خصم 1 % من رواتب الموظفين اعتبارا من الشهر القادم

[alashum]

يالله برزقن وانت فتاح بابه
ماهو برزق اللي مفاتيحهم عوج

 

[(واحد من الناس)]

جنه تم الخصم والا انا مضيع!

 

[hassan_abu3eed]

جنه تم الخصم والا انا مضيع!

تم الخصم

 

[(واحد من الناس)]

تم الخصم

ششششت

طيب جم النسبة؟

 

[q8_chamber]

ششششت

طيب جم النسبة؟

كانت 6% والحين صارت 7%

 

[خوش خبر]

الاستقطاع

ان شاء الله ما كو الا كل خير ويستاهلون المتقاعدين وراح يجى يوم ونكون متقاعدين مثلهم .
بس تعليقى ان المواطنين قاعدين يطلبون اسقاط القروض وعطاهم الحل الاستاذالحميضى اعتقد انها رساله لنا ان لا نطالب فى اسقاط القروض والا كل شهر خصم 1% وعليكم الحسبه ...........الله يستر

وبصراحه المتقاعدين ما قصروا واغلبهم واذا مو كلهم قامت الديره على ايدينهم والجهود اللى بذلوها علشان الديره و اهل الديره ما كانوا يستهالون التكريم؟ والا لازم عيالهم يكرمونهم ؟؟

 

[wazer]

كلامكم صحيح لاني عندي شهادة راتب مالت شهر 6فكان الخصم اللى تحت اسم (حصة المؤمن عليه لصندوق زيادة المعاشات )11.150 فلس والحين طلعت شهاده زادت الى 22.300 فلس يعني دبل وقالى اللى بالرواتب كانت 1% وصارت الحين 2 %

 

[ابوفيصل77]

الله يعين هالراتب منتف من كل صوب..دفع الايجار..دفع فواتير التلفون...راتب خدامه...حليب الجهال ..الجمعيه التجاريه التعاونيه...استقطاع التامينات..استقطاع للمتقاعدين...استقطاع بنك التسليف...هذا غير قسط السياره والقرض الخ الخ الخ

 

[أبوتركي]

يارب احفظها نعمه من الزوال ,

تدرون شنو الي باط جبدي ؟ ,, الاولى للوقود تبطل 440 اول صفقه وطول التداول 445 واخر صفقه 440 طول الاسبوع الي فات , ليييييييييييييش

 

[GRAND]

النسبه 7.5% حيث الاستقطاع 15% من اجمالي الراتب تدفع الجهة المختصة 7.5% والموظف7.5%

 

[Moshaks_777]

والله قهر
الحين صار استقطاع التأمينات علي 95.200 دينار ، شنو الفايده من هذا ؟؟؟؟

 

[كويت2]

خلكم واقعيين يا جماعه .. وخنحط الجوانب العاطفية على صوب .. شيابنا على عينا وراسنا ماقلنا شي ... بس ليش بالغصب .. ليش مايخلونها اختياريه يوافق عليها الموظف أنه يخصمون منه أو يرفضها ... ليش كل شي عندنا اهني بالغصب ... والله لو كانت العملية اختياريه على الموظفين جان محد وافق على هالخصم غير عدد محدود مايتعدى حتن 10% من مجموع الموظفين.
لاه وهذيله بعد اللي على ويه تقاعد عشان بتردلهم فلوسهم .. بس أنا كموظف يديد ماتعديت ال 3 سنوات خدمه بالحكومه توه الطريق شطووووووووله ومعاشي 550 دينار .. ووراي أجار وقسط سياره وأثاث وأجهزة ... شسوي يعني !!

أدور الدينار بالحسره .. والله ماتنازل عن فلس حمر من معاشي .. يعني إلا تحدون الواحد عالبوق عشان يعيش !!!!!

