قصـــــــــة حــ ـــ ــب (( حقيقية وتعور القلب ))

MOHAMMED11

عضو نشط
التسجيل
24 يوليو 2006
المشاركات
3,046
الإقامة
قلب امــــي
نترككم مع احداث القصه

.....................





الحين الرجال بالشامي زلمه يعني الحرمه زلم >> من فوائد السهر



في ذات صباح مع زقزقة العصافير وشقشقة نور الشمس وصياح أخوي حمودي صحيت من النوم مفزوعن مرتبكن لأن أبوي قدس الله سره مايعرف يصحي من النوم الا بجيكن من الماء المعتق في الفريزل

أبوي: قم قام عصبك يالفاجر
أنا: خلاص قمت يا عكرمه بس حل عني يااااه >> يقولون فينا عرق أشوام
أبوي: قم رح للبقاله جب لاخوانك خبر وصامولي يبي يفطرون قبل يروحون للاختبار
أنا: أي أختبار من زين عيالك الحين اللي يسمعك يقول عيال فيثاغورس
أبوي: غورس في بطنك وأنا أبوه >> ياشين الوالد إذا تحمس يطلع عربجة أيام السبعينات
أنا: سلاحف الننجا اللي تدافع عنهم ترى كلهم ساقطين الفصل الاول يعني لا ترجي من وراهم نجاح
أبوي: عيالي أبرك من وجهك يالداشر يالفاشل جالس عندي في البيت كنك بنت الحلال على الاقل بنت الحلال نزوجها ونستر عليها لكن أنت مثل تيس الحضارم مالك الا حفرة المندي

وأثناء ما أبوي جالس يهزئني ومستلمني ذب على شوية بقوس وكفوف ألا صوت صرخه دوت في البيت وهزت أركانه

أبوي: وش فيه منهو اللي يصارخ ؟
عبودي: ووووووووووووواع أحمد كب الحليب على كتابي
أبوي: ( طااااااخ على وجهه أحمد ) ليه ياكلب تكب الحليب على كتاب أخوك ؟
أحمد: هو اللي بدا مزغل على كتابي
أبوي: ( طااااااخ على وجهه عبودي ) ليه ياقذر تزغل على كتاب أخوك ؟
عبودي: يستاهل كاتب على كتابه عبودي حمار
أنا: هههههههههههههههه قال أيش قال عيالي أبرك منك
أبوي: ( ماسكني مع قميصي وحاشرني بزاويه ) سد حلقك يا مزنه ولا تتشمت خلك في حالك فاهم ؟

طلعت للبقاله مرغماً عشان أجيب لعيال اللي مانيب قايل خبز وصامولي وأمشي واقطع شارع الستين وبغت تصدمني سياره لأني أمشي وجالس افكر وسرحان في الحاله اللي أنا فيها .. خلصت الثانويه بنسبة 75 ولا لقيت ولا حتى بوفيه أتوظف فيها وصرت عاله على أبوي وعلى المجتمع .. وأنا قاعد ألطم بحظي وألعن المدارس والوظايف دخلت البقاله

أنا: كومار عطنا ثنين خبر وواحد صامولي
كومار : فيه فلوس ؟
أنا: لا سجل بالدفتر
كومار: ايش هادا بابا أنتا في هساب تلاتا آلف ليه مافيه سدد انا مافيه سجل لازم بابا سدد هساب أول
أنا: يا كومار أنت عارف بالخافي والمستخبي والحال من بعضه يا كومار يعني اصبر علينا وسهل علينا الله يسهل عليك يوم القيامه >> مشروع شحاد
كومار: هادا في بقاله مافيه جمعيه خيريه روهـ جمعيه قودام
أنا: أقول ماحناب أيتام تتصدق علينا عطنا الخبز وسجله بالدفتر وفلوسك تبي تجيك وعلى الجزمه بعد
كومار: أنا مافيه بيع يالله روهـ روهـ برا برا
أنا: يعني أنت ياكومار وأبوي والزمن علي ماقول الا حسيبك زمانك يابو فسيه
كومار: ( عيونه قامت تلمع وحن علي ) خلاص أنت مسكين أنا فيه يعطي خوبز بس أنت كلم بابا لازم سدد هساب
أنا: ونعم يا كومار جب مع الخبز مالبورو أبيض
كومار: خذ الخبز وتلايط أهسن لك >> يستاهل الجنسيه ذا الكومار

