شوفوو مصخرة مجلس الأمة

[خوش خبر]

يبون زياده

والله النواب ما قصروا ويستاهلون الزياده بس خلهم اول شىء يشوفون شنو كانوا قبل دخولهم المجلس ووين صاروا الحين وجم عندهم طبعا مو الكل بس فيهم من كان قاعد فى بيت حكومه والحين تبارك الرحمان عمارات وفلل داخل وخارج الكويت الله يزيدهم بس نبيهم يشتغلون حق المواطنين اللى ما عندهم ما يكفيهم لنهاية الشهر والحسبه عليكم 5000 دك *50عضو *12شهر*5 سنوات يعنى مطالبين 100% زياده وليش ما يطلبون نفس الشىء حق اهل الكويت وهم بعد ويانا تشملهم الزياده

 

[تلميذ المؤشر]

كلام عين المنطق....
خل ياخذونه بالحلال ولا يقتربون من الحرام

وبعدين هذا الاقتراح فيه على الاقل تخفيف للي قاعد يصير من النواب ممن لا يخاف الله اومحاولة ابعادهم من الحرام

مشكلتنا دايما ناخذ الناس بالشينة ونسيء الظن

 

[مضارب شجاع]

حاميها حراميها ، مو ناقص الا يطلب النائب الطبطبائي قسيمة على ثلاث شوارع بعد ، يا اخى اذا كنت خايف من الاغراءات لا ترشح نفسك مره اخرى

 

[المهندس الكويتي]

يستاهلون

 

[Nagooshy]

هذا الي يسموونه البوق الخشاشي

 

[حفار قبور]

الشرهة مو عليهم ، الشرهة علينا اللي وصلناهم للكراسي الوفيرة والجواز الدبلوماسي والمناقصات والإمتيازات والتسهيلات البنكية و و و و 000 إلخ

الحمد لله على نعمه وتفضله علينا بالرزق الحلال

 

[***بومحمد***]

عليهم بالعافيه

وبعدين الإنتخابات الجايه مصاريفها وايد

 

[فارس العنزي]

حالهم حال غيرهم ، الزيادات تحذف يمين وشمال وهم يطالعون ، الحال صار الشخص العادي إذا راتبه 1000 دينار ما يكفي وهذي كلمة سمعتها من أكثر من شخص ، أنا أقول يستاهلون وحقهم .​

 

[عادل94]

الله يعين الكويتي الي راتبه 320
وهو يقول ( وذلك عائد إلى تدني راتب النائب )

وهم رواتبهم اكثر من 3000 دينار من غير 100 الف تعديل وضع عند النجاح من غير المؤتمرات اكثر من 500 باليوم من غير البوينص السنوي مدري جم اهم شي انة اكثر من 10000دينار من غير القروض الحسنه من البنوك بما اكثر 100000دينار ويحطها وديعة كم در علية ارباح وغير الجان ( ولجنه تولد لجنه ) والسيارة والبانزين واخدم والتلفون والمكلامات بالاش وغيره وغيره وغيره

مسكين النائب والوزير

مو مشكله
وين قانون كشف الذمة المالية على النائب والوزير ( ياليت يغرونه)

 

[laqtan]

ممكن معاهم حق من الي شايفينه قاعد يصير

 

[yoyo1983]

الله يسامحهم

 

[العتيبي2]

يالربع ترى النواب رواتبهم ضعيفة بالنسبة لوظائف البعض قبل المجلس يعني مثلن محمد العليم كان جنرال منجر فى شركة النفط كم كان تتوقعون راتبة يعني والدكتور وليد والدكتور سعد كانو بالجامعة رواتبهم اكثر من النائب

 

[عادل94]

يالربع ترى النواب رواتبهم ضعيفة بالنسبة لوظائف البعض قبل المجلس يعني مثلن محمد العليم كان جنرال منجر فى شركة النفط كم كان تتوقعون راتبة يعني والدكتور وليد والدكتور سعد كانو بالجامعة رواتبهم اكثر من النائب

وكانت عندهم هاذي المميزات



وهم رواتبهم اكثر من 3000 دينار من غير 100 الف تعديل وضع عند النجاح من غير المؤتمرات اكثر من 500 باليوم من غير البوينص السنوي مدري جم اهم شي انة اكثر من 10000دينار من غير القروض الحسنه من البنوك بما اكثر 100000دينار ويحطها وديعة كم در علية ارباح وغير الجان ( ولجنه تولد لجنه ) والسيارة والبانزين والخدم والتلفون والمكالمات بلاش وغيره وغيره وغيره

