(((شركة هبتكو))) فيه معلومات عنها؟؟

[كافي خساير]

صباح الخير للجميع ... لي صديق عزيز طلب مني ان اساعده في ذكر موضوعه في المنتدى عل وعسى ان يحصل نتيجه في ارجاع فلووسه ... الرجال ساهم في شركة هبتكو اعتقد الكل عارفها وعطوة وصل انه فعلا ساهم معاهم بس المسكين ماحصل على اي دفعه يعني اول ماحط افلوسه ... اهل الشركة اسحبو عليه ... فيه طريقه لو يرجع نص ماله اقل شي ؟؟ ارجال متدهور ومديوون ياليت الي عنده ملعوومة يفيدنا

 

[خبير النفط]

الله يعينه

 

[stillhamad]

قوله هبتكو بحر صار صخر

 

[شرياص العديلية]

حاج اعقالي

قول حق صاحبك

خل ياخذ الشيك مادري الوصل

ويحطه



بجنطه ويروح لندن

وقول له اسأل عن رجل أعمال مصري

اسمه ( محمد علي )

واعتقد اذا حصله وشرح السالفة وعرف ان من الضحايا

اللي ماحاشهم طشار ( ولا فلس )

باذن الله راح يساعده ..

آنا وأعوذ بالله من كلمة آنا ...قعدت مع الأخ محمد علي كذا مرة

من أيام مكتبهم اللي بسوق المحاميد ... وبعدين برج السحاب

وهم شفته بلندن .. وشغال الريال بالعقارات صح ...

يدير محفظة عقارية قيمتها 400 مليون دك !

بس على كلامه ان وده يرد الكويت بس في هوامير بغوا منه شغله

وخذوها وسكروا الباب .. وعطوه المقسوم

عاد تخيل مصري ومعاه 400 مليون دك وساكن في أرقى ضواحي

لندن ( الماي فير ).. حاول معاه انت وخوك وخالك

واخذوا معاكم واسطه ( فؤاد ابن سعيد باشا )

يمكن يلين راسه ويرد له الفلوس نفس ما رد حق اخواننا السعوديين . ​

المرقاب لنا قبل لا يسمونها المرقااااب يبه

 

[بو سليمان]

هبتكو اسئل عنها عضوين البرلمان واحد حالي و الثاني سابق هم الاخوين ملتحين
و يقولون شعاره خير من استأجرت القوي الامين
و احد مسك رئاسة الجلسة و سواها مسخرة ( طلبتك يا راعي الح -----)​

 

[Falcon]

منو صاحب الرخصة أو من هم الشركاء القانونيين في الشركة

ودي أعرف.....

 

[شرياص العديلية]

منو صاحب الرخصة أو من هم الشركاء القانونيين في الشركة

ودي أعرف.....

هبتكو

الرخصة تجارة عامة ومقاولات

النشاط ( خضار وفواكه - مناديل ورقية )

صاحب الترخيص شايب مسكين من عيال القلاف

رأس المال 25 ألف دك ​

المرقاب لنا قبل لا يسمونها المرقااااب يبه

 

[Falcon]

مشكور أخ شرياص على المعلومة القيمة

بس الغريب في الامر .... وين مباحث جرائم المال العام من النصب و الاحتيال اللتي تقوم بها الشركة ....حتى سمعتها وصلت الى جميع دول الخليج.

الله يكون في عون ضحايا الشركة

 

[hamadxp]

السلام عليكم ورحمة الله وبركاته

صاحب الشركة شخص اسمه محمد علي

والشركه مسميها هبتكو على اسم بنته هبه

عنده ولدين واحد اسمه اسامه والثاني اسمه ثامر

اسامه دين وعلى خلق وثامر لا والله عادي

حاول توصل لولده اسامه وهو يتوسط لك عند ابوه

اما اذا رحت حق ثامر ما راح تحصل لا حق ولا باطل

وعلى فكره محمد علي شخص طيب جدا فوق ما تتخيل

لكن الهوامير كسروه وكسروا فيه وقال حق الناس انا عندي استعداد ارجع كل الفلوس على شرط اني ارجع للكويت

وقال فلوسهم محفوظه اذا رجعت للكويت ارجعها واذا ما رديت مستحيل

وانا شفته وقعدت معاه كذا مره وشخص محترم

 

[مضـــارب]

لكن الهوامير كسروه وكسروا فيه وقال حق الناس انا عندي استعداد ارجع كل الفلوس على شرط اني ارجع للكويت

وقال فلوسهم محفوظه اذا رجعت للكويت ارجعها واذا ما رديت مستحيل
وانا شفته وقعدت معاه كذا مره وشخص محترم

شلون الهوامير كسروه وكسروا فيه أرجو الايضاح لو سمحت

شلون يدعي انه فلوسهم محفوظه ويتشرط عليهم يا أرد الكويت ولا ماكو فلوس !!!! وانت تمدحه وتقول عنه شخص محترم لو محترم فعلا يرد للناس حلالهم مو يتشرط عليهم

 

[hamadxp]

اخوى مضارب انا مستعد اوضحلك القصه كامله

وانا ماني متعاطف مع المصري ولي مبلغ عنده مو بسيط

اول شي تسكرت الشركه ثلاث مرات وفتحوها منو اللي فتحها ؟؟

الهوامير

وزير التجاره في نفس السنه كان له 270 الف دينار كويتي شلون تتسكر الشركه ووزير التجاره وراها ؟ وطبعا يعتبر من الهوامير

