ما هي توقعاتكم للسوق الكويتي في شهر يوليو 2007 ؟

[((بن حسين))]

ما هي توقعاتكم للسوق الكويتي في شهر يوليو 2007 !!

هل هي على ارتفاعات أم العكس ؟؟

​

 

[yoyo1983]

انشاء الله مرتفع والله اعلم

 

[tareq74]

أتوقع وعلى حسب التحاليل الفنية الي قرأناها في هالمنتدى الطيب أن السوق إن شاء الله راح يأسس على 12100 ثم يكون هناك صعود ونزول بسيط ولن يكون هناك إن شاء الله نزول قوي بسبب أرباح الشركات المرتفعة والأسعار المنخفضة . هذا ما نراه وما نتمناه .

 

[zizo]

أتوقع أن ينزل السوق فى اول يوليو 2007 لانها أيام تاتى بعد اقفالات الاربع الثانى ..ولكن نظرا لوجود سيولة عالية فى السوق فان الفر صة سانحة لاصطياد بعض الاسهم التى ستباع باسعار رخيصة من قبل بعض المستثمرين الذين لايستطيعون السفر براحة بال الا بعد تسييل ما لديهم من اسهم ..أتوقع ان السوق فى مجمله فوق ال12 ألف نقطة صعودا ..

 

[المستشار الصغير]

فوق فوق بعدين تحت شوي

راح يكون نار مثل جو الكويت ومثل ما قال الفنان المصري حكيم / نار نار نار أنا قلبي آيد نار

راح يكون أول يوليو السوق فوق علشان الآجل يكون سعره فوق وبعدين الله يعين إلي ماخذ آجل

طبعا مو كل الشركات اتسوي هالحركة بعض الشركات إلي توفر الآجل بكميات كبيرة بالسوق أول كل ربع وشكرا

والله يرزق الجميع إن شاء الله

 

[بانوراما]

اتوقع السوق في شهر يوليو هبوط

والله اعلم

عطله الصيف دائما يكون فيها السوق خامل واغلب التجار خارج الديرة وبريحون ومايبون يعورون راسهم بشي


ولا تنسون ان السوق صعد صعود قوي منذ بداية العام بدون تصحيح ​

 

[((بن حسين))]

يعطيكم العافية على ردودكم الطيبة


اسأل الله العلي العظيم ان تستمر الارتفاعات

ويجعل كيد من كاد صغار المستثمرين في نحره

و ان يلجم لسان كل مروج لاشاعة كاذبة بالسوق

وان يرزق الجميع من حلال رزقه ويبدل خسائرهم الى ارباح​

 

[سبيعي1]

اتوقع السوق راح يبط على راسه

 

[jeme_E]

اتوقع والله اعلم ارتفاع حتى الاعلانات للربع الثاني
وبعدها صعود قوي لبعض الاسهم التشغيليه
ونزول لاسهم اخرى مما قد يترتب عليه نزول للموشر بنسبه غير كبيره
خاصه مع بدايت الصيف ونزول المنح حيث ان هناك الكثير من الناس
سيبيع المنح للسفر مما يترتب عليه نزول الاسهم لكثرت العرض
وستكون فرصه لصغار المستثمرين للشراء لاسهم ممتازه

بسعر منخفض نسبيا
وخصوصا مجموعه اجيلتي والبدر
وبعدها ارتفاع متوازن يصل قمته شهر 9

ونسأل الله التوفيق لنا ولكم

والانتباه للسوق ووضع خطط لوقف الخساره والتبديل السريع
للاسهم لو نزلة الاسهم لاقدر الله

 

[q8_chamber]

أتوقع أن ينزل السوق فى اول يوليو 2007 لانها أيام تاتى بعد اقفالات الاربع الثانى ..ولكن نظرا لوجود سيولة عالية فى السوق فان الفر صة سانحة لاصطياد بعض الاسهم التى ستباع باسعار رخيصة من قبل بعض المستثمرين الذين لايستطيعون السفر براحة بال الا بعد تسييل ما لديهم من اسهم ..أتوقع ان السوق فى مجمله فوق ال12 ألف نقطة صعودا ..

اتفق معاك 100%​

 

[السهو]

اتوقع السوق راح يبط على راسه

اشدعوه يبط مره وحده

اللحين فيه تداول اكتروني وين ما تروح تقدر تتداول

عموما الاسواق الاوروبية متذبذبه ولكن انشالله تبشر بالخير

السوق الاسيوي متماسك وجيد ماعدا الصيني يخوف

السوق الامريكي جيد

اللي يقول ان الاسواق العالمية الرئيسية غير مرتبطة غلطان

السوق في الكويت واصل عند مستوى تذبذب بين ترييحه متوسطه

او ارتفاعات مرضيه هادئه

واي واحد يشوف جارتات السوق ممكن ةيوصل لنفس النتيجه

والله اعلم

 

[هاردنت]

اتوقع الاستمرار فى الصعود ...

 

[خبير النفط]

اهم شىء يكون نظام مولدات الكهرباء الاحتياطى شغال وفعال وكل شىء اخر يهون , سفر الهوامير ماعاد عذر لان الهوامير ما قامت تسافر وناستهم فى جنى الارباح وليس السفر بعضهم صار له سنين ما طلع من الميفره قاعد يطلع راسه ويزرط من الارباح عموما حتى لو سافروا الحين الموبايلات شغاله حتى فى جزر الواق واق يعنى ماكوا عذر ينزل السوق لاكن اذا الجماعه اشتهوا ينزلونه راح ينزلونه حتى لو ما فى عذر
وسلامتكم وانشاء الله يوم اقفالات كبيرة بكرة

 

[مضارب شجاع]

صحيح ان الهوامير ما خلوا للزمارير شئ
حتى النويتش ما يخلونه يلمون كل شئ الاخضر واليابس
وبعض صغار المستثمرين صروا مثل الطير الى يأكل من ضروس التمساح ينظف مخلفات التمساح