أخبار ومصادر من بورصة جمبزه

[خبره بالسوق]

الله يعطيك العافيه يابو رصه جمبزه


وتسلم لى هالانامل الى تطبع ..


يبيلك سكرتير حق الطباعه ..


لان الظاهر اصابعك كبار ...وقاعد تطبع حرفين حرفين


غشمره موتزعل وتشتكى على ...ترا قاروه يدور على الزله

ههههههههههههههههههه

 

[بورصة جمبزه]

اخواني واخواتي اقسم بالله العظيم بأني عندما اخذت قيلوله اليوم الساعه الواحده و15 دقيقه تقريبا ونمت فجأه حلمت ورأيت في منامي أعتقد بأن الحلم من الشيطان لاني ما صدقت حلمي والله العالم المهم عند ادراج شركة القرين بالبورصة شفت هناك ان جهة او شخص كان يطلب سهم القرين بأسعار جنونية وماني مصدق الي اشوفه جدام عيني والسعر هو دينار و160 فلس والله مثل ما انا قاعد اقولكم هذا الي شفته بمنامي عموما اكمل قام هذا الشخص يطلب كميات كبيره اب دينار و160 فلس ويطلب والناس تبيع حتي انا بعت وماني مصدق وتم شراء ملايين تقريبا بهالسعر عموما اخر الوقت السهم نزل حد ادني وبالصدفة تحول المكان الي انا كنت قاعد فيه من البورصة الي مكان كانه قاعدين بمكان قهوه تقربا وبعدين ما ادري اشصار المهم تكلمت مع شخص كان لابس بنطلون وقميص وجنه كان يشتغل بكراج سيارات من ملابسه وكنت قاعد اتكلم معاه ويا للعجب طلع الشخص هذا اهو الي كان قاعد يشتري القرين ب دينار و160 فلس وسالته جاوبني بصراحه انت تشتري حق منو بهالسعر العالي فابتسم كانه ما يبي يقولي وقالي يشتري حق نفسهوجان اقوله يعني ما تشتري حق شيخ او شيخه قالي لا هذا قبل وفجاه يت عائله ودخلت علينا وكانت تبي الشخص الي انا قاعد معاه يبون يتكلمون معاه ويت عائله ثانية هم تبي تتكلم مع الشخص حينها ادركت بان الشخص هذا جنه واحد من الواصلين الكبار ولكن ملابسه ما يبين عليه من الكبار وفجاه قعدت من النوم علي تيلفون الموبايل اخت زوجتي متصله وتبي تييب عيالها علساس اوديهم مع عيالي حمام السباحه نادي الغوص الي بالسالمية واله اسمع اقامة الصلاه لان بيتي بجانب المسجد وقمت ورحت للمسجد وانا مو مصدق والله علي ما اقوله شهيد الي يعرف معناة الحلم يقولنا والي الان عند كتابتي للحلم هذا ماني مصدق دينار و160 فلس عموما موفقين

بيض الخعفق مو نفس فرخ الخعنفق

 

[الراقي]

حلمك هذا راح يتحقق ان شاء الله بس مو بسهم القرين ؟؟؟
هذا يدل ان مؤشر البورصة راح يرتفع بعد 1160 نقطة ان شاء الله

 

[كشكول]

حلمك هذا إقتصادي يعني حلم ممنوع لانه يمكن بعض الناس يصدقونه وبالتالي اتحمل مسئولية الشراء و البيع اللي قاموا بها على سعر 1160 او انهم ما باعوا على امل السعر اللي قلته و ياويلك منهم (( ، وبعدين شلون تحلم بعيال الناس من غير ما تعرف اسمائهم

 

[melenia]

أضغاث أحلام .. الظاهر انك كنت امكثر عالغدا .. وموشارب سفن آب علشان تهضم .. وزين اللي قمت باول روحة السهم حد أدني ولا جان كمل نزول ليه اسبوع متواصل .. والحمدلله قمت بالوقت المناسب واتمنى تكون حلاوة اليبعه على 1.160 ليلحين اتحس فيها بقلبك ويا يوم اتشوف اللي يسرك ببركان السوق بيض الخعنفق اقصد الصفوة عالدينار وهات يا حلم واصل وما تشوف شر اخوي بورصة جمبزة

 

[nfrs66]

اخواني واخواتي اقسم بالله العظيم بأني عندما اخذت قيلوله اليوم الساعه الواحده و15 دقيقه اسمع اقامة الصلاه لان بيتي بجانب المسجد وقمت ورحت للمسجد وانا مو مصدق والله علي ما اقوله شهيد الي يعرف معناة الحلم يقولنا والي الان عند كتابتي للحلم هذا ماني مصدق دينار و160 فلس عموما موفقين

بيض الخعفق مو نفس فرخ الخعنفق

ما ادري اي صلاة اقامتها بهالوقت

 

[بورصة جمبزه]

ما ادري اي صلاة اقامتها بهالوقت

احسنتم بارك الله فيكم منكم من اضحكني كثيرا ومنكم نستفيد واخوي اقامه الصلاة لو تقرأ الحلم تشوف انا نمت الساعه الواحده والربع تقريبا وقمت تقريبا الساعه 3 وخمس واربعون دقيقه هذي اهي الاقامه اقامه الصلاة 3,45 دقيقه وانا رايح المسجد وانشاءالله الحلم خير لاني دزيت مسج حق الشيخ صالح النهام وفسرلي الحلم وكلمت شيخ اخر مفسر احلام وهم فسرلي الحلم وموفقين

