شوفوا يا اخوان احنا مشكلتنا فى الكويت ان اى شركه او موقع جديد يشتغل يكون ممتاز فى البدايه بعدين لما يكثر الدوس عليه يبدأ يضعف لان كل شىء له سعه استيعابيه لاكن ربعنا من الطمع ما يرحمون نفسهم ولا يلتزمون فى السعه المقدره ولا حتى بنسبه اعلى يشركون ناس ليما يصير السيستم فوق طاقته وتبلش المشاكل اهنيه انا انصح انخش ودور لك شركه او موقع جديد
يجب عدم مقارنة أي شركة بالأوسط .. لأسباب... واللة انا صادفتني نفس المشاكل الي تفضلتوا فيها ولطن للعلم:
1 - عدد عملاء الأوسط أكثر بكثير من أي شركة ثانية ... و الأوسط يتداول عن طريق مكتب الأوسط الي يمثل أعلى نسبة تداول بالسوق حتى من غير الأوسط....
2- المشكلة إنة نظام البورصة يستقبل 10 أوامر بالثانية .. بينما بورصة دبي كمثال تستقبل 500 أمر بالثانية !!!!! للأسف ... ماكو مقارنة ... اذا عندك 14 مكتب ... و كل مكتب عندة أوامر الدنيا ... لازم يطوف النظام ويأخذ أمر أمر من كل مكتب... يعني بالدور... فمابالك بالأوسط؟؟؟؟ الي عندة أوامر الدنيا...يبيلة دهر علشان تنقبل كل أوامرة...
3- الأوسط موفرلكم كل الخدمات حتى الغير الكترونية. وبعض هذة الخدمات مثل:
... الكسور بدون رسوم
... الأجل بدون رسوم
... تحويل ال كي نت بدون رسوم
... تحويل الشهادات من غير رسوم.. KFIC رسومهم 10 على الشهادة
... تحويل المبالغ الى البنك بنفس اليوم و من غير مقابل
... التداول بالسوق كويتي و دبي و أبوظبي و عمان من غير أي رسوم إضافية...
... خدمة ال SMS المجانية
هذة بعض الخدمات... و لو وفرها أحد غيرهم ... أنا أول من أحول علية ... بصراحة الأوسط دفع كثير لتضبيط النظام ... من زمان والشباب ماقصروا .. على فكرة... ترى موفرين اشتراك مو بس مع شركة انترنت وحدة. ولكن مع 3 شركات ... يعني اذا Fasttelco طاح.. النظان يحول بنفسة الى QualityNet هذي يسمونها Failover Plan و بدال ال Server حاطين 2 .... ترى هالأشياء مانشوفها.... كل الني نشوفة هي مشاكل البورصة...
و كل مرة .. تشوف المطبلين للشركات الصغيرة تعمل كل الي عليها للتطبيل...
أنا بيوم مليت وطقت جبدي من الأوامر الصبح.. رحت و قعدت مع شباب من الأوسط... والي شفتة غيري فكرتي...
للأمانة.... لحد يثق بالكلام على طول... جرب مع الشركات الثانية... وأحكم بنفسك ... قبل لاأطلع من هناك طاح نظام البورصة...و العملاء يدقون و يسبون ويلعنون بالموظفين ... قلة أدب وإحترام... والموظف اقولة هذا موغلطتنا اهي من البورصة بس حقك علينا.. لأسف ... شتفهم.. أنا مع المقولة انة دشت أشكال على الديرة الي غيرت أصالة البلدة الطيب... ناس اللة يستر عليهم....
على العموم... كلمة وحازة بخاطري وقلتها...
وسامحونا على الطوالة...
