(((شركة هبتكو))) فيه معلومات عنها؟؟

[Money Maker]

السلام عليكم ورحمة الله وبركاته

صاحب الشركة شخص اسمه محمد علي

والشركه مسميها هبتكو على اسم بنته هبه

عنده ولدين واحد اسمه اسامه والثاني اسمه ثامر

اسامه دين وعلى خلق وثامر لا والله عادي

حاول توصل لولده اسامه وهو يتوسط لك عند ابوه

اما اذا رحت حق ثامر ما راح تحصل لا حق ولا باطل

وعلى فكره محمد علي شخص طيب جدا فوق ما تتخيل

لكن الهوامير كسروه وكسروا فيه وقال حق الناس انا عندي استعداد ارجع كل الفلوس على شرط اني ارجع للكويت

وقال فلوسهم محفوظه اذا رجعت للكويت ارجعها واذا ما رديت مستحيل

وانا شفته وقعدت معاه كذا مره وشخص محترم

شلون نوصله ؟ تلفون , ايميل , العنوان ؟

اي شي

 

[I T C]

المعامله معهم كانت ربويه 100% والله سبحانه يمحق الربا ويربى الصدقات...

فيا اخوان مثل هذه الشركات المشبوهه الواحد يبعد عنها مرضاة لله والخوف من التعامل معهم .

لان اللى مايخاف من الله خاف منه

 

[عادل94]

انا راح علي مبلغ كبير ومستعد اروح لندن ادور المصري واللي يبي يروح معاي يراسلني وإن شاء الله تكون رحلة موفقة الهدف هو المطالبة الودية
بس جمعوا لنا معلومات عن محله وانتم يا اخوانا لاتذخرون علينا باى معلومة تفيدنا في البحث عن محمد علي
أبوعثمان

وين الداخلية عنة والانتربول ولابس شاطرين يسلمون الكويتين ولا الي يسرق الكويتي يكون فقير مسكين يترزق الله مثل المصري والسوري والبنغالي والايراني وكلهم زفرين بس والله من ردانا كل من يجينا يشيخ بسم القانون

 

[Money Maker]

يا جماعه السؤال للمرة الثالثه شلون نوصله ؟
ايميل , موبايل , عنوان السكن

 

[hamadxp]

يا جماعه السؤال للمرة الثالثه شلون نوصله ؟
ايميل , موبايل , عنوان السكن

للاسف الشديد كل وسائل الاتصال كانت شغاله لمدة اربع شهور بعد الكارثه وبعدين غير كل شي كثر عليه الدق

واحد من الشباب راح له في لندن ووصل لباب بيته واتصل بالشرطه وقال لهم فيه واحد عند بابي يبي يقتلني واخذوه وسووا له مشاكل ويالله بالعزر طلع ومن عقب سالفته خلاص محد راح له هذي اخر اخبار سمعتها عنه

واوعدك ببحث عنه باى معلومه واعطيك اياها

 

[Money Maker]

اشكرك عزيزي hamadxp

عندي ناس حاطين 20 الف لا وقرض بعد.

 

[عجاج]

دزين انا ابي اسئل من الي سمح لهم بالعمل بالكويت ومن عطاهم ترخيص ووين التجارة عنهم والناس الي حطت فتوسه مااسئلت شن تشتغلون و نصيحه لوجه الله اي شي موكويتي لاتحط فلوسك فيه يعني لوحاطين فلوسكم وديعه بالبنوك اوبالبورصه حتى لوانهارة البورصةيبقى عندكم
امل بالصعود

 

[Bo Mostafa]

صج هالسالفة قديمة وتوقعت انها اندثرت
بس صار لي أمل بعد ما فتحتوا الموضوع
على فكرة أنا من المتضررين بهسالفة العويصة
بس شنو نقول حسبي الله ونعم الوكيل
يا خوان إلي عنده معلومة أو طرقة نوصل لوكيل هذا المصري
أو أي شىء الرجــــــــــــــــــــــــاء
ثم الرجـــــــــــــــــــــــــــــــــــــــاء مراسلتي على الخاص
حتى لو من محامي ومستعد أدفع الأتعاب بس أحصل على فلوسي


.

 

[adel1968]

يا جماعه انا واحد مثلكم خسران في هالشركه وعندي ناس وايد بعد .
بس شلون نقدر نحل هالمشكله انا عندي راي .
ليش ما نجتمع في ديوانيه ونتعرف علي بعض وانشوف محامي ونعطيه المستندات والشيكات وانحاول نحضر عضو مجلس امه ونشرح له شنو اللي صار معانا وكيف اسمحت الحكومه للشركه بمزاولة النشاط وانشا الله نقدر نفتح باب مسكر من فتره كبيره معا العلم انه عندي معلومه انه للحين المصري غير مطلوب في الانتربول والله اعلم المعلومه صحيحيه ولا لآ.

