صندوق ايفا الاسلامي ( عسجد ) الجزء الثاني

[malek]

انا ايضا تخارجت من الصندوق على اخر تقييم شهر يونيو 2007 ، والصندوق متوقع له الأداء الجيد في الأشهر القادمه ، مع العلم بوجود نية توزيع أرباح في أول عام 2008 والله أعلم وهالكلام انا أخذته عن لسان موظف لديهم على ما أعتقد من الأخوة من بلاد الشام وأسمه / عبدالكريم ، ونصحني جزاه الله خيرا بأن أصبر وهذا أفضل لي لكنني خذيت فلوسي أضارب فيها بنفسي .

 

[BigBasha]

BigBasha

الصراحة أنا عندي العشرات من الشهادات المهنية في مجال الاستثمار + حاصل على الماجستير في الاستثمار! و عمري ما شفت تحليل مثل تحليلك!!!!!

يا حبيبي اشدخل أم التكنكل أنالسيس في أداء الصندوق؟ منو علمك المعلومة هاذي!! يا جماعة الخير شنو هذا؟ هذا جهل مركب و يمكن تضلل الناس بتحليلك الفارغ!

مقياس أداء الصناديق هو البنش مارك!! البنش مارك فقط لا غير!! Benchmark

انظر الصندوق ماخذ مقياسه من منو؟ مؤشر جلوبل الاسلامي؟ أو مؤشر MSCI الاسلامي أو مؤشر NIC الاسلامي!!

اذا كان العائد على احدى هذه المؤشرات ايجابية و الصندوق يتبع الايجابية فيجب على الصندوق أن يسبق أداء هذا الصندوق بما لا يقل عن 3% و اذا كان اداءه سلبي فيجب على أداء الصندوق لا يزيد بالسلبية عن المؤشر ب 3% و يجب النظر بالTracking Error "المتابع الخطئي"


فهمت يا BigBasha؟ جذي يتم تحليل أداء الصناديق مو بطريقتك اللي مادري من وين يايبها!!

انا لله و انا اليه راجعون

أول شي أشكرك على هالأسلوب الرائع والحلو منك

ثاني شي الصندوق يستثمر في أكبر 25 شركة من حيث رأس المال السوقي

وتدري إن أسهم هالشركات تعتبر من أكبر الأسهم التي يتم تداولها بشكل يومي والتي تؤثر في مؤشر البورصة

والكل شايف إن سعر وحدة الصندوق يتأثر بشكل كبير بمؤشر البورصة

 

[ربحت]

شباب أشدعوه ... معقوله محد أتصل وعرف قيمة الوحده

مال البداله شكله وايد مرتااااااح هذا الشهر ..!!!!!

 

[محمد2000]

1.203 قيمة الوحدة لشهر 7/2007
الاداء من بداية السنة 33.17%
مبروك

 

[كـــيـــــوت_25]

1.203 قيمة الوحدة لشهر 7/2007
الاداء من بداية السنة 33.17%
مبروك

أفااااااااااااااا


سبقتني بـــ 6 دقايـق


توني شابكه عشان اقولكم


حساااااااااااافه


كنت حاذفه موبايلي بالغرفه


يا الله مبروووووكين

 

[كـــيـــــوت_25]

مشكورة يا كيوت على النقل السريع ... سبقتيني بدقايق الظاهر مأذيتهم كل شوي تدقين عليهم و مجهزة الكمبيوتر يا خطيرة إنتي . يصير خير التقييم الياي إذا قدرتي تسبقيني لك اللي تبين .

.​

بــمــا إنــي سبقتك بغيت أتأكد

هااااااااااااااا محمد عند كلمتك؟!؟

لــي إلـــي أبــيــــه ​

 

[wildibm]

el7amdo llelah

gelt lekom ya shabab

netro lama yes3ad elsook yes3ad elsandook

weeenej ya wardat yarmoook

 

[Speed90]

لي فيها 5 الاف سهم
الله يبشركم بالخير
الحمدلله

يا رب لا تخيب تعبنا

 

[ربحت]

البحر شايل السوق هاليومين .... وبعض أسهم البحر( الاسلاميه) تدوبلت أسعارها مثال جيزان

تهقون الصندوق شرا بهذي الاسهم ؟؟ ولا قعد يتفرج !!!

 

[سليمان]

على حسب علمي القوانين تمنع شراء الاسهم في الشركات التابعة والزميلة

والله اعلم

 

[محمد2000]

على حسب علمي القوانين تمنع شراء الاسهم في الشركات التابعة والزميلة

والله اعلم

صح كلامك حسب القوانين ممنوع .
بس بذمتك انت شايف قانون يمشي ويطبق بالكامل في الكويت .

