موضوع عطلة نهاية الاسبوع (2)

[BO-MUBARAK]

الهدف الاول رضى الله وارجو رحمته
هدفي الثاني ان الله يهدي الاخ سامي البدر ويرحم اهله الكويتيين اللي وثقو بكلامه وحطو حلالهم بشركاته
والثالث اسدد الديون الربوية

والرابع ان الله يوفق اهل المنتدى من مشرفين واعضاء وزوار اللي صج استفدنى منهم

اهداف وايد بس اذا تحقق واحد زين وهو رضى الله عني

 

[Balool]

ممكن رابط موضوع الاسهم الديناري
شكرا

 

[السور]

هدفى اعرف متى التجار يشبعون من فلوس الحرام !!

 

[BMW2007]

سلااااااام عليكم............ويسعد مسااااا الجميع

هدفي الاول ..........تعويض استثمااااري مع سامي البدر2006

لانه......توني جديد بالسوق كنت مرااقب تحركات السوق من 2004 والدخوول 2006
والنكبه يووم دخلت مع البدر

والثااانيه......وصول استثمااااري لشرااء بيت هذا اللي يكفيني

 

[سيدة دولارة]

هدفي هو تحقيق 100% فوق راس المال وهي تصير بالاصرار والمتابعة مع الحفاظ على الصحة والهدوء والعائلة يعني ابي ادش باسكات واطلع باسكات وان لا اهتز وكت الحبكة او اذا حسيت اني لازم اتخذ قرار لتغير الوضع فجاة لانها خطوة لا يحسنها الا الخبراء. وتسبب التوتر للمكان والمحيط من حولك . ادخل السوق وكت اللي يطيح حظه بس اقراء اخبار الدعم واطلع وكت اللي اشوف نفسي مقتنعة . اشلون

 

[AL.MOUSAWI]

مساك الله بالخير أخي العزيز ماستر ليو .... اشلونك شخبارك ان شاء الله تكون مرتاح... والتحية موصولة الى باقي الاخوان

1. الحمدلله تم اطفاء خسائر 2006 .

2. اتمنى ان استرد راس مالي على أقل تقدير وذلك عن سنة2007.

3. ماراح أطلع من السوق حتى أحقق حلمي بشراء عقار حاط عيني عليه.

 

[Master-Leo]

تعددت الأهداف والهدف الأسمى هو الربح الله يوفقنا وياكم ونشوف الربح قريبا

 

[Master-Leo]

هدفى اعرف متى التجار يشبعون من فلوس الحرام !!

لم ولن يشبعون في مانع ؟؟؟؟؟؟؟؟؟؟؟؟

وبعدين انت ليما الحين مانزلت انتخابات مجلس الأمه شناطر يلا بنصير دائرة وحده الحين ؟

مساك الله بالخير أخي العزيز ماستر ليو .... اشلونك شخبارك ان شاء الله تكون مرتاح... والتحية موصولة الى باقي الاخوان

1. الحمدلله تم اطفاء خسائر 2006 .

2. اتمنى ان استرد راس مالي على أقل تقدير وذلك عن سنة2007.

3. ماراح أطلع من السوق حتى أحقق حلمي بشراء عقار حاط عيني عليه.

هلا سيد حطيت كلامك بالجمله الثالثه باللون الأحمر لأن الأغلبيه هذا هدفهم

ان يطلعون من البورصه ويتجهون للعقار لأن أضمن بس مادري ليش انا حاس

إن العقار بالكويت تضخم ويمكن كلها سنة ويبدأ ينزل تدريجيا لأن البنيان قام

يزيد والشقق تزيد وبعدين اذا صار في توزيع للمناطق السكنيه البعيده أعتقد

أسعار العقار في المناطق الداخليه ممكن تنزل بشكل ملحوظ مع اني ماني

خبير عقاري لكن مجرد توقع حبيت أطرحه

 

[Bo Mostafa]

هدفي طبعا ً إن شاء الله كالتالي :

1- أعوض خسارتي الجايده وبعد الفحص والدراسة الذاتية لي التحليل الفني أتوقع بظرف سنه أعوض ( لو صارف ربع الخسائر على دوره متقدمة كان وايد أبركلي ) ،،، بعد شنقول على الغشامه وما تسوي

2- خروج من السوق أول بأول مع التحليل الفني وبعض المؤشرات التي إكتسبتها أصبح عندي واضح متى أطلع من السوق ومتى أدخل مره ثانية

كما أنني أنصح كل متداول جديد وقبل ما يبدأ أن يدخل دوره متقدمة أو يتعلم بشكل ذاتي لمدة سنه تقريبا ً وبعدين يفكر يدخل السوق
وهذا الشىء من مجرب لأن يلي راح تخسره وأنت غشيم تره كبير أكبر من ما تتصور .

وهذا وسلامتكم

 

[العوضى]

الصراحه خوش مشروع بس انا خلاص بطلع من السوق وبدخل فى العقار

هذا هو الحل الصحيح , العقار , ومن ريع هالعقار ( الإيجارات ) ادخل السوق , على الأقل اذا انكسر السوق عندك عقار يعوضك الخساره

 

[Master-Leo]

هذا هو الحل الصحيح , العقار , ومن ريع هالعقار ( الإيجارات ) ادخل السوق , على الأقل اذا انكسر السوق عندك عقار يعوضك الخساره

المشكله شلون تشتري العقار الحين اذا أسعارهم بالااااااااااااا بالاااااااااااااا

عيل أرض 1000 متر صوب بيتنا اب 600 ألف ! بعد لو 598 ألف قول تنبلع

 

[بشمر]

من فترة اسبوعين إلى ثلاثة انباع عقار بالعديلية على زاوية 750 م2 بمليون هدام

 

[يقولون]

عقار صعبه

والله انا اشوف العقار مو مناسب لي لانه قاعد احسبها عندي مثلا 400 الف لو باخذ عقار جم راح يطلع لي 4آلاف ؟ صعبه ولو طلعها هال400 بالبورصه جم اطلع لي بالشهر وحسبتها شفت انه البورصه افضل بس اعتمد على الله بالاساس ثم عدم الطمع والمضاربه السريعه اليوميه ومتابعة تحليلات الاستاذ ليوووو وميخالف يوم تنصاد وثلاثه تصيد وبالنهايه تشوف بالشهر جم يطلع لك وتعرف افضل من العقار والا لأ وعسه الله يوفقك يا مستر ليووووووووو

 

[يقولون]

طبعا

طبعا مثلا لو الواحد عنده 400 والله مو معناته عندي بس اقصد 400 يعني يقدر يشتري عقار