كسر الارقاب (القرين ليست للبيع ) شارك برأيك بأختصار

[Sniper Stock]

اخوي قاروه انت للحين تتصيد :d :d

انا اقصد الوحدات


اروغ كما يروغ ......... اي عدل

 

[waleedy 2000]

الكميات اللي تداولت الى اللحظه هذه 450 الف فقط

وعلى فكره هذيلا اللي قطوو على الطلب..اكيد شراية سوق الجت ومايبون يتوهقوون فيه.

خلوهم على راحتهم

مبروك كمية الطلب... انا عن نفسي توني قاعد نايم ومرتاح عندي سهم مسكر حد اعلى وفاتح حد اعلى وباجر مسكر حد اعلى بحيل الله يعني الامور طيبه ماكو الا الخير للصابرين ... ومبروك على الصفقات اللي اغلبها 10000سهم ماكو بيع ماكو بيع .... وببتدي اتابع السهم من يوم الاثنين انشاء الله (سهم حديد انشاءالله وياجبل مايهزك ريح)

 

[Sniper Stock]

مبروكين على الصمووود...


كفوووو والله ان شاءالله باجر يتعلق السهم

 

[sultan2007]

نقل وجه نظر

--------------------------------------------------------------------------------

وجه نظري ويمكن اكون مخطيء:

اللي احس فيه ان فيه كمية مجمعه بسوق الجت ومن الناس من قبل مستثمرين او مستثمر

(( مثل ما سوت الدار ب بوبيان البنك )) كل يوم راح يحطون بالملاييين حد اعلى عشان هذا المستثمر يبي يلقفها والمتطفليين من المستثمرين المنافسين عارفين الوضع بس متى يجي اليوم اللي يفكون عنه يبدأ يقط الكمية في نظري فوووووق فووووووق وان شاء الله فوووق سعر محد يتوقعه او غير مجدي حاليا يعني ان شاء الله قول سعر لمستثمرين الثانيين غير مجدي معاهم عاد هذي يبيلها تفكير بكم؟؟؟؟؟!!!!!!!!!! انا توقعي فوق ال700 ويمكن فوق الدينار يمكن اكون غلطان بس ماراح يقط الحين والطفيلييين معاه او يمكن يخرب الكمبيوترات ويبدا يحط اوامره بالاول يمكن اذا قدر هنيه انا اغير كلامي

بس السهم استثماري بحت واستثماري استراتيجي من الدرجة الممتازة ولا باس بيعه هالسنة مابين 600 الى ال800 ما قول امسكوا واخسروا لا اقول راقب ترى السهم عزيز جدا جدا
نبي ناس تشارك على وجة النظر

 

[fahad95]

شدو حيلكم ولحد يعرظ السهم غالي بس اضلموه بسعر نزوله المفروض 700

 

[جوكوزال]

السلام عليكم
الاخوه الاعزاء الشركه ان شاء الله في طور التحليق وهي الان على المدرج للاقلاع ولكن من القائد ؟ الاجابه على هذا السؤال عندكم انتم اذا القائد هو نحن ويجب علينا ان نكون على درايه وخبره بالقياده واللتي لها شروط اولها الاعتماد على الله سبحانه والتوكل عليه
ثانيا الدعاء الصادق
ثالثا القلب القوي وعدم الخوف والانجرار وراء المرجفين من مصاصين الدماء
رابعا الثقه بمستقبل الشركه وانها استثماريه بحته
خامسا القناعه بان سعر اليوم ليس السعر الحقيقي للشركه والذي اتوقع له بان يكون اكثر من 700 فلس وهو السعر العادل على الاقل في الوقت القريب
سادسا حب لاخيك ما تحب لنفسك والنصيحه حلوه بين الاخوه
سابعا لمن باع اليوم لا تندم على ما فاتك لان هذا رزقك والحمدلله على كل حال

ودمتم بود
اخوكم ابو حمود

الحمدلله والى الامام ان شاء الله 700فلس

 

[kwt.to.kwt]

الوعد 750 يل شباب

 

[بو سعود2003]