 

[A.M.W]

ياشباب المستقبل

من السياسة ترك السياسة خصوصا اذا كانت في الاماكن الحساسة واتركوا هذي السوالف للقياديين والساسة وبلا تخويف وشغل نحاسة لأني اعيش في لحظة وناسة بعد ما كان جسمي بيفقد حواسه وخلو التحليل حق أهله وناسا والصحيح نرجع للاكتتاب من أساسه السالفة ترا ماهي تنجيم أو فراسة يابشر الصندوق يحتاج لدراسة ماهو حليب وزبد معبا بطاسة مانبي الصندوق يرجع لإنتكاسة وبعدها كل واحد بيتفجرله راسة

و شدورين يا أم شاشة

 

[محمد2000]

اعتقد صندوق العسجد سوف يوزع ارباح هالشهر
لانة صندوق ايفا الاستثماري وزع هالشهر منحة علي مساهمين الصندوق 50% منحة .
الفال لصندوق العسجد انشاء اللة

 

[A.M.W]

والله نتمنى الصراحة تتوزع ارباح بس انا اعتقد بعد العيد راح يوزعون مو الحين

ياجماعة جم تتوقعون الارباح جم في المية انا اقول نقدي 30%

ارجو التفاعل ووضع التوقعات

 

[كـــيـــــوت_25]

ياشباب المستقبل

من السياسة ترك السياسة خصوصا اذا كانت في الاماكن الحساسة واتركوا هذي السوالف للقياديين والساسة وبلا تخويف وشغل نحاسة لأني اعيش في لحظة وناسة بعد ما كان جسمي بيفقد حواسه وخلو التحليل حق أهله وناسا والصحيح نرجع للاكتتاب من أساسه السالفة ترا ماهي تنجيم أو فراسة يابشر الصندوق يحتاج لدراسة ماهو حليب وزبد معبا بطاسة مانبي الصندوق يرجع لإنتكاسة وبعدها كل واحد بيتفجرله راسة

و شدورين يا أم شاشة

هاااااااااااهااااااااااااااهااااااااااااااااااهاااااااااااااااااااااااااااااي


حــــــلـــــــوة ​

 

[A.M.W]

هاااااااااااهااااااااااااااهااااااااااااااااااهاااااااااااااااااااااااااااااي


حــــــلـــــــوة ​

شسوي يا كيوت من اكتتبنا والجماعة طايحيله تخويف وتخرع واحنا ناس على باب الله ننطر هالصنيديق يصعدله جم فلس عشان نقعد نهوس ونطامر

فقلت خلني استخف دمي واستملق لعل وعسى الملاقة تييب نتيجة

وناطرينج تعطينا التقييم اول وحدة هالشهر شدي حيلج

 

[Mohammadd]

ياشباب المستقبل

من السياسة ترك السياسة خصوصا اذا كانت في الاماكن الحساسة واتركوا هذي السوالف للقياديين والساسة وبلا تخويف وشغل نحاسة لأني اعيش في لحظة وناسة بعد ما كان جسمي بيفقد حواسه وخلو التحليل حق أهله وناسا والصحيح نرجع للاكتتاب من أساسه السالفة ترا ماهي تنجيم أو فراسة يابشر الصندوق يحتاج لدراسة ماهو حليب وزبد معبا بطاسة مانبي الصندوق يرجع لإنتكاسة وبعدها كل واحد بيتفجرله راسة

و شدورين يا أم شاشة

حلوة أضحكتنا ... أضحك الله سنك​

 

[Mohammadd]

البحر شايل السوق هاليومين .... وبعض أسهم البحر( الاسلاميه) تدوبلت أسعارها مثال جيزان

تهقون الصندوق شرا بهذي الاسهم ؟؟ ولا قعد يتفرج !!!

تعجبني ملاحظات العقلاء أمثالك ... الله يسمع منك ويكون شرى ويفاجئنا بتقييم عالي للصندوق آخر هالشهر ونعتبرها عيدية مقدما ...​

 

[كـــيـــــوت_25]

وناطرينج تعطينا التقييم اول وحدة هالشهر شدي حيلج

ان شاء الله من عيوني ​

 

[ربحت]

على حسب علمي القوانين تمنع شراء الاسهم في الشركات التابعة والزميلة

والله اعلم

والله شوف .. أذا اشتهى بوطلال يطلعلك ألف طريقه وطريقه علشان يدخل الصندوق بسهم جيزان

ولاتنسى .. ان ايفا تملك بصندوق العسجد حالها من حالنا ,, بس طبعا حلها (أكثر) من حالنا فمومعقول ان هذا الارتفاع بجيزان مايستفيد منه الصندوق ...

علي العموم.. اذا ارتفع التقييم هذا الشهر بشكل كبير معناه ان الصندوق ( قضب الياده ) وقولوا بس ان شالله