أخوانى نصيحة لله بخصوص القرين

[ناصر250]

عدد اسهم الشركة تعادل ‏1.100.000.000سهم

و اظن ان السعر ( بتقييمي وقد يكون خاطىء) للسهم 345 ولا يمنع ان يصل السهم الي 5 دنانير
فهذه ليست دراسة علمية
وهذه ليست توصية للبيع او للشراء


فالعلم عند الله سبحانه

 

[م. سعد]

عدد اسهم الشركة تفوق المليار سهم و اعتقد السعر العادل للسهم 345 لا اكثر

السلام عليكم

اخوي الفاضل .. تحية طيبة .. ودي اعرف علي اي اساس قلت هذا السعر العادل ؟

اذا بس على عدد الاسهم فكثيرة الاسهم اللي اعلى من القرين.
بنك بوبيان اسهمه مليار و فوق و سعره وصل 800ف و ما عنده لا ارباح و لا هو شغال مثل باقي البنوك و لا راح يقدر ينافس.
المشاريع اسهم فوق المليار و سعرها ما شاء الله.
الهواتف قريب المليارين و سعره قريب 5دك.
البنك الوطني قريب المليارين و سعره فوق الدينارين.
بيت التمويل فوق المليار و نص و سعره قريب 3 دك.

اذا على الارباح فارباحهم طيبة و مستقبلهم زاهر .. على الاقل بنك بوبيان اخذ اكثر من حقه من ناحية الارباح و مكرر الربحية مع العلم ان ارباح القرين افضل و اجود و بنك بوبيان للحين ما اشتغلوا كما يتوجب عليهم و للسهمين نفس عدد الاسهم و يمتلك السهمين شريحة كبيرة من الشعب.. و لا ننسى ان السهمين تداولوا بسوق الجت باسعار قوية .. اعقتد لو نقارن جذي القرين لازم تساوي او تقل بشوي عن بنك بوبيان.

انا بصراحة ما سويت دراسة اساسية للقرين و ودي انك تنورنا عشان نستفيد و الاخوان و نعرف نبني قرار البيع و الشراء وبنقاش علمي بناء بعيد عن العواطف .. مع العلم ان السوق مو لازم يكون عادل دائما.

اشكر لك رحابة صدرك

 

[ناصر250]

السلام عليكم

اخوي الفاضل .. تحية طيبة .. ودي اعرف علي اي اساس قلت هذا السعر العادل ؟

مرحبا اخي سعد

اولا ما كتبته ليست دراسة علمية ولكنها مقارنة نظرية و هي ليست توصية بالشراء او البيع

فالمقارنة النظرية ان

عدد اسهم شركة القرين تعادل ‏1.100.000.000سهم

و اظن ان السعر( بتقييمي وقد يكون خاطىء) للسهم 345 ولا يمنع ان يصل السهم الي 5 دنانير
فهذه ليست دراسة علمية
وهذه ليست توصية للبيع او للشراء


وكما يقول الاخوة المصرين كل فولة ولها كيال

فانا اعتقد سعر
والآخر يعتقد ان السعر دينار
والثالث 5 دنانير

و كما يقال باختلاف الاراء تظهر الحقيقة

فانت ما هو تقييمك للسعر

 

[ناصر250]

سعد
بنك بوبيان اسهمه مليار و فوق و سعره وصل 800ف و ما عنده لا ارباح و لا هو شغال مثل باقي البنوك و لا راح يقدر ينافس.
المشاريع اسهم فوق المليار و سعرها ما شاء الله.
الهواتف قريب المليارين و سعره قريب 5دك.
البنك الوطني قريب المليارين و سعره فوق الدينارين.
بيت التمويل فوق المليار و نص و سعره قريب 3 دك.

اولا المقارنة لا تصح مع الاسهم المذكورة لان القرين مجالها الصناعة لذلك يتم مقارنتها بمثيلاتها من الشركات الصناعية البتروكيماوية

ثانيا الشركات التي ذكرتها مثل بنك الكويت الوطني اسس منذ 55 سنة

والقرين اسست منذ 3 سنوات

 

[م. سعد]

يعطيك العافية اخوي ناصر و شكرا عالتوضيح .. اذا تبي توقعي و بدون دراسة و مجرد نظرة شخصية للسوق و السهم .. انا اشوف بالوقت الحالي السعر العادل 500-700ف .. مستقبلا و بعد التجميع و الضغط ال700ف سعره الطبيعي.

طبعا انا شخصيا راح اتفاعل مع هالاسعار بالبيع و الشراء، اقل من 450 (50 فلس احتياط شخصي) انا شراي و اكثر من 650 باتحرى فرصة البيع .. فوق 700ف بياع بدون تردد.

و حسب خبرتي المتواضعة بالسوق اشوف ان السهم راح يبتدي يريح عند اسعار ال450ف لمرحلة من الوقت قبل لا يحقق اي صعود.

