انضموا لتحالفي لرفع سهم القرين للبتروكيماويات للدينار

[فيتو كوراليون]

بسم الله الرحمن الرحيم ,,,,,,

تحية طيبة وبعد ,,,,,,,

هنالك اكثر من 50 شخص معارف خاصة لي تحالفوا لرفع سهم شركة القرين للبتروكيماويات ....
ويملك اقلهم شخصاً عدد 50 الف سهم ..
واود من الإخوة ملاك الأسهم رفع السعر ورفع اسعر على التجار .. وبالمقابل ستتضارب مصالح التجار والكل يغني على ليلة للحصول على مجلس الإدارة

ولا يخفاكم بأنه قد تم شراء بطاقات الدعوة انذاك بسعر 50 دينار

للحصول على رئاسة الإدارة لثلاث سنوات

فكم سيدفع الرئيس القادم للشركة ليحصل على الرئاسة الدائمة ؟

ناهيك عن الارباح والمشاريع الماضية والقادمة


لنعلن التحالف ضدهم ومن يدفع اكثر يحصل على الكرسي



انضموا معي ومع اصدقائي لذلك التحالف

ولنطبق نظام المافيا مع المافيا
لا للبيع اقل من دينار

وشكراً

تقبلوا فائق احترامي

فيتو كوارليون​

 

[NaaaaR]

انت من صجك والله ان شالو هالطلبات اللى تشوفها جان انت وربعك اول ناس بتبيعون خوفا من نزول سعر السهم وانا اشوف ومن وجهه نظري انه السهم فوق 500 فلس سعر مناسب للبيع

 

[hassankoc]

فكره الى تغير امري من700 الى 1دك

 

[خبير النفط]

[quoteلنعلن التحالف ضدهم ومن يدفع اكثر يحصل على الكرسي ][/quote]
اذا تتكلم عن بيع الاسهم للى يدفع اكثر مو مشكله لاكن بيع الصوت الانتخابى No Way

 

[مضارب شجاع]

التجار محد يقدر عليهم هوامير واحنا زمارير ،،،،،، حبيبى لا تنسى ان التجار يأثرون على القرار الحكومى
ويمكن اذا عندناهم راح يخفسون فى البورصة بالقاع وراح تخسر كل رأس مالك وتكون مطلوب الى عشر سنوات جدام

 

[خبير النفط]

[quoteالتجار محد يقدر عليهم هوامير واحنا زمارير ،،،،،، حبيبى لا تنسى ان التجار يأثرون على القرار الحكومى
ويمكن اذا عندناهم راح يخفسون فى البورصة بالقاع وراح تخسر كل رأس مالك وتكون مطلوب الى عشر سنوات جدام][/quote]لاتنسى ان كل هامور فى يوم من الايام كان ينخش من الزمرور وما ضيع الناس قبل الا منطق الشيلب القديم هذا
اخى الكريم ماغادت الناس جاهله وغير واعيه مثل ايام الغوص لما كانت مستغله ايشع استغلال من التجار والى يصار للعماله الوافده هاليومين لاشىء بالنسبه للشافه الاباء والاجداد ( الكويتيين) وكانت الناس تخاف على رزقها وسدت ابطون اعيالها
الناس محتاجه لبعض البعض مثل ما انتى محتاج للتاجر ترا اهو محتاج لك بس الشاطر الى مايخلى الاخر يعرف كم هو محتاج له
واذاطاح السوق وصدقنى محد يبى هالشى ترا حساره التجار اكثر منى ومنك على الاقل احنا نعيش على المعاش وببحبوحه لاكن اهم الى مصاريفهم وايد ومو متعودين على قله ذات اليد وهم اول من يصيح اذا طق الفاس بالراس

 

[فيتو كوراليون]

انت من صجك والله ان شالو هالطلبات اللى تشوفها جان انت وربعك اول ناس بتبيعون خوفا من نزول سعر السهم وانا اشوف ومن وجهه نظري انه السهم فوق 500 فلس سعر مناسب للبيع

انت تشوف ان السهم فوق 500 براحتك لكن تكلم عن نفسك وشخصك

واذا صرت ما تملك هالسهم وما اكتتبة ولا قدرة تشتري مو ذنبي يا استاذي العزيز

اشكر مرورك​

 

[فيتو كوراليون]

فكره الى تغير امري من700 الى 1دك

حاول تصبر حتى تاريخ 25 - 7
وراح تعرف تقريباً 860 فلس واذا تصبر اسبوع بعد بتبيع بدينار وزيادة


كل الشكر​

 

[فيتو كوراليون]

[quoteلنعلن التحالف ضدهم ومن يدفع اكثر يحصل على الكرسي ]

