صندوق ايفا الاسلامي ( عسجد ) الجزء الثاني

[Mohammadd]

صباح الخير إختي كيوت ...

ما عليه خيرها بغيرها ... الجايات أكثر من الرايحات

للأسف عندي صندوق ثاني هم نازل حيل ... الله يعين .

والله العظيم وبكل صراحة أنا أشك في هالشركة بانهم نصابين , السوق ما كان فيه شيء الشهر اللي طاف والنزول هذا ماله أي سبب .

حسبي الله ونعم الوكيل فيهم​

 

[كـــيـــــوت_25]

انزين انت متأكد من هالتقييم؟

من وين مصدر الخبر ؟؟؟

 

[amzn_q8]

كم رقم ايفا خل نتاكد منهم الله ياخذهم

 

[UNIX]

اطلبوا قائمة بأكبر 10 شركات مشتراة في الصندوق و شوفوا شنو سبب النزول... ماني خابر في شركة نزلت وايد هزأت الصندوق لي هالدرجة! على العموم مدير الصندوق ما يعرف شنو الفرق بين السهم و علك بو سهم

 

[كـــيـــــوت_25]

اي والله دزولي المسج

قيمة الوحده 1.151دك

و الاداء من بدايه السنه 27.4%​

 

[المقرود]

السوق الشهر اللي طاف أخضر والصندوق محقق خسارة

شركة نصب واحتيال

شوفوا صناديق الاستثمارات الوطنية اليوم منزلين اعلانهم تترواح أرباحهم بين 37 - 82% وهالصندوق الفاشل محقق خساير

 

[amzn_q8]

يالربع شرايكم نقدم شكوة جماعية شلون السوق مشعلل الشهر اللى فات وهم نايمين له سنة وشوى وهذا ادائهم

 

[BigBasha]

سعر وحدة ندوق العسجد لشهر أغسطس 1.151 د.ك

نفس ما كان متوقع بأن سعر وحدة الصندوق إرتد عن حاجز المقاومة

 

[UNIX]

سعر وحدة ندوق العسجد لشهر أغسطس 1.151 د.ك

نفس ما كان متوقع بأن سعر وحدة الصندوق إرتد عن حاجز المقاومة

أخوي شرحك غلط غلط غلط!!

ممكن تقولي من أي كتاب يايب الدعم و المقاومة لأسهم صندوق غير مدرج؟

ممكن تحسب لي الدعم و المقاومة حق السور للوقود؟ فهو يباع و يشترى

ممكن تحسب لي الدعم و المقاومة لسهم استحواذ؟ فهو يباع و يشترى!!

انا لله و انا اليه راجعون.

انا اقول دق على ايفا و اسألهم عن أكبر عشرة اسهم بالصندوق ونسبتهم من مجموع الصندوق و شوف شنو تخارجوا منه بخسارة أفضل من الي قاعد تسويه.

 

[Mohammadd]

العسجد درس لي في هالحياة , مو كل من قال إسلامي معناته أنه هو يخاف الله ومو حرامي , بالله إيفا وين والإسلام وين ... منتجعاتهم وفنادقهم حدث ولا حرج تتكلم عن الإسلام اللي يعرفونه.

الواضح أن الصناديق على كيفهم , يحطون التقييم اللي يعجبهم !!! والله أعلم الجهات الرقابيه مدهون سيرها , هذا إذا فيه جهات رقابيه تدقق عليهم من أساسه !!!

وأيضا من الواضح بأن إيفا مو مهتمه حيل بهالصندوق !!! بدليل أن أمس الجرائد كانت متروسة إعلاناتهم بخصوص صناديقهم الثانية إلا هالصندوق ماله طاري !!! يعني قدروا يطلعون التقييم بسرعة للثانيين وهالصندوق بس اليوم الحسبة طلعت !!!