و دمتم

 

[ناصر250]

اشكرك اخي سعد على ردك الذي يدل على تقديرك لاختلاف الآراء واكاد اقترب من توقعك

 

[م. سعد]

اشكرك اخي سعد على ردك الذي يدل على تقديرك لاختلاف الآراء واكاد اقترب من توقعك

العفو اخوي العزيز ناصر و بصراحة ردك كان جميل و كله احترام و هالمنتدى ما وضع الا لتبادل الآراء و الاستفادة من كل عضو كبير او صغير.

 

[afelfel]

كلامك صح يا خوي وايد مضخمين في توقعات سعر السهم وصعودة رح يليه هبوط لان سعرة العادل تحت 390

 

[ناصر250]

للرفع

 

[UNIX]

السلام عليكم يا اخوان

عطوني القوائم المالية للشركة لاّخر فترة متوفرة و راح أحسب لكم قيمة السهم العادلة على حسب الدراسات المعتمدة. بس عادي تطلع قيمة السهم 150 فلس و يمكن دينارين. ما أقدر أحكم الا لما أحلل البيانات المالية. اذا متوفرة عند أي واحد منكم أنا حاضر و بالخدمة

 

[jamalll]

كلامك صح يا خوي وايد مضخمين في توقعات سعر السهم وصعودة رح يليه هبوط لان سعرة العادل تحت 390

السلام عليكم

بموجب شنو حكمت على ان سعر السهم العادل اقل من 390 ؟

شكرا

 

[jamalll]

السلام عليكم يا اخوان

عطوني القوائم المالية للشركة لاّخر فترة متوفرة و راح أحسب لكم قيمة السهم العادلة على حسب الدراسات المعتمدة. بس عادي تطلع قيمة السهم 150 فلس و يمكن دينارين. ما أقدر أحكم الا لما أحلل البيانات المالية. اذا متوفرة عند أي واحد منكم أنا حاضر و بالخدمة

اولا اهلا وسهلا فيك بالمنتدى بين الشباب اما بالنسبة للالقوائم المالية اتمنى احد من الشباب تكون متوفرة عنده علشان نستفيد وشكرا

 

[bo3ali]

انا بالنسبه لي راح اطلبه باجر بالحد الأعلى 300 الف سهم

لأني مقتنع انه سعره بلاش والله صارلي يومين اطلب اول الصبح بس ماصار نصيب المحافظ والصناديق مومخلينا طلباتهم بالملايين وكمبيوترهم اسرع
ان شاء الله باجر احصل بعد ماوصيت الوالده تدعيلي ان يعطوني باجر
ديروا بالكم على السهم تراه ذهب واخذوه ولاتبيعون اقل من 700 فلس
والله انا انصحكم لوجه الله وانا اتمنى اصيد السهم باجر وانتوا كيفكم
اللي اتشوفونه صح سووه بعد تحكيم عقولكم والله يوفقكم .

 

[السور]

بيعوا باجر بعد علشان هم اشترى منكم وبعدين !!ليش مابعتوا اليوم

 

[مضارب 2]

سلام عليكم

يا جماعة اليوم الصبح من ال8 بالبورصة وانا واقف يم الدلال احاجيه ولة شايب عنده كمية يبي يبيعها على 410 جان اقوووله حجي ليش تبيع انطر يوم السبت تبيعة 460 جان يقووول انا ادري شنو يسير السبت المهم الدلال صاحبي قالي انا اقووولهم بس ما يسمعون حتى بعض الدلالين مو راضين على هالاسعار عاد قال الدلال للي يايين يبيعون انا ما ابيع اقل من 500 فلس الاغلبية قالوله زين تسوي المقصد من السالفة ما شفت احد بالكويت راضي على السعر الي قرين يتداول عليه حتى الدلالين الي بالسوق وان غدا لناظره لقريب .....


ودمتم...

 

[sultan2007]

الله يهداك يالسور

بيعوا باجر بعد علشان هم اشترى منكم وبعدين !!ليش مابعتوا اليوم

شوي شوي يالسور على الشباب تراهم طريف ترا يزعلون ويبيعون
ويهدون السهم

 

[خبير النفط]

انا ما ادرى عن الى باعوا اليوم بعضهم يقولون محتاجين مو اذا باح الثلاثاء او الاربعاء الشيك مو طالع الا السبت جذى اخذ 25 فلس زياده على سعر الثلاثاء اذا مضطر تبيع

 

[بورصة جمبزه]

ديروا بالكم وعن الطمع ومن طمع طبع وموفقين

بيض الخعفق مو نفس فرخ الخعنفق

 

[InUrEyEs]

انا ما ادرى عن الى باعوا اليوم بعضهم يقولون محتاجين مو اذا باح الثلاثاء او الاربعاء الشيك مو طالع الا السبت جذى اخذ 25 فلس زياده على سعر الثلاثاء اذا مضطر تبيع

مثل ماقال اخوى الا ابيع الاربعاء باجر ماراح يستفيد شى لانه الشيك يطلع الاثنين بيع السبت وخذ 25 فلس زياده والشيك هم يوم الاثنين وتكون استفتدت

موفقين

 

[ateej]

السهم حلق لليوم الثاني على التوالي مرتفعاً بالحد الأعلى
كامل الحرمي عن التداولات القياسية لـ «القرين»: السهم مستهدف من مستثمرين --جريدة الوطن