اتوقع مدراء المحافظ اذكى ممن تتصورون اول امس فتح القرين بالحد الاعلى وصل الطلب 100 مليون سهم تقريبا حلو الكلام اليوم فتح السهم ب 250 مليون حد اعلا تقريبا وامس تداول بالكسور وهم بعد اليوم تداول بالكسور والرسمي الكلام اللي ابي اوصله الطلب بو 250 اكثر من اصحاب المحافظ قاعدين يشترون بالحد الاعلى وهم بعد من الكسور واذا تعلق باجر هم بعد بيربحون مثل امس اربحو من اليوم وباجر اذا حد اعلى الكل بيربح حلو . غير هذا اكثر صغار المستثمرين محد باع انزين والكل ناطر احسن سعر واذا شافو السهم حد اعلا ومطلوب بالملايين ليش يبيع يقول باجر احسن وهم بعد باجر احسن وصغار المستثمرين اللي طالب برقم عشوائي واللي ماخذ قرض وطالب واللي طالب 10000 ومصدق روحه انه شاد السهم السيناريو اتوقع انه يكون كل الاتي انهم بخلون السهم يوصل الى 500 فلس كاقفال وثاني يوم يطلبون ب 550 وهم يطلبون ملايين وهم صغار المستمرين والمقترضين والارقام الوهميه هم طالبين مدراء المحافظ بيطلون وبعدين بشيلون طلباتهم وببيعون كل العندهم فطبعا السهم بينزل تدريجي وبعدين راح يسمعون المكتتبين والللي يبون يبيعون بافضل سعر يقولون السهم نزل خل نبيع بسرعه قبل ما ينزل زياده وهم بعد مدراء المحافظ يبيعون روحهم المهم الى ان يصير حد ادنى ومن هل نقطه المحافظ بلم السهم على راحتها بعد ما خدعة صغار المسمرين


والله اعلم هذي وجهة نظري

موفقين

 

[Sniper Stock]

اخوي بو سعود..وجهة نظرك مايختلف عليها اثنين...

واحنا ننبه الاخوان..السهم يمكن ينزل يوم من الايام حد ادنى ومانقدر نقولكم امسكوو اسهمكم لأن الكل بقراره.

بس كلامنا ونكرره السهم استثماري استثماري استثماري على المدى المتوسط والطويل وصبرنا سنتين ومو قادرين نصبر سنه..

كانت اول مشاركاتي ولازلت اعيدها السهم اول الادراج حق مشترى لأن بداية تأسيس الشركة بوقت الناس محتاجه السيوله برمضان ووقت العيد وكانت نهاية الاكتتاب قبل نزول الرواتب.

وادرجت الشركة بوقت الصيف والناس محتاجه للسيوله..وطريقة التداول امس واليوم تختلف كليا عن ادراج الشركات اللتي سبقت..

ووجهة نظري احتفظوو باسهم الاكتتاب وضاربوو بالاسهم اللي مشترينها..

واللي يقول ان المحافظ او المجاميع لهم لعبتهم نحب نقولهم ندري والسهم راح يجيه ركوود ممل بس احنا عندنا الوقت واهمه ماعندهم وقت وانتخابات الجمعيه العموميه على الابواب..

ونشوف.


ودمتم بود

 

[أبو فلسين]

وجهة نطر نحترمها اخوى ابو سعود بس السالفه سالفة استحواذ مو سالفة مضاربه ركز على هالشى هناك اطراف تريد الاستحواذ وانت اخبر انه الشركة مقبله على انتخابات 2008 شهر 2
يعنى الدعوه مو دعوة مظاربه الدعوة دعوة كرسي مجلس الاداره والسيطره على الشركة والمستحوذ ماهمه مشروع لجزائر ولا ربحية الشركه يريد الاداره فقط
عموما هناك اكثر من طرف يبى يستحوذ وهذا كلام رجل ثقه وله باع طويل بسوق ؟
وفى صناديق داشه لكى تستفيد وتساوم الاطراف اللى تبى تستحوذ على الشركه مثل مصار فى بنك بوبيان لما حصل عملية البدل ب800 فلس 50 مليون اللى باعت 50 مليون صندوق وساوم الدار على 800 وحقق ربحيه جدا طيبه
وبتوفيق يا اخوان

