موضوع عطلة نهاية الاسبوع (2)

[Master-Leo]

السلام عليكم مساكم الله بالخير جميعا

بالاسبوع الماضي فتحنا موضوع عن الأسهم الديناريه وان شاءلله يكون أفاد نسبة جيده من المتابعين واتقدم

بالشكر لكل من شارك فيه على حسب المعلومات المتوفره عنده وأدعوكم للمزيد من المشاركات الفعاله

هالاسبوع ودي اطرح موضوع مهم وبذكره على شكل اسئلة :

1- ماهو طموحك والهدف اللي تحب توصله من خلال تداولك بالبورصه لهذا العام ؟

2- ماهو انسب وقت بالنسبه لك للخروج المؤقت أو النهائي من البورصه ؟

 

[Master-Leo]

وصاحب الموضوع لازم يبدأ بالجواب

1- هدفي تعويض 20 - 25% على الأقل من خسائر 2006 ان شاءالله

2- انسب وقت للخروج المؤقت بالنسبه لي هو قبل الوصول الى 13 ألف نقطه

أو في حال كسر 12 ألف نقطه لاسمح الله

 

[سبيعي1]

هدفي يا طويل العمر ان اكون مبلغ سنع من السوق واطلع من وظيفتي واسويلي مشروع بروحي :d



موعد الخروج من السوق اذا صارت حرب مع ايران .....اما اتقولي المؤشر 13000 ...هذا مو حجي الشركات زينة وارباح متزايدة والمؤشر ان شاء الله الى 15000

 

[xENGx_1]

هدفي ياطويل العمر أدبل راس مالي عشان أشتثمره والربح أجرب حظي فيه
وموعد الخروج راجع للقناعه الشخصيه بالربح
والله يوفق الجميع أمين

 

[TAKE-OVER]

هدفي الاول هو الربح المعقول وليس العالي
هدفي الثاني هو ايقاف الخساره
موعد الخروج مع بداية جني الارباح

 

[TAKE-OVER]

هدفي يا طويل العمر ان اكون مبلغ سنع من السوق واطلع من وظيفتي واسويلي مشروع بروحي :d



موعد الخروج من السوق اذا صارت حرب مع ايران .....اما اتقولي المؤشر 13000 ...هذا مو حجي الشركات زينة وارباح متزايدة والمؤشر ان شاء الله الى 15000

يا السبيعي
الله يكفينا شر الحرب

 

[Master-Leo]

هدفي يا طويل العمر ان اكون مبلغ سنع من السوق واطلع من وظيفتي واسويلي مشروع بروحي :d



موعد الخروج من السوق اذا صارت حرب مع ايران .....اما اتقولي المؤشر 13000 ...هذا مو حجي الشركات زينة وارباح متزايدة والمؤشر ان شاء الله الى 15000

خوش هدف بس ياموعد لاتفاول علينا مانبي حروب محنا ناقصين

وانا لما قلت 13 ألف كان قصدي خروج مؤقت طبعا ويا السبيعي لاتنسى

الأرباح متزايده لأغلب الشركات (خاصه الغير تشغيلية) لأن البورصة صاعده بالأساس لكن

ارجع لسنة 2006 اغلب الشركات خسرت وسبة نزول السوق ومثل مافي

موجات نزول مرت علينا لازم تمر علينا موجات صعود واحنا حاليا نعيش موجة

صعود أتمنى تطول مدتها والله يديم علينا

 

[waleedy 2000]

1-هدفي أعرف سالفة جروب المخازن واسباب النزول..............


2- إذا ارتفعت اسهم مجموعة المخازن وعوضنا شوي.............

 

[waleedy 2000]

ياريت أعرف رد من الأخ ( master-Leo ) لأني أتفاءل فيه


مع الشكر مقدما

 

[Master-Leo]

1-هدفي أعرف سالفة جروب المخازن واسباب النزول..............


2- إذا ارتفعت اسهم مجموعة المخازن وعوضنا شوي.............