رجعت للبيت وأفطروا عيال الديجتل قصدي عيال أبوي وراحوا للمدرسه عشان يختبرون .. القهر أن ابوي وهم طالعين ينصحهم يقولهم: لا تجلسون ألا جنب الدوافير واذا حصلكم تغشون غشوا ترى الله غفوراً رحيم >> نصايح مسيلمه

هدا الوضع والابوان والامهات ناموا وماتسمع الا صوت البمب في العماره اللي تبنا قبالنا ورحت وراء الحوش عشان أشوف وضعي أنا .. جبت أسطوانة الغاز وركبت على الجدار ألا هاذي سلمى بعد طوايف اهلي تنتظرني

سلمى: شفيك تأخرت من اليوم جالسه انتظرك
أنا: يابعد أبوي وأمي .. غصبن علي والله كنت محشور مع أبوي وعياله الجراد .. البارح اذاكر لهم واليوم اجيب لهم خبز
سلمى: الله يعينك يا بعد عيني أسمع صراخك وصياحك وقلبي متقطع عليك
أنا: آآآآآآه يا حبيبتي مو حاس فيني ألا أنتي ومو مصبرني على الدنيا ألا أنتي
سلمى: الحال من بعضه .. ترى اليوم ابغى اكلمك بموضوع ضروري
أنا: أوكي كلميني باللي أنتي تبين بس الحين قربي
سلمى: لا وخر وخر أبوي الحين يبي يجي
أنا: أبوك الحين بسابع نومه وش سالفتك تصرفين ؟
سلمى: لا أبوي راح يجيب السباك ويمكن في أي لحظه يطب علينا
أنا: والسباك ليه ؟
سلمى: ماصورة في حمامي مكسوره وتسرب
أنا: ايييييه وانا اقول ريحة المسك والياسمين ذي جايه من وين
سلمى: حبيبي كل تبن الساعه 2ونص في الليل موعدنا امووواه

يا بعد عيوني ذا السلمى فديتها والله جمال وكمال بس حالها من حالي مخلصه الثانوي بنسبة 77 والكليات ماقبلوها وجالسه في البيت تطبخ وتنفخ لخوانها وأبوها وأمها .. ودي اخلصها من اللي هي فيه بس الشكوى لله العين بصيره واليد قصيره .. عاد يوم شفنا الوضع كذا أنا وسلمى قلنا نتزوج بالسر الملاك الحوش والشهود أسطوانة الغاز والجدار منها نخدم حبنا ومنها نسوي بروفات قبل الزواج الصدقي

جت الساعه ثنتين ونص وجاء وقت الرص وكني سبيدرمان فوق الجدارن واطمر على حوش سلمى الا هاذي هي جايه تمشي مثل الغزال وتتمخطر وتتدلع وقلبي يرجف والعرق يصب وأقول في نفسي: شوبنا أبو عنتر خليك رجال >> تحت الجيم ثلاث نقوط

