استفسار عن محفظه عقاريه ؟؟

[Q8 Stock]

السلام عليكم


اذا حبيت اني اسوي محفظه عقاريه
شنو شروطها ؟؟


قلت حق شخص عطني 100 الف دينار
استثمر لك راس المال واعطيك شهريا 500 دينار
مع العلم انه الملبغ مستثمر في عماره
والملبغ جزء من دخل العماره ..!!
هل يدخل هذا ضمن الربا ؟؟

العقار ما اعرف فيه
لكن الواحد يقدر يتعلم

 

[Q8 Stock]

​

 

[Cha3bar]

السلام عليكم بوعلي

سؤالك يحرج الواحد صراحة يبيلك مفتي عشان يقدر يفيدك أكثر إن كان تحديد قيمة العائد "أو نسبة العائد" نوع من أنواع الربا أم لا

بعدين مو واضحة علاقتك بالمستثمر هل هو شريك أم إنك مقترض منه أم مضمن منه المبلغ وإن كان شريك هل سيتحمل الخسارة أم أنك مجبر على إعادة رأس المال بالكامل

ولهذا أقولك "لا أعلم"

 

[almoress]

مشرفنا الغالي انا ما عندي خبره بهالشغله


لكن الي أعرفه إن مبلغ الــ 500 إذا كان راح ياخذه شهريا سواءاً ربحت او خسرت فهذا لا يجوز وهو من المحرمات والله أعلم لكن لا أعلم إن كان من الربا أم لا


يمكن الأخوان يفيدونك أكثر مني

 

[FLOOD]

بوعلى اسف صراحه ماعندى ردود لاسئلتك بس موضوعك فتحلى باب بالافق ان نكون محفظه استثماريه بالمنتدى

يعنى لو نجمع 2000 دينار من 200 عضو = 400 الف دينار بغض النظر عن الحسبه ممكن تتضبط حسب المعطيات المتاحه

وتكون محفظه مضاربيه او جزى مضاربى وجزىء استثمارى
مع تحديد الاهداف بوضوح وشفافيه لملاك المحفظه وتوفير كافة الضمانات المتاحه للاطمئنان بعد مناقشتها
يدير المحفظ محللين من المنتدى من ذوى الخبرات بعد الاتفاق على السهم واسعار الدخول و الخروج
ويكون العائد عليها كل 6 شهور مثلا

وانتخاب رئيس واعضاء مجلس ادارة المحفظه شرايك اما بالتصويت او بالترشيح

ادرى شطيت عن صلب موضوعك اسف بس ادرى امون

 

[Q8 Stock]

وعليكم السلام جعبر

استثمر لك في عماره
يعني في عملية شراء
مو شغل وهمي
وتجاره ربح وخساره
علشان نبتعد المحرم
لكن تم تحديد المبلغ
لانه توزيع بين عدة مستثمرين (كمثال)

شكرا لتجاوبك

 

[Q8 Stock]

بوعلى اسف صراحه ماعندى ردود لاسئلتك بس موضوعك فتحلى باب بالافق ان نكون محفظه استثماريه بالمنتدى

يعنى لو نجمع 2000 دينار من 200 عضو = 400 الف دينار بغض النظر عن الحسبه ممكن تتضبط حسب المعطيات المتاحه

وتكون محفظه مضاربيه او جزى مضاربى وجزىء استثمارى
مع تحديد الاهداف بوضوح وشفافيه لملاك المحفظه وتوفير كافة الضمانات المتاحه للاطمئنان بعد منقاشتها
يدير المحفظ محللين من المنتدى من ذوى الخبرات بعد الاتفاق على السهم واسعار الدخول و الخروج
ويكون العائد عليها كل 6 شهور مثلا

وانتخاب رئيس واعضاء مجلس ادارة المحفظه شرايك اما بالتصويت او بالترشيح

ادرى شطيت عن صلب موضوعك اسف بس ادرى امون

هلا بوطلال

لا ما شطيت بس استعجلت شي
وتمون طال عمرك

الفكره هذي موجوده عندي في ملف وورد
لكني متحفظ عليها شوي

شاكر لك


الاخ almoress

شاكر لك على التجاوب
لكن المبلغ جزء من دخل عماره كما وضحت

 

[almoress]

العفو بو علي


دق على الرقم الي راح ادزه لك على الخاص وإن شاء الله تحصل الإجابه الوافية


د. رياض منصور الخليفي

متخصص في الأمور الإقتصادية

 

[Cha3bar]

وعليكم السلام جعبر

استثمر لك في عماره
يعني في عملية شراء
مو شغل وهمي
وتجاره ربح وخساره
علشان نبتعد المحرم
لكن تم تحديد المبلغ
لانه توزيع بين عدة مستثمرين (كمثال)

شكرا لتجاوبك

إن شاء الله أكون فهمت موضوعك أكثر أو راح أعطيك مثال أعتبره إن شاء الله حلال "لكن لازم تسأل فيها"

قصدك إن مجموعة يتحاططون في رأس مال وإنت تقوم بإدارته عن طريق شراء عقار بإسمهم وتقوم بإستثماره وإدارته نيابه عنهم مقابل عائد شهري ثابت لكل واحد

إن كان هذا المثال صح أو قريب من الفكرة إلي في بالك ما في أي شبه شرعية إن شاء الله إذا كان هناك عقد إيجار أو عقد إنتفاع صريح بينك وبين ملاك العقار أو المستثمرين مقابل عائد شهري أو دوري ثابت ويكون من نصيبك فرقية الإستثمار سواء بالربح أو الخسارة لوحدك

والله أعلم

 

[Q8 Stock]

تسلم اخوي almoress
وصل الرقم


يا سلام عليك جعبر
هذا المقصود
الحين نعتبر انها عملية سليمه ان شاء الله

يبقى شروط المحفظة العقاريه

 

[Cha3bar]

أسهل شي تعزم الشباب عندك بالدوانية على ذيك القهوة الشمالية إلي ما شميناها ليلحين وتبتدون بمذكرة تفاهم ويستحسن تكون موثقة عند محامي

يتم تحديد فيها قيمة ونسبة مشاركة كل مستثمر ولا أفضل أن يتم إيداع المبلغ بحساب مشترك مبدئيا حتى يتم إيجاد العقار وتقييمه وتوثيق محضر إجتماع ثاني بين المستثمرين بالموافقة على العقار ومواصفاته وسعره حتى يتم إخلاء طرفك من المسؤولية

والشروط إسترسل على راحتك لا تخلي شي ما تكتبه

 

[Q8 Stock]

أسهل شي تعزم الشباب عندك بالدوانية على ذيك القهوة الشمالية إلي ما شميناها ليلحين وتبتدون بمذكرة تفاهم ويستحسن تكون موثقة عند محامي

يتم تحديد فيها قيمة ونسبة مشاركة كل مستثمر ولا أفضل أن يتم إيداع المبلغ بحساب مشترك مبدئيا حتى يتم إيجاد العقار وتقييمه وتوثيق محضر إجتماع ثاني بين المستثمرين بالموافقة على العقار ومواصفاته وسعره حتى يتم إخلاء طرفك من المسؤولية

والشروط إسترسل على راحتك لا تخلي شي ما تكتبه

جنها مدفونه جعبر

حياك وابشر باقهوه شماليه


تسلم على المعلومات القيمه

ربعي يدورون السفرات ما وراهم رجا

 

[Q8 Stock]

 

[Q8 Stock]

يعني مادري....!!!