1- السالفه كلها في ايد أهل الشركة هم من ضاربوا على شركاتهم وهم

من شروا بالأسعار النازله وهم من باعوا بالأسعار اللي شفتها بالأيام

الماضيه كنت قلت ان المخازن قد تكون مقبله على نزول اللهم اذا

اشتهوا يعرفون شلون يطلعون لها اخبار ايجابيه ويصعدونها ويبيعون على

الناس بالعالي وهذا اللي صار طلعوا أخبار وصعدوهم وأتمنى على الأقل

لو يثبتون أسعارهم الحاليه كدعم لأسهمهم لانطلاقات مقبله !!

الله يوفقك وتاخذ ربحك أو على الأقل رأس المال منهم

 

[waleedy 2000]

1- السالفه كلها في ايد أهل الشركة هم من ضاربوا على شركاتهم وهم

من شروا بالأسعار النازله وهم من باعوا بالأسعار اللي شفتها بالأيام

الماضيه كنت قلت ان المخازن قد تكون مقبله على نزول اللهم اذا

اشتهوا يعرفون شلون يطلعون لها اخبار ايجابيه ويصعدونها ويبيعون على

الناس بالعالي وهذا اللي صار طلعوا أخبار وصعدوهم وأتمنى على الأقل

لو يثبتون أسعارهم الحاليه كدعم لأسهمهم لانطلاقات مقبله !!

الله يوفقك وتاخذ ربحك أو على الأقل رأس المال منهم

مشكور أخوي على سرعة الردبس ليلحين .............

ماطبنا ولا غدا الشر​

 

[Sniper Stock]

مشكووووووور يالماستر انا هدفي ماله حدوود..

وماعندي وقوف..بس عندي تكتيك ماشي عليه من زمان

اشترياول الاسبوع ويوم الاربعاء ماخلي ولا شئ عندي من اسهم الا اسهم الاستثمار على المدى المتوسط والطويل...

بس المضاربه ماحب انومهم عندي بالعطله....

وشكراا

 

[بوجاسم2]

السلام عليكم مساكم الله بالخير جميعا

بالاسبوع الماضي فتحنا موضوع عن الأسهم الديناريه وان شاءلله يكون أفاد نسبة جيده من المتابعين واتقدم

بالشكر لكل من شارك فيه على حسب المعلومات المتوفره عنده وأدعوكم للمزيد من المشاركات الفعاله

هالاسبوع ودي اطرح موضوع مهم وبذكره على شكل اسئلة :

1- ماهو طموحك والهدف اللي تحب توصله من خلال تداولك بالبورصه لهذا العام ؟

2- ماهو انسب وقت بالنسبه لك للخروج المؤقت أو النهائي من البورصه ؟

وعليكم السلام ورحمة الله

الله يمسيك بالخير عزيزي

أول شي أحب اني اسلم عليك واسال عن احوالك؟ رغم اني ماخذ على خاطري من المنتدى والأخوة الأعضاء شوي

موضوع حلو

بالنسبة للهدف، فما فيه شك ان هذف الكل هو الربح، سواء كان لتغطية خسائره السابقة، او لزيادة راس ماله.

وطموحي هو هدفي نفسي، وهو ان اغطي خسايري، وازيد من راس مالي، خاصة اني قاعد أبني

وأما بالنسبة للخروج ...

فأتصور ان التدوال تخلق في الانسان حالة من الادمان، خاصة إذا كان يربح (الربح بمفهومه المطلق، سواء كان زيادة راس مال او تغطية خسارة).

فما دام فيه احد قاعد يتداول بالبورصة، فما فيه شك انه قاعد يربح، وإلا كان صفى اللي عنده وطلع، مثل بعض الاصدقاء اللي اعرفهم.

فإن شاء الله ما نطلع بشكل نهائي من البورصة كلنا

وأما بالنسبة للخروج المؤقت، ففي الفترة الأخيرة صارت عندي قناعة ان الواحد يتداول بكمية بسيطة من المال ، وما ينوع وايد من الشركات، وما ياخذ بكميات كبيرة من كل شركة.