ونقلوا الشركه من حولي للديره ومنو ورا هالنقله ؟

الهوامير

ثلاث اعضاء من مجلس الامه اقل واحد فيهم حاط 180 الف دينار كويتي وكان ياخذ نسبة 25% شهريا والناس تاخذ 10% شهريا ليش ؟

لانه يعتبر غطا له او بالعربي واسطه

لما استفادو وخلصوا سحبو فلوسهم ووخروا عنه وتصرفت معاه الدوله بناء على طلب اصحاب البنوك ((الهوامير )) اشتكوا عليه وقالو معظم الودائع اللي عندهم في البنوك انسحبت واللي يعطيه البنك في ثلاث سنوات هالشركه تعطيك اياه في شهر

وللعلم فقط اذا تبي اقول لك منو الاعضاء حاضر بس في الخاص
اتمنى انك اقتنعت

 

[ذيب الاسهم]

لاتزيد المواجع خلني قد نسيب


انا نفس سالفة صاحبك والوصل عندي للحين ابي اربعة الاف دينار


حطيتها عندهم وعلي طول سكروها حتي ما عطوني فلس واحد


بس يا اخوان انا الي اعرفه ان محمد علي سليمان مسجون عندنا في المركزي وتم جلبه من قبل الانتربول قبل فتره هل معلومتي صحيحه او انا

غلطان

 

[مضـــارب]

لما استفادو وخلصوا سحبو فلوسهم ووخروا عنه وتصرفت معاه الدوله بناء على طلب اصحاب البنوك ((الهوامير )) اشتكوا عليه وقالو معظم الودائع اللي عندهم في البنوك انسحبت واللي يعطيه البنك في ثلاث سنوات هالشركه تعطيك اياه في شهر

وللعلم فقط اذا تبي اقول لك منو الاعضاء حاضر بس في الخاص
اتمنى انك اقتنعت

هذا سبب مقنع جدا وأصحاب البنوك الربويه أشد الناس جشع وطمع في الكويت وبالنسبه للأعضاء أعرفهم واحد خ والثاني م ومشكور أخوي على الافاده

 

[ahmad2]

كل واحد خسر فى هبتكو يستاهل ما جاه وهذى ضريبة اللى يغيب عقله

والا فواكه والبان تعطيك مردود 120% فى السنه هذا وين عقله يوم حط

حلاله عندهم ، وراح تطلع أكثر من هبتكو دام هالناس ما تفكر ، أنا أقول

حلال على الشاطر واللى خسروا إن شاء الله يعوضونها فى هبتكو القادمه .

 

[Money Maker]

شلون نوصل له محمد علي أو ولده اسامه عنده ايميل ؟ موبايل ؟

 

[MaLoOoK]

كل واحد خسر فى هبتكو يستاهل ما جاه وهذى ضريبة اللى يغيب عقله

والا فواكه والبان تعطيك مردود 120% فى السنه هذا وين عقله يوم حط

حلاله عندهم ، وراح تطلع أكثر من هبتكو دام هالناس ما تفكر ، أنا أقول

حلال على الشاطر واللى خسروا إن شاء الله يعوضونها فى هبتكو القادمه .

مبدئك وايد حلو يا...........................والله مدري شقول

 

[مضـــارب]

كل واحد خسر فى هبتكو يستاهل ما جاه وهذى ضريبة اللى يغيب عقله

والا فواكه والبان تعطيك مردود 120% فى السنه هذا وين عقله يوم حط

حلاله عندهم ، وراح تطلع أكثر من هبتكو دام هالناس ما تفكر ، أنا أقول

حلال على الشاطر واللى خسروا إن شاء الله يعوضونها فى هبتكو القادمه .

النصب والاحتيال عمره ما كان حلال ولا شطاره والمفروض اعادة الأموال الى أصحابها بعد حساب الأرباح والخسائر

 

[L.yan]

النصب والاحتيال عمره ما كان حلال ولا شطاره والمفروض اعادة الأموال الى أصحابها بعد حساب الأرباح والخسائر

انا راح علي مبلغ كبير ومستعد اروح لندن ادور المصري واللي يبي يروح معاي يراسلني وإن شاء الله تكون رحلة موفقة الهدف هو المطالبة الودية
بس جمعوا لنا معلومات عن محله وانتم يا اخوانا لاتذخرون علينا باى معلومة تفيدنا في البحث عن محمد علي
أبوعثمان

 

[L.yan]

انا راح علي مبلغ كبير ومستعد اروح لندن ادور المصري واللي يبي يروح معاي يراسلني وإن شاء الله تكون رحلة موفقة الهدف هو المطالبة الودية
بس جمعوا لنا معلومات عن محله وانتم يا اخوانا لاتذخرون علينا باى معلومة تفيدنا في البحث عن محمد علي
أبوعثمان

للرفع

 

[calpe]

انا هم خسران بهبتكو


ومستعد اروح معاكم لندن

كمترجم



ياجماعه يعوض الله هالمصري الخايس لو له نيه يرد الفلوس جان ردهم من زمان بس كل اللي نقوله عسى الله يعوض على الخسرانيين كلهم وعساها زقوم في محمد علي وبعياله واهل اهله
والله لايوفق من سهل طلعته من الديره