موظفين مكاتب الوساطه بيوقفون قلبي

[الفوزش]

انا تلعوزت من هالوسطاء (الدلالوه) اتصل ومايردون أعطيهم اوامر الشراء (القرين) سواء النقدي او الكسور ومايتنفذلي شي والعذر اسمحلي انا كنت مشغول!! انزين مو المفروض ان هالوسيط ينشغل فيني ؟ وماراح اتكلم عن غلطاتهم ونسيانهم الأولويات من الأوامر عالعموم ابيكم اتبردون جبدي شسوي ؟ وشالحل معاهم؟ وفيكم احد صارله الي صارلي ولا انا حاله شاذه؟ واي مكتب تفضلونه من حيث المعامله ؟​

 

[yoyo1983]

تداول تداول الكتروني بأحدى شركات الوساطه الالكترونيه والله اوفقك

 

[مستثمروون]

تداول بالانترنت أحسن !

أقول أخوي انت ما شفت شئ !

وايد أمور تحدث عند هالدلالوه ...
شتقول وشتخلي .... تكلمنا عنهم وايد .... !
حبيبي هم أصلا موفاضيين حق العملاء تدري ليش .... لأن المكتب أساسا
حق ربعهم ... شلون
جدام عيوننا نشوفهم يطلعون الأوراق اللي مسجل عليها الأوامر اللي مستلمينها من ربعهم من جيوبهم يمين ويسار
وبعدها يتفرغون يستلمون طلبات حبايبهم من موبايلاتهم الخاصة وعبي البيانات والأوامر منهم ...
وحتي وانت واقف جدامة يسوي روحه مو شايفك لأنه يلف رقبته حق الأشخاص المهمين اللي وراك والسبب ( دهان السير اللي ياخذونه )
هذا غير النفس الخايسة اذا برد عليك ... طبعا بعد ما تحرجه بكلمتين
لأن حتى السلام ما يرد عليك !

والحمدلله شوي شوي قاعد أطلع فلوسي منهم وأبيع اسهمي لو براسمالها
وحاليا أنا قاعد أتداول عن طريق احدى الشركات ( ولو انه مو بالمستوى )
لكنها أحسن من الدلالوه ومذلتهم .... أشوف فيكم يوم يا اللي ثاني مكتب بعد العلم الكبير بالبورصة !!!!!!!!

 

[eezee_q8]

هدي هدي

انا تلعوزت من هالوسطاء (الدلالوه) اتصل ومايردون أعطيهم اوامر الشراء (القرين) سواء النقدي او الكسور ومايتنفذلي شي والعذر اسمحلي انا كنت مشغول!! انزين مو المفروض ان هالوسيط ينشغل فيني ؟ وماراح اتكلم عن غلطاتهم ونسيانهم الأولويات من الأوامر عالعموم ابيكم اتبردون جبدي شسوي ؟ وشالحل معاهم؟ وفيكم احد صارله الي صارلي ولا انا حاله شاذه؟ واي مكتب تفضلونه من حيث المعامله ؟​

الاوامر على 160 و280 مليون بالحد الاعلى تبي يجيك الدور!!!!! بعدين الاقربون اولى بالمعروف؟ وتبي الصج حتى المعرفه صعبه يدبرها... مني لي يوصل 500 فكر تشري ,,,وعلى فكره 1100 مليون سهم ماتحرك منهم غير 34 مليون....... تو الناس بأول الطريج؟؟

 

[nasy]

هلب يور سلف

اخدم نفسك بنفسك

ولو ان الخدمه مش ولا بد

لكن مثل ما ذكر اخونا مستثمرون

افتح لكل تدوال الكتروني وجنهم يمدحون شرق بعد الزحمه اللي صايره بالاوسط

مستثمرون........ تهقى افلونزا دياي حايشه الاوسط ؟؟​

 

[STocK^IndeX]

التدوال الاكتروني! دقين عليهم قالي بعد 3 أسابيع نحط اسهم القرين بحسابك وتقدر تبيع يقولي روح السوق افضل !!!!

 

[مستثمروون]

هلب يور سلف

اخدم نفسك بنفسك

ولو ان الخدمه مش ولا بد

لكن مثل ما ذكر اخونا مستثمرون

افتح لكل تدوال الكتروني وجنهم يمدحون شرق بعد الزحمه اللي صايره بالاوسط

مستثمرون........ تهقى افلونزا دياي حايشه الاوسط ؟؟​

هههههههههههههههه

أنا ما قلت جذيه .....
بس الظاهر انت قريت عن الريال اللي يمر يم الأوسط ؟؟؟؟؟

 

[Bo_NaJeM]

التدوال الاكتروني! دقين عليهم قالي بعد 3 أسابيع نحط اسهم القرين بحسابك وتقدر تبيع يقولي روح السوق افضل !!!!