فالتركيز على شركة ولا شركيتن او ثلاث، أفضل، وأسلم طريقة للربح، والحد من الخسائر.

وبهالطريقة، تكون خطواته مدروسة، ويكون عارف متى يدخل على السهم ومتى يطلع منه، وبالتالي يستمر في التدوال.

والخروج كليا، حتى لو كان بشكل مؤقت، مسألة مو مقتنع فيها انا، لأنك لازم ما تدخل إلا على الشركة اللي شايف انها مو متضخمة، وارباحها معتمدة على الارباح التشغيلية، فمثل هالشركات نزولها ما يكون قوي إذا نزل السوق بشكل قوي لاسمح الله.

هذا رأيي على هالعجالة

مشكور

وتحياتي الخالصة لك

 

[q8_chamber]

السلام عليكم مساكم الله بالخير جميعا

بالاسبوع الماضي فتحنا موضوع عن الأسهم الديناريه وان شاءلله يكون أفاد نسبة جيده من المتابعين واتقدم

بالشكر لكل من شارك فيه على حسب المعلومات المتوفره عنده وأدعوكم للمزيد من المشاركات الفعاله

هالاسبوع ودي اطرح موضوع مهم وبذكره على شكل اسئلة :

1- ماهو طموحك والهدف اللي تحب توصله من خلال تداولك بالبورصه لهذا العام ؟

2- ماهو انسب وقت بالنسبه لك للخروج المؤقت أو النهائي من البورصه ؟

1- تحقيق 50% ربح من المحفظة + مصاريف السفر
2- الخروج 1-8 و الدخول 15-9 ثم الخروج 15-10 و الدخول 1-12

 

[خبير النفط]

المضاربه والاستثمار فى نفس الوقت لان ماكوا جال احسن من البورصه لتشغيل راس المال و انشاء الله الخروج باكبر ربح واقل خساره فى حاله ظهور بوادر هبوط حاد طبيعى لان الهبوط الغير طبيعى مالك امل تطلع من السوق الا بخساره كبيره

 

[صايدها]

ارد فلوسي اللي راحت وبعدين يمكن اطلع يمكن اطمع واستمر
لان البورصه ادمان حلوه ومره بنفس الوقت

 

[قاروه]

أول شي أحب اني اسلم عليك واسال عن احوالك؟ رغم اني ماخذ على خاطري من المنتدى والأخوة الأعضاء شوي

افا يا بوجاسم ماخذ على خاطرك منا !


موضوع اكثر من رائع ليو باشا

1- الطموح تنمية راس المال باذن الله

2-انسب وقت للخروج المؤقت

في حالة لا سمح الله عدم استقرار السوق او في حالة عدم الاستقرار النفسي (لان النفسيه لها تاثير كبير على المتداول في الايجاب او السلب)
لاكن بنفس الوقت ما يمنع تكون حاط عينك على سهمين

 

[alashum]

أن لقحت والا ماضرها الجمل

خوش موضوع وبليزاتي كلها هناك استثمار ! والحمد لله متى اطلع العلم عند الله !!! : have anice week end guys

 

[مضارب شجاع]

[b]هدفى من الدخول للبورصه هو ( نبى نأكل وياكم )
انا اتصور ان البورصة راح تأثر على الشعب الكويتى أكثر من التدخين ! ويمكن فى المستقبل يتبرع احد التجار ويمكن الخرافي ويفتح مستشفي امراض البورصة ، ويدخلها المستثمرين وخاصتا الفقراء منهم ويعالجون امراضهم من ضغط وسكر وقالون وبواسير ( ,,,,, ولازم التدول برقم التداول ، وهناك خدمه فى غرف المرضى التداول الاكترونى لبورصة الكويت [/B]

 

[Abdullah Alhajeri]

صباح الخير اخواني


انا هدفي من البورصة تعويض خسايري

اول ما امسك راس مالي

30 بالمية منه اشتري فيه عقار في بريطانيا

30 بالمية منه اشتري فيه سهم عارف

30 بالميه احطها راس مال بشركة تجارة عامه ومقاولات وراح اتفرغ للأسمنت والحديد :>