البنت الموظفه بإيفا لما سألتها ليش الصندوق نازل ؟ ردت علي تقول أخوي كم وحده عندك ؟؟؟ شنو سبب هالسؤال بالله ؟ عندي ألف ولا عشره يعني جوابج راح يتغير ؟ محفظينها تقول (( لأنه السوق نازل )) ... تسألها أي سوق هذا اللي نازل ... طبعا ما تعرف تجاوبك ... وشغلت شريط المعلومات اللي حافظته (( العسجد يستثمر ب25 شركة مدرجه بالبورصه) قلتلها لحظة هالمعلومات نعرفها من يوم تأسس الصندوق قبل 14 شهر وما فيه داعي تسردين هالمعلومات علي لانها مالها قيمه , فيه سبب ثاني عندك عن سبب نزول الصندوق ؟ قالت لأ ................ بس عندنا صندوق جديد طارحينه تحب تشارك ؟؟؟ ,,, بعدين قالت أوه نسيت إنت تبي إسلامي بس .... لا لا لا هذا ما يصلحلك !!!

معلومه مهمه للكل بخصوص توزيع الأرباح (هذا إذا راح يوزعون أرباح) !!!
السنه المالية للصندوق بدأت من 1 / 4 / 2007 وتنتهي بتاريخ 31/3/2008
يعني إذا فيه توزيع أرباح راح يكون بهالتاريخ مو قبل . بالنسبة لبدأ نشاط الصندوق فهو كان في شهر 6 / 2006 ولغاية 31/3/2007 يعني 10 شهور فشوش لا قيمة لها من ناحية أحقية الواحد بالأرباح من عدمه فاللي دخل معاهم من تاريخ تأسيس الصندوق يتساوى مع اللي دخل معاهم بشهر 4 هالسنة لما كان تقييم الصندوق 1.043 دينار يعني مو بعيد من سعر الإكتتاب الأصلي 1.020 دينار.

تبون بصراحة ... لعبو فينا لعب هالحرامية ​

 

[BigBasha]

أخوي شرحك غلط غلط غلط!!

ممكن تقولي من أي كتاب يايب الدعم و المقاومة لأسهم صندوق غير مدرج؟

ممكن تحسب لي الدعم و المقاومة حق السور للوقود؟ فهو يباع و يشترى

ممكن تحسب لي الدعم و المقاومة لسهم استحواذ؟ فهو يباع و يشترى!!

انا لله و انا اليه راجعون.

انا اقول دق على ايفا و اسألهم عن أكبر عشرة اسهم بالصندوق ونسبتهم من مجموع الصندوق و شوف شنو تخارجوا منه بخسارة أفضل من الي قاعد تسويه.

شحقه نتخارج منه وهو الحين ربحان و أداءه من بداية السنة 27.4% ؟!؟!

مو أحسن من إني أحط مبلغ هالصندوق في وديعة بنكية توصل لأقصى حد حوالي الـ 8% ؟؟؟

 

[UNIX]

حجي انا ما قلت لك انت تخارج... انا قلت شوف الصندوق شنو تخارج منه بخسارة علشان تعرف شنو هو شخصياً بايع بخسارة. انا ما قلت لك انت اطلع من الصندوق.

Look into the fund's transaction sheets so you can predict what were the stocks that the fund manager bought and sold with losses

for an example:

he bought kfh for 2.980 and he sold it for 2.880 now there is a loss of 100 fils
and it goes on....
did you get it ?

 

[Mohammadd]

مؤشر البورصة السعري مرتفع من 12.436 نقطة إلى 12.750 نقطة ولم يشاهد أي
نزول مؤثر في شهر 8 .

الصندوق خسران 25.6 % خلال شهر واحد ولا يوجد أبدا أي مبرر لهذا النزول ... الإخوان يعملون بدون أي مراقبة ومتبعين سياسة أكال من هالشق لهالشق . ولا حول ولا قوة إلا بالله .

أرقامهم : 844432 2455363 2455636 داخلي 266 (عبدالكريم)

اليوم حاولت أكلمهم بس محد راضي يرد على التلفون غير موظف البداله !!!

