كسر الارقاب (القرين ليست للبيع ) شارك برأيك بأختصار

[Sniper Stock]

اخوي قاروه واخوي بو علي كل الاخوان ينظرون لكم اهل نخوة ولو اني لا أعلم انكم اقرب لنا من التجار لما فتحت الموضوع بس نرجو منكم تعيدون النظر في موضوع نقل او تسكير موضوع القرين وهذه وجهة نظر وانتم اهل الرأي موضوع القرين الموجود استبيان وتوقعات للسعر قبل الادراج وهذا يختلف واللي معارضين على فتح موضوع القرين اهم اخوان لنا ونقدر غضبهم لأنهم اعطوو اوامرهم بسعر الاعلى وفينا من تدارك نفسه وكنسل اوامره وفيهم لم يحالفه الحظ. واللي نبيه منكم تتركون الموضوع وعدم النقل او الاقفال واتركوو الحكم بردود الاخوان وراح تشوفون ان الاغلبيه الساحقه تريد موضوع عن القرين وماحدث اليوم وارجو منكم السموحه

ملاحظه راسلت الاخوان بو علي وقاروه بالخاص ولم اتلقى الرد لفتح موضوع اخونا الفال الطيب
================================
================================
يا أخوان نبي رأيكم وتضامنكم باللي حصل اليوم وهذا درس بأذن الله للشركات الجايه في وقت ادراجها ونعم للشراء ولا للبيع

 

[Sniper Stock]

كفووو يابو علي...وهذه الهقوة من مشرفينا

 

[waleedy 2000]

القرين اكيد للبيع لكن موبالسعر الصدمه اللي نزل فيه (وجهة نظر خاصه ) اللي مستعيل لايبيع أقل من 500فلس والصبر اخير واطيب الشركه جدامها مستقبل موطبيعي.

 

[Master-Leo]

صراحه انا عن نفسي ولو اني مو مكتتب بهالشركه لكن من الكلام

اللي كنت اسمعه عنها من مده هقيتها تنزل فوق 500 فلس !

ماتوقعت سعر اليوم كان صدمه 385 !!

 

[Sniper Stock]

صراحه انا عن نفسي ولو اني مو مكتتب بهالشركه لكن من الكلام

اللي كنت اسمعه عنها من مده هقيتها تنزل فوق 500 فلس !

ماتوقعت سعر اليوم كان صدمه 385 !!

دايما انت قدوة يالماستر بردك الجميل اللي فعلا الواحد يقتدي فيك وبطريقة ردك هذا الرد اللي طالع من انسان عارف لشنوو نقصد بلا للبيع اهوا صدمه وعشان جذيه احنا قلنا لا للبيع بالاسعار الحاليه وانت اخونا ليووو جبير بتحليلاتك عن السهم وسهم مثل القرين محمل بالارباح من العام واعلان ارباح الربع الاول من السنه هذه حوالي 9,000,000 مليون دينار وسعره 385 فلس..وعشان جذيه احنا شاركنا بموضوع لا للبيع نعم للشراء وسعر اليوم سعر شراء بكل ماتعنيه من كلمة حتى عديلي السعودي اليوم مكلمني وبالحرف الواحد قالي اشتر واهوا موظف بشركة سابك وكان موظف في رامكو السعوديه..يعني يعرف شنو وزن الشركة وشنوو راح تجني على المدى المتوسط والطويل..


واشكرك اخوي ليوو على مرورك وشرف لنا وودي اقولك نبي تحليلك بدون تحفظ لأني اتوقع عندك شئ بتقوله

 

[خبير النفط]

الشركه اسهمها وايد والتخصيص كان عالى والناس تبى تسافر والعاده الشركات تنزل بسعر بعدين تبط والتجار محترفين يعرفون كيف يسحبون البساط من تحت المساكين العامه
ما نسينا قبل الغزو كان الناس ماتملك ما تكتتب فيه فكانوا يشترون الجنسيه وشهايد الميلاد على 5 دنانير يعنى كم ربح رب العايله الى عنده 6 اولاد ( عموما اغلب الكويتيين قبل كان العيال 6 حدهم ) 40 دينار وكانت تسوى ذاك الوقت اليوم زادوا لكم الجيله لان الناس ولله الحمد اغلبها تقدر تكتتب لاكن لا تزال محتاجه وعليه مستعده تبيع بسعر اليوم الربح 260%
لاكن الى صار اليوم ان الضربه الكبرى او ضربه المعلم كانت فى الصفقه الاولى وبعدين محد باع الا القليل وعلى كميه الطلب فى الحد الاعلى مفروض يستمر الصعود فتره

 

[مضارب شجاع]

اليوم التجار منصدمين من الشعب الكويتى وعرفوا ان الشعب واعى لهم وعرف كيف يقول لهم كفايه ، ونتمنى ان تكون القرين ملك للشعب الكويتى وكل الشعب مساهم فيها وهذا يجعلها قويه وبعيده عن الاحتكار من قبل بعض التجار الى ما يهمهم الا أرصدتهم البنكيه ومشاريعهم الخاصة

 

[waleedy 2000]

القرين مابعد (الصدمه) انشاءالله البدايه باجر وعقبه حد أعلى والخير جدام انشاءالله بس نطلب من الاخوان الصبر لاتقطون السهم بسعر البلاش اليوم ولاتنسون صبرتوا سنتين ونص

 

[Sniper Stock]