الله يستر من الأيام اليايه

 

[shshoor]

الشهر هذا انخصم من معاشى 11 دينار ؟ يعنى بلشنا ضرائب

 

[بانوراما]

يستاهلون المتقاعدين

خل يخصمون من رواتبنا لهم

بالاخير حنا راح نتقاعد وراح يخصمون من رواتب عيالنا وعيال عيالنا

هذة الدنيا يوم لك ويوم عليك


لذلك حلالهم خل يخصمون​

 

[العوضى]

ولا عزاء للمتقاعدين

يستاهلون المتقاعدين

خل يخصمون من رواتبنا لهم

بالاخير حنا راح نتقاعد وراح يخصمون من رواتب عيالنا وعيال عيالنا

هذة الدنيا يوم لك ويوم عليك


لذلك حلالهم خل يخصمون​

كلام جميل اخوى بانوراما , فيه شغلات وايد الواحد ما يدرى عنها ليمن يتقاعد , طبعا الخسف بالراتب هذا شى طبيعى ويحس فيها اكثر الموظفين اللى راتبهم كله بدلات كالقطاع النفطى مثلا , وعايش على راتب عالى ويتفاجأ بقطع اكثر من نصف الراتب بعد التقاعد , وطبعا غير المكافآت و تذاكر السفر المجانيه اللى كان ياخذها اثناء العمل , تصور حتى النادى ( نادى الشركات النفطيه ) يقولك اطلع انت متقاعد وما يحقلك تدخل , حتى التلفونات راجعنا الهواتف وطلبوا منا تغيير الإستقطاع , أى استقطاع مباشر وليس عن طريق الشركه و السبب لأننا متقاعدين وطبعا راح يدوبل سعر المكالمات رغم اشتراكنا مع الهواتف من يوم تأسيسها , لكن نسوا خدمه واشتراك كل هالسنين , ورفضوا ان ندفع بنفس الرسوم اثناء العمل , ورحت اشترك بالوطنيه نت و اسلمت الشب , وقالى الموظف الإشتراك 16 دينار بس لك 20 لأنك متقاعد , واشياء وايد ما أبى اذكرها عشان لا أطول عليكم

 

[خوش خبر]

متقاعد

الشهر هذا انخصم من معاشى 11 دينار ؟ يعنى بلشنا ضرائب

لا يا اخوى هذه البدايه الضرائب للحين مابلشوا اول شىء استقطاع من الراتب وبعدين الغلاء اللى صاير الحين فى الجمعيات وخصوصا على الادوات المدرسيه وجميع انواع الماكولات و وبعدين يجى دور الضرائب طبعا لا تنسى البنزين كم كان وجم صار الحين

 

[الله يخارجنا]

مو مشكله يزيدون نسبة الإستقطاع بس شي مقابل شي

والشي اللي أنا أقصده زيادة الحد الأعلى لرواتب المتقاعدين إلى 1750

ولا شرايكم

 

[fahad95]

خطتهم كل ثلاث سنوات ياخذون 1%

 

[Bo Mostafa]

خطتهم كل ثلاث سنوات ياخذون 1%

وذاك الوقت يكون كل الموظفين في الدولة رواتبهم عالية نتيجة العمل
وفق نظام الكادر ويعطونك وتتونس ومن أحسن ما يمكن

وبعدين تكتشف أنهم كلوا الزياده إلي معطينك إياها ،،، ولا شاربين
عليها ستكانت بترول بسعر العالي ،، أقصد شاي أحمر مادري أسود
إلي هو ،،،،،

والله يكون بعون الموظف مطقوق من كل صوب
حتى إذا حب يترزق الله بالبورصة ( طبعا ً يكون من صغار المستثمرين)
هم راح يطقونه التجار وهكذا دواليك دواليك ......والقصه ما تخلص

والعلم عند الله جل جلاله

وسامحونا .

 

[TechnoFund]

الحمدلله راضين بعيشتنا والف حمد وشكر

أحلى تعليق

اللهم لك الحمد على النعمة ..