اللي يقدر يوصل حق مدراء الصندوق عبدالله الخزام أو صالح السلمي
ويقول لنا شالسالفه ؟ ليش هالنزول ؟ نكون له من الشاكرين .​

 

[eezee_q8]

دامه ربحان يا أخوان زين أشوه.... وطبخ طبختيه يالرفله اكليه ... وانا من اللي ياكلون من الطبخه

بس والله توبه من الصناديق!!! السوق مشلع وخسران من ارباحه الربع..!!؟ شلون ماني فاهمها ولا ابي افهمها اللي اعرفه راح اسحب منهم واشتري اسهم على الاقل جدام عيني ربحي وخسارتي...

 

[المقرود]

اليوم دار بيني وبين مدير صندوق العسجد كلام ، اتصلت عليه وقلت له إني من طرف (...) فقال حياك الله ، تفضل وسألته عن صندوق العسجد وسبب تخبطه وغير ذلك

فقال لي:
- أنه بدأ بإدارة الصندوق في شهر 5 من العام الحالي وليس من قبل وأنه هذه الفترة هي التي حقق فيها الصندوق صعود جيد

- أن السبب في عدم صعود الصندوق في الشهر الماضي هو أنه يستثمر في أكبر 25 شركة إسلامية من حيث القيمة السوقية ومؤشر هذه الشركات لم يتغير كثيرا فأغلب الشركات الإسلامية التي صعدت هي شركات صغيرة غير مشمولة في هذا المؤشر وبالتالي لا يحق لهم الشراء فيها

- بالنسبة لأسهم البحر قال لم يسمحوا لنا بالشراء في أي سهم ، وللأسف أن أسهم البحر لايوجد سهم ضمن قائمة ال 25 وبالتالي لم يستفيدوا من هذا الصعود

- تضم قائمة ال 25 شركة أسهم كثيرة مثل بيت التمويل الكويتي ، المخازن ، الهواتف ، الاتصالات ، اسمت الشارقة ، الصناعات الوطنية ، وفي الحقيقة قرأها علي ولكن لم أسجلها كلها

- قال إن بعض الأسهم التي استثمرنا بها لاتزال ساكنة ومن المتوقع تحركها قريبا

- طلب مني أن أنتظر تقييم الصندوق نهاية السنة وألا أستعجل ووعدني أكثر من مرة أن سعر الوحدة سيكون فوووق !!

- شكرته وانتهت المكالمة

 

[كـــيـــــوت_25]

اليوم دار بيني وبين مدير صندوق العسجد كلام ، اتصلت عليه وقلت له إني من طرف (...) فقال حياك الله ، تفضل وسألته عن صندوق العسجد وسبب تخبطه وغير ذلك

فقال لي:
- أنه بدأ بإدارة الصندوق في شهر 5 من العام الحالي وليس من قبل وأنه هذه الفترة هي التي حقق فيها الصندوق صعود جيد

- أن السبب في عدم صعود الصندوق في الشهر الماضي هو أنه يستثمر في أكبر 25 شركة إسلامية من حيث القيمة السوقية ومؤشر هذه الشركات لم يتغير كثيرا فأغلب الشركات الإسلامية التي صعدت هي شركات صغيرة غير مشمولة في هذا المؤشر وبالتالي لا يحق لهم الشراء فيها

- بالنسبة لأسهم البحر قال لم يسمحوا لنا بالشراء في أي سهم ، وللأسف أن أسهم البحر لايوجد سهم ضمن قائمة ال 25 وبالتالي لم يستفيدوا من هذا الصعود

- تضم قائمة ال 25 شركة أسهم كثيرة مثل بيت التمويل الكويتي ، المخازن ، الهواتف ، الاتصالات ، اسمت الشارقة ، الصناعات الوطنية ، وفي الحقيقة قرأها علي ولكن لم أسجلها كلها

- قال إن بعض الأسهم التي استثمرنا بها لاتزال ساكنة ومن المتوقع تحركها قريبا

- طلب مني أن أنتظر تقييم الصندوق نهاية السنة وألا أستعجل ووعدني أكثر من مرة أن سعر الوحدة سيكون فوووق !!