اخوي على ما اعتقد انه الدلال ما يأذيك كثر ما ياذي الناس عن المشترااا


يعني انته قضييتك اهون من قضيه الاخوان لانك انته بياع وو اهم شراايه على ما ياخذ له دور وو ايي حق الدلال ويعطيه امره تلاقي الدلال ماخذ من ربع امر وو حاطه قبلك وانته يالمسكيين قاعد من الصبح ناطر انه المكتب الوساطه يبطل علشان يكون امرك اول شي وذاك الحبيب لام المخده وو انته امرك بعد امر صاحبه

بالنسبه لك انته البيع اسهم من اهون بشوي من المشترااااااا

 

[Blue_Z_zz]

انا تلعوزت من هالوسطاء (الدلالوه) اتصل ومايردون أعطيهم اوامر الشراء (القرين) سواء النقدي او الكسور ومايتنفذلي شي والعذر اسمحلي انا كنت مشغول!! انزين مو المفروض ان هالوسيط ينشغل فيني ؟ وماراح اتكلم عن غلطاتهم ونسيانهم الأولويات من الأوامر عالعموم ابيكم اتبردون جبدي شسوي ؟ وشالحل معاهم؟ وفيكم احد صارله الي صارلي ولا انا حاله شاذه؟ واي مكتب تفضلونه من حيث المعامله ؟​

اخوي الفوزش للامانة و ليس دفاعنا بس في وضع القرين هناك صعوبة انك تاخذ اولوية في الفوري لان هناك شركة نوايا تتملك في القرين(المشاريع) و الاوامر ادش من دلاوتهم في الثواني الاولى بالملاين و الكسور الوضع اصعب لان باقي مدراء الصناديق و المحافظ كل واحد فيهم امجندله 3 او 4 دلالوة بس يجمعون له الكسور عليك الحساب جم صندوق او جم محفظ موجوده بالسوق

 

[Abo Thaar]

السلام عليكم

والله انا عانيت مع الدلاوة وايد والله اشكثر ضيعوا على بيعات والمشكلة يقولي بالتلفون انه الامر دخل وبعدين لمن ادق على شان اشوف تنفذ وله لاء يقول والله نسيت او مشغول ومرة واحد منهم شافني برة المكتب ( المكتب بالضجيج ) وكنت متهاوش ويا الدلال الي ضيع على البيعه لان السهم نزل وانا تدبست صح ..... المهم قالي هذا الدلال غير اللي تهاوشت وياه انه اذا تبي انا اضبطك بس على كل بيعة كرت ايزي والله شي يضحك وينرفز وبعد عطاني رقمه ويقول دق على ويقول هذا الرقم بس حق هالسوالف .... بالله جم دلال يسوي نفس هذا مع احترامي للبعض والله فيهم شباب شقردية ومحترمين

وفي النهاية الله يخلي التداول الاكتروني

ودمتم يالربع

 

[يقولون]

بأمانه يا الفوزش

شوف الفوزش خ نكون صريحين اذا دق علي مدير محفظه بالليل وقالي يا فلان ابيك باجر تاخذ لي اولويه خمسه مليون وانت واقف الصبح عند باب البورصه ناطر تبيني آخذ لك عشرة آلاف بالعقل من آخذ له ياجماعه خل نكون صريحين اما اذا الدلال رد بنفس خايسه فا هذه قلة ادب او اذا ضيع عليك فعلا بيعه او شروه فا تقدر تشتكي عندلمكتب ويعوضك واذا رفض تشتكي عند ادارة البورصه وطبيعي يكون عندي اولويات يعني انا بالدوانيه يعطيني واحد امر وباجر الصح انت تعطيني امر منو قبل تعتقد اكيد اهو بس بصراحه هالشي ادري ما يعجب الكل وانا واحد منهم لو اخوي يبي يتداول يا اخليه عند شخص اعرفه ويجابله او اقوله حط بالاكتروني لانه ادري الوضع متعب للطرفين وشكرا

 

[الفوزش]

..... المهم قالي هذا الدلال غير اللي تهاوشت وياه انه اذا تبي انا اضبطك بس على كل بيعة كرت ايزي والله شي يضحك

أي والله شي ايضحك عاد كرت ايزي يامالهم الفقر . عالعموم انا قلت هذول جزارين والشكوى لله​

 

[يقولون]

لا ليش يضحك يا اخي اشتك عليه لو انت تسكت وغيرك يسكت راح يصير حالهم اردى واردى ليش تسكتون هذا الشخص دني نفس فا لازم يتبهذل حتى لو ما صار له شييكفي انهم يحققون معاه وسمعته تصير بالحضيض

 

[السور]

انه اذا تبي انا اضبطك بس على كل بيعة كرت ايزي



حبيبى الدلالين مو محتاجين كروت ايزى اذا يبون عمولات يحصلون بالهبل ياما اخدموا ناس من غير مقابل !!

