موضوع الاسبوع (1) الأسهم الديناريه

[Master-Leo]

السلام عليكم عطلة نهاية اسبوع سعيده للجميع ان شاءلله وبما إن مافي بورصه خميس وجمعه

فحاب اطرح فكره مناقشة موضوع اسبوعي واذا في تفاعل ونقاش ايجابي نستمر كل اسبوع بطرح موضوع جديد

أول موضوع عندي هالاسبوع بخصوص الأسهم الديناريه تعتقدون ماهي الأسهم المظلومه واللي ممكن سعرها

يوصل دينار هذه السنة أو مع بداية السنه القادمه وماهي المقومات اللي ممكن توصلها لهذا المستوى السعري

وبالمقابل ماهي الأسهم الديناريه اللي لاتستحق هذه الأسعار المبالغ فيها بل على العكس تستحق ان تكون أقل منها

طبعا يا اما لتكرار أو لتوقع توزيع أرباح غير مجزيه أو لأسباب اخرى قادمه .

 

[Master-Leo]

أنا ابتدي المناقشه عن سهم الرابطه هذه الشركه مره توزيعها للأرباح زين

ومره شين احترنا فعلا مع ادارة الشركة واعلانها للأرباح بالربع الأول فعلا

كان يفشل لكن انا أشوف بالدربيل الطويل ان ممكن ترجع لمستوى فوق

الدينار بعد ما يلمون كميات المنح اللي وزعوها وسواء كانت الأرباح بالربع

الثاني ممتازة أم لا فمتى ماشبعوا لم بالسهم فراح يصير من السهل توصيله

دينار بالمستقبل القريب

الشخص اللي بعدي تفضل ادلي بدلوك سواء عن الرابطه أم غيرها كل واحد واختياره وحسب معرفته وخبرته بالشركات وأصحابها

 

[Abdullah Alhajeri]

مرحبا ليو

عندي سهمين !

بنظرتي الثاقبه على الراحه دينار !!

الاول هي الاولى للأستثمار

والثانية هي عارف

لكن هالكلام مو توصية نظره شخصية وان هالاسهم مو بسعرهم الى يستحقونه

 

[Nagooshy]

السلام عليكم

اخوي Master-Leo انا اشاركك الرأي

سهم الرابطه عليه ضغط... وبوجهة نظري ان الملاك اهم الي قاعدين يضغطون على السهم..يبون الناس اتبيع المنحة .. بس ان شاء الله عن قريب راح اتشوفه فووق الدينار..​

 

[Master-Leo]

اخوي رسام لو نلقي نظره على قطاع الاستثمار بصفه عامه من الصعب

السهم يوصل فيه لسعر دينار الا اذا كان سعر متضخم هذا شي ثاني

لاتنسى قطاع الاستثمار من الصعب التكهن بأرباح شركاته نظرا لتقلبات السوق بصفه عامه كل سنه

وعندك مثال ربح المركز المالي في سنة 2005 كان بحدود 100 فلس وتجاوز سعر السهم 700 فلس في

ذاك الوقت لكن شوف ربحيته بسنه 2006 كانت أقل بكثير وطبيعي ان ينعكس ذلك على سعره اللي وصل

الى أقل من 300 فلس . وحاليا مافي عندنا غير سهم الدار اللي واصل دينار وأعتقد اذا في شركات ممكن

تلحقه فإهي الاستثمارات الوطنيه والمشاريع وجلوبال هذا طبعا على فرضية ان السوق واصل الصعود

وتحققت لهذه الشركات ارباح ممتازة لبقية العام

 

[Master-Leo]

السلام عليكم

اخوي Master-Leo انا اشاركك الرأي

سهم الرابطه عليه ضغط... وبوجهة نظري ان الملاك اهم الي قاعدين يضغطون على السهم..يبون الناس اتبيع المنحة .. بس ان شاء الله عن قريب راح اتشوفه فووق الدينار..​

الرابطه لو تشوف مشاريعهم وعقودهم ولباقي شركاتهم الزميله تقول كافيه تخلي السهم يوصل 1500

وكافي ان ربحية السهم كانت 170 فلس في عام 2006 يعني المفروض هالربحية التشغيلية مالها شغل

في البورصه نزلت أو صعدت وشوف عقود ادارة حاويات وموانئ في مصر وفي الامارات وغير اللي مانعرفهم بعد

المفروض تسمى امبراطورية الرابطه على هالشركات اللي تملكها

 

[Sniper Stock]

مشكور اخوي ليووو..

بما انك طرحت موضوع الاسهم الديناريه..

مشاعر سهم ديناري...ويستحق اكثر من هالسعر..