 

[*بو عبدالله*]

السلام عليكم ورحمة الله وبركاااته




يا اخوان خل اقولكم انطباعي عن الوضع الحالي

اولا الله يبارك لكم على ادراج الشركة بالسوق وان شاء الله ماكو احد خسرااان سواء الي باع او الي ما زال متمسك وهذي قسمة رب العالمين


قبل لا يدرج السهم كان الغالبية العظمى من الناس متوقعة ادراجة اقل شي 450 فلس بناءا على الكلام الي الناس تسمعه وعن المشاريع القادمة والارباح والامور هذي كلها

وانا شخصيا لا اخفيكم اني كنت متوقع الادراج ما بين 450 و 550 ولكن قدر الله وما شاء فعل وان شاء الله هذي خيره لنا

الي حصل بتصوري ان الكبار تعمدوا ادراج السهم بالسعر هذا والسبب انهم يريدون تجميعه باقل الاسعار وحسب ما اهم يظنون ان صغار المستثمرين يبون يبيعون من اول يوم باي سعر خصوصا انهم ناطرين الادراج اكثر من سنتين وان كمياتهم صغيره

لكن الي حصل ان الناس صار عندها وعي كبير جدا بخصوص الشركات التشغيليه واسعارها العادله واصبحت ما ترضى ان تبيع اسهمها باقل من اسعارها العادله ( هذا في الغالب) ولكن ما زال في ناس محتاجين انهم يبيعون لظروفهم الخاصة

الي حصل يوم الادراج بتصوري اكثر من امر

1)الصراع الكبير على الشركة من قبل اكثر من مجموعة استثمارية لدرايتهم بمستقبل الشركة القوي

2)عدم وجود تنسيق بين كبار التجار والمحافظ والمجموعات الاستثمارية مما ادى الى الهجوم بهذه الطريقة القوية على السهم

3)قلة الاسهم المعرووضه ترجع الى امرين الاول وجود وعي لدي الناس والامر الثاني قلة المكتتبين بالشركة مقارنه مع باقي الشركات مثل بنك بوبيان وغيره

4)منطقيا لو نحسبها على الطلبات اليوم 265 مليون سهم بالحد الاعلى لو نتكلم بمنطقيه عشان هالكميات تنشرى لا بد ان السهم يوصل الى اسعار مغرية للبيع حتى يستطيع الكبار التجميع

5)زيادة الطلب يرجع ايضا الى ان صغار المستثمرين قاموا ينافسون الكبار بحيث انهم قاموا يطلبوون اما في العادة الي يطلب الكبار والصغار يبيعون

6)الكمية المتداول امس واليوم ما تمثل شي كبير من راس مال الشركة مقارنة مع الشركات الي ادرجت مثل بوبيان والوقود حيث ان التداول كان كبير جدا بعكس القرين والسبب قلة المعرووض

7)اتصور بعد الطلبات الي شفناها هاليومين ممكن نقول ان اقل سعر قد يرضي صغار المستثمرين ليس باقل من 650 فلس والله اعلم


ختاما

الله يوفقكم ان شاء الله ويرزقكم


اخوكم​

 

[حمد العازمي]

السلام عليكم

شباب ممكن احد يفيدني بروابط البورصه​

 

[* مواطن *]

وجهة نطر نحترمها اخوى ابو سعود بس السالفه سالفة استحواذ مو سالفة مضاربه ركز على هالشى هناك اطراف تريد الاستحواذ وانت اخبر انه الشركة مقبله على انتخابات 2008 شهر 2
يعنى الدعوه مو دعوة مظاربه الدعوة دعوة كرسي مجلس الاداره والسيطره على الشركة والمستحوذ ماهمه مشروع لجزائر ولا ربحية الشركه يريد الاداره فقط
عموما هناك اكثر من طرف يبى يستحوذ وهذا كلام رجل ثقه وله باع طويل بسوق ؟
وفى صناديق داشه لكى تستفيد وتساوم الاطراف اللى تبى تستحوذ على الشركه مثل مصار فى بنك بوبيان لما حصل عملية البدل ب800 فلس 50 مليون اللى باعت 50 مليون صندوق وساوم الدار على 800 وحقق ربحيه جدا طيبه
وبتوفيق يا اخوان

;كلامك ميه ميه والسالفه صار فيها خيانه من الهوامير ولانريد ذكر اسماء بس السالفه انتشرت بالديره.

