الكويتي.. بعد القطري الأعلى دخلا في الخليج

الموضوع في 'السوق الكويتي للأوراق الماليه' بواسطة الهامي, بتاريخ ‏19 يوليو 2007.

  1. الهامي

    الهامي موقوف

    التسجيل:
    ‏19 أغسطس 2006
    المشاركات:
    862
    عدد الإعجابات:
    0
    في قائمة تصنيفات البنك الدولي لدول المنطقة
    الكويتي.. بعد القطري الأعلى دخلا في الخليج



    18/07/2007 الرياض - عبدالحي يوسف:
    احتلت كل من قطر والكويت قائمة اعلى دول خليجية بالنسبة لدخل الفرد السنوي، فيما تباعد تصنيفهما بالنسبة للناتج المحلي الذي احتلت فيه السعودية المرتبة الاولى بين دول الخليج، تبعا لقائمة تصنيف صدرت عن البنك الدولي اخيرا، اختصت بالناتج المحلي ومستوى دخل الفرد.
    وبحسب القائمة فان السعودية احتلت المرتبة 26 عالميا في قائمة التصنيف الخاصة بالناتج المحلي الاجمالي، فيما حلت في المرتبة ال 56 بالنسبة لمستوى معدل دخل الفرد.
    وقالت بيانات البنك الدولي ان الناتج الاجمالي للسعودية الذي يبلغ 383.7 مليار دولار حملها الى مراتب عليا في قائمة التصنيف التي يعدها البنك بشكل سنوي بناء على المعلومات المتاحة عن دول العالم واشار التصنيف الى ان دخل الفرد السعودي السنوي يصل الى نحو 12.5 الف دولار ما يعني أنه في المرتبة السادسة والخمسين عالميا.
    واستنادا إلى هذه البيانات التي ضمت 166 دولة، فان قطر تحتل المرتبة الاولى بين دول مجلس التعاون بالنسبة لمستوى دخل الفرد، حيث جاءت في المرتبة 14 عالميا بما يفوق ال 40 ألف دولار سنويا، فيما الكويت احتلت المرتبة 67 في قائمة التصنيف بناتج اجمالي قدره 66.7 مليار دولار في حين جاءت في المرتبة 29 بالنسبة لمعدل دخل الفرد السنوي وذلك بمستوى دخل يصل الى 30.6 الف دولار، اما الامارات فقد جاءت بحسب التصنيف في المرتبة 56 بالنسبة للناتج المحلي والمرتبة 36 في معدل دخل الفرد الذي بلغ 23.9 الف دولار، وجاءت البحرين في المرتبة 166 على مستوى العالم في الناتج المحلي ب 15.6 مليار دولار والمرتبة 51 في مستوى دخل الفرد بمبلغ 13.6 الف دولار.
    وجاءت عمان في المرتبة 85 بناتج محلي يبلغ 38 مليارا فيما حلت في المرتبة 63 من مستوى دخل الفرد بنحو 9.8 الاف دولار في الشهر.
     
  2. خبير النفط

    خبير النفط عضو نشط

    التسجيل:
    ‏15 يناير 2007
    المشاركات:
    4,638
    عدد الإعجابات:
    54
    المسأله حسابيه فقط الدخل تقسيم عدد السكان بمافيهم الاطفال والحقيقه ان اغلب الكويتيين وخاصه جيل الشباب المتزوج راتبه يزيد عن 30,000 دولار سنويا يعنى 692 دينار شهريا
     
  3. Nagooshy

    Nagooshy عضو نشط

    التسجيل:
    ‏17 مايو 2006
    المشاركات:
    3,228
    عدد الإعجابات:
    2
    مكان الإقامة:
    الخالديه - الكويت
    اي والله صدقت

    عدد سكان قطر....نفس عدد سكان محافظةالجهرا :d
     
  4. Sniper Stock

    Sniper Stock موقوف

    التسجيل:
    ‏26 مايو 2007
    المشاركات:
    1,423
    عدد الإعجابات:
    0
    مكان الإقامة:
    الكويت الحبيبه
    صحيح ان دخل الكويتي عالي..بس اذا كانت حسبة على حسب دخل الدولة ويقسمونها على الكويتيين..

    ولو نحسبها على ايرادات الكويت يطلع لك كويتي مبلغ شهري لا يقل عن 1000 دينار من غير الراتب..خلها على الله نسمع ولا نشوف.

    بس نظل ونقول اللهم لك الحمد والشكر
     
  5. jeme_E

    jeme_E عضو مميز

    التسجيل:
    ‏18 فبراير 2007
    المشاركات:
    5,339
    عدد الإعجابات:
    0
    مكان الإقامة:
    تخيل بالكويت ((اذكر الله لاتحسدني ))
    صحيح الكويتي لو قالوا اعلى دخل بس وين راح الاماراتي وخصوصا اهل ابوظبي

    ولكن تعال شوف التجار شمسوين فينا

    وقيس اسعار السلع والسكن اهني واهناك

    واخصم الاجار لان بالامارات وقطر من تكتب كتابك قبل الزواج معطينك بيت شكبره الله يبارك لهم