بيض الخعفق مو نفس فرخ الخعنفق

 

[بورصة جمبزه]

السلام عليكم اخواني واخواتي واعتبرو كلامي في حكم الاشاعه الي ان يتم التاكيد ونشر الخبر ويكون حقيقه يقولون بان البركان اي سهم الصفوة ربحية النصف الاول في حدود ال50 فلس هل منكم من سمع هالاشاعه يعني الخبر صحيح ام اشاعه ونحن بانتظار تصريح مجلس ادارة الصفوة موفقين

بيض الخعفق مو نفس فرخ الخعنفق

 

[خبير النفط]

امداه اليوم الصبح 17 فلس الحين وصل 50 لى بكره الله يستر لايكون تربح دينار
بعدين شخبار البركان الظاهر انه صار انفجار دمل

 

[بورصة جمبزه]

ان غدا لناظره قريب

بيض الخعفق مو نفس فرخ الخعنفق

 

[white soul]

بورصة جمبزه شنو قالك النهام؟؟

شنو تفسير الحلم؟؟

اكيد قالك الصفوه راح تصير من الاسهم الديناريه ​

 

[kuwaitey]

اخوى بورصة جمبزه ان شاء الله حلمك خير بإذن الله

انت حلمان وقت اقامة صلاة العصر وانا حلمان بوقت صلاة الفجر

وفزيت من الحلم على قولة الله واكبر الاذان الثانى وحلم

فيييييييييه يهووووول شوووى فيييه بحررررر

ياريت اذا عندك رقم الشيخ النهام تدززه لى خااص

 

[أبو فلسين]

اذا صدقت رؤياك فبأذن الرحمن راح القرين اتروح لهسعر بس مو بالهوقت يمكن وقت ثانى عموما الحلام فيها من يطول على ما يتحقق وفيها من يصادف بوقتها

 

[بورصة جمبزه]

[/COLسهم الشركة يبدأ تداوله اليوم
'القرين' تقدم عرض سعر للمنافسة على مشروع للبتروكيماويات في الجزائر
عدد القراء: 2


09/07/2007 يبدأ اعتبارا من اليوم تداول اسهم شركة القرين لصناعة الكيماويات البترولية في سوق الكويت للاوراق المالية بعد ان تم تأسيس الشركة قبل نحو عامين في اكبر عملية طرح أولي في السوق الكويتي.
وقالت مصادر مسؤولة في الشركة ل'القبس' ان باكورة المشاريع التشغيلية الكبرى للشركة بعد ادراجها في السوق الرسمي ستكون مشروعا كبيرا للبتروكيماويات في الجزائر اذا ما فازت الشركة رسميا بهذا المشروع الذي تصل تكلفته لأكثر من 600 مليون دولار.
واشارت المصادر ان الشركة ستتقدم بعرض سعر للجهات الجزائرية المعنية في 17 الجاري، حيث ستعلن الجزائر في ذات اليوم عن اسم التحالف الفائز بالمشروع.
وتنافس 'القرين' على هذا المشروع ضمن تحالف عالمي متكامل يضم مستشارا ماليا وفنيا مزودا بالتكنولوجيا، وسبق ان تأهلت الشركة في جميع المراحل السابقة بنجاح حتى وصلت الى مرحلة تقديم السعر في 17 الجاري.

OR]بيض الخعفق مو نفس فرخ الخعنفق

 

[بورصة جمبزه]

اسف لم استطع معرفة السعر عند الادراج ولكن فوق ال400 فلس واذا فتح فوق 550 وال600 فلس يشترون الكميات الي يبونه ومن بعدها ينزل السهم حد ادني يلمون بالسهم عند اسعار قريبه من ال400 فلس وهذي المعلومه الي ممكن اوضحها لكم موفقين

بيض الخعفق مو نفس فرخ الخعنفق

 

[اليوفى]

مشكور اخونا بورصه جمبزة علي المحاولات المجزيه
والله يوفق الجميع

اليوفى

 

[jamalll]

سعر العادل دينارين ، سلام

 

[yoyo1983]

jamalll


وايد عليييه

 

[jamalll]

Sweet_Laila

بعد سنتين اذا ما شفت سعره دينارين كلمني، عزيزي الكريم كل التصاريح من قبل اعضاء مجلس الادارة تقول ان الشركة خلال سنتين مقبلة على مشاريع بالبلايين وهذا هو سبب لهفة التجار والمحافظ على الاستيلاء على مجلس الادارة، العملية كلها تحتاج صبر فقط، ارجوا انك تتذكرني بعد سنتين ولا تنسى تذكرني بالخير اوكي

 

[jamalll]

Sweet_Laila

هذا الاثبات على كلامي ان خلال سنتين راح يصك فوق فوق فوق تفضل اقرأ

العصفور: القرين للبتروكيماويات تسعى لتنفيذ 6 مشاريع بـ 10 بلايين دولار



كتب- شريف حمدي:
كشف المدير العام لشركة القرين للبتروكيماويات وليد العصفور عن أن الشركة تعتزم الدخول في 6 مشاريع بتروكيماوية خلال العامين الحالي والمقبل, لافتا الى ان حجم الاستثمارات في هذه المشاريع تقدر ب¯ 10 بلايين دولار.