 

[روبية]

لمن الحكومة قررت سياسة التخصيص فالمفروض الشعب كله يستفيد من هالفرص التاريخية وخلال السنوات الماضية ماكان في فرصة أفضل من شركة القرين كشركة قوية في مجال استثماري واعد بتحقيق الكثير.
بدل ماابيع حاولت اشتري ولكن هيهات السوق الرسمي الكل ماسك وسوق الكسور كل مكاتب الوساطة موعارفين يشترون لان احد التجار داش بقوة وبطريقة عجيبة على الكسور , والنتيجة السهم انشالله لآخر السنة قريب من الدينار ويمكن اكثر (توقع شخصي )..


موقع البورصة : www.kse.com.kw

 

[الفال الطيب]

كفو والله يا سوالف بورصوية... يوم انك قدرت تثبت الرابط هذا.
لان الظاهر اللي انتقد فتحة اعتقد من التجار الكبار اللي مو عاجبة ان السهم يرتفع , او مو عاجبة اننا نحث اخواننا ملاك القرين بالصبر شوية وعدم التسرع بالبيع باسعار نازلة , لان الشركة توها جديدة وما ينفع معها اي تحليل فني لا شارتات ولا غيرة حسب علمي , والا بالله عليك اخوي سوالف بورصوية حيمنا حطينا هذا الرابط وهو عن القرين , طلعنا واحد يزابد وينافخ ويدخل موضوعات ما لها علاقة بالقرين بتاتا , لا ويقول حضرتة ان المحافظ ويقسم بالله لو تطلع من القرين جان السهم بالقاع 100 او 200 فلس , ما يدري ان الموضوع اكبر من مستوى المحافظ , يا حبيبي الموضوع تملك حصص كبيرة من مجاميع كبيرة حتى بنوك ومستثمرين خليجيين راح تتنافس على القرين , والايام القادمة راح تثبت ذالك , والغريب ان احد المشرفين يؤيد كلام اللي انتقد ويقول كلامك عين الحق 100%. واليوم شفنا من اول التداول حد اعلى , ومطلوب كمية ضخمة 265 مليون دون عرض. والكمية المتداولة اليوم قلت بشكل كبير حوالي 4 مليون فقط , وبالامس 33 مليون , وهذا شنو يدل عليه الناس ما تبي تبيع بالنازل , لكن هل فهم الكبار ذالك , نتمني.

 

[schizophrenia]

ابارك لاخوان الادراج

برغم السعر اللى كان مخيب للامال


ومشكورين علي هالصفحة اللى تساعد بطريق غير مباشر علي زيادة
وعي بعض المكتتبين

ومشكورين علي حرصكم علي مصلحتكم ومصلحة اخوانكم


وبالتوفيق للجميع

 

[قنوع ؟]

تداول امس واليوم اثبات حقيقي على اهمية السهم والأحلى منها وعي وثقافة المساهمين ومعرفتهم بلعبة الكبار خلف الكواليس .
وانشاء الله يكون درس للكبار اذا يبون كرسي مجلس الاداره عليهم يدبلون السعر، وهم اساسا مو فارقه معاهم يشترون 500 ولا دينار .

( يبونها ، يبونها ، يبونها )

 

[قليل البخت]

شريت كمية اول يوم بسعر 370 فلس واليوم حطيت امر شراء بالحد الأعلى وماعطوني بكرة من الصبح انشالله بطلب بالحد الأعلى على سعر 435 فلس ونتمنا للجميع التوفيق

سهم القرين وللأمانة

البايع خسران والشاري ربحان​

 

[fahad95]

المفروض تنزل علي الاقل 750 بعد الصبر سنتين ونصف ماقصر التجار المفروض علي اقل التقدير 600 بس اضلمو السهم

 

[fahad95]

اكيد البايع يخسر ولا يقدر يشتي