اذا تتكلم عن بيع الاسهم للى يدفع اكثر مو مشكله لاكن بيع الصوت الانتخابى No Way[/QUOTE]

انت حر واشكر تحالفك​

 

[فيتو كوراليون]

التجار محد يقدر عليهم هوامير واحنا زمارير ،،،،،، حبيبى لا تنسى ان التجار يأثرون على القرار الحكومى
ويمكن اذا عندناهم راح يخفسون فى البورصة بالقاع وراح تخسر كل رأس مالك وتكون مطلوب الى عشر سنوات جدام

تحدث عن نفسك يا شجاع

ماهو اساس الشجاعه اذا كنت تخشى الخسارة فمن يتحدث عن الربح في اي تجاره فهو اساساً خاسر

وانا لم ادفع واتحدث عن الربح كما توقعة الخسارة فيما دفعة

يعني بالمشرمح انا اشجع منك يا شجاع

اشكر مرورك
فيتو​

 

[فيتو كوراليون]

[quoteالتجار محد يقدر عليهم هوامير واحنا زمارير ،،،،،، حبيبى لا تنسى ان التجار يأثرون على القرار الحكومى
ويمكن اذا عندناهم راح يخفسون فى البورصة بالقاع وراح تخسر كل رأس مالك وتكون مطلوب الى عشر سنوات جدام]

لاتنسى ان كل هامور فى يوم من الايام كان ينخش من الزمرور وما ضيع الناس قبل الا منطق الشيلب القديم هذا
اخى الكريم ماغادت الناس جاهله وغير واعيه مثل ايام الغوص لما كانت مستغله ايشع استغلال من التجار والى يصار للعماله الوافده هاليومين لاشىء بالنسبه للشافه الاباء والاجداد ( الكويتيين) وكانت الناس تخاف على رزقها وسدت ابطون اعيالها
الناس محتاجه لبعض البعض مثل ما انتى محتاج للتاجر ترا اهو محتاج لك بس الشاطر الى مايخلى الاخر يعرف كم هو محتاج له
واذاطاح السوق وصدقنى محد يبى هالشى ترا حساره التجار اكثر منى ومنك على الاقل احنا نعيش على المعاش وببحبوحه لاكن اهم الى مصاريفهم وايد ومو متعودين على قله ذات اليد وهم اول من يصيح اذا طق الفاس بالراس[/QUOTE]


تكاتفي معاك ومع امثالك وتحالفي يغلب كل رغبة طامع

اشكر انضمامك ورايك

وهالمافيا تبيلها مافيا مثلها

وابشركم الوليد بن طلال داش على السهم وبقوة يعني تجارك الخمس ومحافظك بتقعد جدام الوليد

اشكر انضمامك

فيتو​

 

[السلمان]

مثل ماقلت ياجماعة الخير شهادة الاسهم صار ت بالتجورى وبلعت مفتاح التجورى وماكوا بيع الا بعد 5 او 10 سنوات والله يوفق الجميع.

 

[S500]

[/color]

وابشركم الوليد بن طلال داش على السهم وبقوة يعني تجارك الخمس ومحافظك بتقعد جدام الوليد

اشكر انضمامك

فيتو​

شفيه اللي عروق بالماي شاد حيله

 

[بو سعود2003]

شفيه اللي عروق بالماي شاد حيله

كل شي يصير يقولو الوليد بن طلال


المهم لو نفترض السهم وصل دينار وبعدين وين صانع السوق والمحفظه الي بتمسك السهم وتخليه يستمر على الدينار

 

[FOCUS]

انت من صجك والله ان شالو هالطلبات اللى تشوفها جان انت وربعك اول ناس بتبيعون خوفا من نزول سعر السهم وانا اشوف ومن وجهه نظري انه السهم فوق 500 فلس سعر مناسب للبيع

كلامك عدل 100% أخوي (ناصر) آنا مقدر سعره قبل الأدراج بنفس السعر .

ودنا ننضم مع أخونا (فيتو كوراليون) لأنا من ملاكه بس ياخوي قوية شقدرنا على التجار يبا هذول بمقدووووووووووورهم يشترون البورصة كلها لهم .
إن شافوا القط بالملايين شوف ربعك الحق أو ماتلحق أول الناس قاطين أسهمهم وخلوك لحالك !! يبا خل الناس بحالها يبعون ويشترون على كيفهم .

ومثل مايقال أن بيتك من زجاج لاترمي الناس بحجر !!


وشكرا لكم .

أخوكم فوووووكس .

 

[abushadi]

والله يا ناس الطمع مو زين لصاحبه ...


