الارتفاع آت ليمس 35 ألف سلعة.. الجمعيات التعاونية فقدت السيطرة.. اتفاق عدم رفع السعر مع التجار أصبح ماضياً زيادة على الأسعار.. %70 كتبت مرفت عبدالدايم: اقترب شهر رمضان، وبدت الحركة التعاونية في لحظة انهيار «فالامور فقدت الجمعيات التعاونية السيطرة عليها.. ولذا فإن 35 الف سلعة ستزداد اسعارها بنسبة %70». وتشعر لجنة الأسعار في اتحاد الجمعيات التعاونية انها تواجه «معركة شرسة مع التجار وبعض المسؤولين.. وزارة المالية لا تدعمنا.. ووزارة الشؤون متفرجة.. والمستهلك هو من سيدفع الثمن.. هناك من يضر بنا في عقر دارنا لتنفيع التجار واملاك الدولة تقلص مواردنا.. هناك من يقف خلف الكواليس لايقاف معاملات اتحاد الجمعيات لدى الجهات المعنية». وذكر رئيس اتحاد الجمعيات التعاونية محمد عامر المطيري لـ «الوطن» ان «الموضوع خطير جدا، لأن اتحاد الجمعيات التعاونية مسؤول الآن عن 35 الف سلعة لها معايير في ضبطها ومنها ألا يرفع التاجر سعرها الا كل عامين، ولا يكون الارتفاع اكثر من %5 وهذا ما تتميز به الكويت على مستوى دول الحلف التعاوني وحصلت بموجبه على المركز الاول». وقال ان «اتحاد الجمعيات اصبح اللاعب الاساسي لصد الزيادة الكبيرة في الاسعار، والتي قد تصدر عن الشركات التي يزيد عددها على 3800 شركة تحاول جميعها رفع الاسعار ما بين 60 الى %70»، مضيفا ان «ما لا يقل عن 30 مادة غذائية جديدة تدخل الكويت يوميا، وهذا عدد كبير وعند اضافته الى المواد الاساسية التي يحتاجها رب الاسرة، تتطلب الكثير من الموظفين لضبط اسعارها.. واتحاد الجمعيات اصبح غير قادر على توفير هذه المصروفات لضبط عملية الاسعار». وافاد المطيري ان «لجنة مراقبة الاسعار فقط تكلف اتحاد الجمعيات سنويا 50 الف دينار كرواتب.. ووزارة التجارة ابتعدت تماما عن ضبط الاسعار، والدليل انها لا تتحرك.. ولا نتلقى دعما منها اطلاقا.. اما وزارة الشؤون فهي تتفرج وكأن الامر لا يعنيها». تاريخ النشر: السبت 21/7/2007
والله هذه مصيبه وين اعضاء الجمعيات وين التجاره وين الشون وين المواطنين يسون مظاهرات يعبرون عن الحاله اللي وصلنا لها
الشرهه على رؤساء مجلس ادارة الجمعيات التعاونية شلون يدخلون الاصناف بدون كتاب من اتحاد الجمعيات بالموافقة على رفع الاسعار هذا المتعارف عليه لكن اللي صاير رشاوي الشركات الغذائية تدفع رشوة علشان اصنافها تدش الجمعية والضحية المواطن
لا تشترون من الجمعيات التعاونيه اشتروا من برا اتمنى لو يفتحون فرع wallmart عندنا ارحم من جمعياتنا التعاونيه لا تصوتون بالجمعيات اغلبها بوق خاصة الي بالجهراء الواحد يصوت لبناخيه مو علشان يستاهل علشان ما يبوق واحد ثاني غيره متخذين مقولة: اشرب قبل لا يحوس الطين صافيها فاهمينها غلط
