريحتنا فاحت واصبحنا مثال للديمقراطيه الزائفه مفقوده الرقابه والصرامه علي المفسدين
كل مسؤل او صاحب قرار او ما يمسك منصب حساس
يفكر يبوق
حتي البوق وصل علي مستوي جميع المناصب اي كان نوعها
الوزارات
اعضاء المجلس
المدراء
البنوك
الانديه
الجمعيات التعاونيه
طبعا البوق يختلف من طريقه لاخري حتي التنفيع يعتبر بوق لانه مبني علي شيئ مصلحه او تستر او سكوت او امتناع ......ألخ
حتي الموظف قام يبوق الطوابع يقولك جيب طابع للمعامله ولم تجيبله الطابع يقولك استريح لما اناديك ياخذ طابعك الجديد ويخشه ويحطلك طابع مال معامله قديمه ويجمع مني ومنك الطوابع الجديد وبالاخير يعطيها لواحد من البنغاليه الي يشتغلون بالوزاره يبيعهم براني ويحط الفلوس بجيبه
والله والله والله
حتي البشر تغيرت الكل يبي يصير غنيي واحد من الربع عنده صديق عمره رابيين مع بعض عطاه فلوس علشان يشغلهم له في مشروع وبالاخر طلع لا مشروع ولا بطيخ وضرب عليه فلوسه الي ماخذهم قرض واكل هوي وبالاخير يقوله مالك ولاشيء عندي هذا وأهو ماخذ علي دليل ومستندات ومو خايف
شوفو شلون الناس تغيرت الله يستر علينا وعلي عيالنا لا حول ولا قوة الا ب الله
كل حرب او غزو يخلف وراءه فساد ايا كان نوعه اخلاقي او فكري او مالي ....الخ
وأستغفر الله العظيم
​

 

[ALSALEM]

اخوي النصيحه بس كافيه - اذا بليتم فاستتروا