 

[Money Maker]

ما في خبر يديد عن هبتكو ؟

في أحد حاول من شهر 7 ليلحين يرد فلوسه او يوصل حق الحرامي؟

 

[alemperator]

الله المستعان
عسى ربى يعينكم على بلواكم ويعقل لكم حلالكم
يخرب بيتها شركه نصب واحتيال بس اللى كسبوا من وراها ذهب اول من دخل فيها وسلم على راس ماله وارباحه خلال الاشهر الاولى
اذكر انى دشيت فيها ذاك اليوم ورجعت لاهلى افكر انى اصير تاجر العائله ويوم امسيت ذاك الليل قلبى نقزنى قلت معقوله شركة لبن تطلع هالذهب كله وخلال رقم قياسى مو صحيح ولا جات الساعه 8:30 الصبح الا انا عندهم استرد حلالى وبالفعل اخذته بعد الحاح النسيب بانى اترك حلالى عندهم على الاقل لمدة شهر وماطولت عقبها بيومين الا الشركه يوم تبخرت والنسيب تدبس بـ20 الف هو والربع اللى معاه وانا سلمت بحلالى .​

 

[adel1968]

والله يا جماعه انا نصب علي خوش نصبه اللي عنده خبر اوطريقه نرد فيها حلالنا الله يجزاكم خير يشور علينا
وراح ندعيله بهذا الشهر الكريم وياريت يكون في محامي يتطوع لحل هذي المشكله
ونكون له مشكورين واجره انشالله ما يضيع

 

[مايغشمر]

لي صديق مصري دخل معاهم بالأول 2000 دينار

وتم سنه ونص يقبض ولما تبخرت الشركة قال بالعافية ماقصرتوا


-----------------------------------------------------------------------------------


الزبدة طارت الطيور بأرزاقها وسبق السيف العذل

ماودي أقول هالحجي بس خلونا واقعيين شنو اللي يجبره يرد المبالغ
كلها مادام مو مجبور قانونيا وماعليه حكم محكمة -- إنسان طيب ؟!! حلوه !

طيبة قلبه ما ردته ياخذ فلوس العالم ويعطي بعضعم من لحم بعض !

وعزة النفس زينه

خصوصا لي صرت منت ضامن ماي وجهك لي سكبته شنهي النتيجه

 

[عقاب]

قول حق صاحبك

خل ياخذ الشيك مادري الوصل

ويحطه



بجنطه ويروح لندن

وقول له اسأل عن رجل أعمال مصري

اسمه ( محمد علي )

واعتقد اذا حصله وشرح السالفة وعرف ان من الضحايا

اللي ماحاشهم طشار ( ولا فلس )

باذن الله راح يساعده ..

آنا وأعوذ بالله من كلمة آنا ...قعدت مع الأخ محمد علي كذا مرة

من أيام مكتبهم اللي بسوق المحاميد ... وبعدين برج السحاب

وهم شفته بلندن .. وشغال الريال بالعقارات صح ...

يدير محفظة عقارية قيمتها 400 مليون دك !

بس على كلامه ان وده يرد الكويت بس في هوامير بغوا منه شغله

وخذوها وسكروا الباب .. وعطوه المقسوم

عاد تخيل مصري ومعاه 400 مليون دك وساكن في أرقى ضواحي

لندن ( الماي فير ).. حاول معاه انت وخوك وخالك

واخذوا معاكم واسطه ( فؤاد ابن سعيد باشا )

يمكن يلين راسه ويرد له الفلوس نفس ما رد حق اخواننا السعوديين . ​

المرقاب لنا قبل لا يسمونها المرقااااب يبه

لا تشمت جزاك الله خير
ترى الشماته مو زينه

قول الحمدلله الذي لا يحمد لمكروهن سواه

 

[محمد2]

السلام عليكم وتقبل االه طاعتكم

أنا سمعت كثير عن هذه الشركه وقريت هني معاناة بعض ضحاياها

لكن ألي ودي أسأله دام البعض عندهم مستندات هل أحد رفع قضبه بالمحاكم ؟

بعدين أذا صدر حكم أهي مسؤلية المحاكم والأنتربول أهم يدورونه لو كان بالقطب الجنوبي

أنا قريت عن قضية نفقه رفعتها مطلقه على طليقها حولوها للأنتربول عيل هذي قضية فيها

ملايين أحق أنها تتحول

والمثل يقول ما ضاع حق وراه مطالب

والله لا يضيع حقكم

 

[adel1968]

اخوي محمد2
كلامك صحيح لكن الريال محمي من ناس تجار بالبلد وشيوخ بعد قولي شنو الحل ؟

 

[Balool]

الحل ... محامي هامور مثلهم

 

[Money Maker]

وينكم كل هالمده مافي شي يديد ؟

 

[رزنامة]

حسب ما سمعنا ان الي حط فلوسه بشركة هبتكو راحت عليه وكلوها

الشركة هي شركة نصب واحتيال

 

[ورق خسران]

يا جماعه نبي نوصله اذا في طريقه هذا ضرب علينا ضربه قشره والله يا اخوان