اشياء خيــ ــ ــاليه كنّــ ــ ــا نتوقعهــ ــ ــا ونحــ ــ ــن صغــ ــ ـــار

[MOHAMMED11]

السلام عليكم

فكره طرت في بالي وان شاء الله تعجبكم وتشاركوني بالموضوع

............
اغلبنا ان لم يكن جميعنا ،، كنا نتخيل اشياء غريبه قد تكون من الخيال ونتعتقد بصحّتها ،، حتى كبرنا واكتشفنا ان كل ماكنّا نعتقد به كان شي من الخيال وبعيد كل البعد عن الواقع والحقيقه

ارجو منكم المشاركه بما كنتم تعتقدون به وانتم اطفال

....................



انا عن نفسي كنت اتوقع ان الاشخاص اللي شعرهم وحواجبهم ورموشهم بيضه من سكّان الشمس هههههههههه

ولله جد

وكل مااشوف شخص له هذي السمات. احسب انّه جاي من الشمس



..........................

اخوكم محمد

 

[Master-Leo]

كنت اتخيل اني اذا شريت لبس سوبرمان او باتمان اقدر اشقح من السطح

الى الأرض واشوه انهم ماشرولي وانا صغير جان سويتها هههههههه

 

[MOHAMMED11]

ههههههههههههههههههههههههههههههه
ههههههههههههههههههههههههههههه




ضحكتني ولله

الف شكر على المشاركه

 

[yoyo1983]

 

[salem.srsr]

كنت اتخيل اسعار السيارات على حسب الرقم

يعني اذا رقم السيارة صغير يعني مو شي

واذا كان الرقم كبير تكون اهي احسن السيارات ..

 

[وسع صدرك]

كلش ولا يقولونلي روح جيب خبز
اكو براحة بين فريجنا وفريج الخباز ظلما بالليل اتخيل جني يخرع كله لاحقني في البراحة علشان جذيه اول ما ادشها افتلت ركض لما اوصل للنور بالناحيه الثانيه وبالرده نفس الشي علشان اسبق الجني لا يصيدني:d

 

[MOHAMMED11]

الف شكر اخواني



اخوي سالم صراحه خيالك عجيب



وسّع صدرك
هههههههههههههههههههههههههههههههههه
حلوه عشان اسبق الجني
ههههههههههههههه

الله يوسع صدرك بكل فرح

 

[" قاصد خير "]

Fdf

كلش ولا يقولونلي روح جيب خبز
اكو براحة بين فريجنا وفريج الخباز ظلما بالليل اتخيل جني يخرع كله لاحقني في البراحة علشان جذيه اول ما ادشها افتلت ركض لما اوصل للنور بالناحيه الثانيه وبالرده نفس الشي علشان اسبق الجني لا يصيدني:d

بيب بيب !!!!​

 

[" قاصد خير "]

كنت أحلم بمعرفة قرانديزر ومازنجر وأمتلاك السياره العجيبه بومبو !!!!!!!!

سبحان الله شوفو البرائه ..

 

[أبو عبداللـــه]

ههههههههههههههههههههه موضوع حلو

 

[MOHAMMED11]

^_^

الف شكر على المرور

 

[بو راس يابس]

لووووول ...

عاد سمعوا شعندي :

1) كان عبالي ان اللغة الانجليزية عكس العربي مثلا: بيت (بالعربي) تيب ( بالانجليزي)

2) كان عبالي ان اللي يمشي كيلو ينقص من وزنه كيلو عقدة من المتن لي يومك

 

[رذاذ المطر]

خيالكم ممتع...


أما أنا خيالي نوع ثاني..

عمري ما طقيت أي حشرة ...حتى لو نملة....!!

أما الزهيوي لا يمكن ولاخطر في بالي....!!




أتخيل إن كل أهلها بينتقمون مني ....ويتجمعون ويستنفرون ويهاجموني أفوااااااج بالليل لما أنام......!!!!

 

[zoya_y]

مآساتي كانت تبدي أول ما نمشي اب اي high way خايفه من ينية خط السريع وخاصه طريج صبحان على أيام ماكان ظلمه تذكرونه !!! ​

 

[برميت]

خوووش موضوع والله


اول يوم كنت صغيره كل علي بالي انه السياره بروحها اتطق اشاره

يعني تحس بالي يسوق انه يبي يلف وتقط عنه الاشاره سوااء يمين ولا يسار

​

 

[سيده اعمال 2008]

صج موضوع حلو وممتع

وانا صغيره كنت كل اجيك ريول اليهال

لاني اعتقد ان الاغلبيه ينولدووون بست اصابع وعشان جذي احسب عدد الاصابع
​

 

[MOHAMMED11]

خيالكم ممتع...


أما أنا خيالي نوع ثاني..

عمري ما طقيت أي حشرة ...حتى لو نملة....!!

أما الزهيوي لا يمكن ولاخطر في بالي....!!




أتخيل إن كل أهلها بينتقمون مني ....ويتجمعون ويستنفرون ويهاجموني أفوااااااج بالليل لما أنام......!!!!

ههههههههههههههههههههه
ههههههههههههههههههههههههه


اضحك الله سنّك
الف شكر على المرور

 

[MOHAMMED11]

خوووش موضوع والله


اول يوم كنت صغيره كل علي بالي انه السياره بروحها اتطق اشاره

يعني تحس بالي يسوق انه يبي يلف وتقط عنه الاشاره سوااء يمين ولا يسار

​

نفس الخيال كان موجود عندي
^_^

 

[برميت]

نفس الخيال كان موجود عندي
^_^

سبحان الله


طلعت مو بس انا

 

[ابو سالم1]

تعرفون الشعيبة بالليل اضائتها قوية كنت اسئل ابوى شنوى هذى يقولى امريكا اقولة ودنى لها يقولى لاكبرت تعال هنية ونط الشبك وتمشى فى امريكا ورد قبل الليل