عاااجل : الهند الهند الهند ؟؟؟

[Analyst]

يا اخوان السلام عليكم

باختصار : لازم أحجز اليوم للهند . الأفضل أحجز على بومباي ولا دلهي أكون شاكر لكم لو تفيدوني بأسرع وقت

طبعا بغرض السياحة مع الأولاد لأني وعدتهم !!! وهل اسبوعين كافية ؟؟؟

 

[Analyst]

الله يسامحكم ؟؟؟

ماكو نفر سوي رد اججججاااااا

 

[***بومحمد***]

شلي خلاك تفكر بالهند ؟؟؟
هل لك خبره أو تعرف فيها أماكن للسياحه ؟؟؟
وإذا العيال صغار أتوق إن ماراح تيوزلهم من خلال تجربتي لها بس مو مع العيال كانت رحلة عمل ...... وفترة إسبوعين كافي وزياده .

 

[Analyst]

هلا بو محمد

شلي خلاك تفكر بالهند ؟؟؟
هل لك خبره أو تعرف فيها أماكن للسياحه ؟؟؟
وإذا العيال صغار أتوق إن ماراح تيوزلهم من خلال تجربتي لها بس مو مع العيال كانت رحلة عمل ...... وفترة إسبوعين كافي وزياده .

هلا اخوي بو محمد

اللي خلاني افكر بالهند انا لي نظرة بالسياحة مو بس ناطحات سحاب و....الخ انا طال عمرك درست بامريكا وكملت ببريطانيا ورحت للصين تجارة ومصر سياحة والهند بلد عريق وفيه تاريخ وحضارة ولي رغبة بزيارته واللي معاي شباب كبار اهم اخوي وولد عمي طال عمرك وانا اللي عازمهم وصلت ؟ يطول لي بعمرك وشاكر لك شنو الأماكن اللي تنصحني فيها

 

[***بومحمد***]

أخوي Analyst دزيتلك رساله خاصه

جانزين تقراهه وان حاضر

​

 

[انطلق2]

شعندك بالهند؟؟؟....السفير الكويتي هناك لايعه جبده ....
دبي أبرك...فيها كل شي للأطفال...

 

[alashum]

اذا معزم ابدأ من كوتشن وولاية كرلا ومن هناك اخذ تور على الولايات والمدن اللي حواليها احسن شي بالهند وشوف موقع المسافرون العرب يفيدك اكثر ورحله سعيده

 

[Analyst]

الله يذكرك بالشهادة ؟؟؟

شعندك بالهند؟؟؟....السفير الكويتي هناك لايعه جبده ....
دبي أبرك...فيها كل شي للأطفال...

اخوي انطلق 2 الله يذكرك بالشهادة ذكرتني واحد من الربع بالسفارة هناك وانا ناسي ( الظاهر السفير لايعة جبده من الجباتي والداااااال

عالعموم اذا عندك معلومة فيدني كما فدتني من قبل

 

[Analyst]

هلا بالسهم

اذا معزم ابدأ من كوتشن وولاية كرلا ومن هناك اخذ تور على الولايات والمدن اللي حواليها احسن شي بالهند وشوف موقع المسافرون العرب يفيدك اكثر ورحله سعيده

اي والله وانا اخوك شتنصحني اول شي اروح على رحلة بومباي ولا دلهي ؟
ثانيا : شنو المدن السياحية ( رحلتنا تقريبا 12 يوم )
ثالثا : يطول لي بعمرك

 

[Abdulazeez]

تروح وترجه بالسلامه يارب .. ولاتنسى الأدعيه ودعاء السفر

ودير بالك على عيالك ... لا تتغافل عنهم

عطله سعيده إن شاء الله

 

[alashum]

تامر طال عمرك من خبرتي روح لكوتشن على طيران الجزيره او الكويتيه كلهم يروحون هناك والديره حلوه ولما توصل اجر سياره بسايقها لاسبوع ولاتنسى مونار مر عليها ومناك خل السايق يكرف شوي ياخذكم للمدن اللي حواليها و ترى بين كل ديره وديره لا يقل عن 5 ساعات والمكان هذا احسن و أحلا شي بالهند من مناظر و جو وسأل مجرب و لا تسأل طبيب

 

[alashum]

مجرب عشان نروح رحلات اخوك دريول طياره

 

[Analyst]

الله يسلمك

تروح وترجه بالسلامه يارب .. ولاتنسى الأدعيه ودعاء السفر

ودير بالك على عيالك ... لا تتغافل عنهم

عطله سعيده إن شاء الله

هلا بو سعود
الله يسلمك ويزاك الله خير

 

[Analyst]

على راسي !

مجرب عشان نروح رحلات اخوك دريول طياره

على راسي يالدريول بس الجزيرة تروح بومباي ودلهي ولا أنا غلطان ؟

يقول لك دريول طيارة وتبي تعلمه

 

[alashum]

لا غلطان طال عمرك يروحون هناك عطيتك نصيحه و انت كيفك وانا دريول على كيف كيفك

 

[KUWAITI MAN]

الهند الهند الهند ........ شفييييك ماكل فلفل

 

[" قاصد خير "]

صراحه راح أنصحك نصيحه وخلها في بالك ووعى تنساها ..

سوشيكوقا كلن أم وارنو تانكلونقا كوتي قلو بانموم سوشيكوقا سوندرا مايا ناقرنقر وندا أم نالا دينم أشمسي كونو .

سامحنا على التقصير ..:d :d :d

 

[Analyst]

ما يمدحون كوتشن ؟؟؟

اذا معزم ابدأ من كوتشن وولاية كرلا ومن هناك اخذ تور على الولايات والمدن اللي حواليها احسن شي بالهند وشوف موقع المسافرون العرب يفيدك اكثر ورحله سعيده

http://travel.maktoob.com/vb/showthread.php?t=42263&page=2

هذا واحد اسمه لمسات في منتدى المسافرون العرب ما يمدح كوتشن

 

[Analyst]

آجا آجااااهي

سوشيكوقا كلن أم وارنو تانكلونقا كوتي قلو بانموم سوشيكوقا سوندرا مايا ناقرنقر وندا أم نالا دينم أشمسي كونو .

سامحنا على التقصير ..:d :d :d

الأخ كويتي

أعرب ما تحته خط ؟

 

[alashum]

اترك مكتوب ماعنده سالفه شوف المسافرون العرب ياولدي يابني :d