مسكين النائب والوزير (لهم تحمل الميزانية )

مو مشكله
وين قانون كشف الذمة المالية على النائب والوزير ( ياليت يوافقون عليه)

 

[فؤاد]

مدير عادي في شركة في القطاع الخاص ياخذ 5000 دك
راتب رئيس مجلس ادارة في القطاع الخاص ..كم؟؟
غير البونص...
المهم هو ربط الراتب بالانتاج مو بعدد المسبات ...
تبون زيادة
نبي بكل دورة 25 قانون........

 

[Master-Leo]

مساكين ... لما ينجحون مايحصلون شي غير 70-80 ألف لتعديل الوضع هذي البدايه فقط .... سفرات بلاش ...

مناقصات حق شركاتهم ....تنفيع ربعهم وأهلهم ....اجازات طويله ... حضور غياب بالمجس كيفهم ...معاش تقاعد .... وغيره...

لا بعد ازيدكم الله يكون بعونهم قاعدين يتعبون بالملاسن والنجره بالمجلس وعرض فضائح بعضهم البعض ....كل هذا عشان شنو ؟؟؟

مو عشان الشعب وانجاز قوانين مفيده للشعب ومحتاجين فعلا الى 5000 دينارأنا أقول عطوهم مو الديره صارت سبيل

وخلو باجي الشعب مايحتاج تقرون قوانين تفيدهم لأنكم تخافون على مال الشعب وقاعدين تحمونه وتحافظون عليه من سراق المال العام !

 

[NBK]

ياجماعه العضو راتبه الشهري
4675
2300 من المجلس
2375 من التامينات
اسرع قانون تمت الموافقه عليه بالاجماع هو زيادت رواتب الاعضاء اذا تذكرونه
اعتقد من 1500 تقريبا الى 2300 اذا موغلطان بالارقام
ونقووووووووول عليهم بالعافيه

 

[نيشاان61]

صح اللسانك

النائب يستلم راتب من المجلس عدل
ليش ما يذكر الطبطبائي ان التامينات تصرف له راتب استثنائي
بناء على قرار مجلس الوزراء

كلام سليم يا اخى العزيز بس اللى ما عنده ذمه وضمير لازم يخفى الحقيقه عشان يبرر فعلته يستلم راتبين ويقول اخاف الحكومه تغرينى والله اللى بايع ضميره ما يكفيه حتى 100 الف راتب

 

[Master-Leo]

ياجماعه العضو راتبه الشهري
4675
2300 من المجلس
2375 من التامينات
اسرع قانون تمت الموافقه عليه بالجماع هو زيادت رواتب الاعضاء اذا تذكرونه
اعتقد من 1500 تقريبا الى 2300 اذا موغلطان بالارقام
ونقووووووووول عليهم بالعافيه

أنا اقول ليش فيه عجز اكتوراي بالتأمينات شر البلية مايضحك

والله لو يقرون قوانين سنعه محد يتكلم ونقول عليهم بالعافيه لكن الكل قاعد

يشوف المسخره اللي صايره بالمجلس من قذف وفضايح بينهم وبين بعض

كل هذا مو عشان الشعب أبدا عشان مصالحهم فقط فمن حقنا ننقهر لما يطلبون زيادة !

ترى انا انصح بغلق الموضوع لاتخلوني اشيش عليهم زياده واطلع اللي بقلبي كله لو بتكلم ماراح اخلص خلونا في بورصتنا نربح 100 ونخسر 200 احسن

 

[info]

اقول ترا الشعب لكويتي جبان

لو فينا ....... ما يحتاي اقول جان وقفنا وقفت رجل وراح واسقطوو مو القرووض انقول الفوائد بس راضين ويبوون الاعضاء ازياده في رواتبهم والله عين قويه بس لهم الحق لانه احنا جبنا والله وسامحوني

 

[السور]

زيدونا ولة نصير مرتشين وحرامية !!

كفوكم ياللى انتخبتوا هالاشكال........

والله مافيكم شريف عمركم ما فكرتوا بالكويت ولا مصلحة شعبها بس تفكرون اشلون تنهبون الديرة!