- شكرته وانتهت المكالمة

يزاك الله خير أخوي على التوضيح

وانا عن نفسي ان شاء الله متفائله خير بهالصندوق ​

 

[BigBasha]

اليوم دار بيني وبين مدير صندوق العسجد كلام ، اتصلت عليه وقلت له إني من طرف (...) فقال حياك الله ، تفضل وسألته عن صندوق العسجد وسبب تخبطه وغير ذلك

فقال لي:
- أنه بدأ بإدارة الصندوق في شهر 5 من العام الحالي وليس من قبل وأنه هذه الفترة هي التي حقق فيها الصندوق صعود جيد

- أن السبب في عدم صعود الصندوق في الشهر الماضي هو أنه يستثمر في أكبر 25 شركة إسلامية من حيث القيمة السوقية ومؤشر هذه الشركات لم يتغير كثيرا فأغلب الشركات الإسلامية التي صعدت هي شركات صغيرة غير مشمولة في هذا المؤشر وبالتالي لا يحق لهم الشراء فيها

- بالنسبة لأسهم البحر قال لم يسمحوا لنا بالشراء في أي سهم ، وللأسف أن أسهم البحر لايوجد سهم ضمن قائمة ال 25 وبالتالي لم يستفيدوا من هذا الصعود

- تضم قائمة ال 25 شركة أسهم كثيرة مثل بيت التمويل الكويتي ، المخازن ، الهواتف ، الاتصالات ، اسمت الشارقة ، الصناعات الوطنية ، وفي الحقيقة قرأها علي ولكن لم أسجلها كلها

- قال إن بعض الأسهم التي استثمرنا بها لاتزال ساكنة ومن المتوقع تحركها قريبا

- طلب مني أن أنتظر تقييم الصندوق نهاية السنة وألا أستعجل ووعدني أكثر من مرة أن سعر الوحدة سيكون فوووق !!

- شكرته وانتهت المكالمة

أولاً مشكور أخوي المقرود على هذا الإتصال ... ندري إنك كلفت روحك لخدمة أخوانك بالمنتدى

وثانياً الشركات اللي من ضمن الصندوق كلها ممتازة ومن النوع الـ Blue Chip

وثالثاً أنا أقول انتظروا إلى نهاية السنة ... إن شاء ما فيه إلا الخير

 

[A.M.W]

أضم صوتي الى صوتكم ومالنا الا الصبر في ناس استرجعم فلوسهم ايام ماكان الصندوق خسران والحين متحسفين والمؤمن لايلدغ من الجحر مرتين، خل ننتظر ونشوف، والصندوق هذا ان شاء الله يطلع على اسمه ويطلع لنا عسجد ...

عن نفسي بنتظر الى آخر السنة وبشوف شنو يصير اذا الامور تمام باستمر بالصندوق، واذا الامور غير ذلك مالي الا سحب البيزتين من الصندوق وأشوفلي سبيل ثاني، ولعل في الأمر خيرة.

 

[UNIX]

الأسهم بالصندوق ممتازة،، و ما أتوقع راح ترتفع قيمة السهم وايد لأنه اسهم الصندوق كلها فاليو ستوكس يعني اسعارها ما راح تتضخم وايد بس راح توزع كاش وايد. ومن رؤيتي للصندوق في الوقت الحالي أشوفه زين.

أخوي المقرود منو كلمت؟ عبدالله الخزام؟ قالك شي عن بوبيان بتروكيماويات؟ ترى هو يحب هالسهم و يحب يحط بالصندوق كمية كبيرة منه.

و الله يوفقكم بصندوقكم يا جماعة

 

[المقرود]

الأسهم بالصندوق ممتازة،، و ما أتوقع راح ترتفع قيمة السهم وايد لأنه اسهم الصندوق كلها فاليو ستوكس يعني اسعارها ما راح تتضخم وايد بس راح توزع كاش وايد. ومن رؤيتي للصندوق في الوقت الحالي أشوفه زين.

أخوي المقرود منو كلمت؟ عبدالله الخزام؟ قالك شي عن بوبيان بتروكيماويات؟ ترى هو يحب هالسهم و يحب يحط بالصندوق كمية كبيرة منه.

و الله يوفقكم بصندوقكم يا جماعة

لو مكلم عبدالله الخزام جان ما سألته عن الصندوق ، جان قلت له عطني توصية وحدة وحلال عليك فلوسي بالصندوق