ياجماعة الخير شنو الجديد على تجارنا ؟؟؟؟؟؟؟؟ واللي يظحك انه بعظ الاخوان يقول وين وزارة التجاره او الشؤون او او او والله ظحكتوني مو الدوائر الحكوميه اللي بيدها الحل والربط منو اللي ماسكها؟؟؟؟؟؟ مو اهم اللي ماسكينها !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! وقاعدين يشيلون ويحطون بهالقرارات على كيفهم حسب مصلحتهم ومثال على ذلك التكاسي كتوهم بهالشوارع لمصلحة منووووووو مولمصلحتهم؟؟ منو صاحب وكالة العدادات موالخرافي وقيمة العداد 500 دينار وللعلم سعر العداد بدبي 80 دينار واهم سابقينا بهالسالفه وقيس شكثر قرارات طلعت لمصلحتهم طفايات الحريق والسلع الغذائيه و و و والمصيبه العظمى ان اعضاء مجلس الرشوه اقصد الامه (واي امه ترضى على بوقة نفسها؟؟؟؟؟؟؟) لاهييييييييييييين ومايدرون ومايورون الا على مصاحهم الشخصييييييه ما اقول الا هذي الكويت صل على النبي عمار ياكويت
المشكله بالحكومه اضعف حكومه على تاريخ الكويت مافى قرار مافى خدمه للمواطن كرهونا فيهم والجمعيات بوق ومافى ارباح ياليت كل الناس يسوون مثل جمعيه الروضه ارباحهم اخر العام مثل ارباح المجموعه الدوليه خلاص راح نعيش مثل اول عيش مووش وروب او خبز ايرانى وحليب والله هذى العيشه صحه وعافيه ومافى امراض وعسر هظم
يا جماعة الخير جمعية السرة الاسعار فيها دبل الاسعار اللي في الجمعيات الثانية ... الحجي صارله أكثر من سنة وأخ ولد البورصة ما تبي جمعية الروضة تصير ارباحها جذي !!! اتوقع ارباح جمعية الروضة والعديلية كلها من أهل السرة --------------- انزين يا جماعة الخير ليش ما تصير جمعياتنا مثل بره Walmart - Tesco - Kmart وما شابه وليش نروح بعيد ... ليش ما تصير الجمعيات مثل مركز سلطان ما نقول الا حسبي الله ونعم الوكيل
لو يعطون اتحاد الجمعيات الصلاحيه لكي يستورد بضاعه من خارج الكويت جان الاسعار تكون مثل العالم بس وين الي يسمع ويبي مصلحة المواطن كل القوانين موضوعه لمصلحة التجار ما اقول الا حسبي الله ونعم الوكيل.
للاسف الجمعيات التعاونيه الاساس من فكرة انشائها كان حماية اصحاب الدخول المحدوده من ارتفاع الاسعار وجشع التجار الله يرحم ايام جابر الخير اسس كل شي له منفعه للمواطن ..لكن للاسف نحن من خرب مسار العمل التعاوني كيف لشخص غير مؤهل لكي يرسم خطط العمل لدي الجمعيه كيف لشخص غير مؤهل لكي يترئس اتحاد الجمعيات هل تعلمون اخواني ان رئيس الاتحاد الحالي كان شرطي ومنتف وحاله عليه الصدقه الان هدم بيتهم القديم وبنا البيت 3 ادوار وسرداب طبعا هذا الضاهر الخافي اعظم
ياجماعه انا عن نفسي ممكن اخر مره شريت الماجله من الجمعيه قبل 7سنوات وفي الفتره الاخيره طحت على لولو هايبر اسعار غير مبالغ فيها وجميع الاصناف موجوده ومرتب كنت في السابق اروح حق مركز سلطان واقارن لولو هايبر بمركز سلطان لا يوجد ادنى وجهه للمقارنه من ناحية الاسعار الى تدفعه في مركز سلكان قط منه تقريبا 30بالميه عند لولو هايبر
اتمنى تقوم شركة جديدة وتشتغل بهالشغله وتجيب بضاعه وتنزلها بالاسواق بارخص الاسعار عشان تكسر عين هالتجار اللي ما يخافون الله
