زيـادة المعاشات

الموضوع في 'إستراحة المنتدى' بواسطة bo_walid, بتاريخ ‏25 يونيو 2007.

  1. bo_walid

    bo_walid عضو نشط

    التسجيل:
    ‏22 يناير 2006
    المشاركات:
    713
    عدد الإعجابات:
    0
    مكان الإقامة:
    الكويـــت
    السلام عليكـم

    الموضوع بأختصار يا شباب وشياب لي مته نبـي زيادة في المعاشات خل


    يدللونا حالنا حال الخليج احنا نحمد الله على معاشاتنا حتى لو على 30دينار

    بالشهر لانها الله كاتبلك هذا الرزق ولازم نحمده بس نبي زياه في الرواتب
    شوي زهقنا
     
  2. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج
    اخوي طلبك للزياده حق مشروع لك لان الدستور يكفل الشي هذا....لكن لو ننظر شوي بحال الموظف المواطن الكويتي....نشوف ان راتبه كله اقساط وعلى شغلات ماتسوى...لو صار عنده تقنين للمال وحسن تصريف جان مافكر بزياده ولادرى عن الشي هذا..والاعضاء يطالبون الحكومة بزيادة 50 دينار بس لدغدغة المشاعر علشان الانتخابات...انا اقولك شي وفكر فيه...صار موضوع اسقاط القروض....وين وصلنا للموضوع...محد قاعد يتكلم عنه كلش ولا احد قاعد يفكر فيه....صار موضوع زيادة المعاشات..وصارت بلبله واستجوابات ومشاكل...وين وصل الموضوع محد قاعد يفكر او يتكلم فيه...الحين طالعين لنا باستجواب للوزير...وناسين هموم المواطن....لو نفكر شويه ونركز نلقى ان مجلس الامه مافيه انجازات للمواطن من الناحية الاساسيه.....والاساس بالدولة(التعليم-الصحة-الاسكان-القضايا الامنيه-البنيه التحتيه للدولة) وين المواضيع هذه الاساسيه الي تهم الشريحه المجتمع كافة ومن مقيمين وغيرهم...ليش نتكلم عن زيادة وقرض ليش مانتكلم عن الشي الاساسي المهم....لو صار في ظبط مثل قبل من قبل البنك المركزي جان الشعب ماغرق بالقروض...بس نقول الحمدلله على الصحه والنعمة والعافيه والامن ومشكورريييين
     
  3. bo_walid

    bo_walid عضو نشط

    التسجيل:
    ‏22 يناير 2006
    المشاركات:
    713
    عدد الإعجابات:
    0
    مكان الإقامة:
    الكويـــت
    أنا معاك اخوي من ناحية القروض بس في شغلات مجبوره الناس تاخذ قروض ، وهم في ناس مو ماخذه قروض بس المعيشه غاليه جنه عندك 30 دينار وتبي تتسوق بمجمع الصالحيه الاسعار نـار ، فأقولك لاسعار والايجارات ... إلخ كلشي غالي عبالهم كل الناس عندهم فلوس دللونا عزونا رزونا باجر لي أخترعو بديل للنفط لا أخذ مواطن مواطن ونقعه بالبير وخليه يشرب قصب طيب
     
  4. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج
    طيب...اقولك شي وابي منك تقتنع...وموقصدي فيها انه ليش تروح الصالحيه بس بوريك شي صار وياي انا بالذات...مره رحت سوق شرق واشتريت منه عطر اسمه ليوناردو دفنشي...على اسم رسام لوحة الموناليزا...واشتريته مع مجموعه من عطورات بصندوق كامل تقريبا 160 دينار حق صاحبي بمناسبة زواجه..حلووو....مر اكثر من اسبوعين واروح مجمع الدبوس كان عندي شغل مع تاجر هناك...وناطره في محله طبعا محله كبير حييل محل عطورات...وطيح عيني على الصندوق الي اشتريته من شرق..سألت عن سعره قالي البايع 60 دينار معروض..قلت جم واحد عندك قال كثير ..كاسرته جان اخذه 45 دينار الصندوق...وصل صاحبي خلصت...رحت البيت..اله داز لي عند البيت صندوقين تشكيلة عطورات من محله كهديه منه لي...رديت له وخذيت العطورات وياي قلت ياتاخذ الصندوق ياتاخذ حسابه..وزعلت عليه...قال خلاص باخذ حسابه...طلع حساب الصندوقين واحسن من الي اشتريته ب50 دينار...انصدمت قلت له شلون جذي قال هذه اسعار التكلفه بس..وانا اخذ الدبل بالبيع...فدقيت على صاحبي المعرس قلت له تعالي البيت وجيب العطورات جابها وقعدنا انا وياه نتاكد من المنتج طلع نفسه ميه بالميه...اهوا يقولي اشتريت شغلات فوق الفين دينار...ولقيتها بره ارخص...فهذه السالفه بوريك انه الصالحيه وشرق والمهلب يرفعون السعر دبلات الدبل علشان يربحون....ولو الواحد يفكر شوي والله مايروح للمجمعات هذه بس احنا ذابحنا شي اسمه كشخه...والله العظيم لو نفكر بمعاشاتنا وندبرها عدل جان وفرنا اكثر من النص بس احنا الي مانقتنع كلش,....عرفت يابوليد...وياليت انك تتصرف بفلوسك بحكمة لاطشرها وبنص الشهر مفلس :) والله يرزقك انشالله مليون دينار حلال وتعطيني ثلاث ارباعه انشالله يارب :)
     
