اسمنت خليج وامتيازات توصيه من مدير محافظ وصناديق

[الهامي]

كنا بالشاليه امس وقعد معانا مدير معروف في شركه معروفه ماقدر اسميها واحطها لكم عشان لاحد يعرفه ولايزعل مني هالمدير المحافظ قلت ها ماها شعندك ماعندك يابوفلان
قالي تبي شي هاليومين قلت له اي والله

قالي اسمنت خليج اخذ وبيع على 600

وقالي اذا تبي تصبر وتشوف ربح يسوى اخذ امتيازات ولاتبيع الا بسعر 290
بس قالي امتيازات تحتاج شوية صبر


ارجو من المراقبين عدم شطب موضوعي او انتقاله لمكان ثاني بس لحين ماتصدق اول توصيه
وهي توصيت اسمنت خليج

تكفون صبرو علينا شويه خلونا نستفيد وربعنا الي بالمنتدى همن يستفيدون

منقول من منتدي سوق الكويت

 

[Sniper Stock]

الهامي تراني شاري على مسئوليتك...واذا خسرت تعوضني

وعلى فكره ترى الاخوان اللي اهنيه يقدرون التوصيه..واحنا نثق فيك..دامك قلت توصية..انشاءالله تتحقق التوصية دام السوق بشكل عام طيب


ومشكور وبارك الله فيك

 

[الحد الادنى]

اشتغلت فرقة حسب اللة للتطبيل والتظليل

 

[life-enginer]

الهامي تراني شاري على مسئوليتك...واذا خسرت تعوضني

وعلى فكره ترى الاخوان اللي اهنيه يقدرون التوصيه..واحنا نثق فيك..دامك قلت توصية..انشاءالله تتحقق التوصية دام السوق بشكل عام طيب


ومشكور وبارك الله فيك

للعلم فقط الهامي نقل التوصيه وماقصر مثل ماهو مسجل أنه منقول آخر التوصيه

 

[فلس]

بارك اللله فيك الهامي وانشالله تصدق توصيتك

 

[برق الشرق]

اسمنت الخليج يحتاج مراقبة قبل الشراء ,لأنه انطلق بقوة واحتمال يريح ,واحتمال يواصل ,لكن الحريص ينتظر باجر ويراقب عن كثب!! (حلوة:عن كثب!!)

 

[المضاربه فن]

بارك اللله فيك الهامي وانشالله تصدق توصيتك

هكذا تكتب الله
أرجو التعديل بارك الله فيك​

 

[c200]

هههههههههههههههاي
امحق توصيه
عزالله انك دسمت شواارب الي سمع توصيتك وعرضتهم الدشه ابهلقاايله
الله يعينهم الضااهر اكلوو هواا اليوووم

 

[السور]

انتوا ماتبطلون هالكذب

واحد يقول شايب له خبرة بالسوق قال لى باذنى, اللى يسمع يقول الشياب مقطعينها خبرة بالتحاليل والثانى يقول كنت قاعد باليخت مع رئيس مجلس ادارةوالثالث يقول كنت قاعد بالشاليه مع مدير محفظة يعنى قاعد مع اكبارية ومدراءمحافظ......... المدير اخوه مايعطيه سره تبى يقولك!!

مكشوفة السالفة بسكم لايشطبونكم قولوا كلام معقول محنا يهال!!

 

[ضرار.]

ياجماعه هدوا شوى أنا أتصور السهم اليوم شكله ثانى قولوا يارب

 

[الهامي]

ياجماعه هدوا شوى أنا أتصور السهم اليوم شكله ثانى قولوا يارب

واليوم +10 والكمية 6,335مليون سهم
مبروك ارتداد السهم من دعم 500 فلس واغلاقه 510 وانشاءلله نكسر 540 فلس :dوفي تحليل للاخ Sos من منتدي النوادي
مستوى 540 فلس هو مستوى مقاومة عنيفة ولذلك لا أعتقد أن السهم سيكسرها بسهولة ، وقد يرتد منها كذا مرة قبل أن يكسرها ، ولذلك قلت أنه سيتذبذب ما بين 500 / 540 لفترة ولكنها لن تكون طويلة إن شاء الله.
لاحظ العروض والطلبات الآن على الأسعار المذكورة
1140000 معروض عند مستوى 540 فلس
1305000 مطلوب عند مستوى 510 فلس

تحياتي

 

[تاجر جديد]

فيه اخبار طيبه جدا عن السهم واعتقد بكره يبين