الشركه اسهمها وايد والتخصيص كان عالى والناس تبى تسافر والعاده الشركات تنزل بسعر بعدين تبط والتجار محترفين يعرفون كيف يسحبون البساط من تحت المساكين العامه
ما نسينا قبل الغزو كان الناس ماتملك ما تكتتب فيه فكانوا يشترون الجنسيه وشهايد الميلاد على 5 دنانير يعنى كم ربح رب العايله الى عنده 6 اولاد ( عموما اغلب الكويتيين قبل كان العيال 6 حدهم ) 40 دينار وكانت تسوى ذاك الوقت اليوم زادوا لكم الجيله لان الناس ولله الحمد اغلبها تقدر تكتتب لاكن لا تزال محتاجه وعليه مستعده تبيع بسعر اليوم الربح 260%
لاكن الى صار اليوم ان الضربه الكبرى او ضربه المعلم كانت فى الصفقه الاولى وبعدين محد باع الا القليل وعلى كميه الطلب فى الحد الاعلى مفروض يستمر الصعود فتره

احسنت القول باخر جملة لما قلت الضربه الاولى....وانا اقولك ليش وانا كنت بالسوق اليوم من الساعه 8 الصبح وكنت ناوي اشتري ولو على سعر 500 لأني ابيها استثمار وكلن وطريقته وشووووف كلامي كنت ابيها على 500 شراي..بس ما اقول الا احب لأخيك ماتحب لنفسك وشفت المساكين اللي من صباح الله خير واكثر اوامرهم بيع بسعر السوق او بالحد الاعلى وعشان جذيه اول كمية اكثر من مليون ضربه وحده وفيه ناس تداركوو اوامرهم وكنسلوها بس للأسف انهم ماتعلموو من غلطاتهم اللي قبل وهذا حال..وشريت والحمدالله على سعر اقل من اللي كنت ناوي عليه..بس مهمها كان قلبي على الاخوان اللي شفتهم يصيحون يبون يكنسلون اوامرهم وفيهم اللي عطى الامر وطلع راح لدوامهم وتعال عاد دور الدلال يرد على اتصاله عشان يتدارك امره وانشرى السهم اللي صابر عليه من سنتين بربح 280 فلس..ا

ودمت

 

[KUWAITI MAN]

شباب نبي كرافات المحافظ ما تكرف الا فوق الـ 700

 

[السور]

ياشباب هذا السهم مايسوى شى بيعوا بيعوا باجر الله يخليكم

علشان ابى اشترى كمية كبيرة منكم ولا راح ابيع اقل من 600فلس!!!!!!!!

 

[KUWAITI MAN]

ياشباب هذا السهم مايسوى شى بيعوا بيعوا باجر الله يخليكم

علشان ابى اشترى كمية كبيرة منكم ولا راح ابيع اقل من 600فلس!!!!!!!!

مصيبة اذا احد طلع وقال صح لسانك

 

[Master-Leo]

والله ياجماعه انا ماعندي فكره عن ارباح الشركة بس اسمع انها زينه

لكن اخذوا بالاعتبار كميات الاسهم وتوزيع الأرباح المتوقع ولاتنسون ان الناس

حاطه في بالها اللي صار وقت ادراج بنك بوبيان والأولى للوقود والنزول

للحد الأدنى فإحتمال كبير بعض الناس خافوا لما شافوا هذا السعر

فقالوا نبيع حتى لو مطلوبه بالحد الأعلى احنا ربحانين ربحانين

لأن ممكن يلعبون بالسهم وينزلونه حد أدنى مثل ماصار مع بوبيان والوقود .

لكن كإستثمار شفنا بنك بوبيان شلون صار الحين والوقود ان شاءالله بالطريج واتوقع القرين

على المدى المتوسط والطويل فيها خير وموفقين ملاكها يارب

 

[Sniper Stock]

ياشباب هذا السهم مايسوى شى بيعوا بيعوا باجر الله يخليكم

علشان ابى اشترى كمية كبيرة منكم ولا راح ابيع اقل من 600فلس!!!!!!!!

انا بياع لك على 550 فلس وبيعهم على 600


ومشكور يالماستر السهم اتوقع راح ينزلونه بالحد الادنى مثل بوبيان والوقود

 

[السور]

انا بياع لك على 550 فلس وبيعهم على 600


ومشكور يالماستر السهم اتوقع راح ينزلونه بالحد الادنى مثل بوبيان والوقود

انشالله محد يبيعنى ويستمر الصعود بالحد الاعلى وعلى فكرة باجر انا طالب 100الف بالحد الاعلى!!

 

[Sniper Stock]

انشالله محد يبيعنى ويستمر الصعود بالحد الاعلى وعلى فكرة باجر انا طالب 100الف بالحد الاعلى!!

بس مو اول افتتاح السوق نصيحه

 

[waleedy 2000]

انشالله محد يبيعنى ويستمر الصعود بالحد الاعلى وعلى فكرة باجر انا طالب 100الف بالحد الاعلى!!

هذا الكلام الطيب استغرب من بعض الردود اللي تكسر النفس فوق كسرتها اليوم (حب الخير للكل أييك قبل الكل).

 

[Sniper Stock]

اخوي قصده راح يطلب السهم ولو بالحد الاعلى

 

[كوستا]

مشكور اخوى
سوالف بورصوية
.......................
انشالله نضرتنا فوق لله وانشالله ان السعر اخضر لى 600
وما فوق بالزمن هذا كل شى جايز
يالله على بابك لاخاب طلابك
مشكورين يا اخوان والله يرزقكم
مع الف سلامه

 

[Hit & run]

ما في أحد يقدر يجابل هالمحافظ.....tom, the game will start.....up and down....let's just wait....

all the best