بامكانك ان تبيع وانت ربحان وغيرك يبيع وهو ربحان من غير ما يكون هناك أي حزازيات ... كل واحد وحاجته للبيع والظروف تحكم الانسان أكثر من أي شي

والاستثمار اكيد ومليون بالامية أبرك من البيع من غير حاجه وظرف قاسي

تمسك بالسهم واستثمر لعيالك من بعدك ينفعهم
وان احتجت وعندك كمية لابأس بها بيع بعضها واستفيد منها أو بيعها كلها أن كانت السعر يناسبك والظروف جابرتك ..

كلن عقله براسه ويعرف خلاصه
أهم شي أن القرين غير وربي يبارك لي ولكم بأموالكم
وأنا من الناس اللي بأمسك السهم استثمار لي ولعيالي والله كريم

 

[Sniper Stock]

كل شي يصير يقولو الوليد بن طلال


المهم لو نفترض السهم وصل دينار وبعدين وين صانع السوق والمحفظه الي بتمسك السهم وتخليه يستمر على الدينار

يابو سعود الله يرضى عليك ..محد يقدر يتنبأ بالسوووق وصانع السوق..؟

بس العقل وارجوو انك تغير مواضيعك..لأنك تتكلم في موضوع غيبي صانع سوق ومنو اللي راح يضمن المحافظ تمسك اسهمها...هذه كلها مواضيع اعتبرهااا هشه.لأنها غيبيه وانت تتكلم بنبرة التحبيط

بس بختصار المحافظ اللي داشه عليهاا راح تحفظ بالاسهم عندها يعني المليار اللي تشووفه...مدفوونه ورااح يصير الضرب على جم مليوون وكل التجار العاديين بيرفعوون السعر اغراء للملاك العاديين سواء بالايام الجايه او بعد سنه واكثر ...

فأذكر ربك وترى نعرف الموضوع الفني المعتمد على اؤسس وتحاليل...

بس اخر يوم الاربعاء الكميه المطلوبه بالحد الاعلى 158 مليون سهم..وتقول السهم فيه اللي مايخطيه حدث العاقل بما يعقل..واترك عنك هزل الحديث وتصير عليك..

او اظنك يا اخي بو سعود واتمنى ماتزعل..من ربعهم وتبي الناس تقط السهم يوم السبت..

الله يهداك

 

[InUrEyEs]

ان شاء الله يرتفع الى دينار ليش لا ولى خايف ابيع نص الاسهم عن الحسافه

معنه الى باع الكسر وبرده ماقدر احصله


على العموم انصحكم بصلاه الاستخاره خير من الاكلام وعن الحسافه

 

[issa7952]

ترى اذيتونا بالدينار يبا التجار مستعدين يدفعون اكثر من دينار شنو الدينار في تاجر من غير ذكر اسهمه من اشهر طافت وهوه اجمع سيولة حق القرين وخلاص ما يبي شي غير للقرين وتنازل وباع اسهمه من عدة شركات اسهمها بدينارين واربع دنانير علشان السهم العزيز والغالي علي قلب كل تاجر السهم المدلل القرين عاد تصدقون حبيت سهم للقرين من كثر ما تكلموا عنه الناس صار جنه واحد من عيالي ها ها ها علشان جذيه ماني بايع وهم لا تبيعون شنو السالفة ميتين من اليوع ولا السجن ينطركم علشات تبيعون ما فيكم صبر لي 25 من الشهر يتعدى الدينار ذيج اللي يبي يبيع يبيع بس مو يبيع علي 500 فلس سعر باكيت زقاير خلوه يوصل سعر كرتون بيض بدينار واللللللللللله ليش تصيرون عون للتجار اللي من سنين استغنوا على ظهورنا لانه التجار ما ياكلون بعض للانه لحم كل واحد فيهم مر ياكلونكم انتوا لانه لحمكم طري ولذيذ تدرون ليش لذيذ لانه ينوكل بسهولة تخريعه وحده من التجار بسرعة تبيعون الصبر الصبر وبتشوفون الخير

 

[Bo Mostafa]

مقارنة بسيطة يا إخوان
مع نفس الشركات التي تحمل نفس النشاط في السعودية فيها شركة الكميائية السعودية سعر السهم وبعد التجزأة إلي صارت سعر السهم حوالي 40 ريال يعني فوق ثلاث دنانير

قول هاذي قديمة وعندها ما عندها من نشاط قديم في هذا المضمار وهذا سعرها
ما يكون سعر سهم القرين على الأقل دينار كويتي

ودي أحد يصلحلي إذا أنا غلطان


رفعوا إيدكم وياي لا لأقل من الدينار



.