  5. bo_walid

    bo_walid عضو نشط

    التسجيل:
    ‏22 يناير 2006
    المشاركات:
    713
    عدد الإعجابات:
    0
    مكان الإقامة:
    الكويـــت
    هههههههههههههههه
    اميــن يارب أهم شي رضى الله علينا بعدين المليون

    قواك الله ياخوي وصادق ، بس انا ماقصدت انى اروح الصالحيه بس ضربتلك مثل بالمعاشات وبلواقع الي يعيشه الشعب

    نبــــــــــي رواتبنا فــــــــــــــوق نبي زايده بنسبة 50% ومانبي منهم شي و كل 3سنوات زياده5%

    أو يقترحون قانون كل 3 سنوات زياده 20%
     
  6. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج
    اميــــــــن
    والله شوف انا من ناحيتي غاسل ايدي من الزياده كلش
    لا زياده ولاهم يحزنون......الزياده من تغيير الشخص لنفسه...لو الواحد فينا يشغل مخه شوي...يلقى انه عايش بخير....وان الرقم الي حاطه براسه يجيبه وبالحلال بعد...والله العظيم وموحسد...شوفو السوريين والمصريين واللبنانيين..فتحو شغل عندنا بالكويت بارقام خياليه..فوق 50 و60 مليون دينار وكانو عمال ياخذون رواتب...بس لقى انهم بمكان اذا ما استغلوه راحت عليهم...المفروض احنا الي ناخذ من خير ديرتنا مو غيرنا...والرزق على الله مو على احد والله يرزقنا انشالله
     
  7. فلس

    فلس عضو جديد

    التسجيل:
    ‏7 يونيو 2007
    المشاركات:
    356
    عدد الإعجابات:
    0
    الحمداللله على كل حال .....نحمد اللله ونشكرة
     
  8. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج
    انا معاك اله في الضريبه....الضريبه لو طبقوها بالكويت....كلنا نموت جوع ونرد نعيش عيشة الاربعينات...لو شفت الكلام الي قلته كله....تلقى السبب الرئيسي هو (الكشخه) خلونا نتكلم بعقل انا عندي مليون وغيري على معاشه...انا اشتري روز رايز وغير يشتري روز رايز بس اقساط....طيب شنو الحل حق المشكله هذه...انا اقول الحل الوحيد هو ان المواطن ماله حق ياخذ قرض اكثر من 15 ضعف الراتب وبشرط مايتعدى المدة 5 سنوات وبشرط انه الاستقطاع مايتعدى 20 بالميه من الراتب ....هذا افضل حل...ولو طبقووه تلقانا كلنا في لندن قاعدين ومرتاحين ولا احد مسجون بعد شرايك :)
     
  9. وسع صدرك

    وسع صدرك عضو جديد

    التسجيل:
    ‏6 مارس 2007
    المشاركات:
    151
    عدد الإعجابات:
    0

    هههههههههههههههههههههههههه ضحكتني بهالحلم
    قول حلمك حق مفسر احلام يمكن يفسره لنا:d
    زيادة معاشات ؟!!!!!!!! اسقاط قروض؟!!!!!!!!! اسقاط فوائد؟!!!!!!!!! منحة؟!!!!!!!!!!!!! مالك امل فكر بشي ثاني اقصد احلم بشي ثاني احسن لك
     
  10. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج
    على طاري الحلم...تصدق ياخي حلمت حلم اقشر....اني متزوج وعندي ولديين,,,,واحد اسمه برزان والثاني اسمه وطبان.....:( يعني نهاية عيال بالحلم اعدام.....عاد قمت من النوم...سميت نفسي هتلر