لأنه سهم عقاري مغلف بالخدمات...وعقاراته في اكبر تجمع عقاري في العالم كربح في مكه المكرمه وعقاراتها في بدايتها وانشاءالله نشووفه يستاهل فوق الدينارين..

بس اللي محتار منه سهم جيزان اللي كانت اسعاره فوق الدينار والدينارين والحين اشوفه اقل من 250 فلس !!!!

ممكن تفيدنا على هالسهم المحير او احد الاخوان

ودمت

 

[jeme_E]

السلام عليكم موضوع فوق الممتاز
بارك الله فيك اخوي ليو

والبحر وراك وراك

انا اتوقع الرابطه سهم فعلا مظلوم اذا صلح ارباحه
اهما كما اعلن في الربع الاول فطبيعي يكون سعره تحت الدينار

وعموما انا ما احب الاسهم الديناريه لاني احس ان صعودها ثقيل ونزولها مدمر
مجرد وجهة نظر الكثير يخالفني عليها
وكل واحد حر برايه

 

[Master-Leo]

اخوي سوالف اعطيك من المعلومات اللي اعرفها عن البحر ويمكن في ناس

خبرة أكثر مني في البحر وشركاته الكل عارف ان يشتغل على أسهم

شركاته ويشتري ويبيع فيها وينقل الملكيات من شركه الى أخرى وبالتالي

يحقق أرباح والناس طبعا وين مافي ربح بالسهم يكونون وراه مافي أحد

مايحب الربح السريع

جيزان وصلت 3 دنانير في سنة 2003 اذا ماخانتني الذاكره وقاموا وزعوا 200% منحه تخيل فشنو يصير بأسهم الشركة ؟؟!!!

شي طبيعي ينزل سعره الى الحضيض نظرا لقلة الأرباح وتحولها لخسائر

بسبب كثرة عدد أسهم الشركة وطبعا اللي حدث في بورصتنا من نزول

بسنة 2006 زاد الطين بلة وعموما التوصيات كثيره على اسهم البحر هالأيام

وممكن فعلا تصعد لكن اللعب مع البحر يبيله قلب قوي ويبيلك فلوس ماتحتاجها

يا تدوبل وياك أو انها تسبب خسائر جسيمه الله يبعدك ويبعد الجميع عنها

 

[Master-Leo]

شوفوا معاي احصائية بسيطه بعدد الشركات اللي اسهمها تجاوزت دينار مرتبة حسب القطاع :

قطاع البنوك : 5

قطاع الاستثمار : 1

قطاع التأمين : -

قطاع العقار : 1

الصناعه : 4

الخدمات : 9

الأغذيه: 1

الغير كويتي : 3 وماعليهم تداول ( سوليدير أ و ب والتجاري الدولي )

لاحظوا تمركز الشركات الديناريه في الخدمات وبعده البنوك مع العلم

قطاع الخدمات فيه بحدود 50 شركة يعني أكثر من شركات قطاع الاستثمار

اللي بوصله ان قطاع الخدمات والبنوك شركاتهم اهي اللي احتمال كبير

يكون فيها صعود فوق الدينار وتحافظ على اسعارها مع الوقت من جذي ذكرت

سهم الرابطه قبل قليل ان ممكن يعود الى سعره فوق الدينار

 

[NBK]

الحمد لله على السلامه
وان شاء الله اجازه سعيده

نا اقول سهم تمويل الخليج سهم مظلوم
يستحق ان يصل فوق الدينار
ارباح تشغيليه ونمو في الارباح عام بعد عام
ومجلس الاداره ناس يبتكرون الاستثمار

 

[Sniper Stock]

احسنت فعلا وصل جيزان لسعر 3,900

في عام 2004

بس ماقلتلي في مشاعر

 

[Mariner9k]

من الاسهم الى انشاء الله راح تروح فوق الدينار ............
مشاريع بسبب توزيعة الارباح

وخاصتا ارباح بنك برقان على حسب الكلام الى وصلنى ان محقق ارباح فى الصف الاول 2007 مثل ارباح 2006 كلها والكل عارف ان فى نيه اندماج اكثر من 3 بنوك مع برقان خلال السنين القادمة لتكوين كيان مصرفى ضخم بالخليج

 

[Master-Leo]

الحمد لله على السلامه
وان شاء الله اجازه سعيده

نا اقول سهم تمويل الخليج سهم مظلوم
يستحق ان يصل فوق الدينار
ارباح تشغيليه ونمو في الارباح عام بعد عام
ومجلس الاداره ناس يبتكرون الاستثمار