أنا: يا أرض أحفظي ماعليكي
سلمى: هلا حبيبي امووووواه اموووووواه >> تراها بالهواء يعني لحد يطمر علينا يقول خزي وعار
أنا: آي آي آآآآآآآه
سلمى: حبي وش فيك عسى ماشر؟
أنا: اليوم العصر لعبت كوره وطحت على ركبتي
سلمى: سلامات ياعمري ماتشوف شر جعله فيني ولا فيك .. وين وين هنا ؟
أنا: لا فوق شوي
سلمى: هنا ؟
أنا: .......
...................
..................
.............
..................
أنا: وش جايك اليوم حتى المزح ماتتقبلينه ؟
سلمى: أبوي جايب لي ولد خالته مسفر الغبي يبي يزوجنياه
أنا: يخسى
سلمى: منهو أبوي ولا مسفر ؟
أنا: أبوك
سلمى: اشوى أحسب أنك تقصد أبوي >> تجيها ثواله بعض الاحيان
أنا: طيب ارفظيه >> قاصد يحط الظاد أم عصى ماهي الضاد بدون عصى لحاجه في نفس ابن قرعوط
سلمى: ابوي يبي يغصبني عليه المشكله أنه غبي ومطلق زوجته بعد ماجاها حاله نفسيه منه والمشكله الاعظم انه يبي ياخذني معه الجنوب لانه يشتغل وكيل رقيب في سلاح الحدود بفيفا
أنا: شف الكلبه ماقالت ان المشكله اني احبك ولا اقدر اتخلى عنك يعني لو كان مو غبي ولا يشتغل بالجنوب كان وافقتي عليه ؟
سلمى: أيه اوافق
أنا: افااا يا سلمى وتقولين ايه ؟
سلمى: ليه قبل شوي تقول أبوي يخسى >> ثواله على شوية كيدهن عظيم
أنا: ههههههههههههه يعني توك تستوعبين
سلمى: المهم لازم تخلصني من المشكله ذي
أنا: قولي لي وش اسوي وانا اسوي على طول
سلمى: خل ابوك يخطبني لك
أنا: بحاول مع اني عارف رد ابوي مسبقاً
سلمى: حاول عشان حبيبتك سلمى
أنا: وهـ بس

اليوم الثاني قايم بدري وراجعت لاخواني وسويت لهم الفطور كني شغاله ماتشوفني الا ادرس هذا واعلم هذا وابرشم لثاني صاير كني مدرس خصوصي مصري بس بدون فلوس أهم شيء يرضى علي أبوي مو عشان عيونه عشان عيون سلمى بعد قلبي
رجعوا أخواني من الاختبار ويقولون أنهم حلوا زين حطت أمي الغداء ويوم تغدينا وخلصنا ألا أنا جايب الشاهي لابوي وحطيتها على قناة المستقله خبركم أبوي يحب الاخبار ويحب الهوشات اللي ماهي على سنع

أنا: تفضل الشاي يا سيدي وتاق راسي >> كريمه مختار
أبوي: من يد ما نعدمهاش >> فريد شوقي
أنا: شرايك فيني ؟
أبوي: لا اليوم شغلك ممتاز وصاير تحلل اللقمه اللي تاكلها
أنا: الله يخليني لك ولا يحرمك مني
أبوي: أقول تلايط وهات من الآخر
أنا: أبغى اتزوج وتكفى تكفى وحياتك وحياة اجدادك من قرعوط الاكبر إلى قرعوط الاصغر انك ما تردني
أبوي: ومنهي سعيدة الحظ ؟
أنا: سلمى أخت حصه مرة منصور أبيها وهي تبيني وأبي منك الشور >> قرعوط ابن مساعد
أبوي: الا يا كلب وانا اقول ليه دايم اسطوانة الغاز تجي جنب الجدار أنا أبعدها واليوم الثاني احصلها جنب الجدار اثاريك مسوي لي فيها حسين فهمي
أنا: اسمع لا تفهم غلط ( طاااااااااخ )
أبوي: انقلع عن وجهي يالفاجر تبي تفضحنا مع جيرانا لكن هين أنا أوريك


آآآآآآه يا حظي الاقشر ابوي قفل باب الحوش الخلفي وصار يراقبني وسلمى ابوها غصبها وتزوجت وانتهت قصة حب الحوش لأنه مايحب في الحوش ألا الجحوش أمثالي ومن هم على شاكلتي والحين ابشركم أني صرت مدمن مخدرات اشفط باتكس لين شفط خلايا مخي لان الافيون والكوكائين والهروين غاليه أما الباتكس بثلاث ريال وكومار مو مقصر



الحين الحرمه بالمصري ست يعني الرجال سته >> من فوائد النوم



...........


انتهت

من الايميل
 

yoyo1983

عضو نشط
التسجيل
22 أبريل 2007
المشاركات
22,665
الإقامة
DaMBy
شكرا
 
أعلى