 

[بوزييز]

انا بعت قبل يومين سهم نور من الدلال 530 فلس 10 آلاف سهم يعني ب530 دينار واليوم شريت سهم بيت التمويل على 2.980 خذيت 2 الف سهم ب 5560 دينار وبنهاية السوق طلعت كشف بحسابي وطلع مو بايعلي سهم نور لا ومعطي على 540 فلس بعد وانا قلتله اعرضلي على 530 فلس . هذا شسوي وياه وتوني كملت فلوسي لا وسلف بعد عشان ادفع حق المكتب بس صج وهقني وحطني بموقف محرج والله المستعان ​

 

[الفوزش]

انا بعت قبل يومين سهم نور من الدلال 530 فلس 10 آلاف سهم يعني ب530 دينار واليوم شريت سهم بيت التمويل على 2.980 خذيت 2 الف سهم ب 5560 دينار وبنهاية السوق طلعت كشف بحسابي وطلع مو بايعلي سهم نور لا ومعطي على 540 فلس بعد وانا قلتله اعرضلي على 530 فلس . هذا شسوي وياه وتوني كملت فلوسي لا وسلف بعد عشان ادفع حق المكتب بس صج وهقني وحطني بموقف محرج والله المستعان ​

اخواني شرايكم والأخ (يقولون) مستذبح ايدافع عنهم . سوالفهم اتسود الويه, تفضل لاتقولي مايسوونها شوف غلطاتهم ماتنعد, وياليت كل واحد عنده موقف مع دلال يتكرم ويطربنا بهالسوالف علشان تكون عبره ودرس للأخوان الجدد او الأخوان الي بعدهم مانلسعوا بنار الدلالوه​

 

[يقولون]

وبعدين وياك الفوزش

يا اخي اذا اردت الشخص ان لا يخطئ فقل له لا تعمل , وبعدين يا اخي غلطه انت ما غلطتها ما اتحملها قلنا هالحجي الف مره وبعدين هذا مو دفاع عنهم بس قاعد انور الاخوان وانا لما اقول جذي هذا مو معناته راضي عنهم كلهم بس ما اعمم الخطأ عليهم كلهم

 

[قاروه]

انه اذا تبي انا اضبطك بس على كل بيعة كرت ايزي



حبيبى الدلالين مو محتاجين كروت ايزى اذا يبون عمولات يحصلون بالهبل ياما اخدموا ناس من غير مقابل !!

كلامك صحيح اخوي السور والله يجزاهم الف خير

رايتهم بيضه والله يعينهم على ضغط التداول والمتداولين

اخواني شرايكم والأخ (يقولون) مستذبح ايدافع عنهم . سوالفهم اتسود الويه, تفضل لاتقولي مايسوونها شوف غلطاتهم ماتنعد, وياليت كل واحد عنده موقف مع دلال يتكرم ويطربنا بهالسوالف علشان تكون عبره ودرس للأخوان الجدد او الأخوان الي بعدهم مانلسعوا بنار الدلالوه​

الا سوالفهم تبيض الوجه

واذا تبي موقف تفضل عندك

مره شريت وثاني يوم سافرت والدلال عنده رقمي بالخارج
وحولت من حساب البنك وعطيت التحويل لموظف الحسابات
واظاهر ضيع التحويل

وصرت مطلوب (الغلطه مو من الدلال من موظف الحسابات)

والدلال الله يجزاه الف خير حاول يتصل علي كذا مره وبلغني بالموضوع
والحمدالله انحلت المشكله .


وعلى فكره الدلالين حالهم حالنا بشر واذا صارت غلطه من الف ما تنحسب عليهم .

 

[يقولون]

كفو يا قاروه

خل يعرف الفوزش انهم بالنهايه بشر وشوف شكثر قاعدين ينفذون صفقات ويا اخي شوف الشيبان بالبورصه هذول راس المال وابهاتنا يا اخي هالناس ما يعرفون بالتداول الاكتروني بالله عليك من يخدمهم هالناس وطبعا بفلوسهم وانا اسئلك سؤال اللي صاد كسر القرين وكميه طيبه شراح يقول عن دلاله اللي صاد له الكسر ابيك ترد علي

 

[يقولون]

يبه مو كرت ايزي انا اعطيه تلفون بعد بس يجابلني عدل ويضبطني بالمعلومات راضي وينه هذا