ياهلا بالعزيز الغالي ذكرتنا ببيت التمويل الخليجي الله يذكرك بالشهاده

كنت ناسيه لوهلة وانت ذكرتنا فيه صج سهم مظلوم وأذكر لما كان سعره

أقل من 500 فلس قلت بيني وبين روحي ان سعره بلاش على هالارباح

المتناميه كل سنه ولاننسى ان في بداية تداول على شهادات له في

لندن اب 25 دولار اذا انا غلطان احد يصحح لي

فعلا رؤيتك في محلها وان شاءالله نشوفه دينار بالواقع وليس بالرؤية فقط

 

[Master-Leo]

احسنت فعلا وصل جيزان لسعر 3,900

في عام 2004

بس ماقلتلي في مشاعر

في واحد الله يذكره بالخير قالي السهم ممكن يوصل دينارين مع نهاية

السنه طبعا يوصل لها في حالة تزايد الأرباح والمشاريع وأصول الشركة

واستيعاب السهم لزيادة رأس المال والمنح وحفاظه على سعره الحالي

هذا دليل على قوة الشركه وجديتها واحترامها لإسمها ولمساهمينها

أما جيزااااااان ........ اربح واطلع منها ورد اشتر بالنازل وبيع بالعالي ورد اربح منها

ابيك اطلع فلوس منها اكثر مما البحر يطلع حق نفسه

 

[hamadxp]

انا اقول اعيان للاستثمار
كان سعرها فوق الدينار ونص والحين شوف شنو صاير فيها
مع ان ارباحها زينه لكن سوق الكويت بالذات ماله قيش

لو بطل سباحه لازم يشرب شوية ملح
ههههههههههههه
بخاطركم

 

[بو سعود2003]

انا اقول اعيان للاستثمار
كان سعرها فوق الدينار ونص والحين شوف شنو صاير فيها
مع ان ارباحها زينه لكن سوق الكويت بالذات ماله قيش

لو بطل سباحه لازم يشرب شوية ملح
ههههههههههههه
بخاطركم

انا اوايد كلامك بس الحين اعيان تدربت عدل على السباحه ومستعده تدش المحيطات
حسب ما وصلني كلام يقولون خلال الايام القليله المقبله اعيان ب 600 السؤال اللي يطرح نفسه متى الدينار هل عندما تدرج ابيار او عند بيعها 20% من اعيان العقاريه او عنده تملك احد المستثمرين نسبه فيها او عند الانتهاء من الافنينيوز في دبي المشروع الضخم او عند الانتهاء من التجميع باسعار رخيصه . ..............الخ الخ الخ ....... ماشاء الله هل سهم مستقبله مشرق وباهر ومن هنا انا اقول الى مام يا اعيان


انا اقول وراح اذكركم بكلامي اعيان للاستثمار سهم مهيأ للدينار وما فوق
والله اعلم هذا مجرد كلام وتحليل خاص فيني وتوقعات وقرار البيع والشراء مسئوليه شخصيه

معه تحيات بو سعود

 

[Master-Leo]

أعيان سهم ماعليه كلام وفي شركة استثماريه شرت كميات كبيره

من السهم حتى قبل الجمعيه العموميه وبأسعار فاقت 500 فلس

فأعتقد هدفها مو أقل من 750 ان شاءالله في حال استمرار نمو

أرباحهم والحين عندهم شركة مبرد راح تدرج فإن شاءالله نتوقع انها

تتجاوز مرحله 500 فلس كبداية والسهم يذكرني بسهم الدار وسلوكه ونشاطه أيضا وكان

سعره يتراوح بهالحدود قبل ان يصل الى مستويات الدينار .

 

[Sniper Stock]

انا اتوقع المجموعه الدولية راح يكون سهم ديناري

وخاصة الصفقه الاخير بأنشاء بنك السودان الدولي
ستغطي المجموعة الدولية للاستثمار ومجموعة المستثمرين وشركاتها التابعة نحو 30%


علما بأن راس مال البنك 2 مليار دولار وعلى حسب كلام البدر راح يكون انلاطقة للقارة الافريقيه


تتوقع سهم ديناري ؟؟

 

[Master-Leo]

انا اتوقع المجموعه الدولية راح يكون سهم ديناري

وخاصة الصفقه الاخير بأنشاء بنك السودان الدولي
ستغطي المجموعة الدولية للاستثمار ومجموعة المستثمرين وشركاتها التابعة نحو 30%


علما بأن راس مال البنك 2 مليار دولار وعلى حسب كلام البدر راح يكون انلاطقة للقارة الافريقيه


تتوقع سهم ديناري ؟؟

أحد يكره ان يوصل دينار

مشكله السهم ان مجلس ادارته فقد الكثير من المستثمرين بسبب

غياب المصداقيه والشفافيه لديهم والكل عارف هالشي .

انا متفائل ان ممكن يتعدى 500 فلس مره اخرى بس دينار .... شخصيا اشوفها صعبه و شبه مستحيله