    واحنا الشقق نار ويقولون معطينك بدل اجار واذا تبي شقه زينه فوق 250

    يعني 100 من جيبك على القليل

    غير الصلخ من كل صوب اقساط وتنتف وسلع نار

    والتجار كبارهم ماصينك من اول ما ينزل راتبك البنك وانت رايح

    والصغار خصوصا الاجانب ماصينك

    وافضل مقياس للنهب من الاجانب روح صلح سيارتك او اشتر اغراض العيد

    وكل ما قالوا يقولون كويتي
    واقل سوري بالكويت يطلع دبل اي موظف عادي كويتي

    الكهربائين هنود
    والمقاولين مصرين
    والمكانيكين والملابس سوريين
    والصباغين والبنايين والمدرسين مصريين
    و
    و
    و
    و



    مانبي زيادة معاش بس وقفوا جشع التجار وفكونا من نهب الاجانب
    واحنا بمليون خير

    شعب عدده مليون ساكن معاهم مليونين اجانب يعني يخدمونهم وبالواقع هم
    يمصون دمنا واحنا نخدمهم !!!!

    والله اغلبهم ماخذ اكثر من حقه لو بديرته ما ياخذ عشر اللى اهني
    وهم موعاجبه وبديرتك يسبك فما بالك لو يروح ديرته

    ونبي امن وتطور بعد واغلب فلوس تجارنا بره ويتشرطون
    كل ما قالوا احنا تجار

    المفروض اي تاجر فلوسه بره الكويت يعامل كمواطن عادي واقل بعد

    يبي تميزه الدوله يدخل فلوسه ويفيدها

    اما فلوسه بره ويتشرط مصيبه

    وهذا غير البوق والنهب اللى حدث ولا حرج
    اذا فتح التاجر الكبير شركه يكون الهدف منها البوق والتنفيع !!!

    ومجلس الامه عيني عليه بارده كل همه وقف المشاريع وجم نسبت العضو في كل بيعه للدوله !!!!!

    صج ديره ماشيه على البركه وتوفيق من الله للناس الطيبه



    لاتشكيلي لا ابكيلك والله حدنا طفحنا وماندري متى راح تتعدل
     
  6. Champion

    Champion عضو جديد

    التسجيل:
    ‏10 يوليو 2005
    المشاركات:
    339
    عدد الإعجابات:
    0
    حمدوا ربكم على النعمه اللي انتوا فيها يا اخي لاتشوف اللي فوقك شوف اللي تحتك والله انك راح تقول انا مليونير ! انت عندك مكان تسكن فيه عندك أحلى الأكل تاكله عندك سياره عندك موبايل .. ما عندك نظام بعثي عشان تخاف تتكلم .. والله حمدوا ربكم عالنعمه اللي انتوا فيها , غيركم مو لاقي ياكل وانتوا تقولون شوفوا الأماراتيين !!!!
     
  7. jeme_E

    jeme_E عضو مميز

    التسجيل:
    ‏18 فبراير 2007
    المشاركات:
    5,339
    عدد الإعجابات:
    0
    مكان الإقامة:
    تخيل بالكويت ((اذكر الله لاتحسدني ))
    محد ينكر فضل ربه الا الجاحد والحمدلله اهل الكويت معروفين بذكر الله وحب عمل الخير

    ولكن اخوي لما تشوف واحد مدخوله 10.000ساكن ملحق وفلوسه كلهم على شغلات مالها معنى ولا مجمع شي موتقول حرام ظالم نفسه

    بوجود الاماكنيات المتاحه والوفره الاقتصاديه والامن السياسي الداخلي
    والخارجي والقدر البشريه بالكويت

    وكل هذا نشوفه يهدر والمستفيد اما الاجنبي او جهه معينه بطرق غر شرعيه من حقنا انا نموت قهر

    كل هل امكانيات اللى يصعب توفرها موجوده الحين اذا ما صلحنا الحين متى بنصلح لما ينزل سعر النفط الى 10 دولار وتصير لا قدر الله مشاكل داخليه وخارجيه والداخليه من الاجانب واعتقد بدأت تظهر بوادرها

    والخارجيه احلا جيران العراق وايران وشوف الجرايد تقولك

    صح اشوف غيري واقول الحمدلله اذا هذا حدي
    ولكن اذا كنت اقدر ابدع وما ابدع مصيبه

    ولا الاجيال القادمه المقصود فيها تأمين الاجيال القادمه لناس معينه
    والباجي يشربون من البحر !!!

    وكلنا عارف المقصودين بأسمائهم واشخاصهم
    وما خفي اعظم


    ياريت تفكر بكلامي قبل ترد
    وتقبل ردي بصدر رحب فهو وجهة نظر تكونت بعد دراسه علميه واكاديميه لعدة سنوات
    للمنطقه والبلد واحوالها


    والحمدلله من قبل ومن بعد
    ونسأل الله
     
  8. حفار قبور

    حفار قبور عضو مميز

    التسجيل:
    ‏20 يناير 2007
    المشاركات:
    5,611
    عدد الإعجابات:
    533
    الحمد لله على نعمه وعسى الله لا يغير علينا

    الكويت عزيزة وتستاهل التضحيات
     
  9. السور

    السور عضو نشط

    التسجيل:
    ‏18 يونيو 2007
    المشاركات:
    6,919
    عدد الإعجابات:
    5,148

    صج صج لوعت جبدى بس ذكرت نظام البعث الوصخ!!!

    الله يعز الكويت والصباح واللى ينكر خير الكويت وفضل الصباح نذل!!!